786
12
5
港鐵銅鑼灣站 D2 出口 繼續閱讀
電話號碼
25755677
開飯介紹
浜燒指將海鮮在岸邊即捕即燒,而這間餐廳亦有三組魚池,裡面有由日本新鮮運到的不同海鮮,讓食客感受日式浜燒滋味。 繼續閱讀
營業時間
星期一至日: 12:00-18:00 公眾假期: 12:00-18:00
付款方式
Visa Master AlipayHK 支付寶 現金 銀聯 微信支付
座位數目
36
其他資料
網上訂座
Wi-Fi
酒精飲品
切餅費
VIP房
電話訂座
加一服務費
當面支付
有關獎賞計劃
食評 (826)
等級4 2020-07-28
1686 瀏覽
係限聚令之前食左呢間餐廳,一睇佢個名就知道係食海鮮啦。唔好講咁多,開返一支清酒飲下先,呢支清酒味道係比較易入口但係又唔會缺少呢左大米嘅香味。首先梗係要來一個刺身盛合五款,裏面有牡丹蝦,赤身,金目鯛,海膽同三文魚。每款都好新鮮, 你淨係睇佢張相個樣已經知道啦!其中特別要講一講嘢就係赤身真係好鮮味,有可能唔郁嘅吞拿魚味,而且佢呢舊赤身嘅部位都係好靚嘅,我本人就鍾意食赤身多個食拖羅, 因為貪佢嘅魚味濃郁啲。另外就係個海膽好大舊,睇佢好似橙紅色太陽一樣嘅顏色就已經好想食啦,好鮮甜一啲都唔腥,本來個紫菜食就將海膽嘅味道更加昇華。跟住就到呢個二人前浜燒盛盒,總共有五款海鮮鮑魚好肥美好新鮮,一啲都唔會腥,十分之鮮甜大嘅扇貝又係不得了,加咗牛油同蒜蓉去燒令到成個帶子嘅味道更加香,每一粒都吸收左牛油嘅香味,同本身帶子嘅甜味混和左一齊,再加上燒過就更加之豐富 然後就到呢個長腳蟹,又係非常之新鮮鮮甜, 呢個純粹係食個蟹本身嘅海水味同埋鮮味,就已經好足夠最後唔係好夠飽就加多個和牛石鍋飯,和牛雪花好均勻,入口即溶而又帶有濃厚嘅牛味,有啲似牛油嘅香味,佢個煲夠晒熱,食到最尾嗰陣時好多飯焦喺下面令到個飯更加有咬口同焦香嘅味道最後都係果句啦,你鍾意食新鮮野嘅話,呢個一定啱你✌🏻🐖 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-04
2752 瀏覽
同事之前同佢老婆慶生黎左呢到食🥰,佢食完之後大讚好味😋。所以今次我都同我個親黎食。😂因為佢好last minute 先confirm 我個日佢唔洗OT,所以我地walk-in,🤩如果唔係就可以好似我同事咁一早book訂枱,👍🏼餐廳仲會推介到時嘅新鮮海鮮,幫你留住。咁我地今次就咁order 餐牌上嘅嘢。⭐️刺身盛合五款🍣食日本野點會唔叫刺身呢!佢個刺身超正!佢五款包括有🐟三文魚、油甘魚、😍吞拿魚、🦐牡丹蝦同馬糞海膽。😍除左蝦同海膽,佢每款都有三片。新鮮肥美,質素高!🤤最令人感動係佢個肥美嘅吞拿魚!😍我未食過盛合嘅吞拿魚都有大拖嘅質素!🦐牡丹蝦同海膽都好新鮮!呢個盛合真係值得encore!!⭐️二人前浜燒盛盒黎到呢到梗係要食浜燒!個二人set都好多野食,再加上有鮑魚呢d飽肚野,所以係會飽的。😋全部都好新鮮,再配上佢俾嘅三款汁,超好味啊!最好係佢呢到服務真係好好,員工會幫你剪開做小粒,方便進食。另外,佢地會講黎會點燒,配邊款汁好!👍🏼⭐️燒芝士年糕熱辣辣,外脆內軟,煙煙韌韌,仲要係芝士心,好好味😋。推薦!⭐️一酌一景🍶同左服務員講唔飲得太濃,佢就介紹左呢支。真係好易入口,仲幾好飲添。🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-28
2112 瀏覽
日本料理中,最愛食刺身及浜燒,因為新鮮海產的天然鮮味及口感得以原原本本地保留,兼且脂肪少,蛋白質高,食多多也難有罪惡感。一踏入「漁獲浜燒」,店員會幫我們量體温,然後引領我們到一張近窗的吧檯坐下,並遞上餐牌,同時介紹今晚的時令海鮮及相配的清酒,非常專業。特製黑松露炙燒平目魚邊沙律 $138材料豐富,除沙律菜外,牛油瓜與黑松露的分量也很慷慨 ,還有多片經過炙燒的平目魚片 。平目魚油脂甘香、肉質嫩滑、入口即溶,配上香氣四溢的黑松露,口感軟滑清新的牛油瓜以酸酸甜甜的沙律汁,配撘新鮮,味道又好,值得推介刺身盛合 5 款 $428包括牡丹蝦、三文魚、呑拿魚、油甘魚、馬糞海膽;看刺身上的油光的亮度已覺很新鮮,特別鍾情牡丹蝦及馬糞海膽 。牡丹蝦帶少少蝦膏,肉厚質爽,十分有蝦味;馬糞海膽非常新鮮,無腥味,好甜好creamy,海膽迷不容錯過。其他刺身也質素頗高,物有所值差不多完成刺身, 店員捧上剛才我們點的時令海產預備放在烤爐上燒。時令活蠔浜燒 $68/隻 (時價)加少少高湯與生蠔略烤一會便可上檯,蠔肉富彈性,幼滑爽口,還夾雜了點點海水味,真的鮮味到忍不住連汁都喝清光活日本響螺浜燒 $358在我們食蠔之際,職員已處理另一道菜中,他將日本響螺以高湯、清酒慢慢煮,然後將螺肉剪碎,連高湯一起倒進碗中。螺肉燒得剛剛好, 嫩而不韌,沾上高湯的螺肉鮮甜無比活日本帆立貝浜燒 $138 / 隻有兩種煮法 ~ 先試味道較清淡的再試另一款濃味的做法以清酒、 木魚高湯、帆立貝一起燒,鮮味更突出,口感彈牙另一款則以香草牛油、 蒜、醬油一起燒,顏色吸引,蒜香味更濃,但仍掩  不住帆立貝原有的天然鮮味活日本北寄貝浜燒 $198只是以清酒浜燒,火候控制得好好,北寄貝軟嫩、鮮甜、多汁,口感爽脆,最後我不顧儀態的將殼入面入的湯汁也一併往咀裏送,企圖讓那估不能言語的鮮味盡量在味蕾之間保留。乳酸味汽酒 $46有淡淡的乳酸味,不太甜,清涼解喝越後櫻醉樂無極300ML $248有清淡的花香味,酒味芳香,入口輕柔,搭配刺身、浜燒海鮮十分適合番薯雪糕 $68這款雪糕特別之處在於不論外型與味道均像真度極高 ~ 外面是連皮的真番薯 ,中心卻由番薯味雪糕所填滿,甜味適中,勁有番薯味 ,若果再解凍多一會 ,捧上手連皮連肉、雪糕一齊著食,口感應該更接近食真蕃薯的感覺不用跑到海邊,便能在一個舒適環境中品嚐一流的海產浜燒,又有店員貼心周到的服務,其實又何需飛日本,不如在此段抗疫期間留港消費,推動本地經濟吧。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-21
1860 瀏覽
好像很久沒有吃爐端燒,今日來到銅鑼灣,就來到這間吃吧!這裡環境不算太大,但很有日本風味!看見餐牌,裡面很多美食都很吸引,經店員介紹後就叫了一些美食。未吃東西,我們就叫了一支清酒飲下,這款越後櫻醉樂無極很易入口,女士應該都不會覺得太嗆!特製黑松露炙燒平目魚邊沙律,裡面有很多平目魚邊,平目魚邊很肥美,魚油燒得甘香,蔬菜亦很新鮮,還有一些黑松露,令到沙律的味道立即提升不少!刺身盛合5款,這個剌身相當吸引,有三文魚,吞拿魚,油甘魚,馬糞海膽和牡丹蝦,三文魚,吞拿魚和油甘魚相當肥美,馬糞海膽配上紫菜一起吃,很甜,很滑,最吸引的是牡丹蝦,很大隻,很清甜很多肉,真的很正!跟著就是一連串的貝類首先是活日本帆立貝浜燒,因為我們叫了兩隻,店員建議我們用不同煮法,所以一隻是清酒燒,一隻是牛油燒,清酒有酒香,帆立貝很甜,加上酒香,確實很不同,而牛油燒就比清酒濃味一些,感覺和味道完全不同,牛油多了一份鹹香味!再來是活日本響螺浜燒和時令活蠔浜燒 。響螺用上昆布湯煮,不靱,很鮮味!而時令活蠔浜燒燒得剛剛好,不會很乾,蠔很肥美多汁,加上上湯一起燒,很清甜!活日本北寄貝浜燒我覺得是全晚最好吃的,因為燒得很嫰,不靱,鮮味突出,真的很有驚喜!我們吃完後,叫了兩杯汽酒,一杯是巨峰味,一杯是乳酸味,一款有很香的提子味,另一款酸酸甜甜,各有千揪!到了吃甜品,我們要了一個蕃薯雪糕和一個桃味雪葩,蕃薯雪糕用上蕃薯做雪糕,再放入蕃薯裡,蕃薯冰硬了,我們等待一會等蕃薯軟化一點吃,蕃薯很香甜,雪糕也很香,吃了一個已經很飽肚了!另一個桃味雪葩,入口清香,發出陣陣桃香,很清甜,用來做飯後甜品真的很好!吃完成個浜燒很滿足,這兒服務都很好,閒時來這兒都不錯啊! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-01
2375 瀏覽
自從疫情開始即被困港,很久未「回鄉探親」了,選了漁獲浜燒銅鑼灣分店,過一下口癮。店主打濱燒海鮮及刺身,再呷一口清酒,舒服又寫意。天祿光臨 大吟釀 300ml酒家以低溫發酵,再以生酛技法之活用,在天然寒冬的雪洞中作冰溫熟成。清酒入口質感輕薄細緻,味道比一般清酒濃厚甜度較高,吟釀芳香。刺身盛合六款盛合包括三文魚、生吞拿魚、 赤貝、生吞拿魚腩、帆立貝、生吞拿魚腩、油甘魚。刺身厚切每款三片,肉質飽滿富彈性,顏色鮮明有光澤,整體鮮甜油潤。生吞拿魚腩油香甘口,咬下滲出油脂,化在嘴里。二人前特上漁獲浜燒盛合 +$100轉活帆立貝 師傅手技佳,每款海鮮浜燒火喉及時間控制剛好,肉質鮮而彈牙,肉身鎖住水份,濕度熟度剛剛好。西班牙生蠔生蠔即開可以刺身享用,蠔燒至5-6成熟上碟,蠔邊微脆,蠔肚飽滿肥美嫩滑, 咬下水潤多汁,蠔肉特別鮮甜,飄住淡淡海水味。珍寶大蝦肉質爽口彈牙,皮微脆而內里緊緻。燒松葉蟹肉質緊緻柔軟富水份,入口鮮味十足,咬下鮮甜而富天然海水味。燒鮑魚鮑魚個頭大而底板闊、鮑身肥厚、下爐時還生爬富活力。店家燒後肉質爽口彈牙,味道鮮甜而帶海水鮮味。可以原味、配柚子醬或味噌醬享用,各具特色。清酒活帆立貝濱燒牛油活帆立貝濱燒裙邊彈牙爽口,帆立貝柱肉絲絲緊扣結實柔軟富彈性,貝卵口感幼滑細膩。清酒更突顯帆立貝鮮味,鮮甜而清爽。相反以牛油濱燒至半熟再灑上日式醬油調味,味道更香濃惹味。生燒鰻魚飯燒鰻魚厚度適中,生燒鰻魚肉質會較緊緻乾身,軟熟柔軟帶魚香,油潤香滑,魚油滲透米飯。米香柔軟中帶煙韌,魚飯比例剛好。南瓜雪糕 桃雪葩南瓜雪糕顏色亮白,味道濃厚富南瓜香醇,質感奶滑幼細。桃雪葩入口冰凍香滑、質感輕盈,桃子味道清甜可口,飯後推薦。總結來說,價錢合理、食物質素好,師傅技術高水準,吃一頓足夠回味一段時間了。 繼續閱讀
(以上食評乃用戶個人意見 , 並不代表OpenRice之觀點。)