671
10
5
港鐵銅鑼灣站 D2 出口 繼續閱讀
所有分店 (1)
電話號碼
25755677
開飯介紹
浜燒指將海鮮在岸邊即捕即燒,而這間餐廳亦有三組魚池,裡面有由日本新鮮運到的不同海鮮,讓食客感受日式浜燒滋味。 繼續閱讀
營業時間
今日營業
17:30 - 01:00
星期一至日
17:30 - 01:00
付款方式
Visa Master 支付寶 現金 銀聯 微信支付
座位數目
36
其他資料
網上訂座
Wi-Fi
酒精飲品
自帶酒水
切餅費
VIP房
電話訂座
賞訂座積分
加一服務費
有關獎賞計劃
食評 (704)
等級4 2019-10-12
28 瀏覽
一講食海鮮,多數人都會聯想到鯉魚門和西貢,但燒海鮮的食法,非日式的浜燒莫屬,今晚來到銅鑼灣一間高質素的日本料理 ‘漁獲浜燒’。此店佈置優雅,地方舒適,牆上掛了多幅各類海產的介紹,圖文並茂,增廣見聞。先來冰凍生啤,用來佐酒的食品相當豐富:沖繩風沙律 - 有金目鯛、三文魚、油甘魚、八爪魚、海葡萄和沖繩苦瓜,食材新鮮,醬汁醒胃。螢光魷魚 - 魷魚離水後很快死亡,所以會盡快醃製成前菜,今次吃到的非常新鮮冶味。明太子 - 燒得甘香嫩滑,佐酒一流。秋刀魚刺身 - 除了燒好吃,由於魚肉脂肪豐富,用來做刺身,非常鮮甜嫩滑,魚骨用來酥炸,入口香脆。蟹膏加入鵪鶉蛋和蟹肉,燒熱後加味噌醬,非常冶味,蟹膏軟滑,和多士一齊進食,美味無窮。 浜燒海產都是由日本毎天直運抵港,所以非常新鮮。珍寶大蝦鮮甜彈牙、活文蛤蜆爽口、巨型活北寄貝用乾海藻、清酒和高湯浜燒,芬香撲鼻,入口鮮甜嫩滑。吃過浜燒還有活燒鰻魚飯,鰻魚皮脆肉香,與一般翻熱的鰻魚,真是無與倫比。甜品是桃味雪皅和蕃薯雪糕,為此頓浜燒晚餐劃上完味句號。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-30
763 瀏覽
偶爾冇咩大事發生都會想食餐好既獎勵下自己,今晚黎到朋友推介既日式浜燒店豪一豪,環境未算好華麗,但呢種深夜食堂既小店感,真係傾計一流。特上漁獲浜燒盛合 (二人前) ($698)包左珍寶大蝦、松葉蟹腳、鮑魚x2、蠔x2同帆立貝x2,另外可以加錢升級成其他海鮮,店員話今日龍蝦好生猛,就加左$550 將珍寶大蝦升級成原隻龍蝦活刺身+甲羅燒兩食。第一眼就見到全部海鮮都色澤鮮明,好有岩岩捕獲既鮮活感。 店員會先將擺盤靚靚既盛合呈上,俾客人打卡後再即席係旁邊提供燒烤服務。 大大隻龍蝦無花無假新鮮撈上黎,展示過生龍活虎既樣貌之後,就交俾師傅接手處理。從來我都深信部分海鮮係唔適合做刺身,例如蟹同帶子好多時都係熟食更能引出甜味。  所以一開始店員提議兩食我是拒絕的,見朋友真心想試下就俾次機會,估唔到會完全扭轉哂我印象。 龍蝦刺身晶瑩剔透,比起一般刺身切得厚身,完全突顯出生猛海鮮既爽口彈牙,單單係咀嚼既瞬間已經對如此鮮明既口感大為讚歎。 一般而言海鮮未經烹調都會較淡味,估唔到龍蝦活刺身鮮味十足,甜度同熟食比絕不遜色,值得一試。見其他客人揀原隻龍蝦做甲羅燒,啖啖肉又好惹味咁,兩食將大部分龍蝦肉做成刺身,本來以為甲羅燒會冇啖好食,原來店員會將近頭位置既龍蝦燒熟切粒,再混入滿滿龍蝦味噌燒到香噴噴。如果本身好鐘意蟹甲羅燒既話真係必試,龍蝦膏同肉製成既龍蝦味噌比蟹香濃幾百萬倍,香醇幼滑又鮮甜,每一啖都食緊龍蝦精華咁,真係一滴都唔想浪費。大大隻帆立貝可選清酒/牛油調味,前者清香食到原味,後者睇落好濃味,其實咸咸甜甜反而更加引出出帆立貝既清甜。  好欣賞店員燒得岩岩好,帶子半熟就上碟,外軟內嫩,群邊亦好爽口。松葉蟹腳啖啖肉仲有肉汁,一梳梳咁放入口好爽,如果俾埋食蟹專用既叉就更好。鮑魚好彈牙又夠鮮,最鐘意餐廳有心思地配柚子胡椒,味道清新好夾。北海道蠔輕輕燒一陣,飽滿夠creamy,一路食一路大讚之際,先知原來可以要求生食,下次要黎試試。香煎蒜片厚切牛舌 ($98)首先擺盤唔知點解有少少西餐既淡雅,不得不讚牛舌煎得好香口,重點係厚度係平時食開所謂厚切既一倍,配埋炸蒜片超香口惹味,作為牛舌愛好者膽敢講句佢係我食過最厚最有彈性最有牛味既牛舌,唔食會後悔!味噌蟹甲羅燒 ($78)平時食開既經典野估唔到都有驚喜,脆麵包糠碎撈落去之後全程都咁脆,口感好有層次。 味噌蟹甲羅燒有香濃蟹味得黎仲有一絲絲蟹肉,可惜多士唔算好脆,加多塊都要加$10,稍有失色。蕃薯雪糕 ($58)原個蕃薯內藏雪糕呢個presentation好中我既少女心,好鐘意蕃薯雪糕味道天然、內藏左少少蕃薯纖維,如果蕃薯可以燒返軟身少少,連肉都食埋就正喇。柚子雪葩 ($58)個人比較偏好清新既柚子雪葩,酸酸甜甜好開胃,食得出真係由新鮮柚子自家製成,誠意十足。石鎚 720ml ($750) 買一送一原來星期日至三都有買一送一優惠,咁岩撞到正朋友就話叫兩枝試下。 雖然本人唔算好酒,一大班人叫兩枝日本酒的確係抵玩既,聽講幾易入口。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-29
290 瀏覽
日本回來後一直想再嘗浜燒,便和朋友試試銅鑼灣的漁獲浜燒。店員先給我們一小杯的welcome drink 是天之戸清酒,嘗到少許草莓香氣。我們亦點了另一枝清酒 叫天祿光臨,有點哈蜜瓜的果香氣,很易入口。我們先點刺身盛合6點,刺身全都很新鮮,三文魚腩肥美;赤貝又鮮味又爽脆;帶子肉厚,食起來很鮮甜!赤身和拖羅都有魚香味,特別是拖羅入口即融。之後店員便幫我們安排二人前浜燒盛合,賣相很吸引!有鮑魚、蠔、珍寶大蝦、松葉蟹腳和帆立貝,而且都會是店員幫我們燒好,我們只要等食,太好了!燒蠔後仍然大大隻,保留蠔汁。而松葉蟹和燒鮑魚亦充滿鮮味,特別是鮑魚的肉質爽口。帆立貝有兩食,清酒煮帆立貝更突顯鮮味,而我們更喜歡牛油煮帆立貝,因為食起來則更惹味更香。燒大蝦亦很好食,蝦肉很彈牙爽實,燒得又香!我們亦多點一條伍魚一夜干浜燒,是馬友魚,燒起來的魚皮更脆皮,魚肉咸香不會太乾,很惹味,真是令我一口接一口!最後我們點了水果雪葩消膩和去口氣。整體來說,不論是刺身和浜燒,食物質素都很高,而且服務很好,可以再來! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-22
635 瀏覽
特製黑松露炙燒平目魚邊沙律 ($138)顏色鮮艷,滑溜嘅牛油果配合油份爆燈嘅平目魚邊、仲有香濃嘅黑松露醬,味道非常夾,超級好味!金目鯛刺身 ($580)原條起肉做刺身,夠晒霸氣!油脂適中,肉質細膩,食完之後,店員將成條魚骨攞去炸,有啲鹹香又脆卜卜,送酒啱晒味噌蟹甲羅燒 ($78)店員將鵪鶉蛋、蟹膏及脆脆撈勻後就開始燒,瞬間已經燒好,食落唔係好膩,搽麵包食好襯活日本北寄貝 ($198)口感軟綿又鮮甜,一啲渣都冇活龍蝦浜燒 ($598)第二次食原隻龍蝦,燒之前仲拎咗埋嚟俾我哋影相。一路燒一路加上龍蝦膏及蝦肉味噌,肉質彈牙有嚼勁,味道濃郁香煎蒜片厚切牛舌 ($98)係我最愛嘅牛舌!每一塊都好厚身,外層煎得香脆,內層好爽口,食出啖啖都係肉汁,最重要係蒜片夠晒嘅香又多,一齊食真係絕配再食埋桃味雪葩及番薯雪糕,完美的一餐~ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-04
1207 瀏覽
每年公司出左bonus, 我都會同屋企人食餐好, 慰勞一下自己整年既努力。食過返尋味, 今次已經係第三次來到主打日本爐端燒既"漁獲浜燒", 每次黎都試不同款式, 每每都給我驚喜又難忘~  先黎一個【沖繩風沙律】HK$138呢個沙律既健康又豐富, 包括有沙律菜、海葡萄、三文魚、苦瓜片、蕃茄仔、青黃椒、油甘魚、吞拿魚、三文魚, 爽脆蔬菜酸味味, 好開胃, 夾集左幾件苦瓜, 帶些少回甘, 刺身厚身又大粒, 整個沙律口感層次豐富, 色彩賣相吸引~係呢度食爐端燒, 係有專人在旁協助, 岩哂我地呢d唔識煮野食既懶人, 可以邊睇燒既過程, 邊食就岩哂!每次食爐端燒我都定必order 【味噌蟹甲羅燒】HK$78/份蟹甲羅燒份量好多, 味道鮮甜無比, 帶陣陣蟹膏甘香, 撈左脆麵包糠碎增加層次, 另有一件脆多士伴食(但就有少少潮左) 蟹甲羅燒燒後依然有些少水份, 唔會太乾, 勁正!!今次我地就揀左個二人海鮮套餐,【特上漁獲浜燒盛合 (二人前)】HK$698海鮮包括有: 珍寶大蝦、松葉蟹腳、鮑魚x2、蠔x2、帆立貝x2套餐Item 可以額外加HK$450 將珍寶大蝦升級原隻龍蝦因為我地本身唔食蠔, 所以就轉左海螺同埋赤貝各一隻海鮮併盤上檯時, 鮑魚仲生猛得郁下郁下....認真新鮮!鮑魚: 好大隻, 口感很爽, 沒有額外調味, 食到原汁原味, 而邊邊位有少少焦香味松葉蟹腳: 梳梳蟹肉keep到原汁原味, 好鮮甜, 冇雪味赤貝: 鮮甜多肉汁, 加左些少清酒帶出鮮味海螺: 出奇地質地唔會硬, 同樣很鮮帆立貝: 可以自選清酒/牛油, 我就揀左牛油, 很重牛油同埋蒜蓉香, 帆立貝中心位keep到兩成既刺身口感, 群邊仲好爽tim~最期待既龍蝦上檯喇!!! 龍蝦已被開邊, 而且為半熟狀態, 上檯後侍應再放上爐稍為再燒, 以火槍係表面輕輕再燒, 令龍蝦可以鎖住肉汁, 之後再於面層佈上味噌同埋蝦膏既mixer, 最後再用火槍係面層稍後燒下。面層既醬汁極為鮮甜, 很重蟹膏香, mix左味噌都唔會過鹹, 龍蝦肉札實, 很爽口, 因為個醬只係附於面層, 所以唔會cover 龍蝦原汁原味既鮮甜味, 勁正!!! 好中意!!!佳餚當然唔少得美酒, 朋友order左支日本清酒, 【天祿光臨】HK$268酒精濃度只有15%, 較易入口~但今晚未有酒癮, 還是order 無酒精飲品【乳酸梳打】HK$38最後食埋甜品先叫perfect, order左個【蕃薯雪糕】HK$58Size有手掌心般大, 蕃薯雪糕甜甜地, 有淡淡蕃薯香, 清清地, 唔錯!!平時出面食海鮮都膽心會out budget, 呢度就明碼實價, 有質素, 值得推介!!原來餐廳最近仲做緊個指定清酒既買一送一tim~  繼續閱讀
(以上食評乃用戶個人意見 , 並不代表OpenRice之觀點。)