潮州人 (已結業)

秋風起 終會想小酌幾杯暖暖身子 朋友提起潮州人這小店的醉野唔錯 聽罷 轉一轉站 便到了小店門前 時間可能尚早 客人只有我一個 見到餐單選擇不算很多 但款款都想食 要賣醉之餘 還要補補身招牌是花膠米粉但我想有米氣 叫了湯飯 下次再嘗米粉 店員還貼心問我要不要分開上 回「是～要的」.飯份量很足 花膠一大片 像一塊collagen本來想不食光整碗 不可以食太多carbs 但那個湯 真的很好飲 食下食下就成碗都飲哂 飯又食哂 好有胃口之下 又試左幾款小食 蝦啦 蛋啦 鮑魚啦 好 我覺得鮑魚幾好食 而蛋都幾濃味 不過個湯真係最驚艷 而且呢間店 好似令人食極都想繼續食 唔知係味天氣凍凍地 胃口好 總之 係幾開心既

一開始經過見到個店名咁特別以為係食潮州食物🤔點知望下個餐牌 原來係食米粉🥢今次我地就叫左二人餐 $183咁就可以揀兩款湯米粉 / 飯🍚仲會包埋醉雞腎，雞油燙菜🥬飲品亦可以選擇餐廳自家製低糖飲品2枝▫️金牌花膠撈米粉 (另+ $11)餐廳主打係金牌花膠碗麵一上枱有驚喜 因為花膠好大舊！口感好淋 好濃郁 撈埋米粉一齊食就更入味😋同埋餐廳都會附上一碗湯 如果驚乾得滯 可以加D湯再撈▫️清酒大蜆湯米粉湯底都有淡淡既清酒味🍶清酒煮蜆 哩個配搭其實都好小會唔好食😂可惜係細碗左D！▫️酒糟醉雞腎雞腎係幾淋 幾好食可惜既係花雕酒落得唔夠多 所以陣味唔太出🥲▫️雞油燙菜🥬娃娃菜比油燙過 但冇咩雞油味食落雖然唔會話好油 但普通🫣▫️飲品🥤揀左清甜竹蓆茅根水 同 媽咪龍眼蔘蜜自家煲既涼茶都好飲！因為係低糖既關係 飲品都唔會太甜👍🏻🔸總結．餐廳比較細同逼 坐得真係麻麻😣．價錢都算係平價 2個人食二人餐都唔洗$200，可惜既係米粉份量偏小，大食既真係可能未必夠飽😫

潮州人由舊舖食到黎新舖，味道係一如以往咁好食🤤不過新舖地方細左好多，以前起碼仲有兩張長啲嘅枱，今次去到見到得6張二人枱左右，好彩去到當日仲有一張，後面黎嘅就要等到有人走為止喇🤷🏻‍♀️清酒大蜆湯米真係世一🥺蜆夠鮮甜，湯底又出色，真係必試！！！本身十五十六要唔要叫醉雞翼米，但係小朋友先做選擇，大人梗係全都要‼️另外叫左碟醉雞翼，但係都係有啲湯好食啲，凍食嘅肉質硬左少少，可以再好啲整體黎講，係一間值得支持嘅舖頭❤️

我最鐘意招牌花膠米粉！花膠大大塊 都有4-5塊 湯底濃郁 好想再去食🤤🤤🤤清酒大蜆米粉 湯底係清酒味 啖啖米粉都索哂清酒既濃味 我就麻麻啦🤐蔘蜜我都唔識欣賞 我唔飲花旗蔘😂另外兩碗就普普通通.招牌花膠米粉 $53清酒大蜆米粉 $48甘白醉蝦米粉 $48蠔皇花膠撈米 $68二人餐會包埋菜同雞腎 龍眼花旗蔘蜜 可以試埋佢個醉雞翼 同樣好入味 好好食👍🏻

食物好快上枱，溏心醉蛋🥚$18好入味，重酒味，師父醉雞翼$28，我自己覺得反而無咁重酒味，可能係因為我先食咗醉蛋之後先食雞翼，所以個味蓋咗，養顏花膠湯米粉(細）$57，花膠大大塊，煮到淋身，入味，雖然無話好‘漿’嘴嘅感覺，但性價比都高，湯底也不錯，不過啲米粉我覺得唔夠軟身，有啲硬，服務也ok.#米粉#noodles#雞翼#蛋#egg#たまご#🥚#湯#花膠#性價比#chickenwings#醉雞#手羽先

本身係抱住必食花膠米粉既心態去潮州人，完全唔知有蔥油廣島蠔。點知最有驚喜係蔥油廣島蠔！！！😍😍😍每一粒廣島蠔都好大粒好creamy,同蔥油既味道好夾，六十幾蚊有五大粒，好抵食！！！😍😍😍花膠米粉當然都好食，大大塊花膠好足料，花膠既醬汁撈落米粉度好惹味😋😋😋我叫左雙拼，個蜆唔係唔好食，但就相對普通無蔥油廣島蠔同埋花膠咁出色。不過米粉份量唔多，唔加底的話食完一碗再加幾粒蔥油廣島蠔係唔夠飽。

🔅潮州人🔅太子🔅粉麵🔅想係旺角食碗高級粉麵湯飯？我哋會推介潮州人！佢個湯底真係好好入口，無味道靚湯！佢本身鋪位係界限街，依家搬左去近始創對面嘅金輪大廈地鋪，唔好去錯呀！（ig 地址錯架～）我地本身超愛食佢個醉雞湯麵，食左咁多次之後決定試下佢個手切肥牛湯米粉同埋廣島蠔湯飯～手切肥牛係精心挑選，鮮味十足！牛味好濃。食得出唔係一般嘅凍肉～湯頭濃，配上幼細米粉，好味道！講多號份量多，新鮮，而且湯飯個湯亦有蠔味，我地清晒個飯！另外加三隻醉雞翼（阿姐送多左隻俾我地💕）！依舊入味～酒香極濃，正！嚟緊呢間舖頭會喺灣仔開分店，正打算要去捧場！好期待！喺太子呢一間分店，比起原先舖位細咗，經常註場嘅老細都唔喺度，食物質素都叫做保持水準，個湯少左輕輕少少鮮味，比較可惜～潮州人 網址: https://s.openrice.com/QrbS0ldSB00~uZ5MGAA地址: 太子彌敦道737-741號金輪大廈地舖電話: 65366626=====================

下午4點多，不是繁忙時間，只有兩檯客人，落單的姐姐還可以兩檯也下漏單。點了海中寶、牛肉米、雞腎、蔘蜜，個人最喜歡牛肉米和雞腎，雞腎很爽口，牛肉米份量也沒有其他食評說得那麼少。蔘蜜我覺得略甜。海中寶性價比其實高的，$78有兩隻蝦、兩隻蠔、三隻蜆和一隻貝，蠔比較生，還吃到海水味，蜆和貝卻過熟，非常鞋口，蝦有點點霉但不算嚴重。要一讚的是店內另一位較年輕的店員，服務很好，在付款前我跌了硬幣，她馬上幫我拾回。

今晚在太子“食好西”找到這家潮州人我們2個人叫了一個二人套餐試盡推介美食我們叫了一個醉蝦米粉、一個醉雞湯飯醉蝦與醉雞都十分入味，充滿花雕的酒味蝦肉彈牙新鮮，雞翼啖啖肉又嫩滑個湯味道濃郁好味，連湯都飲光，正！此外，套餐還有雞油燙菜一上菜已經聞到陣陣香味吃下去會吃到雞油的香口令人一吃停不了口另外還有酒糟醉雞腎都是很入味及爽口最後一人有一支龍眼蔘蜜蔘味濃又甘，好好飲呀！唯一有點挑剔的是餐廳空間不大，因此坐得不算十分舒適不過食物好味，絕對可以encore ～

由舊舖食開 一直都係捧場客搬新舖後第一次食叫左二人餐$168清酒大蜆米粉-以前真係好大隻蜆 今次真係伏蜆好細 仍然係4隻 蜆肉大概係塊指甲嘅size如果係散叫 盛惠$48碗 食水有冇再深啲？大蜆個大字係咪只係傳說？望住餐廳入面幅圖 完全圖片與實物不符雞油灼菜-冇油香 只係普通灼菜加豉油花膠米同醉雞腎正常水準最keep到水準就係樽花旗蔘蜜好失望😞新舖比以前更細更逼 坐得唔舒服唔做好食物質素 仲有咩原因去幫襯？希望下次再食嘅時候可以改善

上網睇相都知道佢個花膠好大舊，但去到現場piggy都係好震撼，好似張被咁🤣🤣 而且好入味好淋，湯底香濃(piggy飲哂之後有少少口渴🤪) ，呢個價錢真係 贏哂🤗溏心蛋做得十分好亦有酒香，醉三寶之中醉蝦最好食入哂味，醉鮑魚都ok，piggy食得好開心😬

是日男友帶我到呢間《潮州人》😋餐廳位置方便，地鐵站一出直行便到了餐廳座位唔算多；環境整潔。是日點了：雙拼招牌花膠米粉+廣島蠔花膠有2大塊帶汁的，腍身，很爽滑；廣島蠔飽滿，有2隻，有海水味；湯底清甜，配以花膠上的汁，很Match的配搭，很好吃😋清酒大蜆米粉4隻大大的蜆，有清酒的香氣，沒有沙，也是不錯😋這間店的米粉是較一般坊間米粉幼身的。另外，亦點了小食：溏心醉蛋晶凝通透的流心蛋黃很吸引，滿滿酒味，果然係醉蛋🫢總括而言，食物味道不錯的，份量不是太夠，如果是男生，一定需要再吃多碗或加底。

呢間絶對係我的comfort food飯堂，由太子開始已經幫襯!每次必點牛頸脊+廣島蠔米，另加醉蛋。超好味，雞湯底非常清，沒有味精，飲一啖成個人舒服哂。牛頸脊又淋又香牛味，與廣島蠔的鮮甜配合得天衣無縫，omg, 太好食了~重有last but not least醉蛋，好入味，個汁攞黎沾米粉食又是另一個境界!這次同朋友來點了二人餐，多了醉雞腎和上湯娃娃菜，性價比又高左!重要係良心食店，食得安心放心!一定要支持!

🍜 𝑁𝑜𝑜𝑑𝑙𝑒ℎ𝑜𝑙𝑖𝑐 𝐵𝑖𝑛𝑎 😜🍲好食但食完唔係好飽嘅 😂🙈同埋Bina鍾意食粗少少嘅米粉 潮州人呢隻係幼身嘅清酒煮蜆 $56好食。鮮甜飽滿 但一份得6隻 兩個人share實在唔夠喉手切肥牛米粉 $53肥牛好食好濃牛味 不過個湯有少少油招牌花膠扒米粉 $53呢個係朋友叫嘅 口感軟淋淋 味道係預料之內但淨係得花膠比較單調~ Bina食完之後先至知可以雙拼😂🙈 lol Any肥。下次可能試下雙拼~完。

眾所周知，好食又有良心既小店不多但今日介紹呢間大家可以一試比起舊鋪以家位置非常易搵，係旺角站A1出口行3-4分鐘就到唔想搭地鐵既朋友搭巴士都有唔少選擇呀今日試左花膠米粉，醉蝦同手切肥牛米粉＄53既花膠米粉有1－2塊算係幾合理，米粉係非常幼既個種唔係假米粉但重點係想大力推介手切肥牛，牛味非常濃，有潮汕牛個種牛騷味可能因為佢好食，就覺得佢特別少，哈哈，如果有得單賣黎打邊爐就好醉蝦就覺得佢比起出面既酒味會偏濃，不過有人鍾意淡口d有人就鍾意酒味濃d，好主觀