32
2
2
港鐵旺角站 E2 出口, 港鐵旺角東站 B 出口 繼續閱讀
電話號碼
34863737
開飯介紹
主打滷水、打冷小炒、火鍋及刺身的餐廳,其中火鍋湯底以滷水口味作招徠,並提供逾60種火鍋配料。而中國風裝潢以紅色為主調,座位寬敞舒適。 繼續閱讀
營業時間
今日營業
12:00 - 00:00
星期一至日
12:00 - 00:00
公眾假期
12:00 - 00:00
公眾假期前夕
12:00 - 00:00
付款方式
Visa Master AlipayHK 支付寶 現金 AE 銀聯
座位數目
120
其他資料
網上訂座
餐廳運作模式 - D類
酒精飲品
自帶酒水
切餅費
VIP房
電話訂座
賞訂座積分
外賣服務
加一服務費
獨家網上訂座
有關獎賞計劃
食評 (37)
餐廳:潮州鹵漢大飯店 (旺角)地址:旺角彌敦道620-628號瓊華中心8樓比你估吓香港人最鍾意同朋友食飯選擇咩類型嘅菜式🤪?根據非正式統計,香港人最鍾意同朋友去打邊爐、食日本菜🇯🇵、放題、中菜🥢、韓燒同打冷。相信唔洗講都知香港人十分鍾意打邊爐🍲,就算唔出去食,都會選擇去凍肉鋪同超市買材料返屋企同親朋好友打邊爐😌今次我就同朋友去咗旺角瓊華中心8樓嘅潮州鹵漢大飯店 @chiufury 打邊爐,佢哋新開咗兩個幾月,而我今次選擇去嘅原因喺因為佢哋可以一次過滿足我兩個嘅願望😍,將潮汕鹵水特式融入火鍋當中,真喺第一次見‼️潮州鹵漢大飯店喺香港第一間用鹵水去整湯底、創造咗潮汕火鍋嘅餐廳,除咗主打火鍋放題之外,佢哋亦有做潮汕打冷小菜,例如鹵水雞鴨鵝🦆、潮汕生醃海產🦐、小炒皇、羊腩煲等🐑,都幾多選擇,唔想齋打邊爐嘅話都可以叫啲小菜嚟食吓,一舉兩得😎佢哋嘅火鍋放題套餐有好多選擇,除咗有$68-$128不等、食唔同肉類嘅60分鐘放題套餐之外,亦可以揀散叫或者外賣自取火鍋懶人包,適合2-6人喺屋企慢慢享用👨‍👩‍👧‍👦,而我今次同朋友食嘅就喺鹵漢安格斯$158任食封門柳火鍋放題,都算幾抵食👍嚟到點可以唔試佢哋嘅特色湯底,除咗招牌鹵水鍋同潮汕沙茶鍋之外,仲有泰式冬陰功、豬肚花膠湯等,我哋就加$48要咗個鴛鴦招牌鹵水鍋同芫茜皮蛋鍋🍲,不得不讚佢哋嘅鹵水湯底真喺整得好出色,甘香油腴之餘仲一啲都唔會覺得太過濃味,就算就咁飲都仲得,亦唔會飲完有好頸渴嘅感覺👏,放豬紅、豆腐、鵝腸呢啲餸落去食一流,吸收晒湯底嘅精華同濃香🤤掃QR code落單有接近60款打邊爐配料可以揀,比較吸引嘅肉類有美國安格斯牛肩胛、紐西蘭羊卷、沙茶滑牛肉等,鹵水必食嘅緊係唔少得豬肚、鵝腸、鴨血啦👻,仲有得嗌熱葷包括麻辣鹵豬手、鹵水鳳爪、韭菜豬紅、麻辣豬肚等,色香味俱全,喺咪聽見都好想食呢😏?而自己仲可以出去拎超過20款蔬菜同丸類,潮州豬肉丸、潮汕牛肉丸、潮州魚蛋呢啲你絕對唔可以錯過😌我同朋友口痕另外點咗個招牌生鵝肝($148),份量都幾多有成六七片,對比起平時出面食一件煎鵝肝都要幾十蚊,呢度叫鵝肝算喺幾抵食🤑,放入鹵水湯底煮40秒就食得,配埋潮州地道嘅蒜泥醋仲可以去油膩感,真喺食多幾片都仲得😜 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-12
163 瀏覽
打開𨋢門入到來古色古香好重懷舊feel空間感大既火鍋店好多 呢間大得來仲要紅噹噹 幾吸睛😍不過做生意真系最怕 被停業開業大約兩個月就撞正疫情再度爆發😮‍💨怒漢無放棄到啊💪🏻💪🏻仲搞左個抗疫價益街坊🥰午市$158 安格斯封門柳 任食套餐-🔺美國安格斯牛肩胛-🔺手切封門柳-🔺西班牙黑豚肉片-🔺紐西蘭羊肉卷-🔺手打墨魚滑-🔺手打蟹籽鮮蝦滑-🔺自取火鍋配料湯底方面梗係揀咗店鋪主打既 滷水湯底啦第一次試滷水湯底 以為會好鹹 👀點知原來係甜甜地 好特別👍🏼又唔會搶左食材本身既味道肉類主食 牛/豬/羊 味道系點就唔洗多講😍🐂🐖🐑切得好薄 但仍然咬口不變 肉味香濃仲有其他海鮮 蔬菜 麵類等 都可以用QR CODE點餐當中最為印象深刻既其實系醉雞肉 🐔醉雞肉醃得超入味比火鍋既大火滾完之前都仲有好香既酒味🍾👍🏼一定要試吓🥤🧃可樂 芬達 忌廉 烏龍茶 呢啲都係習以為常嘅放題飲品另外仲有自家製嘅涼茶都可以任仲有最特別係大大支果粒橙 都一樣啲任攞唔嬲 照顧埋小朋友嘅需要😆 繼續閱讀
(以上食評乃用戶個人意見 , 並不代表OpenRice之觀點。)
天寒地凍無野比打邊爐更好!今次推介係香港比較少有嘅潮底鹵水鍋底打邊爐放題同樣用qr code 落單,飲品則自助形式!鹵水湯底惹味帶甜,食完唔會覺得口渴!鍋內原有嘅滷豆腐外層滷得入味,內裏嫩滑!肉類:手切封門柳 細塊少少,肉味香濃之餘,質地都夠滑!安格斯牛肩胛 大塊d,肉味更濃,口感就無前者稔滑!推介要沾沙茶醬有強烈加乘作用!吸味之選:魚皮 必叫,酥脆吸味~百頁豆腐同滷豆腐 都超吸湯!鴨血 同滷水都非常match稻庭烏冬 滑滑口感煙韌娃娃菜 煮完有種鹵白菜概念海鮮:海蝦 較細隻,不過夠新鮮,肉質紮實爽彈另外火鍋配料:潮式牛丸 有肉汁好味墨魚膠 用萬壽無疆碗仔盛住,幾有風味,墨魚膠有好多墨魚粒粒鮮甜有口感!熟食/前菜 韭菜豬紅 打邊爐都食到好幸福麻辣豬肚/豬手都好惹味,有d似口水汁,醬汁可以留反沾肉同樣好好味!飲品:罐裝/紙包唔算好多選擇,但好處係店有好多自家製涼茶、冷泡茶同橙汁一渣渣比人拎番座位慢慢倒黎飲最後真係覺得有種食滷味感覺,大滿足!$268免加一 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-05
165 瀏覽
聽日就小寒,就會諗起圍爐打冷除咗嗌餸食飯之外,其實仲有潮式打邊爐,咁特別不妨約自己人一齊試呢間特別在有鹵水火鍋湯底,甜甜地放咩材料落去滾,都會變晒鹵味,好易入味呢度有120分鐘放題餐,材料任嗌,豬牛羊海鮮都係任食牛有好多部分,例如有牛小排、牛肩胛、牛肉眼、封門柳、一口牛、牛板腱,仲有和牛𠻹!大胃最鍾意牛胸油,爽爽地好有牛味肉片多數係薄切,淥起上嚟好快熟,更有肉香但又唔會膩除咗牛,仲有豬同羊肉,羊肉唔會太羶,配沙茶醬一流豚肉肥瘦啱啱好,一樣唔會滯仲有好多食材可以落單,有唔同種類嘅魚滑、餃子、海鮮、豆製品等等,每樣都唔hea,幾有質素㗎有啲材料可以出去自己攞,就好似蔬菜、菌類、肉丸,食材睇落都綠油油幾有朝氣嘢飲種類唔算多,但相當有誠意粒粒橙可以一大支咁攞,亦有自製涼茶係一大揸咁拎 繼續閱讀
(以上食評乃用戶個人意見 , 並不代表OpenRice之觀點。)
天氣凍凍地🥳去打邊爐就最正👍🏼喺旺角開咗間好有特色嘅新派潮州菜,仲首創咗潮仙風味鹵水邊爐湯底~咁潮!即刻去嘆嘆先💗餐館叫做「潮州鹵漢」,攞咗潮州怒漢嘅同音字🤩而裝潢設計以紅色為主調,夠晒摩登👍🏼用餐區好闊落舒適。細看之下,仲會見到一啲舊式懷舊風用品,例如~上世紀嘅中式痰罐同埋萬壽無疆功夫茶杯⋯配埋新派裝修💗古物變潮物👍🏼好Match!🔶湯底點咗2款充滿潮式風味嘅湯底~鹵水湯底以前真係未試過🥳原來係店家首創👍🏼 鹵水味道濃郁鮮甜有回甘~入面已經有鴨血丶鹵水豆腐丶中芹丶京蔥⋯全部都吸晒湯底精華💗好入味~另外沙茶湯底都好唔錯👍🏼以自家製沙茶醬調製,有滿滿蝦乾鮮香,又有蒜香丶鹹香,味道多重有層次。🔶火鍋x九宮格每款正價湯底會包埋一份九宮格九款唔同嘅配料👍🏼每一格嘅配料都用萬壽無疆杯盛載著~打卡靚喎🥳當日配料有西班牙黑豚片丶潮仙牛丸丶萵筍丶雞肉丶炸枝竹丶潮汕魚片丶白蘿蔔丶芝士腸⋯💗啱晒我地人少少但係樣樣都想食嘅狀況👍🏼我最鍾意好彈牙嘅潮汕魚片同埋超吸湯嘅炸枝竹。🔶封門柳靚肉手切封門柳都係我打邊爐首選之一,見到依到新開幕有優惠🥳當然要點返碟👍🏼肉味濃郁肉質又嫩。🔶脆米荔枝蝦丸造型好有驚喜!彈牙滑溜嘅蝦丸以脆米包著~炸得熱烘烘,外型似足一粒粒荔枝🥳一咬落去半溶芝心餡爆曬出嚟,口感豐富👍🏼正!🔶自家製菊花蜜(凍/熱)我地點咗熱嘅🥳入口滋養潤喉,滲著清甜菊花香,解熱氣一流👍🏼🔶功夫茶凍將潮州傳統功夫茶轉化成甜品~藏喺淡奶裏面有功夫茶凍糕~質感滑滑清爽,入口滿有茶香💗配合埋軟糯香甜嘅紫米~整體味道好夾有驚喜🔶牛奶芋圓西米露好有奶香💗芋圓顏色靚又Q彈~中間一大球看似是冰淇淋卻有一絲絲條狀口感👍🏼 入口綿密即溶。除咗打邊爐,呢到仲有潮式熱葷小炒同埋招牌鹵水系列👍🏼選擇都幾多元化。 繼續閱讀
(以上食評乃用戶個人意見 , 並不代表OpenRice之觀點。)