7
8
1
電話號碼
25632388
營業時間
今日營業
11:30 - 22:00
星期一至日
11:30 - 22:00
付款方式
現金
食評 (27)
等級3 2020-01-15
84 瀏覽
最近見人介紹呢間日式小店,就同朋友一齊黎食,睇下係咪真係咁正啦。去到既時候未夠8點,大概要等4-5張飛先到我哋,咁當然就研究下餐牌諗下一陣食咩啦。揀完之後等左一陣就到我哋入去,我哋叫左滿腹拉麵(鹽味湯底)、慢煮牛舌拉麵(鹽味湯底)、炸三文魚皮、忌廉蟹肉薯餅。打緊食評先發現,原來舖入面既menu同外面有少少唔同,薯餅類既入面menu先有寫。MenuMenuMenu忌廉蟹肉薯餅忌廉蟹肉薯餅︰超脆,好creamy,唔太食到蟹肉,不過幾脆幾香幾好食。滿腹拉麵(鹽味湯底)、慢煮牛舌拉麵(鹽味湯底)滿腹拉麵︰有和牛、叉燒、蝦天婦羅、辛口黑豚丁。和牛好腍;叉燒都幾腍;豚丁有咬口,唔算辣;蝦既炸粉超薄、脆身,蝦爽口彈牙。麵煙韌有咬口,鹽味湯底唔會太濃,少少咸幾好食。慢煮牛舌拉麵(鹽味湯底)︰麵、湯底同滿腹拉麵一樣,牛舌幾易咬,唔錯。炸三文魚皮炸三文魚皮︰意料之外,佢連住d三文魚肉炸,我哋以為係淨係炸三文魚皮,有d肉令到個口感唔同左,多左咬口,幾特別。店員好有禮貌,環境ok,上菜速度偏慢(小店人手唔太夠),店外有溫韾提示,某d餐會寫明大概要等幾耐),不過質素幾好,價錢實惠,抵食+好食! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-12-02
419 瀏覽
剛好已過lunch time 高峰時間,已在店外等了一會,見有一枱又一枱食客結帳,再過一會才進入看能否入座,惟店員態度趕客,晦氣又埋怨說「出返去等啦😠,未執枱啊」。十分支持黃店,但呢啲光環食店,喺門口已經受氣就不了。順帶一提,收銀台職員相對十分有耐性,逐個餐同學生對價錢(分開比),收銀後發現有錯,亦追出去更正,態度平和 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-10
537 瀏覽
呢度專做日式快餐味道唔好期望係太高,但係對住得個價錢午餐都幾抵食,有吉列系列,煎扒飯類,仲有就係壽司或魚生飯類送飲品,凍飲加$2有吉列豬扒飯,吉列蠔,吉列雞,蝦,四種,可選5種汁配,滑蛋,咖哩,番茄,白支,照燒汁$41起,最貴蠔都係$45而已雜錦壽司配烏冬 有8件唔同款式壽司,賣相平平,但性價比都OK,食落都唔錯起碼唔係切到透明魚生片比你先三文魚蓉蟹子飯個名睇落好普通,上到黎份量都幾足有切蛋2片,半條蟹柳,蟹籽,切粒或切蓉既三文魚生,加少少青瓜片同芥末伴碟顏色豐富,賣相可以,拌勻食材加少少豉油,味道也不錯,午餐好多學生幫襯滿腹食堂 大埔安慈路4號昌運中心地下83-84號舖 繼續閱讀
(以上食評乃用戶個人意見 , 並不代表OpenRice之觀點。)
等級2 2019-09-15
321 瀏覽
第一次試依間日本野,星期日都有人排隊,幾張台大約等左3個字左右,間鋪唔大大約廿零三十個位D野食普遍唔貴,晚市五十幾蚊有碗拉面,今次我叫左炭燒雞肉叉燒拉面,碗拉面有4塊叉燒一隻糖心蛋,分量味道正常,食完都啱啱好飽, 唔包嘢飲嘅,茶就自助自己斟,唔洗下下叫佢,依樣幾好不過可能係小店嘅關係,人手有限,佢仲要做埋隔離外賣手卷,所以等嘢食都等一段時間,大約半個鐘,不過唔趕時間就算啦又唔係貴又唔收加一 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-10
306 瀏覽
有日去左滿腹到食晏嗌左呢個花見月(?)和風牛肉飯,牛肉汁偏少既,但係勝在牛肉搭夠,起碼每啖飯都有牛肉送入口至於個蛋,唔係流心但未至於全熟,似係7-8成熟,都okay 繼續閱讀
(以上食評乃用戶個人意見 , 並不代表OpenRice之觀點。)