漁匡 (良德街)

屯門的魚匡晚市牛肉放題火鍋性價比相當高，價錢不貴，但食物質素卻令人驚喜。牛肉是主角，油花分佈理想，肉質嫩滑，入口香濃無雪味，絕對唔輸俾高級火鍋店。配料方面選擇豐富，炸物香脆不油膩，壽司新鮮多款，刺身厚薄適中、入口冰涼無腥味，誠意十足。自助區補貨快，食材新鮮，唔怕揀唔到心水。環境方面亦相當整潔舒適，座位寬敞，適合朋友或家庭聚餐。服務人員有禮親切，整體體驗令人滿意。想搵一間高質素又平民價嘅火鍋放題，魚匡絕對係屯門區嘅不二之選！…查看更多

係屯門唻講有間咁嘅日式火鍋其實真係好吸引, 因為住附近嘅關係, 都係經常落唻幫親。不過近幾次個感覺都嘛嘛地, 主要可能真係多左比較1. 位置太迫：放一碟牛已經可以話無哂位, 問職員佢借架車放食物,  佢話通道太窄, 做唔到2. 食物質素：火鍋配料還可以；刺身唔算新鮮（所有魚肉都係暖的_之後都唔敢再叫）；其他食物非常突出，沒有特別3. 服　　務：侍應會兩位姑姑，不過都好Nice結論：如果要俾$350-400/ 一個人，應該仲有好多選擇不過未試過食嘅朋友，都可一試的…查看更多

作為屯門人嘅我，之前想食放題，通常最近都係要去到元朗或荃灣，今晚同我先生and小朋友初試呢一間屯門火鍋放題，好開心唔使特登出去，又食到質素唔錯嘅食材。首先呢度環境衛生、職員服務態度都ok!位置有少少迫，不過可以接受嘅。佢哋嘅食材，好似刺身啦、炸物啦、火鍋配料等等，見到都係質素幾好㗎。我小朋友平時都幾偏食，但都食得幾開心，因為佢都幾多選擇，尤其小朋友鍾意嘅炸物同蕃茄湯底嘅火鍋～另外要讚嘅係，佢出嘢食嘅時間都係穩定嘅，雖然短短兩個鐘，但都食咗好多轉嘢。嘢飲種類唔算多，但夠飲，可以迎合鍾意飲無糖飲品嘅人，亦都有清熱飲品同一般嘅可樂汽水，雪糕有幾款口味嘅Häagen-Dazs同埋一般嘅牌子，所以都唔錯嘅。不過見餐廳好似唔太多人幫襯，全晚好似得半間餐廳嘅客人⋯希望呢間餐廳keep住水準同較親民價格亦都可以經營落去，等我呢個屯門人唔使再衝出屯門先食到有o k水準嘅火鍋放題啦～Ps 未夠140m嘅小朋友收小童價（不過只係平幾十蚊），小朋友就唔算抵食；但係大人嘅話，其實整體嚟講係唔差同性價比幾高嘅^-^…查看更多

如果係想食刺身為主就襟番上一頁就得依到啲刺身就係一般酒店自助餐果啲質素既啫就未去到專門做日式放題果啲既質素既款式亦都唔多 普普通通咁海鮮ok既 都唔會好細件但都唔係重點個重點係佢啲肉都幾高質素下會比外面同價位既shabu shabu升多一級咁幾有肉味 豬同牛都係似係街市自己買靚少少啲果啲肉咁唔覺得係平時一大舊現場機切果啲所以如果係以打邊爐為主既話去依間食就會覺得幾抵食既我去果時仲要做緊折添不過地點就隔涉啲泊車亦都唔太好泊…查看更多

呢間既一人火鍋，超抵食！$100左右，有沙律、麵豉湯、餐飲、牛板鍵同大量蔬菜，岩曬食量大既人，份量好多，我一個人係食唔晒！好彩有個囡幫我分擔下🙈佢有幾個湯底可以揀，我揀左蕃茄湯底，酸酸甜甜，感覺又好健康，同啲打邊爐既食物都好夾👍除咗抵食，佢啲牛板鍵都好好味，有牛肉味，肉汁鮮嫩，打邊爐好正，有肉味濃，又嫩滑！蔬菜又好新鮮，又多種類，有油麥菜、娃娃菜、金針菇同蘑菇，唔會得一款菜，覺得好dry！住建生附近嘅朋友值得一試👍…查看更多

專程坐巴士入嚟試，本身都冇帶住好多期望。只係覺得食咁多放題，好多越嚟越失望。但呢間好唔同，佢啲牛、刺身都好靚好新鮮，而且款式唔少。火鍋一人一鍋方便得嚟，嘢食都夠新鮮多款，食咗最愛嘅蠔同蝦，good good good！雪糕任食！而家好多間雪糕都開始有限制。總括嚟講，抵食夾靚料！又唔以加一，邊度搵？服務態度又好，會主動問你要唔要多碟牛，太多可以叫半碟喎！其實我已經食到好飽！😂！香港仲有有心嘅放題！感動！…查看更多

位置：由屯門建生輕鐵站或田景輕鐵站步行大約5分鐘左右，在屯門盈豐商場正門附近就會見到店舖店舖環境：面積比較細，只有大約10張四人檯.播放香港流行歌.填紙下單.店舖內沒有任何日式裝修，茶餐廳感覺.沒有提供餐墊紙或骨碟或骨杯，所以食物殘渣直接放在桌上價錢：近期透過手機訂位有優惠價另外免加一，豚肉火鍋+刺身、壽司任食，大約$230，星期六、日、假期額外+$20，即是總數$250左右.刺身：有三文魚腩、三文魚、劍魚腩、墨魚、北寄貝…刺身幾新鮮，不過廚師刀功一般，刺身大小不一，影響口感.壽司：壽司味道還可以（類似爭x外賣壽司等級），不過飯比較大，鰻魚壽司比較咸.炸物：款式比較少，比較普通（炸蠔、炸薯餅、炸餃子、炸芝士…）大約有5-6款.火鍋：一人一鍋，有4-5款湯底選擇，湯底味道普通沒有特色.火鍋料：豚肉片有口感，有肉味火鍋料款式普通，但有d海鮮海鍋料選擇，海蝦、桶裝蠔有鮮味飲品：有2個雪櫃，裡面放置2款啤酒、汽水、無糖罐裝茶.甜品：haagen dazs雪糕（任食）整體感覺：茶餐廳模式去經營日式火鍋刺身放題，款式及店舖環境比較普通.價錢不算昂貴，如果走平民價格路線仍然可以.…查看更多

我哋今次嚟到一間屯門嘅日本菜餐廳🇯🇵，除咗有日式壽司、定食，仲有埋超抵刺身火鍋放題🤤！用嘅料都係平時嘅靚魚生🍣。而且火鍋放題仲係一人一鍋♨️，幾個人就可以試到唔同湯底😝！唔怪得呢間舖頭咁有人氣，記得要預先book位呀☎️。.🎏刺身種類超級多，梗係要每款都試吓啦😋！三文魚、油甘魚、吞拿魚、鯛魚，食落好香魚嘅油脂香味，而且肉質好軟嫩💕！赤貝、北寄貝、海赤蝦、玻璃蝦，食落鮮味又爽口，超滿足😍！必試嘅仲有帶子，超級鮮甜，肉質同新鮮程度都好正🫦！.🍣壽司蟹膏蟹肉碎🦀份量超級多，味道好香濃，一啖食晒好幸福👅。火炙三文魚燒過更加香口🔥，又保持住刺身嘅嫩身！唔少得要食埋超級長嘅鰻魚💕！大片到一啖都食唔晒😎。.🍙手卷三角形嘅手卷真係好可愛，而且呢種包法餡料份量更加多😆。京蔥拖羅蓉食落有滿滿嘅吞拿魚蓉🥳，配埋京蔥嘅香辛，超有日本風情。加州卷賣相色彩繽紛，配料豐富，夠晒吸引😋。.💥炸物熟食吉列蝦、忌廉蟹肉薯餅、紫芋餅、吉列蠔等等嘅炸物，全部都係即叫即炸🔥，零舍酥脆。芝士年糕真係呢度嘅獨家名物🧀！對半切開，份量係一口size，啱啱好、唔會過膩，重點一定要配埋煉奶🍼，濃郁嘅甜香感原來超級夾！放題仲包埋好多款沙律、仲有麵豉湯同白飯🍱。.🥘火鍋配料配料超級豐富，仲可以揀海鮮配料添🌊！青口、虎蝦、廣島蠔、墨魚仔等等配料都係放題，超級滿足🤤。唔少得嘅仲有總共有成34款嘅蔬菜、丸類火鍋配料✌🏻。.🍨飲品甜品喺嘢飲櫃可以自己攞啤酒同埋唔同罐裝飲品，夠晒盡興🥳！仲可以落單檸茶、檸水、咖啡、奶茶等等。仲有Häagen-Dazs雪糕櫃任拎，超級正呀😍！…查看更多

番工晏就放飯會食，每次都係食午市特價餐，幫襯過起碼30次，餐牌都望住佢地轉過3次，某d餐都幾岩食又有菜，唯獨是入面有個年紀比較大既阿姐，幫襯左佢地1-2次開始，就俾人感覺唔想做你生意，淨係想接放題客，成日都想hold起張6人枱，不過有位佢又逼於無奈放我地入去（4個人），跟住就黑哂面，其實你唔想做特價餐客你可以唔出呢d餐，淨係俾個張單點menu俾人揀咪得囉，放飯得個一個鐘點食你放題餐阿，所以呢位阿姐一日仲係道都唔會再去！…查看更多

又開張到現在，我幫襯咗至少7,8次放題火鍋，但今次一定係最後一次，可以見證住佢越做越差，以前可以電話落單，現在要手寫落單，選擇少咗，手寫落單無非都係想減少客人叫嘢嘅次數，如果你食嘢食得慢，入面個肥阿姐（唔知係咪老闆娘）會一直眼神掘住你，用眼神趕你走，非常討厭，好似我冇錢比咁，入嚟比錢你賺仲要受你氣，呢種感覺已經試過兩次，所以我永遠不會再幫襯。…查看更多

屯門朋友介紹超抵食放題，估唔到都幾高質。價錢由$200/$300/$400，可以任食四小時，對於任食嚟講，😎真係天大喜訊，可以同朋友一邊食一邊吹下水。餐廳環境唔算大，小店格局，所以出品品質有保證，每次出餐都即叫即切即做。湯底無味精，一人一鍋，多款選擇。😆各人選了壽喜鍋，蕃茄湯，昆布湯及牛骨湯。不同價錢有不同肉類選擇，一樣有牛肉同埋火鍋配料，日式刺身，海鮮，炸物，沙律同雪糕汽水任飲任食。我哋選擇$400和牛放題，牛肉靚之餘，仲可以食靚高質刺身及壽，例如油甘魚腩。牛肉油花滿滿，肉味濃。蔬菜亦都唔吝嗇，新鮮又大份🫰🏻壽司有師傅新鮮即制，唔會hea 做😝款式非一般大路貨色，質素好過壽司店。但記住要訂檯，因為座位只有廿幾個。…查看更多

因為就喺屋企附近，所以有時都會去食下質素正正常常，冇咩特別。套餐價黎講唔貴既～都抵食👍🏻叫做就腳之選😄😄-不過可能因為佢地主打做放題火鍋，主食同埋小食方面就冇太多選擇～ 但當天冇咩胃口，所以都係簡簡單單叫左2個餐就算了。但依稀記得之前主食套餐除左沙律、湯、飲品之外，仲會有一客刺身，可惜依家應該冇做尼個優惠-牛肉石鍋飯好好食，夠熱，d飯好入味👍🏻而牛肉烏冬就正正常常，冇特別好食但亦都唔難食～另外檸茶酸到飲唔到🥺🥺建議下次落少一片檸檬…查看更多

鋪頭阿姐呃人，千祈咪信佢地！ 尋晚天寒地凍，就諗住去呢間野打邊爐。我地7:30 pm去到，待應阿姐話要等30分鐘，咁我地本身諗住走。之後阿姐見我地走，就聲稱鋪頭坐近門口個阿叔話自己就食完（指埋畀我地睇邊個阿叔），等20分鐘就得。佢叫我留電話，有位就會打畀我，咁我就信左佢，留左電話。我同佢講：「我住樓上，你打電話，我就會即刻落黎。」於是我同老婆就返屋企等，等左30分鐘（8:30pm)都未有電話。因為我地太肚餓:(:(:(，就落去間餐廳睇睇。點知之前有阿叔打邊爐張枱已經轉左客人，我地肯定新客人係之後walk in 。 因為我地問返同一個阿姐有位未，佢拎返本預約簿出黎，我地前面仲有一枱客預約，而我記得我留電話時，都係有一枱客係我地之前。而呢枱客係未刪名既。之後阿姐話要等到8:30pm。我地同阿姐講：「你又話等4個字！？」佢仲要一句道歉同解釋都無，想我地等到8:30pm，完全無諗點解決問題。最後，我同老婆轉場食野。而呢間又無誠信又無禮貌既餐廳，以後唔會再幫襯。…查看更多

今晚奶奶👵造訪，👵鍾意食日本嘢。見到呢間新日式餐廳，佢外賣3個餐$150咁抵又選擇多更加唔使諗😂。我叫四式魚生飯，奶奶就京蔥拖羅蓉飯，老公食鰻魚拼牛肉飯。我個飯一打開，魚生大大塊幾吸引，食指大開😂每款三片，但…開始聞到有「酸淑」味🥲，何解？原來蟹子唔新鮮🙈🙈即刻撥埋一邊。幸好三文魚，油甘魚同赤貝都算肥美鮮甜，但食落啲飯就完全唔掂，大失所望。奶奶在旁都話啲飯硬一嚿嚿，應該雪咗好耐，似食隔夜飯，拖羅蓉還OK，佢話食魚生最緊要新鮮，睇嚟我哋冇下次🙈。…查看更多

大熱天時唔想熱辣辣，咁就食魚生飯啦！點知個飯係熱既！大佬！d魚生比d飯焗熱晒😢連兩隻玻璃蝦都熟埋！個外賣一拎上手就已經搵老闆！不過老闆唔係到！個落單阿姐話廚房d人用唔晒熱飯所以就照用😑仆你個乖！如果唔係驚佢加料我一定要佢換！係4月幾疫情好勁個時，係門口行過都好似想拉你入去咁！而家生意好喇！多返堂食打邊爐就咁樣做d外賣！果然識做生意，分店開完一間又一間啦😡…查看更多