漢都茶餐廳 (已結業)

因為住附近嘅關係，成日都會嚟呢條街食早餐，而呢間漢都茶餐廳更加係逢星期六必到嘅餐廳。成日嚟都不外乎大件夾抵食呢個道理。其中我每一次嚟到都只會叫一樣野，就係西式套餐喇。佢可以揀一個扒類，再搭配茄汁豆、腸仔、煎蛋、炸薯角、牛油方包，仲可以加$3要多士。不過基本上我每一次嚟都只會叫吉烈豬扒，佢地嘅吉烈豬扒係你落完單之後再幫你炸熱同炸脆佢，即叫即炸更係最好食啦，而且次次嚟到果塊吉豬都勁大塊，今次都有半隻碟咁大塊，好抵食！

有人叫我試下哩間焗豬扒飯，咁就去一試，雖然始終唔及大家快活既一哥焗豬好味，但佢都焗都幾好，首先唔好焗燶，其次個汁好夠味，豬扒夠腍，價錢真係好平3x蚊仲包埋野飲。

年初四一丁友係附近搵晚餐食，求其茶記啦，見佢裝修夠晒old school 應該都唔差既。就試下干炒牛河啦，色水幾好，夠穫氣但油左啲囉，不過牛肉真係好多食，唔硬，有肉味，河粉唔會一patpat，總體幾好架!

一心想再次吃石籬著名米線，但十二時許已見十多人排隊。你以為已經很多人？豈料回頭一時許再看，足足二三十人在斜路等位。趕著運動，惟可到附近的茶餐廳隨便吃個午膳，看見午餐難得撞見廈門炒米，即管進入此店。幸好廈門炒米的精要-五柳/酸瓜還是可見，雖然不多。其餘的蝦料、叉燒、均不多，即使撥開米粉，也不覺極多餡料。米粉還是挺大個，吃極都仲有的樣子。茶走味道不錯，煉奶味剛好不錯。座位細，肥一點也覺擠擁，連我坐著放個袋子在旁已剛剛好，看來這是特製小型卡位。

其實起石蔭路係有好多茶餐廳既選擇，何以我會走進這間？其實呢間我食過不出三次，加上呢間午飯時間都唔會坐滿人，今次吸引我原因想看到外面午餐有焗燒汁肥牛飯，加上32蚊一個午餐包熱飲起呢個葵涌區裹面算係最便宜，所以想也不想就走進去了。呢條街白天人流都幾旺，主要茶餐廳同藥房較多亦有酒樓及小型超市同家品店等等。內裹算係整潔企理，有十幾陪枱左右。入到黎仲有卡位坐，時間大約係中午12點45分左右。是日午餐，識食一定食"D"餐，阿姐話呢個餐賣晒要再整叫我等十分鐘，我真係估唔到未夠1點呢個餐就賣晒要再整，我好爽快咁答:。熱OT比較澀左少少。焗燒汁肥牛飯-就咁看面層仲以為係連鎖餐廳個D焗豬扒飯，個燒汁少少似洋蔥汁種味道甜甜地，而且個汁好濃又夠"傑"，正係汁撈飯都夠好食，肥牛方面看下圖肥牛都唔錯有口感，一塊牛肉入面肥肉跟廋肉佔既比例50/50岩岩好，再撈埋燒汁真係好食到不得了當然都計算埋價錢在內真係超抵食，不過佢餐牌日日都唔同要再食呢個餐真係可遇不可求，今日香港要搵到咁既價錢同質素已經好難 多得一男子攪到香港今時今日咁。香港人加油

店面雖然不太吸引, 但他們的下午茶餐確是超值, 不過我只會光顧他們的西多士, 有送紅豆冰, 共$17。雖然只有一碟西多士和一杯飲料，但那碟西多士頗厚兼夾有花生醬，不錯 ! 只是那杯紅豆冰的紅豆有點硬…

香港的茶餐廳無處不在，就像便利店一樣，總有一間甚至多間在左近，可謂方便到極，又是街坊街里，在工業區附近工作的打工仔，以至學生哥都是首選茶餐廳。今天來到石蔭路，鄰近工業區和屋村，附近又是住宅大廈，整條街熱鬧非常，不如找一間茶餐廳醫肚。上次到來已經留意到漢都茶餐廳，為何不可以入去感受一下街坊街里，兼且有工廠區夾雜的茶餐廳？大多數甚至全部茶餐廳都會提供快餐，或者是午市套餐，或許在下吃得太多這類的快餐或午市套餐，為何不可以嚐試一下其他呢？茶餐廳提供不少炒粉麵飯，茶餐和扒餐，也有咖哩，總有一款啱口味，除非不愛茶餐廳吧。今天的餐湯是菜乾煲豬骨湯，是一道很尋常的家常例湯。菜乾性微寒味甘，具有養心調血，清熱除煩，解渴利尿，通利腸胃，清肺熱。豬骨與菜乾煲湯，實是味甘帶鹹，沒有一點味精；湯面的油也是由豬骨所致吧。在茶餐廳吃碟頭飯就吃得多，吃炒粉麵的卻少之又少，原因以往炒粉麵都較碟頭飯貴的，但是今天一於少理，點來的是時菜豬扒炒河，碟上的芡汁充足，能覆蓋炒河，而且沒有那種濃稠漿糊狀，而且豬扒已經斬件，無需吃得樣衰兼狼狽，再加上少許辣椒醬，便可大啖啖的吃。芥蘭炒得非常爽脆,而且沒有渣，豬扒煎得軟腍鬆化，醃得入味

其實本人是街坊（上面條村住）, 而且過兩間舖有間平價超市, , 所以很多時都會路過石蔭村。今早無吃早餐就去運動場跑步, 運動完當然餓極了, 那早上最好的選擇就非這個早餐莫屬了, 因為本人不愛吃湯麵類, 即是西早適合我, 呢個餐絕對滿足晒我既要求。個餐有吉列豬扒兩塊, 煎雙蛋, 炸薯餅, 牛油方包, 茄汁豆及包熱飲係$24。呢度D吉豬說實話炸得不錯, 不會太乾但又幾脆, 仲有加$2. 由牛油方包轉塊厚多士通常我都會比佢, 呢個就係我認為最 Perfect 既早餐了, 都係M記價錢已很滿足。今日唔知仲咩送多左一份牛油方包比我, 我無理照食 (有食唔食罪大惡極, 哈哈!)

未上班, 繼續的同太太車遊一番. 是日, 因為太太想看看考車的地方, 於是來了石梨呢一個山頭. 說真一句, 呢一帶地方, 除了區內居民外, 同因為要考車牌, 完全唔會諗到會來這一頭吃東西或shopping.我們圍繞了試場一周後, 找了一個超平的car park. 我們便落去一條算是幾旺下既非屋邨街, 尋找一家入得過的茶餐廳.因為此街, 是位於較山腳的位置, 所以除了山上的居民外, 山下工廠區的午飯客, 同周圍學校的學生, 差不多把整個茶餐廳, 迫個半滿. 此店, 原來是前後舖. 正舖對著街, 唔夠位, 一個哥仔叫我們行出後門, 原來在商場內, 至少另有兩個舖位是他們的地頭. 安頓好, 就點東西吃了, 茹素的太太, 黎親茶餐廳, 梗有一樣野啱食的, 而這啱食的東西, 就是羅漢齋炒麵. 一看, 脆脆的麵餅, 就知道這兒的鑊氣夠, 而羅漢齋, 就用了純天然的料, 豆腐, 冬菇, 木耳, 茶心同芽菜. 真的, 比起好多齋舖炒的羅漢齋, 更清. 唯一不夠好的是, 汁唔夠, 炒麵應該要多一點汁, 才香. 茹毛飲血的我, 就要了一個味濃兼肥膩的, 梅菜扣肉. 肉腍, 肥而

因為岩岩新搬黎呢區嘅關係，試左好幾間餐廳都麻麻地！但今日試左呢間漢都餐廳感覺好好=] 一入到去就有親切嘅感覺 服務好好 叫左幾個小菜涼瓜排骨 涼瓜唔苦澀 好味葱油雞有雞味 鮮姑扒生菜 東姑唔老蒸大眼雞夠鮮甜羊腩煲足料又唔會有(蘇)味 推介

2010年7月25日 葵涌 ( 漢都茶餐廳 - 1)星期天，跟太座到這裡早餐，要了兩個餐，分別如下。飲品要了凍奶茶及熱鴛鴦，兩者亦屬普通產品，算是 OK....一碗豬柳漢堡炒蛋米粉，豬柳漢堡好味，炒蛋對味，米粉普通。另一碗雪菜肉絲麵，雪菜多，肉絲難尋，麵有點過腍。還有油包、煙肉及煎蛋，油包、煙肉質素麻麻，蛋煎得唔靚，味道OK...飲食期間，幾隻蒼蠅在不斷的騷擾，都幾煩的...。

二年前同女朋友食過，味道都還可以,當時仲未裝修過嚟!但今次再去食，真係唔多掂,我同屋企人叫左個二人套餐包括一個海皇豆腐湯羹，一碟蒸烏頭（自選蒸魚），一個魚香茄子煲（自選小菜），兩碗白飯，兩杯飲品海皇豆腐湯羹：豆腐多，唔多新鮮，好似就「叔」咁，好多蛋白，有味精，比我預期中差蒸烏頭：出奇地ｏｋ好食，亦係唯獨得呢樣好魚香茄子煲：平平無奇，食幾舊已經覺得好膩，唔想再食凍奶茶：好甜，唔知攪乜，飲左幾啖就要即刻叫佢換過杯食完今次之後，真係絕對失望，唔會有下次

今日同左d同事去左呢間店到食晏,叫左個鮑魚雞絲炒飯,一上枱已知出事,d飯一d都唔乾身,似爛飯多d,入口果種感覺真係唔得,但size就真係大,而且幾足料,$29連野飲,算啦,都可以接受.

超高 kcal 的下午茶，食左先算吧!第一次黎漢都食 tea，原來都幾多選擇，我地揀左雞脾薯條 & 豬扒薯條，全部都係即炸，熱辣辣!!轉紅豆冰唔駛加錢~ 不過味道麻麻，太淡，紅豆唔夠香...

新的漢都茶餐廳從隔離搬到現時舖位 , 唔知是同一班幕後人是否 ? 名無改到 , 但我所見新的老闆娘好像不同人了。管理層不重要 , 新的舖我覺得坐得舒服左 , 又有大電視比以前更清晰 ..... 至於 D 食物呢 ? 一個平日的下午約四時 , 我第一次決心了解下新店 , 坐下來叫個吉列豬扒下午茶餐 , 包括有三角形薯餅一塊 , 吉列豬扒一塊 , 煎蛋 , 茄汁豆少量 , 同兩塊多士 (一片方包) , 涷奶茶一杯 , $24 +$2 = $26 大元 ! 基本上所有野都出色 , 先講主菜吉列豬扒 , 大塊足一件豬扒連骨 , 炸得很脆熱辣辣 , 當然無得頂啦 !!! 薯餅都脆 , 多士焗得很香口 , 有兩塊三角形 , 好夠飽 , 滿足程度比滿分 !!! 價錢其實大約比以前貴左 $2 左右 , 反而我不仲意 , 最仲要能比番有質數的食物囉 !不過因為新店關係 , 通常都會比較好 , 唔知將來 keep 唔 keep 得住呢 ?!