滿粥順德粥底海鮮火鍋

當冬季的腳步悄然來臨，香港的天氣逐漸轉涼，空氣中彌漫著一絲寒意🥶。在這個寒冷的季節裡，最令人期待的莫過於一場溫暖而豐盛的火鍋盛宴。這一次，我們選擇了海鮮粥底火鍋，迎接冬日🧣的第一縷暖陽。我們點選的特惠肉蟹餐🦀，每位只需218港元，套餐蘊含七款新鮮海鮮、六款自選的配料、三款蔬菜，以及一款海鮮粥。海鮮部分大多數都保持了令人滿意的鮮度，蟹肉的質感雖然略顯普通，但整體味道仍算不錯👍🏻; 自選配料則是根據人頭比例分配; 最後，那碗海鮮粥吸取了海底珍寶的精華🥰，若能煮得更濃稠一些，會更添鮮甜層次🆙。在寒冷的季節裡，與好友圍爐而坐，共享這份溫暖與美味，彷彿也成了一種對生活細膩感受的詩意詮釋。香港的冬天，因為這一鍋熱氣騰騰的海鮮粥底火鍋，變得格外溫馨動人🥰。As winter slowly comes, Hong Kong gets colder, and the air feels a bit chilly. During this cold season, everyone looks forward to a warm and filling hot pot meal. This time, we chose a seafood congee hotpot to welcome the first signs of winter warmth.Our special crab and meat set costs only HKD 218 per person. It includes seven kinds of seafood, six selected ingredients, three seasonal vegetables, and seafood congee. Most of the seafood is fresh and tasty; the crab meat is okay but not extraordinary. The ingredients are divided based on the number of people. The seafood congee absorbs the flavours of the ocean, if cooked thicker, it would taste even better and sweeter.In this cold season, sitting with friends and sharing this warm, delicious meal feels like a poem about appreciating life’s simple joys. Hong Kong’s winter becomes even warmer and more touching thanks to this hot, steaming seafood congee hot pot.…查看更多

清理手機📱裏的相片，找來了幾張令人回味既相片。果日👫🏻喺新蒲崗逛完mikiki經過見到對面有間海鮮粥底火鍋🍲， 由於時間🕖尚早在沒有訂位之下都可以入座。職員👩‍💼介紹了幾款套餐，最後我地就揀左招牌孖寶餐$368一位，海鮮有鮑魚，龍蝦🦞，肉蟹🦀，蝦🦐，魚🐟，大蜆，小蜆等等。食材好新鮮，龍蝦都幾大隻，两個人分，一人半隻，食完都幾飽肚，除了海鮮還有自選火鍋配料，豬牛雞任選，二人份量足夠。職員會提示我地按照先後次序進食，各款食材需要幾多分鐘煮熟，最後的粥底有粟米芋頭香菜等配料加上濃濃的海鮮味😋，食到要抱住個肚走。…查看更多

今次慶祝生日，五個人叫咗兩個龍蝦餐同埋三個肉蟹餐，份量好夠，食材都OK新鮮。龍蝦有啲削，肉蟹都可以，跟餐會有肥牛、丸、餃．．．．一般打邊爐食材可以選擇，最後食埋個粥已經食唔落太飽。期間會有專人負責幫你煮海鮮，你可以盡情飲啤酒同friends傾偈。但係每人最少要嗌一個餐，可以喺訂座嘅時候早啲講。店舖會要求咁多個客人嗌一樣嘅嘢，方便上菜，但係最後都好flexible，盡量滿足唔同客人嘅要求。埋單每位大約400都算好抵食，好啱三五知己去，太多人會有啲迫。…查看更多

相約好耐無見嘅朋友聚一聚，響openrice搵咗好多間無位，見呢間食評不錯就選定了呢間，期待新鮮海鮮仲有又甜又解味一個靚粥；誰不知牛肉叫到吊籠竟然無味，海鮮好失望，唔知點解海鮮好似唔新鮮，問職員答案係無問題，叫我們放心吃，感覺中伏都算啦，繼續吹下水慢慢吃，不過仲有一個問題係冷氣完全唔夠，邊食邊出汗，職員話已經開到最大，我哋懷疑直頭壞冷氣，我哋拿拿林快煮埋個粥，感覺都好一般，吾係好有鮮味嘅粥，真係好失望。…查看更多

聖誕佳節唔想同人逼，又想食粥底火鍋，約左朋友係附近睇戲，就黎滿粥食粥底火鍋。一坐底，待應叔叔已經上左粥底，滾住先。同埋推介有3個餐可以選擇，一個係半隻肉蟹餐$198一位、另一個係半隻龍蝦餐$298或者兩者兼得-肉蟹同龍蝦各半隻餐 $348，每個餐都夾埋其他時令海鮮，包括鮑魚、蝦、魚片、貝類、蜆同沙白等4個人可以揀唔同既餐，但一定要2個人揀同一款。海鮮送上枱都算新鮮，龍蝦都算幾大隻。枱上面有個計時器，可以根據枱面既指示計住需時幾耐先熟。食完海鮮，侍應姐姐送上一碗粟米、南瓜同芋頭既配料，可以倒入鍋，一陣用黎煮粥。另外可以自選6款配料，唔夠仲可以追加。我地揀左肥牛、雞件、花膠仔、豬腩片、准山同娃娃菜。配料份量足夠4人食，味道正常。食完火鍋，侍應姐姐會帶上粥膽幫手煮粥，配料有冬菜、芫荽、蔥、豬油渣等，如果有人唔食可以另上。有龍蝦既膏煲出黎既粥黃黃地，食落都有一啲海鮮既味道，食埋粥真係幾飽。黃大仙區附近既粥底火鍋好去處，唔夠食可以再追加海鮮同配料，價錢亦都唔算貴，個日接近7點3已經沽清龍蝦，如果好想食龍蝦，建議訂枱時預訂左先，住附近既朋友可以一試。…查看更多