漢興茶檔

午飯時間經過呢間舊式茶檔除咗見到入邊座無虛席 仲有幾個人喺出邊等緊外賣等咗10分鐘左右就有位入邊空間唔算唔大一至兩個人食預咗一定要搭枱夥計同埋食客數量都好多 見到夥計姐姐同廚房師傅都好密手出餐睇餐牌揀咗普通嘅沙嗲牛肉同雞翼麵其實大部份都係好普通嘅食物但勝在價錢夠平呢啲咁簡單嘅食物好難講得上有幾好食但係間唔中就係想食吓呢啲茶記嘅簡單食物兩款麵都係$24 炸雞翼好香口 油分十足見到好多枱都會齋叫三隻雞翼嚟食最吸引我嘅係鹹牛肉蛋治蛋餅夾埋鹹牛肉粒味就道好好有埋蔥粒成舊蛋好香4件麵包入邊搽咗牛油 輕微烘過底喺麵包入邊再夾少少鹹牛肉蛋食真係一流！唔係咩特別嘅食物但就係覺得好有懷舊嘅味道食完想再encore 三樣嘢加埋杯奶茶都係$84 時光倒流嘅物價…查看更多

星期六九點鬆少少去到門口，已經見到條小人龍，好在五分鐘唔使就有位。店內唔算好大，搭枱就必然，當然無咩所謂。蛋咸牛肉麵（$24）加餐肉（+$4）麵有得揀，揀咗福麵，好耐未食過又另一番風味。蛋咸牛肉整得好靚，圓碌碌脹卜卜，仲好有心思加埋蔥花，雖然都係預期中嘅味道，但食得出好有誠意。餐肉有兩塊，厚切半圓，$4抵食。蛋咸牛肉加多士（$22）加餐肉（+$4）蛋咸牛肉放係兩塊餐肉上而，然後用四件牛油多士圍住，擺盤靚靚加哂分。熱奶茶（$14）因為無套餐，所以散叫一人一杯。味道可以，頗滑。雖然全部嘢食都係預期之內嘅味道，但食得出係用心製作，難怪客似雲來。…查看更多

下午茶時間來到這位於粉嶺的小店，等了一會兒便有座位了。聖誕節的裝飾為這茶檔增添了一些聖誕氣氛，非常不錯。～蛋鹹牛肉加多士 （$22）+熱杏霜($14)不愧為受歡迎的食品，賣相不俗，味道一流。最愛那烘底小多士，功夫一點也不馬虎，每片都掃上牛油。小多士配那厚厚醎牛肉蔥粒蛋餅吃，口感豐富，味道獨突，好吃！👍杏仁霜真材實料，味道討人。～沙嗲牛肉麵 （$24）+雪碧($9)沙嗲牛肉醃得味道剛好，沙嗲味出，牛肉腍又入味。軟硬適中的：即食麵爽口，掛上湯和沙嗲醬汁，味道吸引。汽水是支裝上，有點懷舊的味道。第一次幫襯這茶檔，感覺不錯呀！這裏的食物性價比高、食物味道又好，真材實料，怪不得捧埸客不少。有機會的話，我必會再來幫襯。…查看更多

每次泥都係叫雞翼米粉加凍奶茶，有時會加埋咸牛肉蛋餅！區內出色嘅茶檔，凍奶茶陣味得佢先有，雞翼炸得脆卜卜，咸牛肉蛋餅係佢嘅特色食物，加咗洋蔥一齊炒，非常惹味！會繼續幫襯！…查看更多

初試粉嶺出名既漢興，一入岩岩好有位，餐牌簡單易明，樣樣單嗌有咩都可以另外加錢。當日嗌咗蛋鹹牛肉通+豬扒丁配熱奶茶。豬扒就唔算好熱應該一早都整好哂，不過浸一浸湯都ok。蛋鹹牛肉好食又夠熱。 見隔離食客都多嗌沙嗲牛，下次再幫襯可以試下不過就要小心時間，閒日朝早都多人，要等下位…查看更多