滿記甜品 (新城市廣場一期)

營業中

休息中

每次食完晚餐都要食D甜品先滿足，呢幾個星期頻繁去食滿記嘅榴蓮班戟同埋榴蓮糯米糍。冇錯，都喺榴蓮，因為真嘅好好食。榴蓮肉一D都不假，完全唔喺個D加工出來嘅榴蓮醬，糯米糍嘅外皮好煙韌，口感好正！太好食啦!

午餐過後, 明明吃飽了, 總會感到囉囉攣, 有種莫名的空虛, 原來甜品慾作祟, 滿足一下便好。向來有選擇困難症的我對著一個menu已很苦惱, 這店竟有兩個menu, 不能不花點時間去選擇。看來看去, 是次還是選了芝麻糊紅豆沙湯丸, 覺得養生越來越重要。芝麻糊紅豆沙湯丸 (手工花生湯丸) $42芝麻糊和紅豆沙味道濃郁, 湯丸有黑芝麻和手工花生可選擇, 我選了花生味道。花生湯丸有3粒, 軟軟糯糯, 不過下次還是選黑芝麻湯丸, 相信味道與芝麻糊和紅豆沙更配。

加價不合情理 西瓜汁由$26加到$40 賣相失敗味道失敗 不能接受 不會再幫襯 🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬

由於都係星期二黎，所以都唔多人，間舖對比星期六日都坐唔爆，我地唔洗等位就入到。我叫咗個海底椰紫米露，可能好耐冇黎食過，原來滿記已經轉咗白色碗，雖然個碗靚咗，但個份量亦同樣細咗。碗野都係繼續個隻味，普普普通通啦！可能我唔太鐘意食甜，如果佢冇咁甜就好啦！

對於 (滿記) 可能是每一個香港人都唔會陌生,由西貢總店開至今已有一段日子、由舊式糖水接力可選除了 (X留山) 它亦可算謂前無古人，將舊一代糖水漸變成八、九年代新興，特色榴蓮甜品與及創新糖水、它列入頭首位實在當之無愧，闊別多時所以心思思一落車便走上去回味一下當年的味道。。。楊枝甘露已出了多時加上近年興起之台灣芋圓，兩者融合在一個小杯之內、既有舊日之味道亦有新興之口感，個人就幾欣賞~只是有少少暇疵便是沙田柚果肉有點點苦、若然能撇開這了個小小的不幸，這(碗楊枝甘露+芋圓)應該算是十分好吃、整體上亦不會太甜個人甚為欣賞｡

夜晚同屋企人係沙田市中心食完飯，覺得未夠喉，於是上左沙田新城市中心頂樓搵下有咩色，一上到去見滿記門口咁多人排隊，諗住質素一定有保證，於是本住為善不甘後人，有好野唔好執輸！即刻拎飛排隊！排左都幾耐下，好彩隔離有間CD舖可以攝下時間。終於入到去，一坐低就比menu既士多啤梨巴非吸引，另外再嗌多個有西米露，椰奶，香蕉，雪糕既糖水。兩個都勁普通！巴非份量仲要超少，個杯雖然睇落高身，但勁窄身，味道口感層次都好普通，有將所有野炒埋一碟既感覺。

考完文憑試，本身想去食個甜品慰勞自己，點知界錢買難受！記得以前同屋企人食呢個雪山榴槤，又大碗又冰凍，兩個雪球好似柑桔咁大個，啲雲呢拿汁多到滿出黎，啲冰磨到好幼滑唔使咬就吞到，好新奇好滿足。宜家再試，直頭不知所謂。個碗不斷變細都算，啲雲呢拿汁仲要得半碗，雪山啲冰亦冇左「入口即溶」嘅感覺，又大片又要咬。兩個雪球細到乒乓球咁細，榴槤唔香，士多啤梨好酸！太大分別貨不對辦！仲要坐位好迫好嘈，好多大陸人拉行李阻住曬！唔知係咪沙田分店特別嚴重。

琴晚同friend去食滿記, 我嗌左個熱嘅腰果杏仁燉奶, 再加左$10芋圓, 其他朋友就叫左芝麻糊腰果花生露, 咋喳同椰汁紫米露。朋友嘅芝麻糊腰果花生露同menu張相好唔同, Menu係兩隻色嘅, 但嚟到係撈埋左, 雖然話圖片只供參考, 但我知有甜品舖係做到分開兩隻色好似太極咁, 所以都有期待過滿記個唔會做到😂我個熱燉奶加芋圓賣相最吸引, 啲芋圓夠煙韌, 好有咬口😋甜多少少會更好😍可能個膠兜浸熱水浸得唔夠耐, 個熱燉奶上面仲係凍嘅, 個底就暖暖哋。由於上下有溫差, 食起上嚟個口感有啲影響到, 燉奶都夠滑,夠奶味。但個顏色偏淺黃, 睇落有啲似燉蛋, 而燉奶上面配上腰果同杏仁碎, 甜甜脆脆, 有果仁香, 帶出唔同嘅口感, 都幾夾, 幾得意😋

呢間分店嘅甜品唔好食，就眾所周知，但今日先知原來繁忙時間，強國人就可以二個人霸四個位，班侍應仲要幫口將霸位合理化，本土香港人兩個人就要苦等，唔知仲以為自己返咗大陸...香港幾時變到咁㗎?

今日係沙田食完飯，一班朋友想話食完飯食甜品，見新城市上面有間滿記甜品，就上去試下依間糖水舖嘅分店。一黎到對面，都有好多人係到等位，我地4個人，大概都要等15-20分鐘先可以入坐。甜品舖裡面唔係好大，所以座位好逼，如果大家拎住好多行李，又或者比較強壯少少，就會坐得有啲逼。今次我食中式甜品，叫左一個芝麻糊+杏仁露。糖水一拎到黎嘅時候，我真係好失望。因為廚房已經幫我撈好左🤦🏻‍♀我之前去西貢總店食唔會有依個情況。️食落去，成個糖水好水狀，亦都太甜，芝麻同埋杏仁味都唔重，所以我對依個糖水好失望。

好耐冇同朋友行街，今日去沙田新城市廣場行街，行到咁上下想坐低休息下食個甜品，但附近知道嘅糖水鋪得滿記甜品。我地當日係平日星期四去，都一樣好多人，兩個人都要等位，不過好快，但唔太滿意沙田呢間店的環境，座位好迫，同埋同隔離枱嘅靠得好近，於是同朋友都快快食完就走。首先朋友叫左個熱芒果黑糯米，雖然朋友叫熱嘅，但佢話得少少暖，如果再熱啲更加好。另外我叫左楊枝甘露加芋圓，味道不過不失，但芋圓無咩口感，下次唔會再加。

真係不得不配服滿記甜品係咁競爭咁激烈嘅環境下，都可以分店越開越多，客似雲來。佢唔止保持傳統甜品，仲會推陳出新。///1. 今次叫左佢個芒果Pancake🥭。$20幾蚊兩舊仔都咪話唔貴🤑。2. Pancake 脹卜卜，咬開見到芒果🥭同忌廉比例係1:1。3. 芒果好甜好新鮮。4. 忌廉都好滑。

雖然已入秋，但天氣仍然很熱，下午放假的我去了沙田行街，行到攰攰地，不如搵個地方休息下先，好啦！就身旁呢間「滿記甜品」。店裡人不多感覺幾舒服，我選了兩款甜品作為我的下午茶，哈哈！宇治金時窩夫香脆的窩夫帶點綠茶和軟綿綿的紅豆味道，味道不濃，而加上少許朱古力和凍凍的雪糕，感覺就像去了日本，在冬天中吃着雪糕，好浪漫呀⋯⋯雪山楊支甘露配綠茶雪糕哇！好多西米呀！仲有甜甜的芒果肉，每一啖都令人咁満足，好味，凍得好爽！今日兩款甜品令我一天的疲勞盡消，好滿足，剎那間明白到貴店的名子「實至名歸」

白雪仙草芋圓 $39聽講滿記新出左芋圓，咁緊係要去試下啦。•除左地瓜、芋頭、紫薯芋圓，配料有涼粉、紅豆、薏米、芋泥、椰汁。-三隻芋圓都分別食到佢地應有嘅味道，不過芋圓可能凍食，偏硬，唔夠煙韌。-我好鍾意佢加左薏米，食落滑滑地又有咬口。-本人唔太鍾意食芋泥，因為覺得佢偏乾。不過佢好香芋頭味，加埋椰汁食都唔錯。-⚠️ 係間鋪門口已經聞到陣陣榴蓮味，唔鍾意食榴蓮嘅朋友要小心。-回頭指數：3/10 （始終芋圓先係主角，但芋圓味道係ok，但口感唔得）

沙田長時間都好多人所以都少左黎啦今日睇完戲之後想食少少野所以我哋去咗7樓度食甜品好彩係平日  所以都冇咩人  唔使咁咪就入得啦~仲記得以前我哋放咗學都會去食呢!今次我地叫左榴槤班戟都仲係咁好食 不過好似細舊左少少咁LOL仲叫左熱既南北杏木瓜雪耳~好甜又夠滋潤~