潮小館

最近成日見到太古食肆出ad, 就嚟呢間新餐廳試下。見到餐單價錢都偏高，6 個人叫咗酥炸普寧豆腐~ 無豆味嘅豆腐，個汁係零味！唔知食緊d 咩。自家製蝦蟹棗~ 唔識形容嘅炸物，見到有蝦，但無蝦味。點嗰個abc醬，勁難食。滷水三拼滷水獅頭鵝片, 馳名滷水鵝肝, 滷水大墨魚~ 全餐算正常嘅一碟毫無記憶點，得d 滷水味。蠔仔肉碎粥 (窩)~ 唔係粥，佢係湯飯。一樣係無味。中午套餐B(胡椒鹹菜豬肚湯, (午餐)潮州風味炒河, 即磨咖啡(凍飲))~ 個湯似即食湯包。炒河有極少量魚片條，但都係無味。咖啡都係無味。餐廳職員都明顯不足。6 個人仲要逼埋喺張細圓檯。每個人食咗146 蚊， 好似食咗空氣咁。…查看更多

除左難食 我真係諗唔到有咩評語 同入餐廳叫碗白飯食係冇分別 蠔仔粥係湯飯 個普寧豆腐連豆味都冇 連個鹽水都冇味 蝦蟹棗又係唔知食緊咩 如果大家抱有失望既心情去試 我鼓勵大家去試一次完。…查看更多

最近好多大型食肆 因爲生意額下降 租金貴 成本高 相繼結業 相反新型精緻小店 開始興起 見到好多新名字的小店出現 先前試過幾間 都沒有失望 相信都是一班有經驗的師傅 集資小本經營 客源都是香港人 本地街坊 今晚試咗呢間潮州小館 啲食物質素不錯 鹵水鵝拼盤的鹵水豆腐超滑 很有水準 應該都是有相當經驗的師傅製作 鹵水汁味道非常出色 香濃不會太鹹 沙茶牛肉芥蘭味道相當不錯 夠鑊氣 今晚的入座率 都有八成以上 面對嚴峻經濟 已經有很好的成績 價錢方面合理 唔算貴 可接受 希望保持水準 穩定 繼續用心經營 新的營運模式 應該符合當前經濟 加油加油！下次會再來試其他菜式…查看更多

-潮小館 🥢位於太古城中心有間新開抵食潮州菜館 主打以親民價格同新派風格呈現正宗潮州菜館潮廳既經典味道— 包括馳名滷味、特色潮洲火鍋同各式各樣既熱葷佳餚 人均百零蚊就可以係商場食到正宗潮州風味✨潮州2人3餸 （$398-$498）$398同$498套餐分別在於係配搭埋潮州小炒定係海鮮套餐包括滷味同潮州小食 亦有2碗飯/粥、2杯功夫鳳凰單叢茶/冷泡鳳凰單叢茶🅰️滷水/牛腩 — 滷水腩肉腩肉肉質都算軟嫩 滷得好入味 吸晒滷水汁既精華濃郁香醇 底下其實仲有豆腐同鵝肉 成個拼盤咁 幾抵食🅱️潮州小食 — 香煎蠔仔酪有驚喜 蠔餅比想像中炸得香脆可口又足料有去左食元朗潮州大牌檔既即視感 勁惹味 （要趁熱食！➕海鮮 — 花雕蛋白蒸藍花蟹滑嫩既蒸蛋白帶有淡淡花雕香 同時吸晒蟹汁精華呢個花雕蛋白蒸既做法仲將2隻藍花蟹既鮮甜完美鎖住 而且清甜細緻既花蟹肉 整體黎講都好鮮香甘美呢✨估唔到呢個價錢都可以食到平時得高級食府先食到既菜式…查看更多

見這店新開張，試一試下午茶，從未食過咁難食的潮州菜。在大商場做茶餐廳格局，很難做得住，除非很好吃。吃了沙茶牛肉撈麵和札肉炒河，撈面無味，炒河無料，完全不合格。奶茶是白色的什麽特色奶茶，完全無茶味，仲要另加十元，檸茶要加 18元，搶錢！清茶和檸水就不用加，飲品用紙杯裝，好肉酸，毫無級數，令客人無食欲，比普通茶餐廳還低層次，一杯茶更錯了兩次。食品和茶飲肯定不合香港人口味，是太古城最差的一間食肆，不會再光顧！…查看更多

第一次還可以的。牛三寶（牛筋，牛坑腩，牛肚）。今之第二次食牛切到絲一般幼，冇口感！牛坑腩到可以柴皮，極品！肉冇肉味！所以用了極咸方法調味！用水洗後到咸，勁！（$198）勁伏…查看更多

潮小館真係唔敢相信 食潮洲嘢竟然潮到有咖啡飲 係拍得住Pokka嗰隻（可能好unpopular…)外賣左啲 牛筋魚蛋河 係雙拼！$88包普通餐飲（咖啡/茶）牛筋唔錯 魚蛋阿媽咪話唔錯 河粉非常好食 仲有條菜添^^午市套餐 薑蔥雞飯 包小食（有三款，揀左麻辣海蜇微辣only）同埋餐飲(same as above but of course you can 加錢買特飲）仲有一碗太鹹既豬肺湯 $158識計數都知應該黎啦 好好食 🤤 有嗰句講嗰句咋 🤷🏻‍♀️係囉咪就係貴左啲 （份量唔係特別大 但已足夠）堂食過粉絲雜菜煲 川椒雞 煎蛋角 白飯 好好食！！係貴左啲囉…查看更多

晚餐要排隊我仲以為好好食誰不知價錢偏貴，但食物質素普通不特止啲員工態度仲差過茶餐廳。座位排到密麻麻，今日有幾度有冇冷氣食到成身汗，又唔覺得佢啲嘢好好食一定唔會有下次囉不過未試過嘅朋友梗係要去試吓感覺好似俾人呃咗錢咁嘅感覺 然後就返出嚟囉。叫咗碗魚蛋河粉$58呢個叫做抵食啲，不過老實講魚蛋真係冇魚蛋味佢嗰隻窄身嘅Ho粉完全一啲都唔滑。嗰個韭菜豬紅，一啲都唔好食花生雞腳，隻隻雞腳都硬骨的。唯一可取就係滷水鵝翼。總之你食完唔會覺得好開心咁行出來係我眼中呢啲咪就係垃圾食肆囉。不知所謂…查看更多

週日晚上到此店晚飯，因爲八時才到達，所以只需等 10分鐘左右便可入座，入座後才發現二人套餐只在星期一至五適用。餐牌散叫價錢可媲美潮江春、潮庭，店內環境一般，服務員不足，食物份量又少，唯一可取之處就是味道不錯、沒有加一。坊間美味的潮州食店很多，也不用這麽貴。若然裝修就這麽一般，單靠味道就收偏貴價格，有點不值。…查看更多

兩個人叫了4款食物，滷水鵝肉拼掌翼，韭菜豬紅，花生炆雞腳，魚蛋粉。食物上菜，只影了兩張相，已經沒有興趣再影。侍應態度差服務惡劣，放低韭菜豬紅，叫佢比辣椒油，頭也不回走咗去，叫第二個，好似爛仔一樣離遠點個頭，第一個侍應突然間又拎碟辣椒醬放低，叫住佢話要辣椒油唔係辣椒醬，仍然係唔理你走咗去…..韭菜豬紅，豬紅嫵媚韭菜太腍，花生炆雞腳，雞腳太硬，魚蛋粉普通，滷水鵝肉拼掌翼，鵝肉鞋，掌翼還可以，但係佢嘅價錢同服務同食物質素不成正比。可能大家都係貪新鮮，想試新嘢，但係我相信都應該係一次之後都唔會再幫襯。…查看更多

下午三點，行開太古城餓餓哋，試下新開嘅潮小館，叫咗個套餐双併（魚旦加魚片）河，有杯嘢飲，加多18蚊多兩隻炸雞翼。 整體味道正常，湯底略嫌過淡，雞翼即炸夠熱夠鬆脆。食咗一塊魚片之後，發現點解冇魚旦，以為喺底，點知揾過真係冇，叫個職員問，回覆話：「魚旦賣晒，同事有俾多一份魚片你。」冇魚旦唔係應該先通知客人？可能會改叫其他，或直接轉單併啦⋯⋯點解問都唔問？個客可能唔想食咁多魚片呢？同埋如果俾咗兩份魚片，上餐果陣唔出聲？ 一句講晒，服務質素有進步空間。:(…查看更多

今年團年飯在此食的，一行9人點了頗多食物！沙茶牛肉抄芥蘭，因為用黃牛，所以肉味很好！因為好吃再點了沙茶牛肉炒稞條，稞條如粗身些更能掛上沙茶汁，好味！滷水鵝拼豆腐、蠔仔肉碎粥、川椒雞、牛三寶、蠔餅、炸豆腐！最令人驚喜竞然有反沙芋頭和芋泥，嘩啦啦⋯⋯已經很少店舖願意做，手工菜又未必能收得貴！重點係味道更是令人沒有失望！店舖有果茶提供，果茶裏面嘅生果用新鮮的，價錢亦不貴！最後值得一贊係店舖內招呼的侍應態度很好👍🏻！ 所以年初二再去過一次！…查看更多

喺 CityPlaza 偶然發現咗一個新嘅地方，有充滿活力嘅招牌同傳統嘅裝修 — 有趣嘅組合！佢哋嘅午餐套餐價錢合理，而且食物質素對呢個價錢嚟講都唔差。睇完佢哋嘅餐牌，發現呢間嘢都幾獨特，除咗平時嘅午餐選擇之外，佢哋仲有一個潮州麵檔、啤酒自助餐、咖啡Shop，同埋潮州潮茶檔，晚餐有個潮州沙茶牛肉火鍋, 潮州翅，凍蟹，所以而家我唔使行去九龍城食，絕對興奮去試下佢哋嘅晚餐！…查看更多