滿記甜品 (已結業)

佢由11樓搬左落3樓，但係好似越來越貴囉。但今次有個不好的體驗😔，失望。。。。我同d friend 食完飯諗住食下甜品先返屋企啦，每人點一個甜品，我同d friend 一路食一路傾計啦，突然我個 friend 食食下發現有2條好短嘅頭髮係d 湯圓度😱，即刻叫店員黎睇下，咁岩佢話唔到事，佢就問個高級d嘅，話幫我地換個新，諗諗下，我地梗係唔換啦，點知會唔會都係仲有架，所以我地決定叫佢取消左個個甜品，我個friend 最怕見到頭髮😔。

近幾年滿記開到周圍都係 其實係抵佢嘅 雖然佢冇邊樣稱得上全港最好食 又冇出啲好fancy嘅甜品俾大家呃like🙊 但勝在企企理理又乾淨 有質素保證 係去邊度都可以食嘅安心之選🤣今次我哋就叫咗半份芒果脆脆窩夫同一份綠豆沙芒果脆脆窩夫啲芒果好甜 加脆脆同窩夫都幾襯😚 我覺得份量睇落雖然好似細啲 但其實食完飯再食都夠哂啦綠豆沙就好甜 都幾有臭草嘅香味 正常發揮 但係我成日出街食糖水都諗🧐 如果佢哋可以有多啲海帶同煮得無咁稔就好啦 個人口味個人口味😂最後埋單＄69 咁嘅價錢就可以係hysan place舒舒服服食個甜品 OK啦🤓

話說食完午餐忽然想吃點甜品，見附近有間滿記就去買左個芒果班戟番公司食下~芒果班戟一盒2件，Size好細，其實一口都可以食到一件了!!!班戟皮簿，咬開可見上層係CREAM，下層係芒果~芒果夠甜，但cream 唔多，食落層次感欠奉~

同朋友在Hysan 食完晚餐之後，口痕痕就想食甜品，最就腳就梗係滿記甜品！ 滿記甜品最大既特色是白雪即係雲呢拿沙冰底，我暫時都未見過有其他甜品店有相似既產品。呢個雲呢拿沙冰底，唔會話甜到好漏，甜度岩岩好，而且重奶味同身邊既朋友都一致讚賞 所以我地3個人都嗌左白雪既甜品 首先介紹必食既白雪黑珍珠 就咁睇望到都已經覺得好吸引，當中用既配料好豐富，有元肉 （龍眼）、芒果、香蕉、海底椰加黑珍惜。食既時候，建議一齊撈埋食，口感會好豐富 。 食甜品都講求新鮮，我覺得滿記就算係簡單既用料方面都唔求其。 芒果係呢個時節都唔係旺季，但芒果都甜同新鮮。香蕉如果放得耐都會變黑，但佢都無 ，所以係即叫即整 而呢個係雪山榴連，賣相好吸引色彩繽紛。雪糕可以簡 綠茶或者雲呢拿，因為白雪已經係雲呢拿味，所以簡左綠茶味雪糕綠茶雪糕好重奶味，十分鐘意榴連加上白雪，都是意想不到的夾，喜歡榴連的朋友，絕不能錯過滿記既榴連無論咩時候都保持到一定既水準，榴連肉超香滑，同超有濃郁既榴連味不過士多啤梨有d酸， 算喇，佢只不過係配菜不過唯有美中不足是少左以前既人情味，得返機械式既服務

甜品係女人最愛，行到累哂梗係去甜品店食住歇歇腳啦滿記就係一間不錯既選擇，價錢不貴之餘，中西式都有食完薯片就梗係去食點清熱的甜品海底椰涼粉就係不錯的選擇海底椰份量足，爽口，配上涼粉係一清熱滋潤既選擇底下仲有雪糕沙冰，本身海底椰同涼粉都無咩味，配上雪糕沙冰，不用額外落糖漿都夠甜，同好有云呢拿味36蚊絕對不貴

下午茶想食甜品落左希慎食滿記先！上面有兩個球左邊係芋頭紫米 右邊係榴連肉下面白色係雲呢拿沙冰個沙冰味道一般啦 甜甜地紫米因為俾下面既沙冰受冷變硬左 幾難分開意想不到係榴連肉好正！好甜好濃郁 根本就係一大舊榴連肉😍😍😍

芝麻糊配杏仁茶 $25一個人等老公收工，棯住去誠品睇書，經過美食廣場買野食，因為肚仔不餓，叫小小野啦～ 見好耐無食過滿記就以就買左碗糖水黎食，甜度不太甜，仍然夠香，喜歡這種香口既感覺，保持水準～

又來滿記食甜品啦。這次要的是芒果班戟，很贊。班戟外面的皮質感很有彈性，不過不是很甜。裡面的奶油很香甜，真的是甜而不膩，很有感覺，不愛吃甜奶油的女生們可以一試。裡面的芒果真的是很甜，很夠味，對於我這種芒果粉絲來說，就是最好不過的選擇了。給個好評：）

是晚點了1. 芒果雪山黑糯米: 芒果不太鮮甜......2. 雪山涼粉: 那球雲呢拿雪糕很香滑，令單調的涼粉帶來甜蜜。3. 楊枝甘露: 很普通的一道甜品，味道不過不失，但比一般甜品店的份量較少。4. 抹茶茶凍: 我最喜歡這道甜品，它那球抹茶雪糕十分香濃，抹茶雪糕下還有一些紅豆，抹茶雪糕加紅豆這個配搭本身已能俘虜不少人的心，加上最低那層香滑的抹茶茶凍，口感十分豐富。總括而言，甜品味道沒太大驚喜，只有抹茶茶凍令人特別回味，而且份量較少。

有一晚同朋友食完飯，見個胃仲有位，就走咗去滿記搵啲甜品食下。點知到。。。中哂伏！！！杯抹茶豆腐花。。。球抹茶雪糕都還好，其他野就真係不得了。豆腐花粗糙無豆味，清心圓好似未煮透，中間硬咗，紅豆醬甜到牙軟。。。今次食到咁，無咩機會會令我再食希慎呢間滿記。。。

木瓜雪耳糖水Oh My God! OMG! 呢碗嘢係勁膠嘅!!!!!!!係膠味嘅水簡稱膠水 冇木瓜味冇雪耳味連甜味都冇乜... 衛生情況堪虞D匙羹嘅柄'痴立立'very very very bad!!!!service ok

在銅鑼灣晚飯後, 很想來點甜, 但天氣寒冷不想吃冰凍甜品, 最好就是吃令人溫暖的中式糖水...不過原來在銅鑼灣並没有太多選擇, 於是取其最方便的foodcourt之選 - 滿記。點了我倆的"例牌" - 熱生磨芝麻糊 ($21) 及 熱生磨芝麻糊加湯丸 ($27)。芝麻糊是否生磨就吃不出, 但就算得上足料, 口感夠杰, 而杰得來又没有粉粒, 入口綿滑; 味道方面, 芝麻味濃但不夠香, 比較之下, 深水埗綠林的芝麻糊有很香的炒芝麻味; 甜度方面, 略為偏甜, 現在人人講健康, 甜品都可以稍稍少甜, 既可滿足吃甜的心癮, 也可以吃得少罪惡感一點...加錢加的湯丸, 只有花生没有芝麻餡, 湯丸的皮厚, 花生餡不過不失, 但相比下不及芝麻糊甜, 所以一定要完成芝麻糊才可以吃湯丸, 如果先吃了湯丸, 之後的芝麻糊會變得無味!當初選得滿記就預了不會有驚喜但水準會有穩定的保証, 其實都未嘗不是一件好事...

同朋友一齊行街行到攰攰地, 想坐下, 不如吃个甜品滋潤下，就決定試這个希慎廣場food court 的滿記吧！平日非繁忙時間，好易找到位, food Court 是共用的, 坐位一般, 光線及空調適中。冇廚房, 選擇種類少,朋友想吃熱的楊枝金露，是沒有供應的,為有食凍的吧，服務員是從大膠樽倒出來,笀果肉太少, 甜度ok, 但有D苦苦地 有點失水準;另外朋友叫了木瓜雪耳及涼粉雪糕 木爪同雪耳好淡口 D雪耳仲好硬 涼粉沒特別 只有個雪糕keep到水手 算夠滑總刮來說其他分店都好味D另因自助型式，收銀處服務員禮貌一般, 很溥衍, 有点失望！

這是一個紅雨的晚上,當時在銅鑼灣吃完晚飯後超級大雨,我跟飯伴又沒有打傘...於是到了HYSAN的food court坐一會...打算等待停雨喇...同時就到了滿記買了一個甜品吃白雪黑珍珠 - 內裡有白雪作底, 再加上面層的芒果肉、香蕉粒、龍眼肉和黑珍珠。本身我對面層的toppings一點好感都沒有, 我就只係愛吃那個"白雪", 即是雲呢拿汁加冰/雪的texture...因為我覺得好香=)但我總不能只吃白雪, 飯伴吃Toppings的嘛生果(芒果&香蕉)都正常, 芒果不算太酸, 反而是黑珍珠帶給我驚喜, 因為把黑珍珠撈到很凍的白雪入面去吃的時候, 它的質感好像變不同了, 變得有點像...粒粒雪糕的質感!!! 不過呢當白雪不夠凍的時候, 又變回那個我不太喜歡的質感了。