滿茶 (已結業)

新蒲崗比想像中多食店特別台式飲品 更加係多，岩哂天氣炎熱既日子 行過買杯降溫 。 依間位置相當易搵。 店舖除左台式飲品外 ，仲設有一啲小食 好似燒賣等等價錢都唔算貴今次就叫左「鹽味芝士奶蓋烏龍」（$28） 店員好放心但粗若等左5分鐘。 味道黎講發現到新大陸咁。 烏龍茶超濃 唔似外面嗰啲沖淡哂芝士奶蓋味味道唔算太咸 個人認為岩岩好既。 芝士奶蓋比例同茶應該係二比八。整體份量上都叫大杯，價錢就 不過少不失聽講依間另一款「咸蛋黃」同「流心蛋黃」飲料都幾特別 有機會可以再來試呢

由於我來到「新蒲崗」的時候，時間已經不早，「香港」去到下午六時天色一早入黑，所以我沒有再浪費時間去其他地方找食店享用「雞肉飯」，改為在「新蒲崗」找食店享用「雞肉」食品和「牛腩飯」。不過我又發覺距離正式的晚餐時間，竟然還有一小時的時間，所以我在「新蒲崗」和「爵祿街」附近一帶搜索，看看附近有沒有台式飲品店，我至少可以選擇在晚餐之前購買享用台式飲品。結果我在「大有街」盡頭，跟「爵祿街」交界的舖位位置裡面，找到一間面積不大的外賣自取台式飲品店，這間台式飲品店的實際名稱，叫做「滿茶」。這間「滿茶」跟坊間很多一般台式飲品店對比之下，其實有一個的最大分別，就是「滿茶」本身其實是有廚房，專門製造一些供外賣自取用途，鹹味的熟食飯餐食品。不過我來到「大有街」盡頭光顧「滿茶」的時候，才發現原來當日「滿茶」的所有鹹味熟食晚餐食品，都不幸地已經全部宣告售罄，只剩下一些鹹味小食食品，例如「魚蛋」、「燒賣」可以選擇購買而已。所以我最後也沒有購買什麼「滿茶」熟食食品，只在「滿茶」裡面購買享用兩杯手調飲品，包括「鹹蛋黃奶茶」以及「流心蛋黃鹹豆乳」就夠了。我趁着「滿茶」廚房裡面的店員，負責製造手調台式飲品的期間，發現原來

建議： 配料除左一般既珍珠/仙草外，仲有桃膠打風前夕，天氣超好繼續炎熱，又有借口試唔同既茶飲店🤣 成日都路經滿茶，但每次都總會已經買左其他茶飲店🙈 所以今次黎到新蒲崗，突登行幾個街口去試下佢地既 #奶蓋 💛🥤今次試左：▫️鹽味芝士奶蓋烏龍＋芋圓 (L Size HK$25＋4)價錢上算抵飲，奶蓋咸味都幾出，而且質地幾濃郁😋 茶底飲落都係正正常常既烏龍。細細粒既芋圓份量都唔算太少，不過咬落既口感就一般，比較偏硬，無咩煙韌感覺。厚奶蓋系列仲有其餘5️⃣款茶飲，其中有一款叫流心蛋黃鹹豆乳 (係姐係鹹豆乳加奶蓋⁉️) 😂 下次再試下先

少少的一個新蒲崗區都已有9間台式飲品店，該區的競爭大位置比較偏，不過近寫字樓及工廠區閒日應該都多人幫襯（那是本人猜想）由於我幫襯的時間是星期六，在的買的時候都有幾個人在買左想右想最後選了熱芋圓茉綠奶茶（微甜）大杯熱飲得一個size（建議可以叫小杯），芋圓細細粒，似小珍珠韌性不錯甜度叫微甜還是很甜，不知是否奶粉中已含糖（下次可以走甜）奶茶的茶味香濃沒有給奶味掩蓋下次有機會可以試試奶蓋系列，想必不錯不錯

放左咁多日假終於都要開工喇😆做左一日野之後緊係要買杯邪惡嘅飲品獎勵一下自己架啦黑糖珍珠奶茶平時見外面用嘅係黑珍珠，而佢地就特別少少，用左白珍珠，比黑色嘅更QQ，當然外表亦唔少得有個虎紋係到啦😍奶蓋特濃朱古力佢有一層豐富既奶蓋係面，絕對唔會小家，飲落口又香又滑嘅朱古力奶，真係超正😋

今日紅日放假，同朋友食左餐飯，然後就專登行過黎買左呢杯野飲既！以為係伏既組合，但點知原來都幾好飲嫁bor！🙈估吾到芒果同奶茶都幾match下！我今次吾記得叫少甜同少冰，但飲落又覺得Ok既！佢底部會有芒果碎粒，都叫做可以增加到個口感！芒果食落係新鮮，食落可能只係得一粒會有渣咁！杯野絕對飲到奶茶味同芒果味，兩隻味同時飲落都幾夾！係值得一試既！下次有機會應該會試佢個草莓類既飲品！店員有禮貌既！會主動詢問需吾需要膠袋攞走！另外，建議煲魚蛋吾好放收銀機隔離，比錢果陣好驚吾小心跌D錢左落去！🙈🙈🙈

黃店 💛 #滿茶 #新蒲崗新蒲崗一直都有幾間 #手搖飲品 同 #輕食 係黃店，但平時因為怕肥唔敢飲太多，琴日見係星期六就比自己飲一杯啦😆🟡 於FB寫香港人加油🟡 店內有文宣🟡 店面有個電視播抗爭歌🐷🥛 黑糖珍珠鮮奶（大） （$30）呢杯珍珠鮮奶有700ml，30蚊都算平，杯身好高，杯係磨砂面，加埋啲虎紋嘅黑糖，質感超好又超級靚🥰 港女最愛🥰 唔記得叫少糖但都唔會太甜，鮮奶好好飲，珍珠係透明唔係黑色嗰種，比較煙韌，唔會咁淋身。好飲～佢仲送咗張印花卡添，要多啲幫襯啦🤪

呢間位置比較偏僻😊不過飲品嘅種類都幾多:奶蓋,果茶,奶茶及養生茶系列都有,總有一款啱你😬見到流心蛋黃鹹豆乳個名幾特別，所以就叫咗呢一杯，發現而家去一啲大品牌飲啲奶蓋縮晒水😔呢一間嘅奶蓋份量都幾多🙂面頭有一層黃豆粉，奶蓋鹹香味都幾出，夠creamy😁而下面嘅豆乳就唔係好飲到有鹹蛋味😂唔知大家有冇飲過雅培”加營素”😂一飲嘅味道似到十足十另外可能加咗鹹蛋嘅關係,所以質地比偏稠身味道亦偏甜，所以建議大家都係叫少甜啦！

啲黑糖珍珠鮮奶 奶味較重 黑糖味較少 不過都幾好飲推介：多肉柚惑 好多柚子肉 酸酸甜甜 幾解渴 夏天飲最啱但係佢啲蜜桃烏龍真係麻麻地 冇咩味道同埋個個唔知係咪老闆娘嘅人好好人總結：都值得去飲嘅

呢間好似開左一排，放工見無人排走去試下。叫左杯黑糖珍珠奶茶，店員沖得係好用心，但係珍珠真係太硬，奶茶ok，但係黑糖味唔係好出，整體來講非常一般，下次可能考慮試吓其他種類飲品。