影片
以上資料只供參考, 請與餐廳確認詳情
住喺般咸道先知夜晚有幾淒涼完全冇嘢食 屋企附近依間新開餐廳睇住佢慢慢裝修慢慢越嚟越靚之後先有信心入去試 點知第一次食就俾佢吸引咗 食物質素絕對對得住價錢 CP值極高 極力推介雞皮，燒到薯片咁脆$38隻大生蠔 一睇就知勁新鮮因為帶子位都鋸唔開最緊要係真係大 串燒配cocktait 估唔到係夾過飲啤酒仲要係成班香港年輕人自已搞成個場嘅feel同鋪名一樣 又潮又chill 不過呢個時勢竟然咁創業真係好有心機 真心希望香港人加油！！！
繼續閱讀
食物入味，即叫即整，不只是表面調味。辣度偏辣，只愛淺嘗嘅朋友要留意。Bar tender 即調Cocktails 有質素，whisky sour 正。冷氣夠，座位分隔舒適。員工友善。香港style。個人最推介燒賣，燒蠔。
繼續閱讀
最近發現呢間般咸道嘅新餐廳由幾個後生仔主理我夜晚去食，夜晚主打串燒，意粉原來日間係食set lunch 地方簡潔舒服，串燒用料非常好。師傅仔燒烤技巧，簡直一流。恰到好處。後來同師傅仔傾偈，原來每日嘅海鮮係佢哋自己去街市揀。原來嗰晚我去冇蝦，係因為嗰日啲蝦唔靚。另外一個師傅仔負責西式，兩個signature 意粉,超級水準。我哋一行10人，基本上食晒佢餐牌嘅嘢。完全冇投訴。仲安排緊下一次幾時再去大吃大喝另一賣點係，玩到凌晨一兩點都得😃👏🏻
繼續閱讀
終於都有時間出去吃喝玩樂，難得最近節制唔食咁多肥膩野但係吊頸都需要抖氣㗎～話說前兩日食左間宵夜，逆市開舖，由班後生仔主理。都要去支持支持，畢竟市道艱難🥹🫰🏻嘢食出品暫時唔係最多，但要有既都有，仲要係即叫即整，調味都唔係預製既肉，同平時食開好重醃味唔同Style，係一間良心舖頭。串燒既醬汁咸咸甜甜，好惹味～鍾意多辣味可以同店員要求多辣🌶️眼見最鍾意雞皮、雞翼同埋豬腩肉串燒。主要係火喉夠，滿足到我想要食熱氣嘢，夠哂comfort food既標準🤪同埋個雞皮好搶眼，十字架造型，相信係店主既小心思。或者美中不足係因為即叫即燒，上菜速度會比較慢。不過好食既嘢係值得等待既😊
繼續閱讀