潤禧茶餐廳

💭 入座時間：12:50💭 等位時間：0分鐘💭 需搭檯：❌｜芙蓉煎蛋飯+凍奶茶｜$61.芙蓉蛋有驚喜✨黎到熱辣辣有種以前係大排檔冬菇亭食到既鑊氣🔥而且有好濃既蛋香味覺得佢用既雞蛋本身質素已經唔錯廚師既手勢又好好👍🏻所以整出黎係好食既.入面既配料都落得好足叉燒，蝦仁🍤連芽菜都好入味😆細心位係佢係放塊芙蓉蛋上去之前已經係飯面淋左少少豉油成個飯食到最尾都好夠味又唔會太乾印象不錯👌🏻.最後一提佢地既奶茶飲得出係正宗手沖港式奶茶😍唔係就咁茶+奶撈埋係好滑同好好飲既💕區內已經越黎越少下次想飲靚奶茶都會再黎~…查看更多

之前都喺度叫過一次午餐 超級難食 難食到食唔晒今日見外賣平台比多次機會叫早餐諗住早餐唔會伏得去邊雪菜肉絲米 得兩三條肉絲🙂算啦唔算難食都當佢贏奶油豬就林既 不過可能係外賣關係 都算 最嬲係叫杯奶茶要走甜 佢冇走 我飲唔到咁甜既野呢間餐廳拒絕退款不突止 打電話同佢講 佢一句「係咁架喇出左就冇得退」一句唔好意思都冇 直接cut你線最後同外賣平台投訴先退返平台既優惠券呢啲餐廳真係執左都唔抵可憐 想食難食既野同受氣黎呢度就岩喇…查看更多

嗌左外賣送上黎 杯奶茶佢冇走甜 咁我係app度叫佢partial refund咁 佢就reject左 打上去同佢講 個阿叔話係咁嫁啦整錯左就錯左 我話一係你送過杯上黎啦 佢話冇咁煩嫁 就cut我線 屋企有女士都知好多係有甜就唔飲嫁啦 咁既態度真係早d執罷啦…查看更多

平時踩單車都會揀睇到車既食店自從發現到屋企附近呢間茶記就經常係度食野無論早餐中午或夜晚都會幫襯～因為一早起身想食麵多就經常食佢早餐或常餐因我想食沙嗲牛肉麵我記得初初麻麻地不過之後改進不少同埋都習慣性過來幫襯～佢好多野都唔係出色但勝在睇到車所以都會幫襯～佢有野好食但都有好多野做得麻麻所以通常食最穩定沙嗲牛肉麵多😂😂見佢做得好左俾個正評鼓勵下啲小店啦🤭🤭而夜晚就鍾意佢白汁雞皇飯ok既係雞絲冇咩味囉但勝在多菇多洋蔥汁好味～整體上唔要求高還可以既～想知邊樣好食就要自己發掘啦😂…查看更多

經平台落單外賣送貨，叫左個麻辣雞煲，一嚟打開只見到茄子同寥寥可數嘅雞扒粒，打電話落去餐廳，聽電話亞叔話麻辣雞煲係有茄子，我話我唔食茄子喎，亞叔話「你唔食茄子下次落單時註明走茄子。」再問佢，咁餐牌上有無註明配菜係有茄子？亞叔答「無喎」。請問無註明有茄子，唔知道有茄子情況下，又點註明走茄子呢？亞叔即時大大聲話「咁干炒牛河洗唔洗註明有牛肉同河粉呀？今時今日咁嘅服務態度，以後都唔會再幫襯，希望大家唔好中伏真係一肚氣叫左4個餸，個個都好難食、掉哂…查看更多

做我讀書嘅時候潤禧就已經喺度，經過咗好多年其實都立不倒，只知道好多年前轉咗手。老實講食物質素比原先上一手實在差好多，不過勝在價錢算係區內數一數二平同埋以填飽個肚嚟講呢個係一個好嘅選擇。如果嚟呢度幫襯我會推薦大家食早餐，平靚快正，其次晏晝就去食佢嘅蒸餸，但係千祈唔好食牛扒雞扒，因為真係好地獄。佢嘅蒸魚蒸排骨蠔仔粥都係店入面我覺得最好食嘅東西。成間餐廳最高分數嘅就係員工態度好好，包括老闆娘自己都會禦駕親征落手落腳喺度。淨係呢一點挽回了不少分數。…查看更多

馬鞍山其中一間飯堂味道正常，價錢合理我多數都會食午餐比較清淡無咁飽快餐有野飲又有湯仲有中西湯揀今日我地食左星洲炒米都幾足料同幾香兩份午餐火腿奄列可以轉午餐肉腸仔都得睇個人喜好加一蚊可以轉多士我媽咪最鐘意叫多牛油又真係香口啲嘅…查看更多

早餐叫左個牛肉麵，但個阿姐拎左碗出前一丁嘅牛肉麵放咗起我前面，老老實實，我對眼就分唔到普通麵定出前一丁麵，咁食咗一半，個阿姐就走嚟話我點解食咗人地碗出前一丁，話個麵係我對面個先生，咁我咪話，係你碗麵放起我面前，唔係我走去拎咗對面位先生碗麵呀。之後我叫佢計返我錢就係，費事嘈，但佢又唔計，繼續成班阿姐圍住我嚟審我。之後都無心情食，即走，以後都唔會幫襯。唔好自己上錯餐，就將個責任怪起個客度啦，不知所謂。…查看更多

本身係熟客，叫外賣從無出錯近幾次叫親外賣，只要係嗰個男人收錢或寫單，一定收多咗錢或俾少咗嘢飲，次次佢都唔認，要叫埋其他啲伙記當面對質先得嗰個所謂老闆嘅男人嘅作用根本係趕客，態度又差，次次都老作啲原因黎解釋，唔係幫襯開就俾佢呃到，早執早著…查看更多

前幾晚 見呢間野ok多人諗住試下坐底啦 諗住叫人寫野 見到扮見唔到 要叫個老闆先識叫人黎寫野 我地坐門口 過丫姐過到黎 完全唔係寫野門口不斷有客入黎 佢就不斷叫d 人坐邊度我叫過餸起碼叫左三以次以上 佢都聽唔到 算啦 茶餐廳 服務態度 不嬲都係零但食物 質素 叫左個西檬雞 唔知以為自己食緊雞扒 勁大塊 無切過咁地方窄 呢間茶餐廳真係唔會再去 劣評唔怪得馬鞍山俾人話係美食沙漠 咁多既低質食巿仲係度 你忙唔怪你 但見到都扮見唔到 一見到其他客入黎就好積極咁拉客 完全當坐係度個枱透明係未坐底過 就諗住唔會走 真係唔會有下次…查看更多

今日同朋友去馬鞍山一間茶餐廳食午飯，點了一個午餐A 茄汁太陽蛋豬扒飯。這裹的豬扒很有水準 對於一般茶餐廳黎講，豬扒不會太乾太過火。入口豬扒肉質軟熟不會太多油另外，我地還點了星洲炒米，那裡的星洲炒米材料豐富，十分夠料，米粉很夠火喉，還有很細微辣味，十分開胃。該餐廳主要係做街坊和學生生意，所以在午餐和晚餐時段都好多人，需要等候3-7分鐘左右，可以接受的…查看更多

買左個肉醬意粉，真係難食到不得了，Ｄ意粉無口感，蕃茄味太多，成兜野只有酸味，難食都自己都形容唔到！難怪馬鞍山真係比喻為美食沙漠。連呢間咁既餐廳都可以係馬鞍山生存到，證明真係無乜選擇，要焗住食劣食，唉！…查看更多

五月七日下午茶時間唔知食乜好，又黎返呢間潤禧食啦！潤禧都好似開左好多年，野食唔錯，本人早午晚都間中會黎食，價錢公道。不過今次有點小失望。茶記雞脾薯條餐，薯條竟然唔係波浪粗身果款。今次係幼身得黎又炸到好硬，呢一刻好掛住老麥薯條。好采雞脾係正既，熱辣辣，夠入味，皮脆肉嫩。…查看更多

尋日同兩個朋友行完山!諗住食個晚餐先返屋企啦,見到呢間 潤禧XXX 睇落幾乾淨企理就走左入去,睇左一輪餐牌,叫左個三人套餐$19X 有三個餸 三碗飯包埋野飲落左單先發覺只可以選擇$55 蚊樓下嘅餸,多左要補差價.咁就比多左廿幾蚊,呢個都係小事.到上菜,我地嘅惡號先岩岩開始!先來左三杯茶,我好隨手就拎起啲筷子匙放入去浸下啦!但係望真啲杯茶,一層油浮左係面,,,,,,心諗算,跟住上餐湯,果隻湯碗爛左一大角都照用,,,,之後啲菜陸續上啦,第一道係魚香茄子,食落啲茄子完全係冇味啊,仲渣過我炒果啲第二道係啫啫雞煲,呢個煲真係經典囉,成個煲得果幾舊雞,同埋係入面竟然有豬潤,真係有好幾舊豬潤食到呢度我個腦袋已經充滿香港特有嘅四字成語同七字真言架啦! 到最後一道黃金蝦球,我食左一舊之後.真係忍唔住講左一字!,,,,,,,,,,搞到我要特登開左帳號來寫呢篇文!…查看更多

不經不覺，又是週末日了。現在太太要上早課，我也一早起床，送她出城搭車。之後，就去看看找找，新海城一期的街坊食店，食個靚早餐。有好多都未食過，當然也不知道邊一間好食。有新有舊有殘。門面殘的一間暫不想入，新店對我來說又興趣不大，剩下呢一間舊舊地，感覺街坊的大茶餐廳。人不比上次食過的盛記多，原因可能是深入在屋苑的內通道吧。另一原因是樓上就有一間可以讓人等兩小時位的酒樓同沒有PCCW工友入黎做飯堂。這個地方，完完全全的，是一間街坊食店。不想吃麵了今次，西式一點就叫一份扒餐來食。早上，我比較喜歡吃雞扒。奶茶先到，可是奶茶就比較普通。我叫的雞扒就要久等了，不知是否廚房人少的問題，定是雞扒未準備好的問題。後來才發現，此店的外賣單非常之多。雞胸肉扒，雖然沒皮沒雞油，但這的的確確是真正的雞扒，而且是瘦肉。雞扒絲毫的肥都沒有，別以為會 "鞋拾拾"，滑就一家沒有雞睥扒滑，但吃得出是肉嫩，沒有感覺到太多的油，看起來，吃起來，都健康得多。雞蛋就是美麗的半熟兼雙蛋，加點點的豉油，更加惹味。小小的街坊店，以早餐的食物來計，真是不錯。…查看更多