169
11
7
港鐵旺角站 E2 出口, 港鐵旺角東站 B 出口 繼續閱讀
電話號碼
34863737
開飯介紹
主打滷水、打冷小炒、火鍋及刺身的餐廳,其中火鍋湯底以滷水口味作招徠,並提供逾60種火鍋配料。而中國風裝潢以紅色為主調,座位寬敞舒適。 繼續閱讀
營業時間
今日營業
12:00 - 23:30
星期一至日
12:00 - 23:30
公眾假期
12:00 - 23:30
公眾假期前夕
12:00 - 23:30
付款方式
Visa Master AlipayHK 支付寶 現金 八達通 AE 銀聯 JCB Apple Pay Google Pay 微信支付 OpenRice Pay
座位數目
120
其他資料
網上訂座
Wi-Fi
酒精飲品
自帶酒水
切餅費
電話訂座
賞訂座積分
外賣服務
加一服務費
獨家網上訂座
當面支付
以上資料只供參考, 請與餐廳確認詳情
有關獎賞計劃
食評 (192)
等級4 2023-01-24
106 瀏覽
🌃 餐廳位於旺角瓊華中心8樓全層, 鄰近於旺角港鐵站E2出口,餐廳主打 潮式新派火鍋放題, 餐廳設計以中國紅為主色, 走中國風路線, 以潮汕鹵水鍋馳名,座位以四人為主,坐位空間寬敞,大堂設有多個自助吧。.🤠 餐廳提供多款潮式火鍋放題選擇, 通粉foodie 叫了Plan B 8樓海鮮鍋(上湯) 120分鐘任飲任食安格斯牛肉+ 海鮮+火鍋配料+指定啤酒 ,價錢$298/一位,另加一。.🥘湯底💟 呢個package只包括清雞上湯, 如改鍋底另加價錢, 而小編就選了上湯, 因為叫了8樓海鮮鍋, 上湯可以保留海鮮嘅鮮味, 唔會被湯底味道蓋過。.🦀 8樓海鮮鍋拼盤(一次性)👉 包括 蟹、鮑魚、海蝦、蟶子、帶子、花甲、海蜆 等,食落都幾新鮮, 啲肉唔梅。.🥓主要肉類👉 包括安格斯牛肉、牛肩胛、牛頸脊 、牛板腱、 豚肉片、羊肉片等。💟 安格斯牛肉屬於上等級數, 牛肉紋理幾靚,油花分佈均勻, 輕輕咁碌一碌就食得, 食落牛肉味比較重。.🥘 熱盤及小食類👉 包括 豉椒爆炒金錢肚、糖醋骨、椒鹽海蝦、辣酒煮花螺、麻辣雞煲、 蒜蓉粉絲蒸生蠔、 韭菜豬紅、 麻辣豬肚、麻辣鹵豬手、普寧豆腐、潮式反沙芋、炸春卷、 炸蝦餅 ,還有很多款未能盡錄, 可見潮式小食都有唔少。.🥚配料類👉 包括 花雕雞件、脆鯇魚、鯇骨腩白鱔、沙茶牛肉、魷魚、 鵝腸、 鴨血 、響鈴、炸魚皮、 手打鯪魚滑、 手打墨魚滑、 手打蝦滑,仲有唔少嘅丸、蔬菜、潮式伊麵等。.🍮 甜品類👉 較有特色的甜品 ,有自家製紅棗鮮奶燉花膠、 自家製涼粉等。.🍹飲品類👉 包括各款汽水、茶飲、果汁、啤酒等。.🍦 有唔少雪糕雪條可以選擇, 不過只有較平價嘅品牌。.📍 潮州鹵漢大飯店旺角彌敦道620-628號瓊華中心8樓.此價格只供參考及以當時為準,實際價格或會與本文章有所差異。-- 繼續閱讀
(以上食評乃用戶個人意見 , 並不代表OpenRice之觀點。)
📌 潮州鹵漢大飯店 - 旺角彌敦道620-628號瓊華中心8樓🗓(11/1) 星期三 ⏰ 晚上7點左右💈特式:講開潮式野,我諗大多數人第一時間都會諗起滷水鵝/蠔餅/打冷之類,但今次我去食呢間係潮汕滷水火鍋,真係夠晒新鮮感。🥩🍔🌭🌮🥗🥯🥘🍲🍝🍣🥟🍤🍱食物:佢地分別有(A/B/C) 3個唔同價錢嘅餐可以選擇,分別就係A餐包左進口肉類/火鍋食品/特色小食,B餐就係升級左做安格斯牛肉同多左手搖海鮮包,C餐就多埋潮式醬油漬海鮮任食,每個餐大約都係相差$50~70蚊,等我同大家講下🍲味道先。🦞🦑🐙🐚因為第一次嚟食,所以就先試下佢個B餐,個手搖海鮮包可以揀麻辣味/蒜茸味/醬油漬味,入面有龍蝦/鮑魚/帶子/東風螺/花蛤/墨魚仔/吊桶/金菇,各樣海鮮都好新鮮,有鮮味仲大大隻。⭐️湯底就當然揀佢地個招牌滷水火鍋湯底啦,佢個湯底有好香滷水料味,一d都唔會咸,但入到喉嚨就會有少少辣辣地嘅味道,好惹味,湯底入面仲有豬紅同潮式滷水豆腐做配料,兩樣都好好食。🐮🐷🐐肉類就可以揀安格斯牛頸脊/安格斯牛板腱/安格斯牛肩胛/紐西蘭羊肉卷/西班牙黑豚肉片。🦐🐚海鮮就有蝦/白鱔片/是日海鮮選擇。⭐️當中我覺得安格斯牛頸脊/蝦/白鱔片最好食,另外肉類處理方面亦做得非常好,每碟肉上到格係可以輕鬆逐片夾起,唔會雪到實晒,又或者過份解凍到痴埋一疊。🐔🐤另外其他火鍋食品選擇都唔少,當中我推介花雕醉雞片/手切脆肉鯇片/鵝腸/鴨血同埋各款手打滑類,外面仲有自助區,亦有唔少食物可以揀,真係多到數唔晒,應有盡有,當中手打滑真係推介必試。⭐️特色小食亦有不少潮汕招牌菜可以揀,包括麻辣豬手/豬紅/普寧豆腐,另外出面自助區亦有幾款是日熟食/小食可以自取,不過就日日都唔同,今日就係蒜蓉蒸蠔/蒜蓉蒸帶子/滷水鵝/胡椒鹹菜豬肚湯/潮式反沙芋頭/黑椒金錢肚/咖喱燴牛筋/干鍋豬軟骨/辣酒東風螺,每樣水準都好,拍得住出面d老子號潮式餐廳。⭐️⭐️⭐️甜品必食推介就係佢地個滷漢自家製涼粉,好食到唔知點形容,我只可以講我一個人食左4碗🥣🥣🥣🥣。☕️🍵🥤🧋🍺🍷🥃🍹🧉🍾🍶🥛飲品 - 飲品仲有雪榚/雪條係自助形式,自行去雪櫃揀選,飲品種類都唔少,有一般汽水/茶/果汁/清熱飲品,啤酒就有Hoegaarden/獅威/Jolly。🍽環境:餐廳佈置好中式,亦好有潮洲特色,包括餐具都好有潮州feel,裝修主要係以紅色為主,令人感覺好火辣辣,而且仲會增加食慾,環境乾淨企理,抽風亦做得唔錯,唔會好大油煙。🤵🏻🤵🏻‍♀️🤵🏻‍♂️服務:店員服務態度超好,⭐️係超超超好,首先會向好清晰客人介紹唔同set嘅內容用包括咩食物,入座時因為會先上手搖海鮮,店員會提供晒手套/圍裙,店員見我影完相即刻9秒9衝過嚟幫我處理個手搖包,話怕我整污糟自己d衫。之後餐廳上菜/收碟速度係我出去食飯之中最快,⭐️係最快呀,無論落單/職員收碟都係1~2分鐘內搞掂,就算海鮮手搖包/湯底/食物都係1~2分鐘就到,亦無漏單/扣單情況出現。仲有,呢度係我出去食咁多次火鍋,第一次係由職員發現個gas爐無gas先過我坐係度食緊嗰個。💰💸價錢:今日食個B餐就係$298/位,價錢同出面大部分火鍋放題餐廳差唔多,但佢比較特式,而且食物種類多/質素好,服務超班,所以我整體都覺得係抵食。🐲💬總結:今次係我第一次食潮式滷水火鍋,感覺唔錯,食物選擇多又特別亦係佢其中一個賣點,我相信我一定會再返頭幫襯,我下次應該會嚟食佢有得食醬油漬海鮮嘅餐。推薦指數:❤️❤️❤️❤️❤️(超推介⭐️) 繼續閱讀
(以上食評乃用戶個人意見 , 並不代表OpenRice之觀點。)
等級4 2023-01-07
514 瀏覽
好味指數😋😋😋回頭指數 ⭐️⭐️開心指數🤗🤗🤗見到呢間任食打邊爐係標榜鹵水嘢,好似好特別,就諗住試吓!之前佢有4款價錢,但今次去到得返3款$208/$298/$378(呢個係夜晚正價時段),$298有手搖海鮮袋,多D 其他火鍋配料揀,$378就有手搖海鮮袋 + 汁醃海鮮,同埋再多D火鍋食品選擇,星期五六日假期及前夕額外再加$20,可以食120分鐘,$298同$378 可以食150分鐘。因為我同朋友都比較懶食海鮮,就揀咗最平嘅$208,湯底揀咗招牌鹵水鍋。鹵水鍋入面有鹵水豆腐同麻辣鴨血,呢個湯底本質上已經令食物好夠味,鹹味之中帶少少甜味,當然都有火鍋調味料自己溝嘅。本身八卦想試鹵水湯底打邊爐嘅我,係帶住一份好奇,會唔會好特別呢?🤔食完後,覺得冇特別冇驚喜,食到中後段,已經加咗兩次清湯,唔知因為湯底係鹵水,會越煲越濃,定係條脷不斷食鹵水味嘅關係,後段會覺得有少少太鹹。出面有自助蔬菜、菇、丸類、豆腐、鯪魚滑、鮮魷、豬皮、牛栢葉等等正常配料,另外都有D 熱食,相對平常任食邊爐嘅熱食,呢度提供嘅熱食係比較少見同埋款式多嘅,例如胡椒豬肚湯、咖哩牛筋、黑椒炒牛肚、辣酒冬風螺、鹵水浸鵝件、港式椒鹽蝦、香芋地瓜丸等,本身都幾期待嘅,揀咗2/3 嘅熱食各試一件,我自己覺得最好食係咖哩牛筋同胡椒豬肚湯,其餘都係好一般,最失望嘅係黑椒炒牛肚,D 牛肚非常硬!飲品方面,正常罐裝盒裝飲品都多選擇嘅,最特別係有 Hoegaarten Rosée,甜品方面有反沙芋、幾款杯裝雪糕同雪條。另外都有用 QR code 落單嘅,$208 呢個 basic 餐,可以點嘅肉得4款:安格斯牛肩胛、安格斯肥牛片、豚肉片、羊肉卷,質素中規中矩。反而3款熱食好好食,我覺得普寧豆腐最好食,新鮮炸起熱辣辣,外面脆口,豆腐非常軟滑,麻辣鹵豬手非常入味又煮得夠淋,韭菜豬紅都好惹味!兩款落單甜品就唔算有驚喜,自家製涼粉中間有黑糯米、芋圓薑糖水都係正常發揮。試過之後,我覺得CP 值唔算太高,可能因為我哋冇揀食海鮮嘅餐,只係食最 basic 嘅嘢,所以質素都係最 basic,而湯底、熱食亦冇預期中咁好食,講真,$208 加一再加$20,每人大概$250,呢個價錢,可以搵到肉類質素更好嘅任食邊爐選擇。服務方面,帶位哥哥嘅服務態度係好好嘅,店員執碟都好快手,不過樓下嘅宣傳姐姐,就唔知算唔算有少少誤導成分,我哋等lift 上樓時,已經係夜晚7點,仲響度嗌$168起,而$168 呢個價錢係7點前離座,雖然我又唔覺得錯嘅,但6點半後改嗌$208起,可能會合理少少~ 繼續閱讀
(以上食評乃用戶個人意見 , 並不代表OpenRice之觀點。)
Hello 2023 ~~~! 新一年 同屋企人食新派潮州火鍋行過旺角瓊華中心 幾乎全座都打邊爐除了常見食開的日式火鍋和台式火鍋門口派傳單的姨姨介紹好詳細主打潮州火鍋 都係任飲任食玩法屋企人一見到 就話好想食 最後埋單平均每位$300幾就有任食火鍋 海鮮鍋 大部分火鍋料都好齊全而最吸引 就是潮式鹵水湯底!口感濃郁而不油膩 一食愛上 😍 按人頭每位有海鮮拼盤包括:蟹 鮑魚 帶子 蝦 蟶子 花蛤而火鍋料用QR CODE下單 包括:安格斯牛頸脊 安格斯牛板腱美國安格斯牛肩胛 美國安格斯肥牛片西班牙黑豚肉片 紐西蘭羊肉卷脆鯇魚腩 鯇骨腩 海蝦手打墨魚滑 鮮蝦滑 鴨血沙茶牛肉片 花雕醉雞片 丸類 餃類外邊櫃枱也自取菜類和豆製品個人喜歡牛頸脊牛板腱 肉質嫩口而墨魚滑很彈牙 餃類也大粒足料必食有豆卜 鴨血 鹵水汁超入味!!! 打邊爐之外 店員仲介紹潮汕小食都係用QR Code落單任叫鹵水鵝片 韭菜豬紅 麻辣豬手普寧豆腐  胡椒鹹菜豬肚湯  炸物等等屋企人都話 剩係食呢d都豐富夠飽 🤣 店員仲推介 "醬油漬海鮮":即係日式醬油漬蠔肉 日式醬油漬墨魚潮式汁浸熟蝦 潮式汁浸花甲看似樣子普通 食落卻很有質素醬油漬的味道濃郁 新鮮而不會苦 👉 B餐   海鮮鍋+安格斯牛+火鍋配料+啤酒每位$298 (6點至9點半入座)👉 C餐   醬油漬海鮮+海鮮鍋+安格斯牛+火鍋配料+啤酒分別就有埋 "醬油漬海鮮"都係每位$358 (6點至9點半入座) 繼續閱讀
(以上食評乃用戶個人意見 , 並不代表OpenRice之觀點。)
等級4 2022-12-29
395 瀏覽
.♡ —————— 𝗗𝗲𝘁𝗮𝗶𝗹𝘀 —————— ♥【餐廳】潮州鹵漢大飯店 @【地區】#Dr_eat_旺角【類型】#Dr_eat_放題 #Dr_eat_火鍋【價位】中低價位【用餐時段】晚市【餐廳主打】潮州滷水火鍋放題【𝗛𝗶𝗴𝗵𝗹𝗶𝗴𝗵𝘁】推薦A-D四款任食火鍋放題套餐────────────────────【環境/服務/衛生】。中國風的中式裝潢為主題,以紅色為主調。分成四個區,飲品區,飲品區,火鍋配料區及熟食區.【價錢 星期三 套餐B $298/人 未加一】。套餐B 18:00-21:30入座。120分鐘無限任飲任食 + 8樓海鮮鍋 .【特式湯底】。六款特色湯底中。最推薦的當然是招牌潮州滷水湯底。自家製嘅滷水湯底。加入鵝骨,鵝肉,八角花椒,鴨血,滷水豆腐,中芹,京蔥等而成。滷水味相當濃郁,鹹甜甘香,又帶點微辣. 【8樓海鮮鍋】。有鮑魚,蟹,海蝦,花甲,帶子及蟶子。樣樣都好新鮮,特別係鮑魚同蟹。鮑魚口感紮實又彈牙。蟹肉嫩滑仲有吾少膏添.【海量特式火鍋配料】。火鍋配料分別在自助區及QR code。牛肉:安格斯牛頸脊,牛板腱,牛肩胛等。豬羊:西班牙黑豚肉片,紐西蘭羊肉卷。滑類:手打鯪魚滑,手打墨魚滑,手打鲜蝦滑。丸類:芝士腸,潮汕牛肉丸,香菇燒等。其他:鴨血,鹅腸,水餃,寬粉,稻庭烏冬等。小評:想食嘅種類都應有盡有,特別推薦滿有潮汕特色的韭菜豬紅,滷水豆腐,醉雞,黑松露手打墨魚滑,印象分加左不少呢.【熟食區是另一個天地】。新增設的熟食區,建議去行返數轉。有糖醋排骨,炒風螺,清蒸海鮮魚,鹵水浸鵝件,黃油鹽焗雞,港式椒鹽蝦,香芋地瓜丸,春卷,泰式魚餅等。小評:一般放題供應的熟食大多都是3-4款,而呢到至少有6款,而款式亦是輪流上,每次出去自助區都有驚喜呢!而炸物最愛泰式豬肉春卷,外層薄脆,內裡係滿滿的餡料.【飲品+甜品+雪糕】。一般嘅汽水,啤酒,冷泡茶都有。仲有Hoegaarden Rosee Bear添。雪糕以雀巢雪糕杯為主。小評:推薦滿有特色的甜品,紅棗鮮奶燉花膠及自家製涼粉────────────────────•• ┈┈┈┈┈ 𝗦𝗘𝗘 𝗠𝗢𝗥𝗘 ┈┈┈┈┈ ••【地址】旺角彌敦道620-628號瓊華中心8樓【分店】N/A【℡】34863737【營業時間】星期一至日 12:00-23:30 繼續閱讀
(以上食評乃用戶個人意見 , 並不代表OpenRice之觀點。)