458
5
3
港鐵銅鑼灣站 D2 出口 繼續閱讀
電話號碼
25755677
開飯介紹
浜燒指將海鮮在岸邊即捕即燒,而這間餐廳亦有三組魚池,裡面有由日本新鮮運到的不同海鮮,讓食客感受日式浜燒滋味。 繼續閱讀
營業時間
今日營業
17:30 - 01:00
星期一至日
17:30 - 01:00
付款方式
Visa Master 現金
座位數目
36
其他資料
網上訂座
酒精飲品
自帶酒水
切餅費
賞訂座積分
加一服務費
有關獎賞計劃
優惠
食評 (474)
再次光顧 焦點食評
等級4 2018-07-20
63 瀏覽
事隔多月, 再次和朋友們黎到 “漁獲”餐聚. 熟悉的環境 和 依然咁nice餐廳職員, 令我們渡過一個開心又放鬆的晚上.  清酒櫃 和 大片的清酒貼紙墻 黎得呢到當然唔少得叫返支清酒飲下. 在職員的介紹下, 朋友叫左支“七本鎗” 渡船 純米大吟釀.  平時少飲酒, 所以對清酒都唔係太了解. 而呢枝清酒俾我感覺係都幾清甜同容易入口, 都比較適合女士們飲. 會令人不知不覺間飲多兩杯. 雖然易入口, 但最好都係慢慢品嘗慢慢飲, 因為後勁都幾勁. 不錯的餐前小食 “細芝麻鹽醬椰菜”.  芝麻醬汁香濃, 椰菜清新爽脆. 黑松露炙燒平目魚邊沙律  炙燒過後的平目魚油香突出, 淡淡的焦香味, 口感軟滑幼緻. 沙律菜新鮮爽脆,牛油果少少軟腍. 淋上濃郁的黑松露醬, 沙律即時生色不少, 又香又美味。 刺身盛盒 (6款刺身包括三文魚, 吞拿魚, 赤貝, TORO, 帆立貝 & 油甘魚)  三文魚紋理鮮明,肉質肥美鮮甜; 吞拿魚够甘香; 赤貝爽口鮮甜; TORO油脂豐富够哂肥美, 入口即溶; 厚切帆立貝肉質既鮮甜又肥美; 而油甘魚就肉厚細緻而甘甜。 第一次食來自北海道的赤鯥魚刺身, 估唔到係咁美味!  赤鯥魚的魚皮經過輕微的火炙, 有少少焦黃. 刺身入口肉質鮮甜帶爽脆, 完全没有腥味. 配上特製的薑蔥蘿蔔蓉豉油醬汁, 更帶出左魚的鮮味, 正! 而剩下的魚骨魚頭, 可以選擇叫師父用黎煮麵豉湯 或者 鹽燒, 完全一啲都唔會浪費呢條靚魚.  而我地就選擇左用黎煮麵豉湯. 令平凡的一碗麵豉湯增添了不少鮮甜味. 磯燒二人前 Upgrade為 龍蝦活貝浜燒盛合 新鮮青龍蝦. 龍蝦肉做刺身, 而剩下的龍蝦頭和龍蝦殼將會用黎燒, 完全不浪費!  龍蝦刺身, 肉質晶瑩通透, 口感爽口彈牙.  龍蝦殼燒熟後剝返出黎的肉 ,再加入蟹膏一齊撈好再放入龍蝦頭到一齊燒, 簡直鮮味無比!  清酒海藻燒北寄貝, 味道鮮甜又爽口, 仲有淡淡的海藻鮮味;  燒新鮮鮑魚,肉質彈牙鮮嫩;  燒長腳蟹/鉗 - 蟹肉飽滿, 一梳梳咁味道又鮮甜;  燒到半熟的蠔, 入口口感肥美軟滑, 蠔味大爆發;  清酒燒帆立貝,味道清清淡淡,食出原有的鮮味和彈牙的口感;  而牛油燒帆立貝就完全係另一種風味, 味道香濃又惹味. 味噌蟹甲羅燒配法包  味道依然咁好, 入口甘香惹味. 配上脆卜卜的法包, 正! 蕃薯雪芭 & 柚子雪芭  前者入口香甜, 濃厚的蕃薯味道好真實; 後者柚子味道清新,入口酸酸咪咪非常開胃。 繼續閱讀
(以上食評乃用戶個人意見 , 並不代表OpenRice之觀點。)
恍如置身日本 焦點食評
等級4 2018-07-07
1265 瀏覽
好耐冇同朋友大擦一餐,於是今日就決定去銅鑼灣一間日本餐廳食返餐好嘅。餐廳位於銅鑼灣澳門逸園中心18樓,地理位置方便,門口就已經好有日本風格。室內都充滿濃厚嘅日本風情,恍如置身日本當地用餐。梅酒味道微酸醇甜,SuntoryHighBall 日本非常流行嘅威士忌飲法,威士忌同梳打水嘅比例恰到好處,入口非常清新。特製黑松露炙燒平目魚邊沙律,黑松露同牛油果嘅味道非常配合,加上入口即溶嘅平目魚邊,簡直係沙律中嘅極品。金目鯛師傅以純熟嘅刀法將整條金目鯛製成刺身,刀工細緻伴碟亦非常講究,魚骨部份就攞去煮湯,湯嘅味道非常鮮甜。味噌蟹甲羅燒,味道鮮甜,烤嘅時候已經聞到陣陣香氣,蟹膏味道非常濃郁再配上味噌更加鮮甜。活貝漁獲浜燒盛盒,海產種類多大隻而且新鮮。所謂浜燒就係將海鮮捕獲後直接攞去燒,唔會浪費食材而且原汁原味,店員非常細心咁處理每一種海鮮。巴西石蠔,蠔身飽滿,入口鮮甜。帆立貝厚身,店員細心咁將海鮮切開方便食用,肉質爽口彈牙。新鮮嘅鮑魚未燒之前仲不停咁郁緊非常新鮮,鮑魚入口煙韌,加上醬汁一齊食更加美味。北寄貝好大隻,口感細膩而且富有層次感,入囗甘甜爽滑。珍寶大蝦,蝦肉爽口彈牙肉質鮮美,而且充滿蝦膏。松葉蟹腳,吃起來啖啖肉,非常鮮味。椰子雪糕,食落有香濃嘅椰子味,而且甜度適中。柚子雪葩,清新嘅柚子味酸酸甜甜,為整個晚餐畫上完美句號。 繼續閱讀
(以上食評乃用戶個人意見 , 並不代表OpenRice之觀點。)
浜燒 最緊要新鮮 焦點食評
等級4 2018-07-05
892 瀏覽
我搵食之前最鍾意 google ,浜燒是指將海鮮即捕即燒,漁獲浜燒大概就是這個意思。由日本直送新鮮海鮮,讓我們今身在香港也可感受到日本浜燒的滋味。浦坐下先來小酌一杯,隨意點選了京姫 梅酒,入口香醇,質感細緻,帶梅香。女士們總喜歡 on diet 的感覺,令自己不會吃得太多而有內疚感 ,我還是先吃為敬。特製黑松露炙燒平目魚邊沙律 $138‬。真的要讚美一下平目魚邊火炙燒過,油脂豐富,翠綠的‪沙律菜配以牛油果、柚子醋清新開胃。濃郁的黑松露醬令沙律整體味道更上一層樓。赤鯥刺身 $780,我哋好好彩可以坐吧枱,望住師傅刀法如神,成條魚栩栩如生,入口魚香四溢,刺激味蕾。接下來便是浜燒時間,當天晚上差不多全場滿座!店員不停手為食客奉上美食,第一道是粒貝 $328,也就是原隻響螺,好大隻呀!燒到剛剛熟,咬落鮮甜多汁,入口有嚼勁。接下來是我喜愛的味增蟹甲羅燒 $78 ,濃郁的香氣四溢,蟹味十足。配香脆多士食更加係口感豐富。食到差不多,我們幾個澱粉質女孩,決定要一個極上漁獲魚生丼 $328。用木盆奉上,色彩繽紛,賣相十足。講到味道更加係喜出望外,吞拿魚腩很肥美,魚油香濃。馬糞海膽鮮甜到爆炸,絕對係值得期待。赤身亦鮮味,油甘魚軟滑甜美,三文魚籽都蠻新鮮,三文魚油脂豐富。每款刺身都很鮮美,回味無窮。最後當然要來一完美句號,椰子雪糕,香濃奶味,去油解膩啊!天下無不散之筵席,分開心情總是不捨得。下次有緣再聚吧! 繼續閱讀
(以上食評乃用戶個人意見 , 並不代表OpenRice之觀點。)
原汁原味 焦點食評
等級4 2018-07-03
891 瀏覽
話時話平時食日開日本料理,都會分咗不同嘅煮法,又可以食到每款食材不同味道夠多元化,又其係海鮮多數都會用浜燒烹調,咁樣會食到海鮮嘅原汁原味又唔會浪費左新鮮食材,講番今次又去咗食日本料理其實要品嚐一餐美食食材新鮮固然重要,就好似呢度除左主打浜燒之外,都有刺身,炸物,手卷,煮物,食事同埋唔少得提供日本酒飲,當然要食吓浜燒啦,先有係日本帆立貝,睇見帆立貝係火爐慢慢燒至熟透,而且肉質夠豐厚真係未食先興奮,仲係熱辣辣放上碟,而店員已切開一件件放便大家食用,先食一件入口肉質爽嫩彈牙又多汁好鮮甜再來係活日本響螺(原隻),將響螺肉切成粒再放上爐燒,等差不多煮熟再落少少酒又可以提升肉嘅鮮味,食落肉質特別爽滑口感十足正,我連螺肉汁都飲埋真係唔好嘥當然要襯番杯酒一啖肉一啖酒啦,輪到有時令生蠔,睇見好似好簡單,其實要燒至肉質啱啱好,都要全靠店員細心睇住燒,咁樣先可以食到鮮嫩肉質,入口蠔肉滑脫脫食到滿口都係蠔汁食完一輪美味海鮮,都要食下其他美食,有燒物蒜片煎牛舌,未食已聞到香濃嘅牛味,牛舌煎得外脆內軟,而肉質亦夠飽滿,一入口已食到牛舌嫩滑之餘,油肪香甜味濃郁,真係食得滋味品嚐咗一餐美食最後食番個蘋果雪芭咁就最完美配搭 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-29
975 瀏覽
五月中旬與幾名好友一起到北海道旅行。最難忘的莫過於那裏新鮮的海鮮,大大小小,我們一共吃了十多餐的海鮮。回港一個月也沒有,又開始想念那裏的美食。有見及此,特意和好友訂了這間位於銅鑼灣的日本菜,一解對日本菜的相思之情。 這間餐廳位於銅鑼灣澳門逸園中心,地點十分方便。從銅鑼灣地鐵站D2出口,Sogo旁邊的商業大廈搭電梯18樓便到達。店舖名字的浜燒是日本漁民傳統的一種烹調方法。指的是海濱旁邊的燒烤,用最簡單的方法吃出食材的鮮味。一場嚟到我們點了一個浜燒拼盤和其他日本菜一起分享。 1) 前菜沙律(⭐⭐⭐⭐💢):簡單的沙律菜配上微酸的芝麻鹽醬,吃起來感覺清新,令人食慾大增。2) 刺身盛合五款(⭐⭐⭐⭐⭐):一共五款的刺身盛合包括了三文魚,吞拿魚,油甘魚,馬糞海膽和牡丹蝦。馬糞海膽吃起來鮮味十足,不會覺得腥,是新鮮食材才做到的效果。魚類刺身每一款三片,而且每片也是十分厚切的。三文魚和吞拿魚十分肥美,脂肪分佈平均,入口即溶,完全沒有筋。油甘魚則較為爽身,吃起來有嚼口。另外的牡丹蝦也十分大隻,肉質結實而新鮮,吃起來啖啖肉。3) 蒜片煎牛舌(⭐⭐⭐⭐⭐):這算是我近來吃過最好吃的牛舌。牛舌十分厚身,煎得剛剛好,不會太生也不會太乾,吃起來有肉汁。配合伴碟的酸汁更能吃出的牛肉的鮮味。4) 特上漁獲浜燒盛合(⭐⭐⭐⭐⭐):終於到今晚的主菜了。原本套餐包括珍寶大蝦,松葉蟹腳,鮑魚,蠔和帆立貝。為了慶祝朋友差不多到的生日,我們特意將大蝦加錢轉為龍蝦,吃好一點。燒蠔大約七成熟,相比起原本未煮之前沒有太縮水,依然大隻。吃起來肥美多汁,而且充滿海水味。之後是燒帆立貝,我們選擇一隻用牛油,另一隻用清酒作調味。牛油的那一隻吃起來比較香口惹味,清酒的那一隻則比較鮮甜多汁,各有千秋。第三道燒的是松葉蟹。店員在烹調時以細心地把蟹殼剪開,十分貼心。相比起頭兩度菜,燒蟹比較乾身,比較能吃得出燒烤的風味。而且蟹肉十分清甜不用什麼調味也十分好吃。之後的鮑魚也十分大隻,有足足半個拳頭那麼大,吃起來肉質十分彈牙。但味道較淡,配上海鮮醬吃起來較佳。最後隆重登場的是我們加錢叫的龍蝦。師傅相當細心,已經把龍蝦清洗乾淨,將龍蝦的內臟除去。相比起其他食材烹調龍蝦比較花時間,但我們的等待是值得的。龍蝦的肉質十分鮮味,而且充滿龍蝦膏,味道濃郁而且吃起來啖啖肉。5) 味噌蟹甲羅燒(⭐⭐⭐⭐⭐):侍應先把蟹蓋放在烤爐上烤至半熟,然後加入鵪鶉蛋,期間將蟹膏,蟹肉和鵪鶉蛋烤到水分收乾。蟹膏味道十分鮮甜,加上鵪鶉蛋一起燒令質感更為嫩滑,但不會覺得太漏。即使一個人吃一個也不會太多 。6) 椰子雪糕,柚子雪葩(⭐⭐⭐⭐💢):甜品我們選了椰子雪糕和柚子雪芭。椰子雪糕份量較為多,而且椰子味十分重,甜味適中。相對之下,柚子雪葩味道酸酸甜甜,而且不是十分漏,為我們的晚餐畫上完美的句號。總括而言,這間餐廳的食材十分新鮮,而且價錢中等,不算太貴。我們必定會再來。 繼續閱讀
(以上食評乃用戶個人意見 , 並不代表OpenRice之觀點。)