漢那厨房 (已搬遷) 新店位置

本局長繼續長洲公幹，是日辛勤工作至黃昏時分，所謂月明星稀，烏鵲南飛，在醉人夜景下同兩位手足來到一日式餐廳前，據聞餐廳老闆由日本遠道而來長洲落地生根，本局長為拓展港日友誼，實行港日一家親，遂決定於門口位置就座，一邊品東洋食物滋味，一邊飽覽長洲人生百態。本局長與眾同樂，點左金菇肥牛卷、日式炒烏冬同冷烏冬拼壽司沙律，兩手足見本司長豪爽請客，目中流露出對本局長既無限欽敬。金菇肥牛卷非常好食，煎得香噴噴之餘，更有甜而不膩既醬汁，加上沙律蛋及生菜襯托，屬本局長推介級別。日式炒烏冬唔油膩，有些微甜味，豬頸肉鮮嫩，是為誠意之作。冷烏冬有醬汁相伴，不過不失，壽司內包炸豬扒，既特別又好味，沙律亦十分好吃。總括而言，此餐廳食物水準甚高，價錢公道，本局長與手足大快朵頤，屬本局長誠意推介之選。

長洲既三日兩夜旅程又點少得食 睇睇下openrice就俾嚟間既菜餅相吸引左 門面係無名既所以搵既時候都花左啲時間 去到就3點到落場時間但佢地仲好好人咁take埋我地既order. 誰不知佢地已經唔再整個個餅 我地就叫左一個豬頸肉蕎麥麵同鱒魚飯 個魚超好食 超級推介 好食過附近嚟外一間既日本餐廳 個蕎麥麵就無乜特別不過不失以佢既素質嚟講覺得幾扺食 係會有想返轉頭試其他野既衝動 可惜佢星期一唔開門 要去就記住啦

餐单选择不多，都是主食面饭。好适合一些有选择困难症的人群无论是食物and饮品卖相，餐厅内外的装潢全部皆不加修饰，平平淡淡简简单单。餐具都用上即弃的，干净又利落。服务人员也是亲切友好，坐下来用餐时，一切都让人感觉好舒服…有一种在海边小屋用餐的感觉。点的是日式咖喱吉列猪扒饭，咖喱汁浓稠拿捏得当、不油腻，这种炎热天气，这个味道刚好。猪扒口感很好，但略嫌味道不够，要沾上好多好多咖喱汁才觉好吃。但这个价钱，也值个好评啦～有进步空间哦～

話說今日就秋高氣爽，小妹一早就拉咗男朋友入長洲，我地早餐都未食，餓住個肚搭船，又要miss咗班船。所以一落船就即刻沖去一直都幫襯開嘅漢娜廚房，原本我已經記熟咗佢嘅鋪位，點知去到無咗，我再周圍望下先發現搬咗去對面。餐牌A. 冷烏冬拼壽司及沙律我由中二開始幫襯，次次都係叫呢個食，因為真係好食。其實之前佢個冷烏冬係用竹個d野黎放，d汁就係用細細個d杯仔，唔知係咪越黎越懶，變咗用即棄。再講下d壽司，酸酸地，好開胃，原本有四件架，不過男朋友太餓啦，所以食咗件。壽司都幾大件，但有一兩嚿唔平衡，細咗d。沙律方面，真心好食。d蟹芓好多，青瓜絲都好好食，份量都好足夠。整體黎講真係好食，雖然烏冬同個汁都普通，但勝在唔咸，食完唔會好口渴。所以$52連飲品，係唔錯嘅選擇。G. 滑蛋吉列豬扒飯雖然話係吉列，但豬扒並唔脆，不過我男朋友有d喉嚨痛，所以都接受到；同埋滑蛋唔係滑蛋，係炒蛋，令到個飯美中不足。而份量都夠一個男仔食，$50都叫抵食，仲包一杯飲品。路線：落船後向右直行，見到好多小食店就啱，之後你會見到一間有透明膠帳篷個間就係。PS：正係開8:30am-3:00pm;6:00pm-9:00pm

老公係長洲人,不過佢未試過呢間。老爺就話呢度D野食唔錯, 仲話係咖仔開~ 所以今晚趁有朋友從香港入嚟玩, 擇日不如撞日, 一齊去試吓！我地一行3人叫咗3個碟頭飯：1) 日式咖喱吉烈石斑飯2) 吉烈豬扒蛋包飯3) 吉烈豬扒芝士焗飯評：咖喱汁一般, 無乜驚喜, 似出面喺超市買果隻日式咖喱磚塊嘅味 ~ 不過d薯仔紅蘿蔔就幾足料。吉烈石斑好脆口, 上菜後10分鐘再食仍然保持脆卜卜。三個之中覺得蛋包飯最好食。豬扒肉質好淋, 外層脆, 內有點肉汁。有機會的話我會再返去試其他菜。

自友人給我介紹過長洲的日式椰菜餅後，今次來到長洲也必定要吃一個才心息～漢那厨房外就設有椰菜餅專賣部，兩塊煎板上也有數個煎餅～大大個的，待底面兩面煎至微黃及熟透即可～椰菜餅 $20［評分：8/10］由於椰菜餅味道較淡，所以店員會在煎好後的菜餅上加入大量照燒汁及沙律醬，樣子吸引，當中除了椰菜絲外，還有少量蟹柳作提味椰菜餅質感較為鬆散，不會厚實實的，菜絲較多，不似一般的煎餅混入大量粉漿，所以感覺不會太膩。而椰菜絲入口帶微爽，混入了蟹柳增加鮮味，再配上大量的沙律醬及照燒汁，感覺濕潤，味道酸酸甜甜的，吃下一整個也不覺膩呢～漢那厨房 (長洲)長洲建新里5號地下～～～～～～～～～～～～～總消費：$ 20味道：8/10環境：7/10服務：7/10衛生 : 7/10抵食 : 8/10

帶肥髀入長洲逛下，到嘅時候早上11點幾！一個好尷尬嘅時間，早餐時段剛完，又好像未到時候食午餐，入長洲主攻小食，都唔想食咁飽！本來想來呢間食煎菜絲餅，不過好像未有，見午餐都啱食，咪照坐低，店內環境光猛乾淨，地方好細，大約二十個位，而且幾迫，店外仲有帳篷室外位！店內有個開放式廚房，四個廚師在內忙著煮食，有時樓面店員都會入去幫手！我們坐低，店員無比餐牌，好像只依靠牆壁上嘅餐牌比食客睇！（相片好細張）睇完叫了：早餐格仔熱香餅：格仔餅即焗，但成品偏硬，搽兩片薄薄的牛油，（我平時唔好牛油都覺得少 ）又唔見店員比其他醬料我！（無理由咁齋啩 ）忍唔住問店員，佢先醒起要比埋練奶同糖漿我，加埋一齊食先好味，因為糖漿只係普通糖漿，唔同楓糖漿有香味，而且質地較浠，所以唔及練奶好味，練奶杰身又甜又有奶味！味道配格仔餅又夾！比糖漿好！但主要比格仔餅硬身扣分了！午餐A冷烏冬拼壽司沙律：因為剛到午餐時間，店員都提醒我要等等，等待15分鐘先到，個烏冬盤幾精緻，日本風格，用竹蓆木盆盛住，但烏冬一啲都唔彈，好粉！點普通樽裝嘅冷麵汁，連青蔥芝麻都無嘅淨汁，唔好味，幸好仲有個蟹子沙律，幼長條青瓜爽口唔會碎濕濕，我鍾意夾得起

復活節假期最後一天入長洲逛逛，原以為會人山人海，想不到也不是那麼誇張。每次去長洲必定會去"漢娜廚房"，幾年前開業至今，食物款食增加了不少，但講到必食的非"日式椰菜餅"莫屬。才HK20的一個椰菜餅，吃到飽，細食者可以當午餐吃。外面煎得乾身，內裡充實的椰菜絲及其他配料，上面塗上燒餅汁和蛋黃醬，賣相和味道都很好！令人一吃再吃。每次入長洲都會吃，今次水準依然，推介大家下次去長洲必定要試！

今個週末六,日,和朋友到了長洲兩日一夜的宿營. 離開營地已經是三點多,我們打算找一間小食店食下tea之後便離開長洲.行到碼頭附近,看見有一班人正在等待這位Uncle的日式雜菜餅.嘩,這麼多人正在等,深信必定不錯,所以我們也order了一個.在order的時候,女職員便向我們說,現在有10多個正在等候,你們趕時間嗎? 嘩,好細心呀. 但我們又不是太趕,而且又想食,所以我們堅持order.在等候的同時,我便一邊影影相,一邊看著Uncle造日式雜菜餅. 心想,一個爐只可造4個餅,真的要等約20分鐘. 無所謂啦,平時到飯店,等一碟小菜也差不多時間,真的希望這個雜菜餅好食.之後陸續不少人也order一個,order又一個. 終於聽到Uncle說話了,聽他的英文口音及中文口音,才知道他是日本人. 嘩,平時在旺角小食店或日本超市吃的都是香港人手製的雜菜餅. 還未去過日本旅行的我,今次首次吃到日本人親手製的日式雜菜餅,原來又名廣島燒.等了約20分鐘,雜菜餅終於來了.嘩. 真的好好味. 之前在旺角吃過,是勁多麵粉,口感是整個口都是粉漿,但這一個完全不同,麵粉糊適中,加上滿滿的雜菜一起也使這一個麵粉糊更加