滿記甜品 (已結業)

今日過咗嚟行街臨走前男朋友想食個甜品就過來了, 因為有點飽關係我冇簡選個人喜愛的榴槤甜品, 只叫了一個甜品. 男朋友總會新嘗試試吓不同的產品...芒果鮮奶樂 $34簡選下買了一個芒果鮮奶樂, 這個甜品以鮮奶及芒果打造而成. 賣相下來比較簡單, 芒果汁下的是鮮奶凍, 鮮奶凍吃下時都很滑溜, 而且吃下後會感受到奶凍的奶香味, 奶香味道適中不會過火, 而芒果肉甜美, 但沒有芒果香味.... 沾上芒果汁 & 芒果肉一同食富有口感, 整體味道不錯!…查看更多

滿記甜品對我呢個甜品控黎講算係一間性價比低既糖水鋪，款式雖多但大部份都普通款式，但收費比同類糖水收得高啲，所以好少去，但有一個系列係我覺得真係未有一間糖水店可以取代，就係黑糯米系列黑糯米系列大約有十款揀，有涷有唔涷，有得連涼粉雪糕或者純食熱既椰汁，由於黑洞係個芒果糯米飯既超級fans，所以覺得黑糯米一定要配椰汁先岩，但滿記就推翻左我呢個想法，因為原來配埋云尼拿沙冰係可以咁夾架云尼拿沙冰唔會過甜，淡淡地更加唔會搶去黑糯米既香，呢到既黑糯米既煙韌度永遠係令人最停唔到口既雖然個碗細左啲，但食過咁多次都係兩大球黑糯米，從來都無偷工減料，大大既滿足呀真係…查看更多

係洶大其實可以選擇既糖水鋪真係好少！今次試下「滿記甜品」啦！今次點選左「芝麻糊黑糯米$25」及「白雪黑糯米$28」。兩者都有黑糯米，質地比較煙韌，甜度剛剛好。而白雪黑糯米既白雪似係腐竹糖水咁，都不錯的。…查看更多

與姊妹們在觀塘游完水, 適逄明天是假期, 嘴饞的我們就決定去到九龍灣, 以甜品作消夜。入到店鋪感覺頗為混亂, 門外門內都有人站立, 沒有人安排位置, 有些空位上面有食剩的托盤。感覺全自助, 好不容易搵到4人枱, 但桌上都無MENU, 要自己到點餐處拿取點單紙。選擇了比較輕怡的甜品後, 我就在點餐處排隊, 只見店鋪人手十分不足, 每位員工都身兼多職, 又要下單, 又要出餐, 有時還要飛奔入廚房幫手, 難怪隊伍前進得十分慢。等位後等點餐, 之後再等上餐, 光是等待已差不多20分鐘, 然後我终於收到我的甜品。熱腐竹薏米糖水 $19暖暖的糖水本應令人感到窩心, 不過味道及份量卻叫人失望。一個紙碗裝著的腐竹惹米糖水, 糖水佔了當中的95%, 而腐竹及薏米等食材卻非常稀少。愛吃薏米的人多是喜歡他煙煙韌韌的口感, 最愛咀嚼的過程, 可惜吃罷這碗糖水都不覺自己有吃過薏米, 反而是喝了一肚水, 味道只有死甜的味道。…查看更多

食完晚飯，大家一齊去買個甜品外賣先回家 呢間重新裝修，裝修光猛，去到店內只有一枱客，店員好親切咁招呼，又比餐單又介紹！最後落好單，用八達通比錢後 店員比咁收據加一個呼叫器！然後我哋坐低等（如果有客當然唔得，到時候個呼叫器就有用）食物齊攞走！ 西瓜西米露（$24）紙碗盛載，份量幾大！西瓜肉切丁但唔多，西瓜汁稀身！西米滑！ 碎朱古力忌廉沙冰（$38）朱古力好濃，微甘，忌廉好多，所以增加滑溜口感！甜甜地！ 芒果班戟（$24）一盒兩格！再加個密封膠袋！班戟皮軟，忌廉滑，芒果肉太酸，酸到五官皺眉頭！忌廉唔會太甜！店員好親切，但食物真係一般！連最穩陣嘅芒果班戟都酸到咁！其他兩樣都好一般！…查看更多

成日都聽人話佢GE白雪黑糯米好味, 終於有機會試下啦 =P要左個加芒果GE, 佢個白雪係雲尼拿汁黎…加左入個刨冰底度…但D冰唔夠幼,食落一條條咁, 會咬到SHARP SHARP聲…. 太凍D牙有D頂唔順…. 而且有D冰還冰, 汁還汁GE感覺….個黑糯米都幾足料, 好杰身, 撈埋個雲尼拿汁幾好, 佢應該係加左D ”WU”頭落去…有D粒粒咬下…幾有口感…但其實個雲尼拿汁都幾甜, 好彩有叫埋芒果, 芒果少少酸, 加埋黎食中和番…冇咁甜好D…芒果份量都幾多...款式又出面搵唔到...以呢個價錢黎講算幾抵食呀..…查看更多

夏天熱辣辣，晚飯後當然要食返碗甜品涼快下喇 ，今日係mega box同朋友食完晚飯之後就去左淘大滿記食糖水，可能已經10點幾，人流唔算多，等左5分鐘左右就入得。入到去，d枱排到密密麻麻，所以坐得都比較迫，不過點完甜品之後，唔洗5分鐘就送到上黎，幾有效率 。首先就食左抹茶彩虹，雪糕既綠茶味幾 香，配埋各種新鮮水果，算係唔錯，不過我覺得水果既分量再多一點會更好，而抹茶凍食落就不是我喜歡既口感。然後，一向鍾意食芒果既我，當然要點返碗芒果西米露，一見到大大舊既芒果，已經流哂口水 ，而且芒果係夏天時令水果，唔知係咪心理上既錯覺，總覺得特別香甜，啖啖既芒果肉，配埋又甜又濃郁既芒果醬汁，煙韌既西米，口感豐富，本人十分喜愛，唔係怕肥，真係想成日黎食 。…查看更多

今日試左滿記既雪山白雪黑珍珠($39)呢碗野比我既感覺係好豐富 所謂既白雪即係椰汁冰 打碎左既冰有少少口感 但主要係好清涼 加埋黑珍珠個配合得好好 聽聞黑珍珠仲有通宿使既效用添 大家不妨一試另外佢仲有龍眼肉 芒果同香蕉等既配料 配搭得好好 最重要既當然係個抹茶雪糕啦 濃度同甜味都恰到好處 唔會太苦又唔會太甜如果唔想食雪糕既話 大家都可以選擇白雪黑珍珠 分別只是個雪糕 但價錢卻差9蚊…查看更多

好耐冇食甜品，又知道淘大新開左間滿記，林住試下。先講店內裝修，真係唔錯既，夠光猛同精緻，氣氛好好，侍應亦熱情有禮。一望餐牌，價錢都比出面貴啲，不過咁耐冇食冇所謂啦。我地滿心歡喜order左個芒果pancake, 綠茶雪糕窩夫，楊枝金露涼粉。好快野食就上齊，我望住啲甜品o晒咀，因為全部野都好迷你！個pancake（$22）既size係其他店既一半，仲要用膠盒裝住。都算啦，但個楊枝金露涼粉（$3x）更過份，用個細過普通飯碗，好似比bb用既size裝住，只有約10粒色仔大小既涼粉，加少許楊枝金露。而個綠茶雪糕窩夫（$5x）則只有2塊仔窩夫同2個雪糕波，份量都好少。最搞笑係，為配合返甜品既大小，啲餐具同樣都好細，同玩具既size差唔多，總言之所有野都縮左50%。味道冇特別好食，食完都好似冇咩食過野咁，但已經盛惠$115，食水深得離譜。未試過食到咁嬲，好似比人呃左咁，以後都唔會再幫襯滿記。…查看更多

收左工食左飯，在淘大shopping完，未同知己去滿記食糖水.order 左個傳統木瓜雪耳糖水，28元，價錢合理，甜味適中，唯獨本瓜較硬，雪耳滋潤，一大淡咬落口，我鐘意食服務員態度有礼親切，滿記。有品質保証，我会再去我朋友order：雪糕芒果西米撈😍個雪糕要加9元，芒果酱好味道，西米撈比較彈性，😊😊座位舒適…查看更多