影片
上環的，北角的，深水埗的，天后的，油麻地的各家牛腩我都吃過，他們有直紋的，橫紋的，清湯的，濃湯的，柱侯的，都是地舖。但這家潮大人，是在樓上希慎廣場11樓慎美食廣場。廣埸食店款式繁多這家潮大人，是最近這幾個月才開的吧，我有點替他擔心。都是年青人去的地方，牛腩麵站不站得住腳呢？有一天晚間放工肚餓，走上希慎廣場11樓想找吃的，潮大人沒有太多人在等，就這間吧。收銀的姐姐很和氣，介紹說試吓坑腩吧。5分鐘飯預備好，整整齊齊有很多件，件件手指公的大小，連不厚筋膜加少少肥，不太濃的汁肉，軟硬剛剛好，筋膜很有嚼口。汁不太濃也不鹹，我真的覺得很好味。幾天之後，家裡沒什麼餸，我就經過上11樓，買了份淨坑腩。拿上手重重的，回家打開份量很多不是底下都是佔了白蘿蔔那種。家裏四個人一齊吃，都很夠。汁用來送飯， La淋在白灼油麥菜上，可以吃很多很多。兒子後天便要飛去英國，提議再試一次淨坑腩，雖然不久前才吃過，今天吃，仍是覺得好好味，太太說白蘿蔔很入味。是兒子提醒我要在OpenRice提意見，好讓多些人知道，也好讓潮大人的好味牛腩，更多人可以享受。
繼續閱讀
希慎FOOT COURT久唔久都會換一啲新既食店，同埋會搵一啲本身就係有鋪頭既店加盟，而呢間最近11樓位置新開兩個月左右既“潮大人”，就係賣正宗潮式牛腩魚蛋粉麵既店，本身係OPENRICE見此店名本鋪係大角咀，見到個招牌設計，應該係同一間無誤。今日由於工作繁忙，5點幾都曾經食左個工作人員既飯盒，但係夜左屋企個頭又冇好野食，而家8點半又已經好快開始見肚餓了，就索性係9點前上到希慎FOOD COURT覓食，食完返工屋企就休息訓陣至打手機遊戲。之前曾經試左夜晚食佢牛腩飯都唔錯(後面會附上飯的照片)，所以今次想試食佢粉麵同試下佢湯底如何。今晚叫左金牌牛腩河($52)，佢有套餐優惠，+$10可以冷熱飲品，或者好似我鍾意+$20就有齊一份油菜及飲品，總數都只係$72。由於係FOOD COURT黎，所以就要自己等號碼叫拎，同埋要搵好位坐，夜晚唔多人，佢製作食品速度都算快速，日抖食就建議搵好位至好去落單。由於上次食過佢牛腩飯($60)，所以今次食粉第一樣就係試佢湯頭，一飲就覺得好清甜，冇個種鹹既感覺，雖然係有腩汁係入面，但絕對冇個種OVER既感覺，搞到飲飲下就完全忘我，飲左差唔多1/4既湯去，先至開始食佢河粉同啲主菜。牛腩河牛腩大約有8-10件左右，肉質夠彈性，入味，又夠淋，易咬口，食完係一啲渣都冇，而且今晚師傅咁岩切到瘦啲既部位，所以冇多餘既白色肥膏。河粉係底部，睇得出師傅有心機整齊排好啲河粉，所以賣相都會令人有食慾。蠔油生菜同凍奶茶都正常發揮，個人水準之上。(奶茶各人口味都不同)總體以銅鑼灣同區計，以呢個價位有埋菜同飲品既潮式粉麵唔算多，我個人就鍾意食飯全套滿足型個種。呢間用心製作，食物有質素，值回票價，絕對值得回頭。下次有機會試下佢湯飯或者係雞類食品
繼續閱讀