潮州風味酒家 (已結業)

難得同朋友一早係西環，想飲茶，no新式茶樓，no連鎖，試下哩間啦。入到去，裝修ok喎，古色古香，環境算干淨。可能仲早，大部分老人家，好和諧，靜靜地。坐低睇餐牌，星期日竟然有特價，估佢唔到呀，有孖寶食物仲全部大大碟，味道ok，有質素，真係唔俾好評，都唔得特別推介煎蘿蔔糕出面係$4x既野，佢只係孖寶價，痴線架釀茄子大件，d魚肉肥dodo，好抵食其他點心都好ok，係個粥爭少少，2個人8樣野，$144埋單， 捧住個肚走

今日佛誕假期去飲茶，可能早的關係無人等位，因為潮州酒樓當然開壺「鐵觀音」啦，菜葉有半壺咁多，一倒出來香氣撲鼻，入口甘苦順滑......好，成餐最值得讚已經讚咗喇現在開始講吓點心，首先來「潮州蒸粉棵」，皮薄多沙葛，爽口「欖菜咸水角」熱辣辣、脆口外皮，有欖菜所以咸咸地幾野味「黑椒金錢肚」可能少人點，雖然未到壞但好大陣雪味，底下的白蘿蔔有點酸，算了，我唔想肚痛，唔食喇「乳香雞蛋散」好耐無係酒樓見過，唔夠鬆但食得嘅「家鄉煎薄罉」見到隔離那檯都有點，但未食過咁實的薄罉，只吃了一角就算連打包都費事仲有阿姐的服務態度真係有問題，無禮貌非常，好吧，我唔會再來受氣

呢間潮州菜館就在家附近，已幫襯過好幾次，早茶、午市、晚市都試過。想講一講佢哋嘅服務。呢間菜館並非大集團連鎖式經營，亦並非家庭式管理，他們就像老一輩同鄉會型經營，服務確實係比較個人化，沒有系統。他們忙碌時，可以好混亂，但有時又像街坊般有善，就當係呢間菜館嘅特色。街坊生意，不求服務。整體來講，這菜館最值得欣賞是廚房出品，我是幾喜歡這菜館的食物品質，不論早茶點心、午市、晚市小菜，我都覺得不錯，試過好幾款不同點心及小菜，真的比其他連鎖式餐館優勝。

第二次幫襯，依然不知所謂！但要讚門口那位小姐（因只有她最稱職）其餘百份之90都冇人做嘢！有人等位（有多張吉枱，可惜冇人𢴇枱）講吓食物，e間係潮州酒樓，滷水，，招牌菜之一，但今日嘅滷水鵝，皮下脂肪極厚，都冇所謂，但一食落口滷水汁完全冇滷水味，超淡，不合格。但係一樣還一樣，依度啲點心，講真一般都不錯的。叉燒腸粉-叉燒頗多，味道正常菜苗蝦餃-料很充足，非常飽滿白灼芥蘭-賣相差，亂七八糟蓮蓉煎堆-皮實在太厚豬肚燒賣-兩塊大豬肚（出面酒樓很少有得食）總括嚟講點心都不錯的！但員工嘅質素，真的有待改善

因為只落一條街貪方便同屋企人入咗去試，入去無人帶位，問員工只叫我哋入去，落完單漏單，員工在我們隔離粗口訴苦，之後又有人嚟問我哋點解坐這張枱...總括而言，食物是可以的，但感覺全家酒樓怨氣沖天...

經 open rice 訂 8:30pm 有5拆，我地8:18pm 去到，服務員話未夠鐘唔入得。咁我地攞個 menu 睇吓食咩啦… 8:26pm 另一個服務員俾我地入坐，入坐後我話可以落單啦，服務員又話未夠鐘 😓 終於落咗單，我地叫咗* 鹵水鵝 - 尚算可以* 香腸墨魚 - 墨魚 ok, 香腸好硬，通常香腸墨魚都會淋豉油，但呢間冇，所以呢碟香腸墨魚係冇味嘅* 辣酒煮花螺 - 只有花椒味冇酒味，花螺好細隻最後埋單花螺冇半價優惠，我問點解落單時唔講，服務員話以為我知，我覺得被欺騙囉… 😤我坐近收銀附近，有兩枱埋單時都有爭議。我唔會再去呢間食店。

好想好想食真正的潮州菜，有個潮州朋友介紹，西營盤開了一間新的潮州菜館，佢話潮州人一食，就知道係真正的潮州菜。一去到見到裝修幾好，老板過來介紹時，話佢地係賣味道，賣心記，賣食材不是賣伴碟，佢話好多食材是由潮汕直接運到鋪頭，並請潮汕老師傅親自來港烹調。我地三個人叫左凍烏頭、炸豆腐、蕃薯粥、鵝片、鵝頸同紹菜煮魚鰾，最後還叫了一個反沙芋！我本身唔係潮州人，但那條烏頭同炸豆腐真係食到好回味，超級超級推薦炸豆腐，香港真係無其他地方食到，非常豐富豆味，軟綿入口即融，外脆內超軟，必試！

朋友介紹嚟呢間食潮州菜，裝潢咁靚又係食潮州菜，價錢一定貴。點知唔貴喎直情係平，食味都唔錯，功夫湯幾有潮味特色，叫咗個青欖燉豬肺，幾好飲，青欖燉湯原來好甘香清甜。個胡椒咸骨芥菜煲好夠味，市面上一般的芥菜豬骨煲是用豬骨桶的，原來正宗潮州菜是淹咸豬脊骨做的，怪不得加上大芥菜味道咸香。好味! 蠔餅並不像市面既樣式，市面都是炸，原來正宗係煎。食落唔會好漏，可以食多幾件。最後就係鹵水鵝片，鹵水夠味，鵝片夠腍，好食！

潮洲酒家，落單叫鵝一隻及8個小菜，事件一）之後過15分鐘話鵝賣晒，叫我地轉魚，仲話平d比我地，$299，一魚兩食因為叫左菜，好肚餓，就話ok啦最後埋單：$598，話$299一味魚，兩味$598！明明個時話唔好意思，落單之後無即刻通知無晒鵝，仲話比平d，$299！事件二）全枱8個大人，全部食到花生雞腳煲有「宿」味，向待應反映；轉頭話大廚唔覺宿，但可幫我地換第二個餸-介菜煲；埋單發現介菜煲比花生雞腳煲貴左$10事件三）7:30落單，9:00本身落既單一個都未到，一邊吹，一面拎張單入黎問邊d未到，最後⋯越夜越多餸左枱面上，不斷講「取消唔到」事件四）加叫2個白飯，姐姐棒上一個，話白飯正在煲緊，一煲好比我地⋯事件五）全場只有大約5-6枱客，個個都吹、問、鬧待應d 餸仲未黎事件六）當我同隔離枱一齊氣沖沖離開時，待應微笑，我假設i) 佢好開心騙左我們錢了；ii) d 人終於肯走，唔使再比我地煩總結：大部份食材都是冰鮮、不斷游說你叫d貴既食物，但自己又唔料炒，唔誠實做生意

屋企人最鍾意食潮州菜，今日我要介紹西環新開呢間潮州菜，環境唔錯，門口方便泊車，坐地鐵喺西營盤都好方便⋯⋯我本人最鍾意食潮州嘅醃蟹、估唔到呢度有，真係難得醃蝦獅蚶今日有口福俾我喺呢度食到意外開心，聽講可以補血凍馬友，我女話涼涼地，鹹鹹地，好好食涼瓜排骨煮得好好，夏天消暑好介紹～點解一定要二百個字先可以評分啊？好啦，咁我就講多幾句嘢啦呢度可以來試吓，價錢唔貴，環境乾淨、舒服，菜品好正宗，飯後仲送埋甜品綠豆爽開心之選

今日一行６個人去左西營盤呢間新餐廳食飯，以為只得潮州菜食，點知原來佢地午市同早市都有茶飲，點心仲好抵食！不過朋友都叫左幾個潮州菜同小菜試下，我地叫左墨魚鵝片、方魚炒芥蘭、韮菜炒魷魚同埋潮州紅棗糕，因為太餓，一上菜食左一半先記得要影相！之後我地再叫左Ｄ點心，點心好好食，仲好抵食，價錢由10幾蚊到20幾蚊，侍應話點心都係即叫即蒸，都算好味，特別係個潮州紅棗糕，熱騰騰，好好味！我地離開時，見到有兩個侍應問個伯伯住邊，原來伯伯自己行動都唔係幾方便，但就推住坐在輪椅的太太去嘆完茶，之後就見到兩個侍應送佢地兩個老人家返附近既屋企，佢地咁貼心關懷老人家，真係要比個Like佢地！

買餸經過呢間酒樓，新開啲菜式好吸引決定同家人一齊嚟試吓～整體感覺好好，環境好靚，好乾淨，啲食物價錢都OK。我哋食咗好多好多嘢，應該以後都會經常嚟幫襯，週末可以帶嫲嫲去飲茶，唔使上落電梯好方便⋯⋯喺西營盤來講係一間唔錯嘅選擇我女最鍾意食佢哋嘅糖醋麵，又香又脆，係用糖同埋醋點嚟食嘅，老公最鍾意食滷水鵝味道好正我就喜歡食凍馬友煎蠔仔烙⋯⋯滿意嘅一餐，喺呢度可以搵到我哋大家各自鍾意嘅食物太多好嘢食啦，要多啲來吃