2
2
0
以上資料只供參考, 請與餐廳確認詳情
海南雞入口即融 配搭汁真係會升天 太爽了佢要我寫80字 800字我都得呀 仲有碗soup簡直就係畫龍點晴 四個字 好肯好飲 推介大家真係可以試下 包你一定唔會後悔 我一出糧第一時間買既就係呢間既海南雞飯
繼續閱讀
今日喺滿東街市，試咗間好正嘅泰國小店，好有驚喜！小店一間，有一張小枱可以堂食，唔夠坐會即時加枱。店内有三位店員，應該都係泰國人，但係幫我哋落單同介紹嘅時候，原來係講好流利嘅廣東話，同埋店員都超好禮貌泰式炒金邊粉第一啖已經食出驚喜，味道好香濃，配料足，連個粉都好有彈性，好煙韌嗰種，真係好好味！我鍾意食辣，加咗少少辣椒粉，覺得更好味！！之前試過好多香港出名嘅泰式炒金邊粉，都好失望，今次終於俾我揾到，原來香港都有好食嘅Pad Thai，淨係依碟嘢，已經注定我會再返嚟幫襯！泰式船麵同正式嘅船麵唔同，唔係一啖一碗，無得揀湯底，不過唔緊要啦，好食就乜都得！依碗船麵最出色係個湯底，好濃味，好重嘅九層塔味，食得好開心！！河粉都不錯，唔係好厚嗰種，今次點了牛丸，喺碗裡面意外發現咗啲肥牛不過下次會試其他餸泰式奶茶可能係迎合香港人嘅口味，佢好似一杯少甜版嘅泰式奶茶，記得去泰國飲嘅嘢都好甜，依杯甜度啱啱好，好啱我心意！如果茶味可以再濃一點會更好，略嫌欠了一點泰國奶茶的風味！一路食，一路留意廚房環境，發現好乾淨
繼續閱讀
午飯又來幫襯，上次試咗金邊粉，今次試海南雞飯。海南雞份量好大，食落雞肉口感唔滑，比較鬆散，當然咁嘅價錢肯定係急凍雞肉，呢種口感好正常。 $40價錢連紙包飲品，味道冇驚喜好正常，但原來我睇小咗佢，送嘅醬汁味道酸酸甜甜，一配左落個飯度，即刻好食左10倍，醬汁完全係畫龍點睛之作，如果醬汁可以再送多啲就更好，肯定9秒9食晒全盒飯。至於飯，夠乾身，帶少少黃色，食落又唔係好覺有特別味道。另外，健康原因，如果菜可以多d就好，得兩小片青瓜唔係好均衡。
繼續閱讀
平價！親民！真·泰國味！以前成日嚟東涌都知冇咩好食行山之前又要入返嚟，梗係大無謂咩都要試吓食！今次就試吓新邨屋嘅街市啲熟食！我嗌左個豬頸肉炒飯 $48 包嘢飲超好食😋😍🤤足料到不得了！唔止有大大塊嘅豬頸肉，啲飯炒到夠乾身之餘，仲有好多配料一齊炒！老公就叫咗個炒金邊粉$48包嘢飲大大隻蝦，金邊粉都係炒到好乾爽，又香口！有機會同老闆傾吓計，佢仲話老闆娘（泰國人）堅持要原裝正版泰國味，咁先至係對食物嘅堅持！淨係呢種精神都值得我哋去撐啦！
繼續閱讀