漁民火鍋雞煲專門店 (已結業)

今晚同朋友相約7點係漁民食飯，朋友話open rice睇過網民話依間好食，初頭都無咩感覺，但一開始店員嘅服務態度好親切，問店員有咩好介紹都好樂意講解我地知，之後決定食粥底火鍋後，本身以為同出面啲餐廳一樣要都要等一段時間，無諗過上菜都快，仲要所有海鮮都好新鮮同鮮甜！依樣真係喜出望外！而朋友都得意再叫埋響玲，本身打邊爐唔食響鈴嘅我都食左三舊如果你地去一定要飲埋竹蓆茅根！真心好飲！一定會再幫襯成餐飯都食得好滿意同開心！CP值高…查看更多

今日又跟同事嚟到大埔搵好嘢食啦因為天氣都開始轉涼，有番多少秋意，同事決定嚟番一個煲暖下身。調味料種類都好多，任君選擇。嘢飲嗌咗竹蔗茅根同埋酸梅汁，兩種都好好飲好欣賞好解渴。叫咗胡椒豬肚鮮雞煲，至尊牛三拼，唧唧魚麵，脆肉鯇片，手打四寶丸8粒，自製脆響鈴等等。佢個至尊牛三拼係物超所值！餐牌嘅選擇勁多，真係令有選擇困難症嘅我哋諗咗好耐先諗到食咩好。食物嘅份量真心好多。我哋四個都爭啲食唔曬。佢啲脆肉鯇片好新鮮，份量亦都好多。我仲好鍾意佢個胡椒豬肚鮮雞煲！！！一啲都唔肥膩，胡椒味夠濃，辣辣地，好啱我食haha豬肚同埋雞嘅料又夠多喎。我特別鍾意佢嘅自製響鈴，唔會似出面嗰啲響鈴咁得個油字，脆度十足。唧唧魚麵可以自己唧，同事玩得好開心。我特別欣賞呢間餐廳除咗用料份量好足同好新鮮之外，佢哋每一位員工都係非常之熱情友善親切！！呢樣我覺得係令顧客想再三光顧嘅主因之一！！好多謝熱情既佢地令我哋有一個愉快的晚上！！誠意推介喺冬日裏面想搵個舒適嘅地方打返場靚邊爐，同三五知己談心，又有親切嘅員工在場嘅餐廳！！！ …查看更多

好久沒來大埔，天氣轉涼在太和這邊約了幾個朋友打邊爐。找到了這間比較隱蔽的店，大家吃完都一致認同值得花費時間找出來呢。進到店內環境寬敞，新界地方比較大的關係嗎？坐得很舒服，還可以多擺張凳放袋和兩個小茶几放食物。有人端上來的醬料，不用自己騰來騰去。我們叫了一個胡椒豬肚雞煲，上枱時已經剛剛煮好，一開蓋胡椒味就瀰漫整個餐桌。胡椒份量當然不少，雞煲和配料的份量也很多，支竹、蘿蔔和粟米的份量應該夠我們慳返2個餸的錢。雞和豬肚索了胡椒湯的味道，香香辣辣很醒胃。雞肉也很鮮嫩。我們再叫了不少食物，都很新鮮和份量十足，介紹幾款值得推薦的：手打四寶丸。每款都很彈牙，用粉和肉的比例很適當，蝦肉/牛肉的味咬下去便在口中綻放出來。松茸菌，比較少見的菇類。雖然可能會讓有密集恐懼症的人害怕，但拆開煮熟後又滑又吸湯，咬感也很爽。打邊爐必食的牛，豪爽地點了一個牛三拼，份量非常多，不同部位的牛也有不同風味。牛脊肉淋滑，牛脷爽脆，牛柳粒結實彈牙。牛味很鮮甜，不過筆者還是不太習慣直接品嘗肉類的原味，所以加一點自己調配的醬料吊味就Perfect了。大大碟豬潤，淥到恰好的話很爽脆嫩滑，記得用筷子篤一下中間看有沒有血水。本身也有醃過，索了湯也很夠位。最後吃的是這個唧唧魚麵，用袋子擠出來，考一點功夫，朋友們都挑戰了一次，越長越威。同樣有很香的魚蛋那種魚位，又非常彈牙，絕對比一般出前一丁和烏冬值得試。打邊爐當然少不了中式和番鬼佬涼茶（即是啤酒）。雖然這裡離市區比較遠，但食材新鮮，還有不少獨特款式，再加上老闆和員工姐姐都很好招呼，搭下車來新界呼吸一下新鮮空氣再吃個優質邊爐是值得的。…查看更多

我從來未試過店員們和經理都可以如此友善和熱心！光是真誠的服務就已經值得我會想再來幾次。由於我早到半小時，店員很熱情地邀請我坐門前的椅子等候。之後經理甚至邀我和另一位早到的朋友先進內坐下等候。至於食物的份量大份到我們賣單每人二百元多已經勁飽。食物新鮮，基本上不澆上醬料也很美味。當然也有賴於湯底的功勞。湯底調配得很恰到好處，齋飲湯都不覺得口渴。個人推薦響鈴、鯇魚片和牛肉。最愛吃響鈴的我們一致認為這間響鈴的質素都算是數一數二的高！大大份，不油膩，也不會一放入湯後一秒就淋晒。證明新鮮製作而且保存良好！食材新鮮另一份的證明就是鯇魚片。肉質的口感爽之餘不鬆散。絕對值得一讚！還有我也很喜歡這兒的牛柳粒。充滿牛肉的香味，而且容易入口。和街邊那些無味又難啃的牛肉粒比，簡直是判若雲泥。我們離開的時候，店員都充滿笑容地說再見。服務招呼非常周到和真誠。…查看更多

今日同大學同學gathering。住太和既同學話有間火鍋店唔錯，所以大家好快就決定左去依間食。依間店，位置比較隱蔽，係開係內街，但都有唔少熟客仔光顧。湯底我哋叫左胡椒豬肚鮮雞窩：個窩超多胡椒，一上窩，大家己經急不及待甘 潷左碗湯底嚟試左先。個湯真係好正，重胡椒味得嚟但唔會好辣，雞肉新鮮嫩滑。佢個湯底本身有紅白蘿蔔同粟米，如果本身打算叫依D既，可以食左湯底既先，唔夠皮先再叫都唔遲。我哋分別叫左至尊牛三拼，唧唧魚麵，豬潤，脆肉鯇片，手打四寶丸，自製脆響鈴同埋一D蔬菜。至尊牛三拼：三拼係牛柳粒，牛脷同埋牛頸脊。牛柳粒比較厚身，所以要滾既時間會長D，但相對地，佢比較有咬感同味濃。牛脷就易熟而且好爽口。牛頸脊就快熟而且嫩滑。各有特色。唧唧魚麵：其實似我地平時攪碎左既鯪魚肉係個唧唧袋入邊，一唧出嚟，手勢好既就成麵，手勢唔好既就一段段。都幾好玩，有得玩有得食。豬潤：豬潤新鮮乾淨，食落口好粉嫩味濃。但豬潤火喉同時間既掌握，好影響塊豬潤好唔好味。脆肉鯇片：係度既脆肉鯇片真係直得一讚，好太塊而且厚薄適中，食落口爽脆得嚟又有滿足感。四寶丸：四寶丸比平時買既濃味&彈牙。自製脆響鈴：唔使特別多講，一睇個外形己經知道係自製，暫未見過出而有係種外形。響鈴爽脆，吸左湯底，好濃味。…查看更多

家人較為傳統，要附合他們口味、環境不要太嚴肅，輕輕鬆鬆吃一頓飯，於是朋友介紹了大埔墟的《漁民雞煲》啦！ 要讚這個四川麻辣湯底（HKD 88)，一搬辣度隨著加入雞湯而變淡但這個全程都保持著味道而沒有感到口渴。 特式手製四寶丸 HKD 52（墨丸、牛丸、豬肉丸、蝦丸）、生根HKD 32、芋絲 HKD 22、唧唧鮮魚麵 HKD 32、美國雪花肥牛（HKD 108/ HKD 158)、自製竹蔗茅根HKD 34 手製丸好彈牙，仲有原香味👍🏻口感不會感到橡膠搬，這點很重要。 生根吸塑力強，把湯內精華吸盡。 要數另一吸引就是魚麵啦，麵質爽口彈牙，足夠二人份，是久違了的味道。必吃的雪花肥牛，顏色鮮豔奪目又多雪花，肉質味濃，配合四川麻辣鍋那種麻中帶辣仲有胡椒的味道，不錯!最後點了一壺竹蔗茅根清熱解渴，味道跟自己煲一樣，不會感到淡如無味。 …查看更多

早幾日男朋友爸爸生日叫埋我一齊食飯，已經夠緊張架啦！呢個時候男朋友仲比左個大難題我叫我諗食咩，呢獲真係諗到我頭都大埋都唔知食咩，又要係佢屋企附近仲要有質素餐廳 ，不過好彩彩左一輪終於比我搵到呢間漁民，睇過佢食評好多都話好正 就一於唔諗試下啦！一早book 左枱 準時到達 ，呢到好好呀 佢盡可能都會預留一d車位比渣車朋友可以有位拍車，如果唔係係呢頭附近都幾難等到位拍車。坐底一陣男朋友爸爸已經比門口一D海鮮吸引住，咁我緊係醒目啦 就問老闆今日有咩海鮮靚，老闆話今日飽魚仔好新鮮大隻叫我地試下 仲介紹我地試下椒鹽炸，好啦頭盤就試下啦 。上到枱賣相真係唔錯都算大隻 熱辣辣食落惹味，爽口彈牙真心唔錯 主菜喇今次叫左個牛尾煲 湯底好甜勁多配菜同牛尾係煲 用黎打邊爐肯定正 打邊爐配料都好出色 夠晒新鮮 重點係份量一d都馬虎 好大碟夠晒食 抵讚 食完睇到男朋友爸爸好滿足個樣 就知道冇揀錯啦 ，放心晒 又過一關✌🏻✌🏻…查看更多

近日聽住大埔區的同事提及漁民雞煲的水準甚高，而且座位闊落，吸引到我和男友這晚去捧一捧場。餐廳以圓枱為主，方便傾計及夾食物，大部分是6人枱，我們兩人也霸了一大張四人枱。甫一坐下職員便遞上調味架讓我們調配心水醬料。餐牌是點餐紙的形式，我們點了半隻份量的重慶麻辣雞煲，再單點數項火鍋配料。雞煲一上枱已聞到很香。職員細心替我們將配菜和雞件拌勻，令它們更均勻地吸收香辣的醬汁重慶辣雞煲（小辣）(9/10): 雖然叫半隻但感覺比出面其他店舖更大份，醬汁超香，洋蔥浸軟後吸滿醬汁很惹味；雞件切得大小適中，沒有碎骨，肉質鮮嫩。食過雞煲後加了高湯就到打邊爐的部分，高湯和醬汁融合得不錯。火鍋配料方面我們點了肥牛、金菇、菜芯苗、蘿蔔、響鈴、墨魚滑及炙燒芝士丸，兩人來說是有點貪心，幸好食午餐時已留定肚。炙燒芝士丸一份有8粒，質感厚實，欣賞內層的芝士不會過鹹；墨魚滑是正常好食。蔬菜類亦很新鮮，蘿蔔吸過湯汁更加惹味。自家製響鈴豆皮比坊間的更薄，亦不會炸得過火，感覺不錯。飲品方面叫了一榨竹䉀茅根，不算太甜，睇落亦足料。Summary: 漁民雞煲坐得舒服，服務周到，而且食物真心高質，除了雞煲下次也想試試其他。…查看更多

呢兩個星期番工超級忙多野做，同同事講起真係要食好野好好慰勞下自己，最近秋風起，最適合就係去打邊爐就一於約埋幾個同事一齊去食好野。湯底都幾多選擇 ，今次因爲有同事唔食得海鮮所以我地揀左野紅蕃茄牛尾煲 上枱個下都嚇左一嚇， 勁多牛尾 配菜勁豐富，所以佢湯底勁鮮甜， 不得了 。特別想講幾樣火鍋配料 ，佢概美國雪花肥牛好靚 牛味好濃 值得一試 仲點左一款牛利托，爽口 簿身 好食最後係佢即炸響鈴 配埋佢蕃茄牛尾湯 ，食完番唔到轉頭 ，響鈴炸到剛好，好鬆脆 放茄湯底一下岩岩好， 湯汁入晒去 ，我地最後叫左兩碟 因為真係好好食。另外配料都幾新鮮 重點係份量幾大份 抵食…查看更多

最近夜晚開始涼涼地，係時候去打邊爐啦😇😇今次想搵間有突別湯底既火鍋店，上openrice search下，發現依間有我平時最愛飲既胡椒豬肚湯，仲加埋鮮雞去煮! 超有期待😆😆😆所以二話不說，揀左依個胡椒豬肚鮮雞湯做湯底! 上湯之前，緊係要調好醬料先啦!依度個醬料架都算齊，一般既炸蒜生蒜胡麻醬等等都有提供!撈好個醬之後，個湯底就黎啦🥺🥺即刻飲番碗湯暖下身先~ 超重胡椒味，辣既程度適中，飲完唔會好嗆口，湯底好滑!👍🏼👍🏼我地每人起碼飲左2碗先開始放野入去打邊爐🤣🤣另外佢D豬肚煮得好淋，無R味!!個湯底淨飲已經好正! 其他配料都唔錯，個墨魚油炸鬼好香口，四寶丸都係手打野，幾彈牙，特別推介牛丸同墨魚丸💸👍🏼碟牛肉都好新鮮，油花同肉既比例岩岩好，入口有D juciy😋😋依度D姐姐都幾好人，不斷幫手加湯，又會介紹下D野食😜😜overall 叫左四碟野，加加埋埋平均每人二百幾，值得一試😋😋…查看更多

一班朋友高高興興食番餐，烚下烚下就啱哂，可以慢慢食慢慢傾，又熱鬧。我地渣車去餐廳，原來餐廳門口有位置可以俾客人泊車，真係太好，因為喺呢度附近真係好full好難泊到車！有朋友唔食得辣，最後揀咗番茄牛尾煲，都幾有驚喜，個湯好足料，牛尾都好正。我地點咗半隻雞，雞件都幾滑。打邊爐唔少得嘅肥牛，我地點咗大份，牛肉都幾靚，係有質素嘅！點咗黑松露墨魚鮮冬菇，冬菇釀滿墨魚膠，上面鋪滿蟹籽，仲有香氣樸鼻嘅黑松露，有創意又好食。珊瑚蚌新鮮爽口，午餐肉好厚好正，粟米夠香甜。飲品我點咗草莓梳打，大大杯，唔太甜，透心涼，啱哂打邊爐時慢慢飲。…查看更多

幾個朋友約埋打邊爐，我地見呢間漁民火鍋幾多好評，門口仲有得泊車，就打去book枱了。入到去環境都唔錯，枱與枱之間都有空間，唔會感覺好迫。呢度嘅食物種類非常豐富，有湯底/粥底火鍋，雞煲，打邊爐配料都好多選擇，仲有好多新鮮海鮮。我地點咗個野紅茄極品牛尾鍋，湯底好濃郁好甜。先點咗一人一隻鹽酥炸鮑魚，好大隻，好新鮮，鹽酥炸非常惹味。點咗一碟大嘅雪花肥牛，大大片肥牛就咁睇d雪花紋都覺得好吸引，食落都幾鮮嫩。牛脷托份量比想像中多，幾抵食，好爽口。響鈴係鮮炸，好脆口，配埋呢個湯底好正。粟米好鮮甜，午餐肉係厚切，好有肉感。整體來說餐廳環境和食物質素都不錯，下次會再同朋友黎食。…查看更多

本身係大埔返工既我，就同同事搵下附近有咩好野食，見呢間雞煲評價唔錯，同同事就決定一於試下！呢到配料都好豐富，樣樣都有，又唔洗特別加錢。呢間有好多湯底選擇，連粥底火鍋都有，不過我同同事最想食都係呢度既招牌雞煲！雞煲黎到，所有食材都好新鮮，洋蔥同芫茜都好多，我最欣賞既係呢度既雞勁嫩滑又夠入味，而洋蔥都有2款，我同同事都大讚呢度既雞係好味！因為我地得2個人，唔敢叫太多野食，叫左個見肥牛，厚薄適中，牛味濃，唔錯唔錯！最緊要唔會好多肥膏，肉質好嫩！我地仲叫左呢個水上飄，個名好有趣，入面既魚子同魚肉係勁新解彈牙，相信係自家製先有，其他地方就未食過啦！呢到既野飲係勁有誠意，我叫左士多啤梨檸檬沙冰，好解渴，又唔會藥水味！每杯仲會有原枝檸檬梳打，勁好飲！最後一提，呢度勁好服務，短短2個鐘，幫我換左4-5次碟，一叫即應，好抵讚！…查看更多

朋友入來大埔話想打邊爐問我有咩介紹，之前同阿媽係到吃過一次雞煲好滿意，所以帶朋友來再吃過。我朋友超級鐘意吃雞，我地兩個就叫咗一隻雞煲，姐姐介紹如過可以吃辣就試下少辣，果然無介紹錯，除了辣味仲有少少麻香，好野味!一隻雞真係幾大喔，仲要件件都好大塊，可以吃到啖啖肉，雖然隻雞大，但一點都唔肥，我朋友連雞腳都吃埋。😋😋吃完個雞煲，姐姐會加湯落個煲繼續打邊爐，因為吃完隻雞都有六成飽，所以就只叫咗一份菜同響鈴，不過朋友話個湯咁正點可以唔吃個麵呢?最後吃埋個出前一丁真係堅飽。😁響鈴同平時吃開嘅有點唔同，可能係自家製比較鬆脆，建議就咁食或者滾1秒就夠，好香腐竹味。👍竹蔗茅根水十分足料，除了平時會放的竹蔗、茅根、馬蹄同紅蘿蔔外，仲加了玉米，所以特別甜。😋😋我哋6:30去到係第一檯，7點已經差唔多坐滿，仲有唔少係熟客，建議預先book位。哩間暫時係我係大埔吃過最滿意嘅雞煲，而且坐得舒服，姐姐好人又好傾，喜歡吃雞煲嘅朋友一定要來試下。👍👍👍…查看更多

喺大埔想食宵夜漁民雞煲真係一個好選擇，呢度開到凌晨兩點，夜晚肚餓都唔使怕。今日我哋10點幾嚟到，店內依然熱鬧，等咗大概10幾分鐘左右便可以入座。呢度其實除咗雞煲外，亦有粥底火鍋同埋其他湯底可以選擇。如果想食海鮮粥底鍋，就一定要早啲嚟。胡椒豬肚鮮雞鍋 （半隻）$148上菜時我們先飲幾口湯，味道充滿香濃雞味，豬肚和雞件的份量非常多，加上大量白蘿蔔和粟米，湯頭十分清甜，煲內更有鮮腐竹，吸盡了湯嘅精華味道，而胡椒味道帶點辣但並不會太嗆喉，非常惹味，未開始食我同友人已經每人先喝了一碗！雞件亦非常鮮甜，但記得要10分鐘內撈起，雞才會夠嫩滑。安格斯牛頸脊（小）$198牛肉油脂分佈均勻，吃起來肉味夠濃，肉質亦夠嫩滑，味道甘香肥美。午餐肉$40呢度嘅午餐肉真係不得不讚，厚切！結實！煮完都唔會軟乎乎，食落非常有質感，肉質非常好，仲有一絲絲肉，每次都係必點。手打四寶丸(小）$52呢度嘅手打四寶丸每樣有兩粒，分別有牛肉丸、豬肉丸、蝦丸和墨魚丸。打得非常彈牙，個人最喜歡蝦丸和牛肉丸，牛肉丸食落尚有肉汁，而蝦丸味道亦很新鮮，有濃濃的蝦味。田園雜菜藍$62蔬菜籃內有6 款菜，今次有西蘭花、絲瓜、白菜、娃娃菜、菜心和芥蘭。一次過可以食幾款唔同嘅菜，而款式每次食有少少唔同架。另外，呢到嘅酸梅湯好好飲，夠冰凍，用烏梅和山楂製成，酸酸甜甜超級解渴和開胃。…查看更多