漢龍雞煲烤魚

營業中

休息中

位於京瑞廣場二樓角落嘅食店，唔熟路根本找唔到。所以做街坊及附近打工仔生意多。午市多數爆滿要等位，晚上就冷清清啦。茶餐廳價錢，特惠午餐最受歡迎，有菜，有湯，有飯兼小菜，仲包埋飲料。最重要是連夜晚都可以叫午餐，我就覺得超值啦。加上味道唔差，尤其蒸魚，原條上，大大條，一般茶餐廳只得半條。所以當咗食堂，只是款式選擇唔多，轉變唔大，食得多都有點悶。另外，雞煲都唔錯，唔會俾其外以雞煲自居嘅店鋪輸蝕。但光顧嘅人客都係選擇午餐多，抵食。

聽講呢一間石門的雞煲幾好食，所以就去幫襯吓，叫咗椰子雞煲，真係幾好食。落單後等咗一陣就已經上菜，湯底、半隻雞，仲有一個椰青分開上，隻雞望落去都幾靚，好新鮮，感覺上好有光澤，D雞肉位唔會瘀瘀黑黑。個伙記會幫我地倒個椰青落去個湯底度，然後開爐滾，滾起之後就可以落D雞落去，再滾多5分鐘左右就食得。個伙記叫我地要先飲個雞湯，可了椰子水嘅雞湯真係特別清甜，有一種好滋潤嘅感覺。D雞肉唔會太韌，而且都真係有雞味嘅，以半隻嘅份量黎講都幾足料，同埋因為碟雞係分開上，所以唔會成煲都係骨多過肉，食到雞比雞腳嗰D。打邊爐配料就叫咗3樣，分別有韭菜餃、鮮蝦雲吞同鮮腐竹，3樣之中，佢個韭菜餃最好食，最有特色。

呢度嘅雞質素真係唔錯，新鮮、肉質有光澤、雞嘅皮下脂肪偏少、雞肉無瘀黑，而且份量都幾多，呢間餐廳用嘅雞係偏向大隻。佢呢度應該係一碟有半隻雞，我哋叫咗一隻雞，所以有2碟，雞同湯底分開上。新鮮椰青亦係分開上，侍應喺我哋面前倒個椰青水落湯底度，你仲提我哋要刮埋啲椰子肉落湯底度，等個湯更加清甜。飲完雞湯食完雞之後就打邊爐，我哋叫咗鮮蝦雲吞、韭菜餃同埋炸魚皮嚟打邊爐，呢度個炸魚皮超級大塊，雲吞同韭菜餃都好食，不過最好食都係啲雞，冇諗過雞煲嘅雞質素會咁好。佢啲醬料有蓋冚住晒好衛生。

呢間餐廳嘅set lunch都有幾多選擇，不過最正係佢嗰個冇味精嘅例湯。一坐低就一人一碗例湯，有埋湯渣，睇個樣唔似同一煲湯渣然後每日加滾水入去淆，所以唔未到香爐而且加咗粟米之後個湯特別甜。葱霸雞同煎蓮藕餅都有家庭feel，尤其是係個蓮藕餅。唔知係唔係同呢間舖頭專做雞煲嘅關係，個蔥霸雞幾好食，啲雞嘅肉質幾好，蓮藕餅入面食到啲蓮藕好爽口。每一份仲跟一點油菜。個set lunch除咗有個湯之外仲包埋餐飲，都算抵。

呢間餐廳可以一路打邊爐一路食燒烤，一次過滿足到兩個願望。打邊爐就揀咗皮蛋芫茜加蕃茄薯仔湯底，其實都叫咗幾多野嘅，不過唔記得影相，淨係記得影碟牛肉同埋份韭菜餃。呢碟係美國鞍格斯，都幾靚，味道唔錯，而且都唔細碟，D雪花紋都算幾均勻，係頂嗰度有少少偏肥。蔬菜都新鮮。韭菜餃自家製，都幾新鮮，D韭菜好香。至於燒烤方面，又係食咗幾樣野，都幾好食。先來了3隻燒蠔，都幾肥美，D蒜蓉好惹味。Size都唔細，肉質鮮嫩Juicy。跟住係燒魷魚，好爽口，少少辣，夠香口。羊肉串都要了2串，無乜羶味，又唔係好肥，D孜然粉好香。

有朋自遠方來所以encore呢間雞煲，今次食比較滋潤嘅椰子雞煲，美味又和味。雞湯滾起即來碗頭啖雞湯，有個漏斗比你count時間，知道d雞幾時食得，雞肉新鮮嫩滑，湯底滾起落雞，淥5分鐘就食得。食雞食到咁上下就可以加湯開始打邊爐，配料方面叫咗有墨汁嘅羅墨魚滑、蜂巢豆腐、響鈴、白蘿蔔片、韭菜餃同埋菜。韭菜餃好味道，d韭菜同肉都好新鮮。墨汁墨魚滑新鮮彈牙，墨魚嘅含量高，所以食落特別鮮味。個響鈴應該係即炸嘅，吸油吸得幾好，無乜油。

🔥同朋友喺石門試咗超高CP值嘅雞煲烤魚小店🙌🥥 海南椰子雞煲湯底好有家嘅感覺，椰香濃郁，係可以就咁飲嘅程度！我由個湯上枱到臨走嗰時都飲咗好多碗～雞肉滑嫩得嚟仲帶少少清甜，飲落燉湯🤤 🥩 至尊雪花肥牛肥瘦比例一流，入口即化，祿喺椰子雞煲度仲有提升幾分香味，價錢唔貴得黎好香牛味💕 🦐 手打靚蝦滑彈牙又有蝦味，每口都感受到鮮味，再加埋蟹籽脆卜卜嘅口感，好滿足😋 🥬 油麥菜清新解膩，配搭清甜湯底非常加分，增添菜嘅鮮味同甜味，健康又美味🌱 餸菜選擇多，份量足而且價錢好親民！適合一班朋友開心聚餐🎉🍲🐟

呢一間石門雞煲店越來越多人幫襯，今晚黎到竟然要等位，不過係值得嘅，因為呢間雞煲嘅質素都幾高。揀咗麻辣雞煲，要咗半隻雞，都幾大兜幾多雞，啲雞都靚，滾起一揭開個蓋真係好香好惹味，就連雞煲入面啲配料都好食，我最鍾意嘅紅洋蔥勁多，另外佢嗰啲蔥蒜都好鬼香。食咗一輪雞之後係時候加湯打邊爐，因為兩個人食嘢半隻雞都真係有啲飽嘅感覺，所以我哋打邊爐嘅時候都只係叫咗少少野，費事浪費食物啦。我哋叫咗薯粉、生菜同墨魚丸，啲嘢都幾新鮮幾好食。

很多時外出吃雞煲時，雞煲所用的雞的質素普遍都偏差，因為雞煲所用的醬料的味道比較濃，所以很多餐廳都會選用一些質素較低的雞肉去瞞天過海，不過今次光顧的這家雞煲店竟然用了一些質素較高的雞肉，很難得。麻辣雞煲一開蓋便香氣撲鼻，侍應生主動為我們炒雞實在貼心，雞肉有彈性且有鮮味，雞煲內的配料很惹味，半隻雞的份量都很多。當雞煲吃得七七八八後就開始打邊爐，點了韭菜餃、上海年糕(因為本身麻辣雞煲內的上海年糕很好吃所以就多點一份)、炸魚皮和炸響鈴。自家製韭菜餃很新鮮，喜歡韭菜的朋友不要錯過。上海年糕配麻辣雞煲真是一絕。這家的炸魚皮很長很巨型。

今日同朋友喺東鐵沿線行完街之後，心思思想食吓雞煲，就揀咗石門站附近一間超人氣雞煲店，我哋叫咗個兩位套餐，飽飽！😋😋✨✨麻辣雞煲好惹味，以其獨特的麻辣口味而受到廣泛歡迎。麻椒所帶來的微妙麻感，辣椒所增添的辛辣刺激。雞煲以雞肉為主要食材，配以各種蔬菜和香料，煮制後呈現出來的豐富風味。✨✨美國雪花肥牛係高質牛肉，牛肉的特點是脂肪大理石紋理明顯，呈現出美麗的雪花狀，脂肪的分佈使得肉質更加嫩滑多汁，增添風味！✨✨自製巧手韭菜餃以韭菜、豬肉或素菜為餡料，包裹在薄薄的餃子皮中，煮熟後口感鮮美。✨✨鮮蝦雲吞以薄皮包裹鮮美的蝦仁餡料而聞名，通常會搭配清湯或炒菜食用。✨✨脆炸響鈴鬆脆香口，係火鍋度幾秒就食得，吸收晒湯底嘅精華。✨✨蔬菜籃中和左雞煲嘅油膩感，健康之選！

今日又搵到間性價比超高食雞煲既餐廳佢地既雞煲SET好抵食, 有2,4,8人餐~包雞煲, 多款打邊爐材料 & 飲品!!我地2人點左個2人SET $388~~~分量好足, 食到飽飽另外仲可以單點, 有小食同串燒食添丫麻辣雞煲半隻麻辣雞煲好惹味, 麻辣味超濃郁!! 但辣得嚟又唔會嗆喉, 仲有少少麻香味, 食落非常過癮！半隻雞件份量都好足, 雞肉入晒味而且好嫩滑職員會幫忙炒雞煲~~~食完雞煲就可以直接加湯打邊爐喇~~~美國雪花肥牛雪花肥牛嘅油脂分布均勻, 肉質軟腍幼滑, 牛味濃郁, 輕輕一灼就食得, 入口即溶自制巧手韭菜餃4粒韭菜餃皮薄餡多, 韭菜味好香, 加埋豬肉, 咬落去充滿肉汁自制巧手鮮蝦雲吞4粒鮮蝦雲吞好大粒, 蝦肉好彈牙,  味道鮮甜~~~即炸脆響鈴2件脆響鈴即叫即烤, 炸得超脆, 616吸晒湯汁嘅精華, 味道豐富雜菜籃雜菜籃好新鮮, 有多款蔬菜: 娃娃菜, 油麥菜, 菜芯~

📍 漢龍雞煲烤魚 (沙田)沙田石門安群街1號京瑞廣場2期2樓225號舖👉 雞煲二人套餐💰388😋😋😋😋.7/5今晚我同朋友去咗漢龍雞煲烤魚，試咗佢哋嘅二人套餐，真係好滿足！✨麻辣雞煲半隻麻辣雞煲半隻上嚟，香氣四溢，真係忍唔住想即刻嚟一口。雞肉煮得好入味，麻辣味道恰到好處，唔會太過火，啖啖都係香辣的感覺。而且，裏面仲有韓國年糕，咬落去韌韌的，吸收咗雞煲嘅湯汁，味道更加豐富。✨火鍋配料食晒雞件之後，便加入蝦湯打邊爐，套餐入面仲有美國雪花肥牛，肉質鮮嫩，入口即溶，真係非常好食。即炸脆響鈴就係我最鍾意嘅小食之一，完全唔油膩再來就係雜菜籃，清新又有口感。而自制巧手韭菜餃同鮮蝦雲吞，兩者都係手工製作，皮薄餡多，出色👍🏻回頭: yesyesyes，漢龍雞煲烤魚嘅二人套餐真係好豐富，食物質素高，服務亦都好好。無論係同朋友聚會定係慶祝，都係個唔錯嘅選擇！下次一定會嚟食下佢個烤魚同燒烤☺️

為答謝好朋友上星期的大幫忙，今天特意在她住的地方附近最好吃的大餐。我們點鎮店之寶—-漢龍麻辣雞煲與四川香辣烤清江魚。漢龍的麻辣雞煲是一道色香味俱全的菜品。雞肉經過醃製，入味十足，散發出濃郁的香氣。雞味濃厚，微微的麻辣感讓人食指大動。配菜如洋蔥、大蒜、上海年糕和各種蔬菜都能吸收湯汁的精華，增添了口感的層次感。整體而言，麻辣雞煲的口味鮮辣適中，適合喜愛重口味的我。四川香辣烤清江魚則是另一番風味。魚肉鮮嫩，外皮烤至金黃酥脆，內裡保持鮮汁。調味料使用了四川特有的香料，帶來香辣和微酸的口感，讓人一口接一口。這道菜特別適合喜歡嘗試新口味的食客，無論是單獨享用還是與朋友分享，都非常合適。總的來說，漢龍麻辣雞煲和四川香辣烤清江魚都是值得一試的美味佳肴。兩道菜品都展現了四川料理的獨特魅力，讓人流連忘返。

石門京瑞一向多野食，今次試間雞煲烤魚店嘅 🔥麻辣雞煲🔥麻辣雞煲裡面有大量紅辣椒、洋蔥同芫荽，啲雞炒兩炒，索滿咸咸雞煲醬，肉質又夠嫩；我揀咗中辣，薑味幾重，食到我狂飲水🔥食完雞煲可以免費加湯打bino或者好似我咁 用半價揀湯底我揀咗沙嗲&麻辣 鴛鴦湯底湯底咁惹味，梗係要叫魚肚、青瓜、萵筍片、鴨血等索湯嘅配料，吸收晒麻辣/沙嗲醬汁嘅精華，好正😍 滑同丸都唔算貴牛栢葉又爽同新鮮餐廳仲有串燒食！隔離位叫啲燒茄子都好香，不過我地太飽🥹 每人食咗$200唔使已經好飽

沙田石門是新開發的地段，內有兩個商場，很像回到深圳一樣，今晚便來是一間新開的麻辣雞煲專門店。店內座位舒適，除了雞煲，還有烤魚和其他提供。麻辣雞煲半隻$168，雞煲已經炒到差不多熟透才上枱，待滾起之後便可進食，麻辣味道層次豐富，配料種類繁多，雞肉吸收了麻辣的香味，更加香濃惹味。這個雞煲有一個特色，是雞煲內有年糕，年糕吸收了雞煲的味道，煙韌韌，又可飽肚。鮮白鱔片一份$98，片爽口彈牙，味道鮮味。美國桶蠔$158，桶蠔蠔味十足，是來自加拿大的，要放在火鍋內6分鐘以上，才可進食。這裏還有火鍋醬料提供，是自助形式。可樂$15，雪碧$15。