漁港薈

營業中

休息中

好唔掂假日飲茶依然多人因為哩頭無咩選擇點心質素已經下降金錢肚完全唔掂，唔知係啲肉有問題定落太多添加劑，完全0爽口雞扎舊雞好多皮同雞骨，唔知咩環境，蟹柳得半條，仲要入平貨，完全唔係個回事

兩個人去飲茶要搭枱係明白的。係佢安排一張四人枱比我地，當時係咭枱，當你坐低的時候叫我地坐埋入去，但係好迫，於是坐外面，跟箸企門口的帶位阿姐用粗爆話氣話我地唔坐入去，其實當時酒摟好多咭位，於是我哋話有人搭枱先算，她重繼續閙閙閙，如果唔係開咗茶真係想即刻走，完全無同佢嘈，只係問佢你想點？跟箸好快咁就安排咗個人搭落嚟，好似鬥氣咁！貼錢買難受😖

昨晚與家人飯聚，海鮮及小菜不錯，片皮鴨幾抵食，雞亦不錯，幾滑。家庭飯聚，街坊之選。見佢全包12人套餐都幾抵食。 唯一是當晚食飯有包廳唱K , 隔音欠佳有些嘈，可能要坐遠些。

今日下午大雨前，探望長輩，當然早一點去食嘢，好在未傾盆大雨，又係午市尾，茶市未到，當然可以慢慢選位。今次點了開心菜，就係平日長輩少選的菜式。百花魚肚、酸甜雲吞、乳鴿、薑醋豬手。而長輩就要有少少熱食，就香茜牛肉腸及雞仔飽啦。最愛係百花魚肚：貨真貨實酸甜雲吞：脆口蝦肉彈牙長輩最愛傳統：牛腸：滑茜味足雞包仔：三大個，大大件遺憾係隻乳鴿（有酸味），薑酸唔香濃，豬係滑，但似製過後再放在醋內，有色唔入味。所以扣分了

端午節齊人放假，開開心心一家人去飲茶去到等位，門口reception同我講要齊人入座從來無聽過茶樓要人齊入座我問佢不嬲都要齊人入座Reception又改口話兩位先可以入明明我地已經到左三個人然後期間一位又可以入座、三位又可以入座就係唔比我地入我問點解有枱又唔我地比入又話張枱六人枱 我四位唔入得問另一位聲稱投訴可以搵佢既女士又話張枱比員工（當時11:25 ）轉個頭reception又入左三個客人 比員工食飯既六人枱 正！嬲得濟！影響心情！熟客就好啦 直出直入！一位都可以坐六人枱！

不知所謂的服務態度！等咗成個鐘，中途見個reception係咁拉啲熟客入去先，都算。好不容易等到張枱，話我5人改做6人坐唔落張細圓枱。我都話唔介意迫啲，個reception仲串我係咪小朋友坐大脾。I don't mind, ok? 跟住幾個服務員黑口黑面話我地咁樣會阻住佢架車仔出入。我攞張票係5-6人，家陣加加個小朋友都係6個人呀，點解要受你氣？仲要3個服務員都一樣咁衰，不知所謂，拍枱走人！家陣唔係得你一間餐廳！

同小朋友嚟食晚飯及飲茶，食物中規中矩啦，星期五既都好爆場，出品都係打個8折，星期日飲茶（點心正常）又係多人到飛起，不過裝修左轉左名之後，明顯比以前好食左，地方又企理左，燒味飯都有幫襯過，經濟實惠。片皮鴨枱枱都嗌咁濟，$118＋$50有二食，論價錢啦，不能要求高，過下口癮ok既。涼瓜鴨件唔知係咪趕住煮出嚟，又柴又唔好食。拔絲黑豚肉肉淋，味正常，個汁開胃。魚湯浸班頭腩普普通通，合理味道。湊住小朋友，冇影太多相，同埋張枱好細，擺唔到咁多食物。