59
1
0
港鐵觀塘站 B2 出口, 步行約4分鐘 繼續閱讀
電話號碼
98399061
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
付款方式
Visa 支付寶 現金 八達通 Apple Pay Google Pay PayMe
座位數目
30
其他資料
網上訂座
賞訂座積分
以上資料只供參考, 請與餐廳確認詳情
有關獎賞計劃
食評 (67)
等級4 2024-01-07
1107 瀏覽
男朋友最喜歡食牛,今次仲食得好嘴刁,搵到間可食牛不同部位的小店,佢真有研究。環境整齊企理,有九至十張四人枱,每枱都有火鍋用具,原來呢度主打一人火鍋。除了一人火鍋外,還有小食和飲品。另外見人買一包包的火鍋料回家。我地各要一人火鍋($88),每份包有主食、麵底、湯底、五寶丸和時令菜籃。男朋友揀咗吊龍、蟹黃麵和芫荽皮蛋湯底。芫荽皮蛋湯底有好香芫荽味,仲有些皮蛋,又好飲又下火。五寶丸有石斑魚丸、牛丸、豬肉丸、蝦餅和魚皮餃,每款都好彈牙和多汁。最喜歡是蝦餅,好特別和鮮味,真材實料。時令菜籃有唐生菜、娃娃菜、粟米、蓮藕和蕃茄,全部都好新鮮,粟米仲好甜美多汁。男朋友揀了吊龍,潮叔教:它係牛肉眼,肥瘦均勻,肉味最濃,鮮美有嚼口。果然牛味香濃,色澤紅潤,涮一涮,好有嚼口,正!我的一人火鍋 ($88)就要三花趾、烏冬和芫荽皮蛋湯底。潮叔教:五花趾係牛後腿肌腱,筋肉分明,口感嫩脆,嚼勁十足。唔知五花趾和三花趾同唔同,但食落都好有牛香,口感嫩而嚼勁,好岩我。男朋友要手作金橘檸檬百果 ($18/跟餐),而我要了手作酸梅湯($12/跟餐),兩樣都係手作,用心! 仲用咗好得意的樽仔和貼上“Have a nice day”,見到都開心。手作金橘檸檬百果和手作酸梅湯都酸酸甜甜,前者好清新,後者濃郁,真材實料,都好飲。 繼續閱讀
(以上食評乃用戶個人意見 , 並不代表OpenRice之觀點。)
等級6 2023-11-19
1333 瀏覽
好鍾意食牛肉,但今晚又唔想食日式燒肉。上OpenRice搜索一下,竟然搵到一間潮汕牛肉火鍋!之前喺深圳食過幾次,非常回味,唔知香港是否有相同質素?【潮叔】又係位於觀塘工廠區美食地帶駱駝漆工業大廈三期樓上。原本只在長沙灣區有一間小地舖,主力販售潮汕火鍋食材,尤其多款不同部位的中國黃牛肉。三個月前左右,索性開舖做埋火鍋;選址觀塘工廠區樓上鋪,估計貪租金平,小本經營作為試點。門面沒有任何裝修,只有兩個易拉架,掛起大大張海報。招牌設計簡單搶眼,只用紅藍白三色。架上墨鏡的「潮叔」,果然很潮;既配合餐廳名字,同時取其寓意「潮州大叔」。室內裝修同樣簡陋,只簡單擺上幾張木枱及矮背靠椅,用餐環境並不舒適;慶幸今日客人唔多,否則肯定會不太理想。甚至只是採用家用式電磁爐,並非正規火鍋店的嵌入式電磁爐,可見開業成本慳得就慳。暗灰色工業風水泥牆上的這兩句話,有點不明所以。唯一可以使人聯想起【潮叔】是間火鍋店的裝飾,就只有這張用中文標注的簡單「解牛圖」。餐牌簡單,只有不同部位牛肉、潮汕丸類及幾款蔬菜。所有牛肉全部在潮州屠宰、清洗、切片、獨立包裝,然後急凍運來香港。叫套餐或者全部單點火鍋配料的話,店家會提供電磁爐。但小公主想玩一人一鍋,於是叫了兩份一人火鍋套餐(推廣價 $88),一份揀了匙仁,另一份揀了吊龍。另外包括蔬菜籃、麵底三選一,及五粒不同款式丸類:牛丸、魚皮餃、魚丸、豬肉丸、脆炸魚皮幾塊。丸類質素有點失望,始終只是急凍丸,並非坊間火鍋專門店的手打肉丸;勝在又平又抵食。炸魚皮香口脆身,但稍為偏硬、未夠鬆化,味道亦少少偏鹹。一人火鍋套餐採用迷你小電鍋。發熱程度很弱,要很長時間才可煲滾湯底。湯底滾起後一段時間,電鍋熱力又會自動減弱,以防電鍋發熱線過熱。雖然只是急凍牛肉,但質素很高;肉質柔嫰、牛味濃郁,比得上香港屠宰的新鮮手切黃牛。吊龍接近肉眼部位,牛味最濃郁、肉質有嚼口。匙仁有少少油花,肥瘦適中,肉質鮮嫩軟滑。追加了兩份牛肉匙柄(約 150g)($118)及雪花(約 150g)($138)。匙柄同匙仁一樣屬於牛前肩近腿部位的肉,脂肪較匙仁講少,但肉味較甜、軟滑無渣。雪花即是坊間火鍋店最常見的牛肩脊,油脂含量最高、雪花脂肪紋分布最平均;入口最多肉汁,相對肉味亦較淡,以油香取勝。全日免茶芥、免火鍋醬料費、免加一服務費。雖然沒有靚靚裝修、用餐環境唔好、座位唔太舒服,樓面又只有兩位人手,但服務尚算熱心(註:用餐當晚只有三張細枱客人)。最重要一點是:中國國產黃牛牛肉質素的確很好,定價又便宜過坊間火鍋店的本地手切牛肉很多很多。如果只想食靚牛肉,唔追求其他火鍋材料或海鮮食材,又唔介意用餐環境,值得一試。想再抵食一些?揀選冰櫃內的多款牛肉外賣也可以,比起堂食再平啲。 繼續閱讀
(以上食評乃用戶個人意見 , 並不代表OpenRice之觀點。)
等級4 2023-09-05
1314 瀏覽
潮叔😋😋😋追上潮流潮汕吃觀塘人口密集、區區找好嘢食、原來係駱駝漆大廈、隱藏好多美食!尋寶區!大廈鄰近地鐡、交通便利!潮式小店「潮叔」潮汕特式以鵝、牛肉為首美食、「潮叔」可以享用、仲有好多外賣美食😁🙃一人火鍋$88(推廣價)、要食就要快!材料豐富如下⋯⋯主食:吊龍⋯牛的背部、肥瘦均勻、肉味最濃、鮮甜美味有嚼口、建議滾6-8秒、非同凡響!值得再加碼😜沙茶湯底🍵時令菜籃⋯玻璃生菜🥬、翠綠新鮮、配米一線、五寶盒(牛丸、魚皮餃、石斑魚丸、豬肉丸、魚皮)潮汕特品、牛丸超彈牙、口感豐富!魚皮餃、魚肉有質感、香囗!石班魚丸好特別、夠爽囗!豬肉丸濃香豬肉味、沾點自配調味豉油、滋味夠惹味😍魚皮冇得輸、脆卜卜好香口🤩火鍋必備調味料、自行配搭、芫荽、蒜蓉、辣椒、沙茶醬、辣椒油、豉油👍🏻加配響鈴$28、火鍋最佳配搭、滾兩滾、神仙都企唔穩🤣🤣😜燒鵝食得多、一定要食吓「招牌沙嗲鵝肉飯」$58⋯將鵝拆骨起肉、配潮汕肉丸切粒、幾特別、配沙嗲汁、帶出味蕾新口感!跟餐🉑️優惠$12⋯蜜汁雞翼/2隻⋯蜜香甜美、外脆肉嫩、夠juicy、yummy yummy 😋 跟餐🉑️優惠$8⋯罐裝可樂潮叔推薦醬料⋯沙茶火鍋醬、香辣蒜蓉辣醬、蒜油酥等等!潮叔家鄉小吃⋯唔同味道「粿」潮叔醃製鹹菜⋯老菜脯、南疆烏欖等等潮叔(駱駝漆大廈)觀塘開源道60號駱駝漆大廈第3座4樓A1室港鐵觀塘站B2出口,步行約4分鐘 繼續閱讀
(以上食評乃用戶個人意見 , 並不代表OpenRice之觀點。)
等級3 2024-02-24
0 瀏覽
咁岩觀塘約朋友 順便食晚餐 去左附近火鍋店 系工廈 入到去有好特別既語句👏同Bear擺設 正宗汕頭人主理既牛肉👍分左唔同部位揀來食🤣📌$88一人小火鍋 X 2 番茄薯仔湯底 烏冬牛肉👍揀左吊龍 好有牛肉味 with 菜籃、五寶盒豐富、抵食既火鍋盤香濃沙茶湯底黃喉📌飲品:😋冬瓜茶清涼👍📍觀塘開源道60號駱駝漆大廈第3座4樓A1室🏷️潮叔 (駱駝漆大廈)#觀塘 #火鍋 #牛 繼續閱讀
(以上食評乃用戶個人意見 , 並不代表OpenRice之觀點。)
今日去開觀塘,返歸前去潮叔打個一人邊爐先。我地兩個人每人叫左個一人火鍋($88),大家share唔同嘅牛肉黎食。麻辣湯:朋友只係食得少辣。我試過個湯,有麻,有辣既味道,香料味夠,而且唔會太鹹。入邊有兩舊雲耳。蕃茄薯仔湯:有兩舊蕃茄同兩舊薯仔。湯底清清地,冇落味精。我打完邊爐之後,飲晒全部湯。匙仁:牛肉味重,冇肥肉。啱晒瘦身人士。因為佢切得夠薄,淥幾秒等牛肉熟之後,都好容易咬開。吊龍:佢每一舊都黐住少少肥肉,所以食到牛肉味之餘,仲有一陣油香味,肉質嫩滑。五寶丸:有魚蛋,豬肉丸,魚皮餃,牛丸同埋豬肉餅各一粒。各種丸都好有質素. 魚蛋彈牙,豬肉丸同埋牛丸都彈牙同juice得來入邊有油香. 時令菜藍:有生菜,蓮藕,萵筍,娃娃菜同埋蕃茄。生菜爽脆,蓮藕清甜,萵筍爽滑。蟹王麵:兒時回憶,每次我見到有都一定會叫。麵質爽口。嗰包油係精髓!烏冬:正常可樂($8)及手作金橘檸檬百香果($18):手作金橘,檸檬百香果,應該冇額外加糖,所以係非常健康嘅飲料。個啤啤樽好得意。如果大家注重牛肉質素,而又想食重牛肉味嘅牛肉。潮叔係一個好選擇. 希望大家支持小店! 繼續閱讀
(以上食評乃用戶個人意見 , 並不代表OpenRice之觀點。)