滿記甜品 (已搬遷) 新店位置

大年初一，和爸媽到西貢行大運。行到有點累，打算走之前試一試享負盛名的滿記糖水總店。店舖位於天后廟附近一個偏癖位置，用了Google map，又問了路，總算到達。店家比一般的分店大，但只有兩枱顧客，不算多人。侍應不算積極招呼客人和推介產品，問多兩句，只是敷衍答覆，我們三人各叫了一個糖水，價錢過百。陳皮紅豆沙: 冇陳皮味，蓮子變質芝麻糊加花生湯丸: 芝麻糊加3粒花生湯丸，湯圓的花生饀冇花生味，只有'益'味，已變質，食唔晒紅棗桃膠: 有酸味總結是名不副實，食材不新鮮，連最簡單的糖水都做不好，令人失望。

相信香港人都聽過「滿記甜品」這個品牌，嗰度嘅楊枝甘露好多人都大贊好味。而我今次就去試咗個楊枝甘露加芋圓，楊枝甘露保持到水準，芒果味夠，唔會太甜啱啱好，啲芋圓都好Q彈，如果食飽飯，想同朋友吹下水，去滿記坐低食個甜品係個好選擇

一月中下旬星期天晚上，西貢。在印度餐廳用膳後友人提出到滿記吃甜點再回家，回想起上一次吃滿記已經是十年有多，想要找回當年的味道。店面翻新了，旁邊的店現在也是他們的，人流還是那麼多。坐下後看到多了新款的甜品，冬天還是吃熱的暖胃舒服。一如最近的習慣，點一碗熱的芝麻糊，甚麼都沒有加配，最能吃出原味。坦白說這一碗芝麻糊是最近吃過最差的，糊身非常稀，好像在喝漿一樣，含在口裡也感受不到現磨芝麻的碎粉，跟之前吃過的兩家不太有名的質素實在差太遠。友人點的是雪山芒果西米露小丸子，有配芒果雪糕，芒果味道的甜點是滿記最出色的，現在再吃，少了一試難忘的感覺，質素是有，但是不再是想一吃再吃的那種。總店不總店，今晚以後已經無所謂，是不是所有餐廳出名了以後真的是不會再用心出品？

每次在西貢食完晚餐，無論食到幾飽，點都要到滿記吃甜品！ 冬天我最喜愛吃中式傳統糖水，滿記甜品就啱曬我心水， 今次叫了熱芝麻糊配綠豆沙 $27， 熱腰果花生露 $27。熱腰果花生露～ 花生的味道很濃，蓋過了腰果味，但係勝在有兩溝啱曬我三心兩意的人。熱芝麻糊配綠豆沙 ～ 芝麻糊又香又滑，加埋綠豆沙夠清熱，這兩溝的配搭味道唔錯。本身已經試過西貢所有的甜品舖，自己就情有獨鍾滿記甜品，因為佢哋有傳統糖水和新式糖水，間中亦會出一些時令糖水， 令到客人可以有不同的選擇。

人真是一種特別的動物。。。我指本人。。。明明已經吃飽飽，怎麼經過糖水店，便駐足不走呢！ 小胃又要出動了 天氣寒冷，見到大大招牌，有個"燉"字，隨即熱哄起來，啱哂心水！這糖水店已做到遠近馳名，晚點來，想坐也沒有位呢！我要"椰皇燉蛋白配椰汁紫米露'' 喜歡紫米的咬感，加上芋頭很香味，蛋白在底層，滑嘟嘟，又夠奶香，就是略為有點甜，可能怕蛋白太淡，所以重手了一點！椰皇燉蛋白配腰果花生露 整個椰殼充斥花生香味，夠滑也夠濃，花生磨得很幼細，友人很快吃完，丢了句"是椰青 size 便好了“ 貪心，俾多1倍錢就可以呢!

試左咁多間甜品🍮，都係最愛滿記，仲要係指定西貢分店，可能係以前成日跟車會出黎，食落有感情。好彩今晚唔算凍，雖然凍我都會照食以前食椰皇多，今晚轉下口味<醉心榴連> 食完我也真的是醉了🤣朋友食芒果西米露，雖然好食，但我都係鐘情榴連囉。 我好專一架！好彩大佬同我啱key，再嗌榴連班cake 美好的一晚又完美落幕了。

選中天堂，選錯地獄湯圓麻麻！ 材料個人覺得不夠新鮮，皮亦厚。喳喳則好好！果然推薦之選。其他普通.......service 亦麻麻，staff 自己落錯單，又懶得改，價錢亦偏貴.....不過，偶然食下，無傷大雅。

今日難得同屋企人入西貢，點小得去滿記總店食甜品😍其實喺市區已經好小再食滿記，因為越黎越貴☹️但入到西貢又覺得點都要食下！無食好幾年，原來已經多左好多新款糖水，有而家最興既芋圓系列，榴槤迷至愛既榴槤甜品，依然有永不過時既芒果系列同傳統中式糖水。楊枝甘露，糖水鋪必備產品！甜度適中，有咬落脆卜卜既西米，再配埋芒果同西柚，甜中帶小小酸，越食越開胃白雪仙草芋圓，白雪係椰汁味既冰底散發著淡淡椰汁味，芋圓頗煙韌但唔重芋頭味，最好味係中間既芋泥，食落好綿好香！呢兩個都係屋企人叫既所以無食到，不過佢地話榴槤好香好甜！榴槤味絕對唔可以錯過雖然價錢稍貴，但水準依然

食完韓國野，朋友揸車過黎西貢食糖水，再一次食滿記甜品，今次係西貢食滿記，又好似真係比起其他分店好食d。 今次食嘅係白雪仙草芋圓，配料方面有: 雲呢拿味嘅冰底，紅豆，唔同顏色嘅芋圓同埋一舊應該係芋頭泥嘅物體，仲有仙草。芋圓黎講佢都做得唔錯幾有咬口，但係就唔太保留到本身個樣食材嘅味道，例如: 淺紫色嘅芋圓係芋頭做，橙黃色嘅多數係南瓜或者蕃薯。但係除左深紫色嘅紫薯芋圓比較食得出紫薯味之外，另外個兩款芋圓食落嘅味道冇乜分別。中間個舊芋頭泥軟硬度適中，食落去好香芋頭味，加埋雲呢拿冰一齊食好夾。總括黎講，呢碗野39蚊都算抵食嘅。

榴槤甜品勝地😍今日嚟到西貢，滿記甜品嘅發源地，點都要入去甜品。因為今日假日，所以4點幾都好多人。我係榴槤愛好者，所以叫咗一盒榴槤pancake。榴槤班戟$34（2件）朋友不愛吃榴槤，所以我一打開個盒，佢就覺得好重榴槤味😂一盒有2件，cream 同榴槤肉的比例各一半，所以都叫足料，不過如果可以再多少少榴槤肉會更好😍😍最鍾意他的外皮，綠色得很完美，而且外皮很香很甜。我用左唔夠5分鐘就食完整盒👍🏻⭐️

西瓜涼粉價值$29但如圖所見只得3粒西瓜😩真係過份左整體味道偏淡失望！反而芒果牛奶好足料濃稠度剛剛好仲有芒果粒飲落甜得黎唔會好假有芒果嘅微酸似飲緊乳酪幾正👍🏻

入得黎西貢又點少得食返個滿記糖水先至叫做圓滿😌所以我哋order咗一盒榴槤班㦸同芒果班戟仲有榴槤飄香返朋友仔屋企慢慢嘆😛老實講個榴槤飄香，一開嗰陣味都幾濃郁鍾意食榴槤嘅人就會覺得好正唯一我覺得可以改善下嘅就係唔夠凍可能take away嘅關係😅😅不過依然都係好美味👍🏻但係個榴槤班戟就比較遜色左少少個味道唔係好濃，嗰啲餡好似唔太多比例上啲cream多咗少少😅因為係屋主請我哋食所以唔知幾多錢🙈

很久沒有再吃「滿記」了，自從「滿記」的足跡愈來愈多，多年前吃過九龍某間分店後，真的很不堪，便沒有再光顧了！是日既然來到了西貢，鼓起了勇氣再試一次！結果是另眼相看！今天的「滿記」進步了很多！甜品款式多了很多，款款賣相都很吸引！「楊枝甘露」很足料，濃濃的芒果香氣，甜度剛剛好，稀稠度也很適中！西米粒粒分明漲卜卜，口感特別！略嫌芒果有丁點兒酸，否則便會很完美！「榴連忘返」超級榴連蓉，香味極濃烈，榴連控大愛！正呀！「榴連糯米糍」一口一粒，口感煙煙韌韌，榴連餡香噴噴，可愛又好吃！是晚，對「滿記」的厭惡感都消失了，反而期待下次再光顧選吃哪一款甜品～希望「滿記」繼續保持好的水準，繼續努力！

週末來到西貢盡興一天，最後一站都是改不了想吃個滿記，才是在西貢玩樂的一個圓滿的句號。這晚的滿記人不多，一到達侍應就招呼我們在室內有冷氣的位置坐下。同伴點了楊枝甘露，香香甜甜的，熟透的芒果。我點的是雪山黑糯米配綠茶雪糕，一個挺有飽足感的甜品，椰汁底冰涼香濃，綠茶雪糕特意雪至較硬的狀態，故可以慢慢食用，不會一下子都溶化在椰汁底之中。黑糯米內配以芋頭粒之類的配料，增加口感層次，伴以椰汁及雪糕同吃相當不俗。埋單75元，可以接受。

好耐無食滿記,因為本身覺得無最初初食咁好食,所以轉戰其他甜品店好幾年了。難得今日同老公入黎西貢行街, 老公表示耐無食不如試下總店, 一向總店都好食D, 咁就中伏了楊枝甘露芒果好酸, 柚子都係酸的 , 溝埋完全唔好食, 浪費晒雪山榴蓮配雲呢嗱雪糕最好食係個榴蓮 , 太多冰碎 , 士多啤梨又凍又酸 , 本身餐牌係寫綠茶雪糕, ,開過話可以轉 有綠茶,雲呢嗱同士多啤梨揀, 食完個士多啤梨之後就覺得,好在無要士多啤梨無下次, 總店都不一定好食