漢城美食

營業中

休息中

韓國街一早就去過， 但係未嚟過呢間由2001年開始， 就原創喺香港嘅餐廳， 佢哋主打年輕族群，菜餚種類豐富，現時仲有特價優惠。🥢芝士壽司一碟有好多件，好香芝士味，唔使醬油都已經好香。🥢牛肉石頭鍋飯入邊勁多配菜，咬落口感豐富，鍋底有飯焦， 成個飯都勁香口。🥢韓式炒粉絲粉絲煙韌度適中，配料勁多， 麻油味好香， 成條粉絲俾我食曬。總括來講，我最欣賞佢好正宗， 同埋佢嘅裝修真係好特別，又有家又有去咗韓國嘅感覺。而且價錢相當合理。 系韓國街一個唔錯嘅選擇。

'呢間開咗25年嘅韓國餐廳真係可以話我同男朋友既飯堂🍴次次想食韓國野又唔想試新餐廳就實係佢~性價比高, 價錢親民得嚟仲有好多菜式。最鐘意一定係佢地個Daily special, 岩曬我呢啲選擇困難重症人士😂🍔𝙆𝙞𝙢𝙘𝙝𝙞 𝙋𝙖𝙣𝙘𝙖𝙠𝙚泡菜煎餅真係食到記得Menu number😂佢地嘅煎餅係個邊會脆卜卜個種, 泡菜又多 啖啖都會食到！🐣𝙂𝙖𝙧𝙡𝙞𝙘 𝙖𝙣𝙙 𝘾𝙝𝙞𝙡𝙡𝙞 𝙒𝙞𝙣𝙜雞翼大大隻，炸得好脆🙌🏻今次揀咗蒜香辣味唔會好辣，跟埋炸年糕都幾好食🍟𝙃𝙖𝙣 𝙎𝙪𝙣𝙜 𝙅𝙖𝙥𝙘𝙝𝙖𝙚麻油味超香,配埋唔同既蔬菜好有咬口☺️📍漢城美食尖沙咀金巴利道74-76號地舖環境🤍🤍🤍🤍🩶味道🤍🤍🤍🤍🩶打卡🤍🤍🤍🤍🩶抵食🤍🤍🤍🤍🤍

尖沙咀金巴利街=韓國街 去到附近 梗係食韓國嘢啦😜 呢間住家風味小店 價錢經濟實惠 餐牌選擇多 時不時有優惠 難怪咁多年輕人幫襯-🍗原味雞翼🍗醬油雞翼坐低第一件事 係睇Bunsik Special Menu揾特價小食🤗 最後揀咗國民小吃炸雞翼 外皮酥脆內裏軟嫩 每小籃搭幾嚿甜辣年糕 啱晒我心意😙-🥘辣泡菜炒飯越嚟越鍾意泡菜 淨食辛辣可口 用佢入饌變化無窮 炒飯顏色sharp醒 嗦嗦聲有口感 泡菜同辣醬嘅勁度 越食越有 食完之後 十分飽肚-🥓辣炒豬肉套餐豬里脊廋而肉嫩 健康又不失肉鮮 啖啖肉得嚟 滲住米酒香 呢款豬肉料理微辣開胃 下飯一流🍚

🌟 尖沙咀韓國餐廳真係多到數唔曬，想全部食曬都真係有啲難度🤣今次決定試下呢個係街口轉角位、幾當眼嘅——漢城美食，冇乜期望入去，點知一試即中，尤其係醬油蟹，簡直係最大驚喜！🦀 醬油蟹+紫菜飯團 $190蟹肉鮮甜到不得了，蟹膏仲要份量十足，將紫菜飯團放入蟹蓋，撈勻蟹膏同甜香醬油，一啖啖完全停唔到口，醬油鹹中帶甜，令蟹肉味道更突出，齒頰留香🤤。仲可以自己整飯團波波，增加成餐飯嘅趣味😆🥣 牛尾湯 $128湯底清澈但香氣濃郁，入口係淡雅清甜嘅牛尾香，牛尾已經燉到筷子輕輕一夾就骨肉分離👍🏻，牛尾骨份量超多，好抵食，配白飯簡直係靚湯飯最佳示範。🍠 紫薯米酒 $125米酒帶淡淡紫薯香氣，比普通米酒多咗一份自然甜味，飲落順口又特別，啱晒想試新口味嘅人。可以屹立尖沙咀咁多年，靠嘅係正宗韓國味道、親民價錢同穩定出品。醬油蟹真係今餐最大亮點，價錢以尖沙咀嚟講仲係數一數二抵食。下次一定搵埋朋友、家人一齊嚟食😋

尖沙咀想食韓國菜？👀 推介 漢城美食呢間餐廳自 2001 年已經開業可以話係香港最早期嘅韓國原創餐廳之一，價錢仲算好實惠，學生／上班族都啱食 👏。🦀 醬蟹 Soy Crab + DIY 飯糰蟹肉鮮甜，自己動手整飯糰，好玩又好食！🍲 人參雞湯 + 韓式年糕湯底清甜滋味，配飯好滿足，最啱秋冬飲。年糕好煙韌‼️🍠 甜薯馬格利酒微甜微酒香，好 refreshing，食住辣野飲特別啱。after taste 真係有紫薯味。📍 地址：香港尖沙咀金巴利道74-76號地舖#香港韓國餐廳 #尖沙咀美食 #尖沙咀好去處 #香港韓餐 #韓式料理 #漢城美食

今次同大家分享一間我私藏好耐嘅 韓國老字號餐廳，由 2001年開業到而家，一直係香港韓餐界嘅元祖級代表！🇰🇷 重點係價錢超級親民，食物亦都係好啱年輕人口味，菜式多到眼花繚亂，仲有期間限定優惠，真係抵食到尖叫啊～😍 **🦀【醬油蟹＋紫菜飯團】** 醬油蟹醃到啱啱好，蟹膏濃郁到好似食緊海膽咁，撈埋紫菜飯團一齊食，鮮味直接衝上腦！💥 蟹肉滑溜溜，仲有微微甜味，完全冇腥氣～ 飯團捏成細細個，蘸埋醬油蟹汁，真係偷飯賊級別嘅邪惡！🤤 **🍗【年糕人蔘雞湯】** 人蔘雞湯超足料，雞肉燉到一夾就散，湯底濃郁得嚟唔油膩～ 驚喜係入面仲有韓式年糕，煙韌吸湯，每一啖都係精華！❄️ **🍠【紫薯米酒】** 紫色嘅米酒 💜 紫薯香甜 + 米酒微醺，口感順滑到好似飲緊甜品咁～ 酒精濃度唔高，女仔飲都完全冇負擔，仲可以打卡呃 Like！📸 #香港韓國餐廳 #尖沙咀美食 #尖沙咀好去處 #香港韓餐 #韓式料理 #漢城美食#醬油蟹 #人蔘雞湯 #紫薯米酒 #平價韓餐 #香港美食地圖 #打卡餐廳漢城美食 (尖沙咀)尖沙咀金巴利道74-76號地舖

⏱️由2001年就開設係韓國街既韓國餐廳有多款套餐 韓式小食 分量多而且價錢親民🩷1️⃣韓式牛肉炒粉絲麻油味超香 牛肉味加埋一齊好夾 粉絲彈牙 加埋波菜 洋蔥 娃娃菜 蘿蔔 好有咬口2️⃣蜜糖蒜味炸雞翼雞翼炸到外脆內嫩 甜咸甜咸呢個配搭真係好正3️⃣labbokki韓式拉麵加炒年糕拉麵煮到軟硬度岩岩好 年糕煙靭 醬汁帶甜 不會太辣4️⃣冷麵冷麵係夏天切食既 加上芥末 醋一齊食 真係涼透心消暑一流

約了朋友食飯、好耐冇食韓國醬油蟹了、所以揀了一間醬油蟹出名的餐廳、由韓國人主理，美味正宗韓國料理、環境整潔，座位寬敞。🍽️🍽️🍽️🦀🦀🦀🍽️🍽️🍽️🥄👅 Soy Crab 1pc + DIY Rice ball 💲190👅🥢口感滑嫩像果凍，咸鮮帶甜，蟹黃是精華。把蟹黃擠在飯上，用海苔包著吃，帶出海鮮甘甜、啖啖乳化濃郁感。🥄👅 Rice Cake & Ginseng Chick Soup 💲119👅🥢燉湯系列-乳白湯頭蒸騰人參甘香，一勺舀起糯年糕與燉透雞腿肉！骨髓化入湯里醇厚如綢，配一口吸飽湯汁的米飯。🥄👅 Kooksoondang Makgeolli 💲105👅🥢乳白米浆漾出蜜瓜甜香，气泡如星在舌面轻炸！3%酒精感温柔包裹，尾韵酸奶酸香收尾

2001年開業嘅韓國餐廳，係區內開店最耐又最經濟實惠嘅老字號！由韓國人主理，味道正宗到好似飛咗去首爾！餐廳環境整潔，座位寬敞，適合家庭聚餐，仲有學生優惠價，平民價格食到高質韓菜！冬天嚟講，佢哋嘅燉湯系列暖胃又滋補，超推！生米酒清新又易入口！帶點淡淡嘅米香同甘橘甜味，入口順滑微甜，酒味唔重，飲落好似清涼嘅果汁咁！小菜好正宗，尤其是個泡菜，好食到叫佢refill咗一次豬手燉得軟糯入味，肉質嫩滑，入口即化，配上韓式醬汁，甜辣惹味，食落好似喺韓國燒烤店咁滿足！半份已經份量十足，沾醬食更過癮！年糕人參雞湯係冬天嘅救星！湯底用石鍋盛載，熱辣辣上枱，保溫又夠氣氛！人參同雞肉燉到軟嫩，湯底鮮甜濃郁，充滿滋補嘅人參香氣年糕軟糯Q彈，吸滿湯汁，食落好飽足！仲附送一碗白飯，暖胃又暖心，凍天食呢碗湯真係幸福感爆棚！

呢間餐廳係韓國人主理，可以食到正宗韓國菜～開業咗差唔多25年，質素唔錯又抵食，到而家都係咁多人幫襯～-佢每日都會有daily special比較抵食，通常星期五至日都係醬油蟹，鍾意食醬油蟹嘅記得呢幾日嚟啦～今次星期六食，就係醬油蟹加紫菜飯團（$171）～醬油蟹嘅醬料調得好好，仲食到蟹嘅味，食完第二日都無事，證明夠新鮮🤣-想食新嘢就叫左漢城炒年糕（$77），年糕好煙韌，不過辣度都幾高，好彩有紫菜飯配🤭-食韓國菜梗係要食炸雞，今次試蜜糖蒜蓉雞翼（$79/7隻），隻隻都夠大，炸得夠脆但唔會硬，蜜糖味唔會太甜～食完炒年糕再食啖雞翼可以解辣😛-雖然開業咗咁耐，但係餐廳都有翻新過，座位變得闊落，都坐得幾舒服，有啲位仲可以坐10人，啱晒同一大班friend嚟～

問咗店員原來開咗20年，好勁，入到去好大好光猛裝修都幾得意，尤其個窗有啲韓文字好得意。嗌咗Premium Purple Sweet Potato Rice Wine，係紫色嘅，每一次飲韓國米酒都會有醉意🤣好飲好飲，唔會有餘溫喺個口度令到口腔好臭韓國人主理正宗韓國料理，真係太好食。店員話開咗20年左右。真係超級好食醬油蟹，好新鮮好嫩滑啲蟹膏好甜，而且價錢吾貴!!!好驚食到嗰啲唔新鮮真係危險入醫院。套餐配紫菜飯又係好好食，紫菜新鮮脆卜卜啲飯微濕軟，入邊仲有好多細細粒香料牛骨粉絲鍋又係好驚喜好好食，粉絲好腍，充滿牛骨味，牛骨好香好濃郁好腍。根據韓國傳統，他們另外配了一碗飯可以整泡飯點泡菜食。還有三小碟，包括腐皮、泡菜和韓國煎餅。

喺金巴利道已經超過20年，由韓國人主理，韓國餐廳嚟講地方都算幾大，座位寬敞，環境都幾啱傾偈，適合朋友家庭聚會。醬油蟹+紫菜飯醬油蟹係韓國名菜之一，用新鮮生蟹浸醃特調醬油製成，今次呢隻蟹肉質鮮甜，蟹膏好豐富。醬油蟹配一配紫菜飯，可以拌蟹膏食，鹹香鮮味兼備，醬油不會掩蓋蟹肉本身嘅海鮮風味。年糕餃子湯結合牛骨高湯、年糕片及韓式餃子，口感豐富且飽肚。湯底香濃，年糕滑嫩，餃子多肉香，再加蛋絲、蔥花等增添層次。生米酒生米酒用糯米或大米發酵而成，酒精度低，味道清甜。適量飲用可促進消化同增進食慾添！

外型跟在韓國的街角餐廳一模一樣，進去的感覺更像，空間感十足，枱面好大，只是餐具沒有用不銹鋼，否則的話，簡直以為自己身在韓國了。✴️芝士雞翼 $52韓式炸雞，真的好難挑剔。口感非常酥脆，還配上了炸糕，表面撒滿了咸香的芝士粉，味道無得彈。✴️牛肉紫菜飯卷 $76色彩繽紛，紫菜包着大量蔬菜（菠菜／紅蘿蔔／牛蒡……）雞蛋。及牛肉碎，口感豐富，好食。✴️炸醬麵 $89韓國菜必食，份量好大，炸醬用上大量洋蔥及不同蔬菜，麵的質地爽滑。✴️拉麵（公仔麵）炒年糕 $86年糕／公仔麵／魚糕，濃滿滿一大碗，份量也很多，我們吃到最後，真的吃不完。總結，餐廳環境令人有身處韓國的感覺，地方寬大件夾抵食，喜歡傳統韓食的，這家是不錯的選擇。

今次終於嚟到漢城美食啦！🤩 呢間小店雖然唔係咩華麗裝修，但係勝在夠地道，啲嘢食有晒家常風味，而且價錢好親民，係想食韓式嘢嘅唔錯選擇！🍜炸醬麵：招牌炸醬麵真係冇得輸！🥢 炸醬超濃郁，撈勻晒每一條麵條，上面仲有隻半熟蛋同青瓜絲，食落去甜甜哋又有少少鹹香，口感豐富，真係食到停唔到口，好似置身韓國咁！🍗甜辣炸雞翼: 雞翼炸到外脆內嫩，甜辣醬汁包住晒成隻雞翼，甜甜辣辣好開胃🤤🍙吞拿魚紫菜包飯：紫菜包飯大大份，入面嘅吞拿魚餡料都好足料，配埋其他蔬菜，口感好豐富🌶️少辣拉麵年糕：想食得豐富啲，點咗個拉麵年糕，揀咗少辣，啱晒我呢啲食得辣又唔太食得辣嘅人！年糕煙韌，麵索晒湯汁

尖沙咀韓國街有好多間韓國餐廳，我自己鍾情「漢城美食」，從幾年前睇演唱會去食過第一次，依家去搵尖沙咀想食韓國野都會去食。今次去食試左D我自己未試過既野，就係韓國豬手同牛骨湯，再加左個炸雞翼，人均$2XX，但食得飽飽，又好食。豬手係韓國食過豬手真係好好食，但係香港真係好少食，因為一直食唔到好食既豬手，今次朋友想食，所以試一試，結果無令人失望，豬手煮得好好，肥瘦適中，味道煮得入味，入口溶化，唔會令人覺得太油膩，所以兩個人食半份，剛剛好。仲要配埋生菜及兩款醬汁，食豬手都有不同味道、口感，值得一試。牛骨湯個湯好飲，湯內有粉絲，粉絲滲透牛骨湯，好入味。喜歡食飯既，又可以食埋隨牛骨湯一齊既白飯，牛骨湯撈飯，有另一番滋味。炸雞翼去韓式餐廳，都好想食下炸雞，飲下酒。今次叫左豬手同牛骨湯，所以食唔到炸雞，只好試下個雞翼，甜辣雞翼醬汁好食，充滿韓式風味，滿足到食唔到炸雞既我。