16
1
1
港鐵銅鑼灣站 A 出口, 步行約2分鐘 繼續閱讀
電話號碼
2882 8782
開飯介紹
餐廳以小菜及火鍋為主,部分小菜坊間少見,而火鍋混醬夠特色。 繼續閱讀
特色
適合大夥人
營業時間
星期一至日: 11:00-15:00, 18:00-00:00
付款方式
Visa Master 現金
其他資料
酒精飲品
自帶酒水 詳細介紹
VIP房 詳細介紹
泊車 詳細介紹
外賣服務
加一服務費
海景景觀
電視播放
招牌菜
自家製脆皮鹽香雞 香菜大魚頭豆腐鮮味鮮湯窩 荷葉籠仔陳皮香葱龍脷球焗飯 煎豬肺
食評 (18)
等級3 2016-12-02
2545 瀏覽
好餓 已經八點半,一坐底就叫左個豆腐魚豆湯底, 一碟龍躉片,一碟鱔,同唐生菜侍應好有禮,又知我地好肚餓,即刻上茶同俾個調味碟我地。好多料😍 狂落蔥粒,好香好脆,證明新鮮!唔洗十分鐘就黎左個湯底。原來魚頭炸過,難怪咁香,但湯更鮮甜,更惹味,連豆腐都好有魚香同甜品。我地兩個等唔切,即刻淨係空口食左個半個大魚頭同豆腐,基本上好味到骨都食埋(個骨係炸到脆再滾湯,所以好易咬)。食完之後,食物就岩岩好到。龍躉片得十片左右,唔理,即淥! 又爽又甜!!重點係個魚片好彈牙好爽口,d肉又脆又爽口,唔識用筆默形容!! 係我個frd話人地未熟囉,係咁話我太心急,明明爽爽地口先係精粹!鱔片,非常爽口,係好薄既,不過油脂分布平均又香口,好在唔會膩,仲越食越好食,越食越想食。雖然同龍躉一齊食會被比下去,不過仍不失吸引力,都幾好味。唐生菜好新鮮,爽脆,翠綠,一淥就起得,keep住又甜又脆;朋友鍾意食軟身d,更加係soak曬湯中既精華,魚既鮮甜。encore左龍躉,不過今次叫骨試下。真係好多骨,同時好少肉,件數都較少,但點解會貴d.... 都係叫片好d!最後送雪糕又有桂花糕! 點解可以咁好OMG 點解可以咁開心!念念不忘,仲係好想再食龍躉片…BTW環境夠靜夠企理,幾適合傾下計另外有私房菜,好似幾正,不過要訂;邊爐是不用等位的 繼續閱讀
(以上食評乃用戶個人意見 , 並不代表OpenRice之觀點。)
等級2 2015-11-23
9527 瀏覽
話說朋友聚會中,大家決定在銅鑼灣打邊爐,但係邊間呢?又用了大半日去決定。最後一間太貴,一間唔好食,一間無得訂位,一間限時,就揀了呢間唔多食評的漁一。一早book了頭,原本訂了六人,最後朋友唔舒服缺席。當初擔心會被轉細枱,但幸好店員理解,其實張枱似係4人枱加大。店舖唔大,眼見有兩間vip房。因為有選擇困難,揀了鴛鴦湯,好清既津白同好濃既沙嗲。又叫了蟶子,牛,羊,黑豚肉,蟮片,丸,墨魚滑,餃,生根,菜等等。食物不算特別,但都好味,夠大碟,最後仲有糖水及甜點。因為散叫,叫下叫下都食左每人三百幾!勝在服務好,店鋪細細唔趕頭趕命。 繼續閱讀
(以上食評乃用戶個人意見 , 並不代表OpenRice之觀點。)
等級3 2015-08-12
7225 瀏覽
好好好姊妹經常去,極力推薦漁一私房菜,因為識人所以份量有別於其他食客,好姊妹嘅家姐一早已安排菜單,先來兩個前菜小食,看似簡單嘅皮蛋薑,子薑無論食或吐⋯真係連渣都無,自家醃製,心思超讚,炸白飯魚除炸蒜同蔥之外,仲有火腿粒,而且魚仔細細居然有魚春,香口之餘仲有魚春卜卜聲,好驚喜,四個人居然點了十樣菜⋯大誇張🐦,雖然好味但都打包收場,多謝好姊妹家姐請客,大滿足🙏 繼續閱讀
(以上食評乃用戶個人意見 , 並不代表OpenRice之觀點。)
等級4 2015-01-08
7998 瀏覽
又嚟打邊爐啦, 今次食午餐, 可以食到三點的, 安排左一間房俾我地, 湯底蕃茄牛尾湯加沙嗲, 然後就混醬, 今次我只加左D豉油,蒜及辣椒, 唔想太濃味. 不停咁叫, 牛肩脊, 雪花肥牛, 魚皮鮫, 雲吞, 響玲, 蝦滑, 墨魚滑, 蝦丸, 鮮蝦腐皮卷, 珊瑚蚌, 鱔片, 竹苼, 淮山, 蘿白, 皇帝菜, 西洋菜, 粟米等等....牛肉真的好好味, 薄薄的一片, 好快就熟, 肥牛及牛肩脊都係一樣咁好味, 淮山好粉, 正. 蝦滑, 墨魚滑都好爽口, 好好味. 鮮蝦腐皮卷及響玲又係加熱幾秒就食得, 仲脆脆地又熱熱地咁. 腐皮卷香脆, 蝦肉又爽口, 珊瑚蚌都好爽身, 又係好快就熟.菜都新鮮的, 其它的食物都好有水準的. 我們食足兩小時, 食到餐廳走淨我們一枱, 因要落場. 最後都有甜品, 桂花糕及馬豆糕, 桂花糕好清香的. 繼續閱讀
(以上食評乃用戶個人意見 , 並不代表OpenRice之觀點。)
等級4 2014-10-26
6901 瀏覽
前菜: 話梅子蕃石榴 皮蛋酸薑 x 2 蜆介鯪魚球 脆皮蔥花肉卷 煎釀虎皮椒 湯: 杏汁豬肺湯 (9位) 肉類: 古法炆牛尾 咸魚蒸肉餅 薑蔥黃沙豬潤爆牛頸脊 脆皮鹽香雞 (半隻) 海鮮: 蒜茸粉絲蒸蟶子 (4隻) 雞油花雕蒸蟹 胡椒蝦煲 蔬菜: 薑汁介蘭 麵醬唐生菜 飯: 荷葉籠仔生中蝦焗飯 (半份) 皮蛋酸薑,有人話好食過鏞記,所以要叫多一碟。 杏汁豬肺湯,有人話同陸羽有得比,煲湯好濃,豬肺乾淨,陸羽十分,佢都有七分。 雞油花雕蒸蟹 ,蟹約一斤重,花雕味好重,蟹吸收哂啲花雕,所以好香,個汁應該要叫個白飯撈咗佢。其餘小菜份量不算大,但勝在水準不錯,薑蔥黃沙豬潤, 用薑蔥爆起,十分惹味,豬潤是厚切,所以不會變豬潤乾。 唯一比較失色是個蝦煲,蝦是沒有味的,且很油。 蝦飯不錯,兩味蝦應該是一味新解,一味雪藏,蝦飯有鮮味。 最後有甜品及糖水送,十分飽了。 這裡地方不大,只有兩張大枱及幾張四人枱,服務都ok,至少我哋一直坐到十一點半關門,期間也沒有人來hur hur 聲收碗收碟暗示送客。 價錢如何?9個人,每人$330, 包括五十蚊兩枝的開瓶費及加一,在銅鑼灣區,有肉,有海鮮、有冷氣、有電視,可算是十分抵,一定會再來。 繼續閱讀
(以上食評乃用戶個人意見 , 並不代表OpenRice之觀點。)