潮州城酒樓

營業中

休息中

朋友要求尖沙咀區晚饍、要圓檯方便傾計，而且沒有限時，主要都係中菜容易合乎要求。最後搜尋了8家中菜館給大家參考，有朋友好耐無食潮州菜，所以來到這家潮州城。對我而言，潮州菜是廣東菜中最愛吃的，相對地要求也不低。小時候應該跟過父母來這家位於尖東區的潮州酒家，但沒甚印象了。 由踏入酒家至打烊發滿空檯很多，整晚大廳只有三四檯客，我們一檯9人好像令酒家熱鬧不少。潮州少豆腐不過不失沙鯭魚😣依個魚完完全全無味，也唔夠香口涼瓜菜脯煎蛋不過不失煎蠔硌感覺是半煎炸而不是煎⋯鹵水鵝片肉質頗「鞋」，鹵水味唔夠，豉油嘅鹹味為主😖魚肚欖菜肉碎四季豆👍🏻方魚炒芥蘭👍🏻鮮腐竹上湯時蔬👍🏻荔芋香酥鴨原個豬肚鹹菜胡椒湯略嫌火喉不足，胡椒味可以加強兩面黃👍🏻一邊煎得香脆，加點點白砂糖和黑醋同吃！已經咁少人光顧，但有些員工嘅態度散漫，食物質素唔太滿意⋯雖然無限時任坐，但一檯九人大家都話無下次

與家中長輩一同食飯，很多時他們總會心疼我們的荷包，不願意選擇較為昂貴的餐廳。最近適逢老爺70歲大壽，經過多番打聽，終於找到這間寶藏級酒樓。（因為被老爺奶奶勒令不能食貴貴餐廳）位於尖東的「潮州城酒樓」自1984年開業以來，一直都是大班贏錢食魚翅撈飯的勝地。當年要花上半個月的工資才可慶祝一餐，而如今每位只需幾百元，無論豐儉都隨心所欲。酒樓出得場面，又平靚正，難怪有40年歷史仍然如此受歡迎。打電話至酒樓查詢套餐，對方有問必答，甚至可以將三個餐單混合，增減菜式，服務亦極具人情味。我不斷問問題，改期又改時間，對方仍是耐心回應 （sorry, 西客表現）這次訂了6人菜單，只需港幣2388元，包括加一服務費、鹹菜、茶芥及免切餅費，還可以享用包廂。菜單包括：- 時令燉湯- 鹵水大拼盤- 鹹菜葉梅汁煮鯧魚頭腩- 潮陽梅膏骨- 沙爹牛肉炒芥蘭- 鮮筍魚鰾炆雞球- 蘿蔔灌漿拼普寧豆腐- 鮮蝦水瓜烙- 芋頭鹹肉焗飯- 清心丸豆爽最終因為有9人出席，所以加點了鵝肝及糖醋麵。吃不完的食物還會打包帶走。 最終結帳金額為港幣2735.6元，每位只需304元，真是平靚正。最重要的是壽星公老爺開心。據說還有免開瓶費的優惠

去完博物館，諗住對面近近地搵間酒樓食晚飯，就去潮州城酒樓試下，原來酒樓佔二樓全層，裝修光鮮，座位闊落舒服。一坐低就有功夫茶飲，叫左鹵水鵝片、胡椒豬肚湯、鹽燒雞、水瓜魚鰾，估唔到樣樣都好好味😋，食物食材新鮮。價錢都好合理。甜品叫了潮州清甜湯，十分清潤。另外叫了福果芋泥，軟滑得來又有口感，非常好食。芋泥上的福果都好好食，好煙韌。兩個甜品甜度都好適中。食完飯又有功夫茶解膩。值得一讚係職員態度好好，細問之下才知道酒樓開了四十幾年，幾個月前新裝修。酒樓無論服務，食物都好有老香港的感覺，食得出酒樓係用心做食物。係香港愈來愈難搵到呢類酒樓，希望潮州城繼續用心做落去。

首先要讚的是這裡的服務真的一流，有種老香港，做熟客生意的感覺，我們公司飯局一行多人，終於有賓至如歸的感覺。潮州食店，當然會點滷水拼盤，大大碟，味道方面也是正常。午市也有點心類，這個XO醬炒蘿蔔糕則略為遜色，粉太多。黃金苦瓜，很特別，香口惹味，喜愛苦瓜的朋友一定要試。其他潮州食品全屬高水準！最後更送上傳統功夫茶，解油膩，大滿足。也許尖東算是一個比較傳統的商業區，這類傳統食店能夠做下去，絕對是食客的幸福。

今次去嗰間呢，扎實係好抵食嘅潮州菜之旅 🍽️！起頭喇，嗰個烤乳豬，真係厚！外皮炸到啪啪作響，入口即溶，肉質嫩滑至極，件事恰到好處。海鮮拼盤，每款丸子哈密翻彈牙，尤其係那蝦球，鹹鮮打得正！呢款餐單一向係我嘅心頭好，每次都要點。跟住呢，烤鴨實話實說，皮香肉嫩，啖啖肉真係唔使乜揀。再嚟個魚翅，湯頭深而不膩，食完之後，覺得落咗口福。清蒸那條東星斑，蒸到啱啱好，一啖就知新鮮入味。大蝦沙律就美味又異國，哈密瓜嘅清新加上啖啖蝦肉，爽口得來。飯後個綠豆糕次次都係我嘅最愛，滑溜溜嘅口感，甜而不膩。鮑汁菌菇呢道，嘩，口感熨貼，湯汁厚重之中透着細膩。每款菜色味道各有千秋，總之今次食飯食得好開心，唔單止填飽肚子，仲大飽口福。呢啲美味，簡直係輕鬆地撲面而嚟，留低難忘回憶 🥳。轉頭就同友人介紹下，又或者下次節日再黎轉轉，過下食神癮。

有時行到攰咗，成個人都嗌晒「食嘢啦！」唔洗再諗，我就企係呢家老字號茶餐廳門口。一入去，個肚已經餓到咕嚕咕嚕叫，聞到嗰陣嘅茶香同多士香味，真係心曠神怡。頂頭上司就係個金黃香脆嘅厚切多士，啖啖牛油嘅香甜喺口腔裏面融化🤤，啲緊緻嘅麵包層層相疊，薄脆外皮同鬆軟內芯形成一幕美妙對比。喺我差不多想同啲多士求婚嘅時候，鹹牛肉蛋治登埸啦。佢嗰股熱辣辣嘅鹹香，夾埋啲滑溜溜嘅蛋，簡直正到爆燈！😋成桌點咗咁多嘢，但重點一定係嗰碗絲滑牛奶冰。依然保持緊做法，個口感綿密到就好似喺雲端上悠悠，牛奶味濃郁得嚟又唔膩口，啱晒飲茶後甜品一流。我堅持，呢啲嘢真係老食客心頭好，一試鍾情。收皮之前，唔少得自己嘅招牌咖啡。苦中帶甜，啱啱好嘅香濃度。走出門口嗰陣，個胃已經好滿足，而我知道，食飽餐咁簡單，但咁滿足嘅感覺，唔係每間店都做到㗎。呢個味道，重溫咗無數次，但係每次都仲係咁掂！😄

發現工作地方附近都有好幾家酒樓，今日就去試下其中一家！酒樓係環住全層，要影影唔曬，樓下有個display 既位置，本身仲以為係果到入去，點知係乜野都無😂前菜我見到仲有花生，但佢好似無比我地，住個應該係類似。。。菜/蘿蔔？ 小小酸加麻油味，幾得意，如果有埋浸花生說好！係好舊式既酒樓，有啲菜放係到即刻攞俾你，豬手，咖哩都有套餐都幾抵食，可惜我地得三個人， 好多點心都可以試到叫左叉燒包，係蒸熱左黎既，外貌看似很不錯！唔係爆餡料，叉燒汁同包唔會好甜，唔會皮厚餡小，推薦！棉花雞外貌唔係咁吸引，但相對都大分，有三四塊棉花，味道唔會好濃同油。胡椒蘿蔔牛腩蘿蔔好淋，浸到入曬味，胡椒湯唔係好辣，微辣連老人家都接受到，牛腩都淋，但有啲會有啲韌要睇部位，整體都入味同好食點心拼盤想試依到既點心，所以叫咗佢。蝦餃唔算大隻，都幾新鮮，舊式粉果入面有粉葛。燒賣入面肥肉唔算好多，加頭頂粒粒蟹子好食，推薦大家都可以食依個！朋友見到佢依個係招牌所以都叫咗試下，留意最低要叫三個哦，個底有好多白芝麻，6埋一齊食好感豐富啲！蟹粉混埋左肉，蟹味唔算好重，包餡比例合適，味道也不是太重，大家可以自己揀叫唔叫

出菜超耐！食物過咸！價錢絕對唔低食！人手不足！祗替廳房出菜！大廳食客個個都食到發脾氣！起身走人！餸菜十分細碟！但價錢收到離晒譜。要取消餸菜兼埋單至出菜，但埋單一樣要等！一頓簡單的晚餐好似食了一圍酒席咁。

，我細細個已經聽過其名字了，一間屹立多年的，價錢收得不平，但食物水準尚算穩定。據朋友所言，這裡是的，所以不怕受業主加租所威脅。但眼下所見，週六的人流稍為冷清，直行直入之餘，還是可以揀個心水靚位。看個點餐紙，由三十餘元開始起跳，則收約五十餘元，其餘，收價則和大路的酒家差不多，至於屬主打的，亦不過是五十八元至七十八元不等，整體來說，屬可以的價錢。可惜那天的，只見到吊著一隻，隱約見到有少許滷物，反而坐位對著的，看來有點看頭，內裡盛著多款的，照著就可揀選心頭好。先來兩個五十餘元的，包括經常吃到的— 是也 !  相比起及其口感來得爽滑，挾起來也不碎散， 濃汁的味道也是不俗。再挾上底部的，爽口而沒半點，這個經典的配搭，確是百吃不厭，當然廚部的處理，還是功不可抹。此外還有，看似是簡單不過之物，其實還是有點小竅門，將食材放入中，配以及等物，經長時間下熬至入味，出來的口感甚為軟熟……原本有更加好的選擇，如換上的話可更顯特式風味，可惜當天遇不著，所以還是一個可堪的選擇。還有上面這碟，將等物切好之後，配以及同炒，味道帶點甜，理應是一道開胃的送酒物，可惜當天有點放涼，上桌時沒有重新翻熱，不免有點失色。來到，先

中旅社一天遊包餐:滷水拼盤有滷水鵝片,紅腸,布包豆腐,五花腩之後有碗翅好似有竹笙，再上方魚炒芥蘭炒飯，菜甫蛋餅,最後有蒸烏頭出場，茶是原片茶葉我們全部清碟真係好

下午茶係葵興一間酒樓食到背脊骨落，夜晚呢餐就食得好開心！真係無比較無傷害，上上下下服務周到，好有人情味，味道好，份量足夠，價錢相當合理，一家人食得好開心，坐得舒服，環境衛生又乾淨

今日有舊老闆想搞飯局 佢不嬲好鍾意食潮州嘢 提議左喺尖東呢間老牌潮州店潮州城食夜晚飯叫咗好多招牌潮州菜例如鵝肉拼盤 蠔仔餅 糖醋麵 香酥鴨 每樣都做得好正宗～！ 食得出鵝肉好新鮮 肉汁多 另外值得一讚嘅係呢度嘅炸嘢好香脆 叫咗椒鹽九肚魚 炸得金黃香脆 黃金豆腐磚都好香口 值得一讚蠔仔餅大大碟 蠔肉好多 食落口唔算太油 甜品當然唔少得潮州傳統 反沙芋 芋頭香甜 仲叫咗馬蹄露 清清地 買單$300一個人都唔使 性價比高 得閒可以encore 一班人食飯亦都可以有book房

好好味嘅反沙芋頭同芋泥🤍🥰話說我成家都係潮洲人，所以久唔久都會去食潮州嘢。有一日我爹哋懶醒咁話帶我哋去食潮州翅 (佢明知我都唔食翅既🤷🏻‍♀️), 去咗尖東一個比較舊式嘅商場，原來潮州城開業超過20年，上到去好有舊式酒樓嘅味道。其他嘢唔好講住，一定一定一定要嗌呢度嘅甜品！！！反沙芋頭同芋泥呢d心機野唔係度度都有整，呢度兩樣都有好開心！其他餐廳嘅反沙芋個糖皮好多時比較厚身搞到食落會好甜，最尾都會拎走晒啲好厚既糖就咁食舊芋頭。呢度個反沙芋頭真係一定要食☝🏻🤤 糖皮又薄又脆，成舊擺落口都唔會好甜，舊芋頭仲要超級軟糯，好開心🥰 然後講吓個芋泥，好香好滑😋 唔好理佢落咗幾多豬油，芋泥唔鞋口係好緊要架！精粹係啲白果度，預先烹調過既白果唔會太甜，可以中和返芋泥嘅甜味，d白果仲要粒粒都好煙韌，好味🥰 食完甜品仲有功夫茶飲，可以清一清d甜味同肥膩。返返去主菜潮州翅佢地個個都話好味，尤其是加咗芫荽同埋醋調味之後更加出色！然後水瓜烙同蠔仔粥都唔錯，蠔仔粥超足料粒粒都脹卜卜好鮮甜!

呢一間潮州酒樓好似已經開咗好多年，佢D潮州野都正宗好食嘅，鹵水鵝片、鹵水拼盤、蠔烙、水瓜洛等都唔錯，不過最有驚喜嘅竟然係佢嘅甜品，因為喺香港真係好難食得到好味嘅潮州甜品。先講個反沙芋，真係要好花心機時間慢慢整，火力太大又會燶，另外外面層糖又唔可以厚，因為太厚就太甜，會好難食。當然，芋頭本身都要夠靚，所以要食到好食嘅反沙芋真係一D都唔容易。芋泥真係令人又愛又恨，因為好食嘅芋泥一定要有一定份量嘅豬油去撈，咁樣先至夠香。另外好欣賞呢個芋泥有好多白果，中和返令食落去唔會咁滯。兩個甜品都有驚喜。

尖東嘅潮洲城酒樓開業超過20年，一直冇試過，一於就去試下💛個冰鎮鮑魚好正！凍凍地，勁濃鮑魚味🉑另外個魚湯有酸菜係入面，充滿潮洲特色，飲落幾特別！仲有個炸墨魚餅配上甜酸醬都好開胃滿足嘅一餐