漢城美食

營業中

休息中

一開始經過見有學生優惠 (我係) 就入去入面感覺似飯堂 但係都坐得舒服嘅Lunch 餐牌選擇算多 唯一湯麵較少叫咗個雞肉雜錦拌飯 ($60)賣相十分好😍好大碗 又好豐富有大豆芽菜 紅籮蔔絲 菠菜 紫菜 翠肉瓜絲 雞柳 荷包蛋材料份量好夠👍🏻個辣醬超辣 所以冇撈埋一齊味道上 菠菜同雞肉最入味 雞肉有麻油同少少豉油味 份量一般 但都多根米飯少少硬身 似炒飯質地-整體而言 算幾好食 唯一係油咗少少 其實拌飯比起石鍋飯應該唔需要咁多油不過可能因為隻荷包蛋 同炒雞肉 要落多啲油??服務一般 係外籍人士 講英文Cp算高 雖然我最後冇學生優惠 (平$5㗎) 因為要著校服先得... $60一個lunch 算唔錯啦依間平日應該好受st mary學生歡迎韓國街入面算唔錯嘅選擇

|尖沙咀可圈可點韓國菜之最愛炸雞🍗😝| 尖沙咀不嬲都多韓國餐廳，本人又咁啱係尖沙咀staycation ，就同朋友上外賣平台揾咗間韓國餐廳叫外賣學吓韓星食炸雞先😝🤣(以下菜式係跟外賣平台個價😉)排名跟先後🍗甜辣炸雞 (半隻) $98就講咗咁多樣入面最啱小JunJun胃口嘅炸雞先醬料有甜無辣🤣，均勻佈滿外皮炸粉唔厚，外皮外賣下依然脆口炸雞去骨，雞肉幼嫩唔肥，食到原身雞味，唔鹹唔膩，同醬料配搭相宜🥰香辣豬肉紫菜飯捲 $65內涵豐富，有辣炒豬肉、醃蘿蔔、紅蘿蔔、菠菜、泡菜豬肉甜甜地幾有味菜肉比例健康飯粒唔冧唔乾啱啱好可惜包得鬆散，賣相頗散亂泡菜炒飯 $87份量滿滿一大盒亮點轉移係隻流心太陽蛋到，可惜唔夠大，蛋汁唔夠撈飯飯質正常，但只夾雜少量泡菜，欠缺應有嘅泡菜味雖然色澤鮮艷，但並冇正常韓式醬汁嘅味，只有淡中帶辣泡菜餅 $89有色但味淡，剩低泡菜酸酸嘅味，有啲奇怪餅身有厚度，澱粉質感強，重油食咗一啖就想收手整體而言，菜式質素參差，炸雞的確唔錯，可以外賣番去送Netflix 😝但泡菜相關嘅菜式不可一不可再😳

有時覺得唔同嘅機會都會令我發掘到更加多唔同嘅新嘅美食，好感激🥺😭機緣巧合之下，staycation附近近韓國街，所以係網上外賣平台上面見到呢一間野: 漢城美食。平時都鍾意去啲出名啲嘅餐廳eg炸雞must be outdark，所以呢間個樣應該好普通嘅就真係冇留意過！咁真係好有驚喜既，佢送到黎嘅時候我見到個盒以為自己返咗韓國😳😳😳 post上ig story都即刻有五個朋友問我係邊度買間餐廳叫咩名所以而家就再喺呢度同大家講多次佢個名啦係漢城美食呀😊😊

事緣係我經過附近想食水冷麵，見呢間幾多人所以我就入去幫襯，晏晝7月14號兩點靚鐘度，入去個陣個員工掛住吹水，等左幾分鐘等佢幫我量體溫，然後無耐就叫野食，野食好快就到，我叫既係水冷麵。個麵不是重點，重點係店員將隔離枱用過既鉸剪完全無洗過原汁原味d湯仲滴緊咁，拎比我剪水冷麵。講真，睇到已經唔想食落去，我點知人地隔離枱點用把鉸剪？ 真係好嘔心羅，依家肺炎仲咁嚴重，我真係第一次唔衛生到想講粗口。最後我當然無用啦，我比錢個陣仲見到佢又原汁原味放番去收銀隔離！麻煩老闆睇番cctv我真係無吹水，把鉸剪影埋相！咁既衛生環境，食完唔知有無新冠肺炎！

睇完戲度步係尖沙咀四圍行 經過呢間店就行左入去醫肚 我地叫左3樣野 分別係原味炸雞 韓式牛肉紫菜包飯 泡菜豆腐豬肉湯 原味炸雞半隻 ：個色水望落好似overcook 似係硬崩崩 我好怕食炸野 試過食過炸粉厚到死直頭硬過條命 所以我對炸野既感覺係1件起2件止 因為我隻肥仔鐘意食炸野 所以我係會因為佢先嗌 最多個皮唔好食我唯有唔食皮 個炸雞一送到上枱 見到個雞翼 好啦 我就食雞翼先啦 佢係雞全翼 我用手一撕開 熱辣辣香噴噴 再咬一啖 個炸皮幾過癮wo 好似食薯片既感覺 我覺得有點像K__C炸雞feel 但肥仔話唔似 佢話呢間野炸得好食過K__C 肉質嫩滑 醃得入味 同硬崩崩外觀雖然有對比 但佢係半隻有內涵既炸雞 推薦韓式牛肉紫菜包飯：本身我地係叫招牌紫菜包飯 但人地賣哂 話得返呢個牛牛包飯 咁好啦 唯有照要 佢同招牌既分別係 人地有午餐肉 我地食既呢個只係將午餐肉轉左做牛牛🐮食落口 陣陣麻油香味 但飯硬身左D 其實係午餐肉定牛 食落口唔會太大分別 整體係可以既 ok啦 不過不失 一班朋友叫黎咬下吹水當小食 泡菜豆腐豬肉湯(有飯跟)：個湯好濃 似係撈白飯既汁 我要加熱水溝一溝變湯 我先飲得落

諗住約下班好耐冇見既中同食飯聚舊，咁啱見到呢間位於尖沙咀韓國街既餐廳預先book位既話有七折優惠。我哋叫咗海鮮餅（$73）、牛肉紫菜卷（$58）、參雞湯（$135）同原味炸雞。價錢係幾抵食，不過味道一般，唔太有驚喜。最特別既係餐廳特登另附上鹽比我哋自己為參雞湯調味，中意清淡啲嘅人就啱曬😂

心血來潮想去韓國街行下食嘢，由街頭行到街尾都唔知想咩好，最後見到呢間好似平平地就入左去食。 我地兩個女人仔嗌左一份部隊鍋同埋原味半隻炸雞。今次係我第一次食部隊鍋，睇menu以為部隊鍋啲料有勁多，但點知嗰啲係加購內容黎。嗰湯好水，食唔多出有咩味，得少少酸酸地辣辣地。啲午餐肉好淋，一夾就散哂，唔好食。入面有啲韓國拉麵，但係淋淋地無咩咬口。唔推薦大家嗌部隊鍋因為真係會後悔。嗰原味炸雞，口味似kfc食嗰種味道，普普通通，唔推薦特登黎食。

餐廳有2個門口，要上幾級樓梯，幾有feel ,學生有優惠，幾好，雖然我係要俾原價餐前小食有少少辜寒，得2小碟，餐具好似唔太正中，係用黑色膠筷子，唔係韓國傳統筷子。我地點咗韓國炒粉絲同年糕人參雞，粉絲有牛，椰菜，紅蘿蔔，有少少胡椒，都算炒得幾香，不過鹹咗啲而且啲粉絲好碎，人參雞都係鹹，雖然見倒個湯真係有人參喺裡面但就無乜人參味。環境都算幾好，鋪位幾大幾企理，位都幾寬敞，牆有少少掛畫，有大檯又有細檯，人多都無問題。

韓國料理黎講，價錢算係幾抵食4個人叫左紫菜包飯，海鮮煎餅，2個炸醬面，一盤炸雞，炒年糕 埋單每人都係$100左右。─份量都幾大份，夠食叫左既野食入面，海鮮煎餅最好食不錯不錯但其他感覺都係一般😣炸醬麵最令我失望外觀都okay 但一食落去太苦，同埋同想像中既味道出入太遠。唔似正宗炸醬麵既感覺。

麻麻地，淡口味。人參淡而無味。自己加鹽。燒雞醬汁好味，但可惜有兩件未熟曬。海鮮炸醬麵ok，但可以省20元，只叫普通炸醬麵就足夠，因為得幾粒海鮮。鐵板泡菜餃子正常。紫菜飯卷無味。

I came here a while back to have some lunch. Specifically, I saw their advertisement for cold noodles, and because it’s getting a little warmer, I thought I might like to try that.I ordered a cold spicy noodles (I forget the exact name) and would have liked to get more, but I didn’t see any easy things I could have ordered off the menu that were sets for one.Surprisingly, I had to wait about 20 minutes for this relatively simple dish. There were not too many other people in the restaurant, so I

第二次到這餐廳午餐，我們三人行當然會點上一桌子的食物，這餐廳有不少地方吸引著我再次就餐，我認為用餐是一個套餐式的體驗，套餐裏包括餐廳的地點，服務，舒適及整潔，食物質素及賣相等，對我來說我會趨向在這些因素中取得平衡。這餐廳的位置旺中帶靜，不在尖沙咀的最旺區；餐廳不小，有足夠空間進餐。食物份量與價錢成正比，菜單有各樣韓式食物供選擇，食物的整體賣相及味道相宜，我比較喜歡感覺熱騰騰的菜式，相片的餃子及薄餅在上菜是熱騰騰的，非常美味。點了一桌子的食物，最後仍覺不足夠，上了一個在家也能輕易煮出的芝士麪作結。餐廳有一特別之處，侍應及出入的員工大多是尼泊爾人，雖然有時看到應該是韓國人老闆的員工，唯製作的食物是否正宗韓國口味則不得而知，只能說我的經驗不足，口味未能作準。

其實海鮮泡菜湯飯都幾難可以唔好味，但佢做到，但你話大碗佢係大嘅，不過一唻個賣相已經唔得，佢用紅蘿蔔加翠玉瓜仲有佢入面嘅菜同平時食嘅韓國菜有些不同，而且味道唔似泡菜湯，我覺得似蘿宋湯多D，而且個飯有D削所以更加唔好食，另一款豬肉泡菜飯都叫做還可以同樣飯都係嗰煲所以都係唔得，如果佢嘅價錢唻講我情願食炑八嘅午餐，皆因佢嘅湯飯已經好食好多，而且仲有餐有得飲哂嘢，一心諗住食過熱辣辣又濃味嘅泡菜湯，點知無樣得，呢間我係唔會再去食

今日朋友收工後要到尖沙咀攞衣服，我們決定去尖沙咀食埋晚餐，諗緊食咩野，又想食日本野又想食韓國野，最後決定食韓國野，因為好想食紫菜卷，入左漢城食，之前食過都不錯 ，朋友想食炒年糕，但是因為辣，朋友唔食辣，所以我們叫左年糕餃子湯，漢城紫菜卷，煎海鮮餅。年糕餃子湯味道無炒年糕咁好食，味道淡啲，漢城紫菜卷好味，煎海鮮餅好香，我自己比較鍾意食多蔥，覺得好好味。

Although bibimbab was tasty, we found a hair in the kimchi and my young son’s chicken was pink inside because not fully cooked. When confronted the staff slightly apologised. We cancelled other food we ordered and left. Had to pay for bibimbab and drinks. Will not retry.