影片
港鐵坑口站 A1 出口, 步行約4分鐘
繼續閱讀
電話號碼
27650303
營業時間
今日營業
07:30 - 22:00
星期一至日
07:30 - 22:00
*截單時間: 21:30
以上資料只供參考, 請與餐廳確認詳情
好耐冇去過台灣，亦都好耐冇食台灣嘢今次同朋友嚟咗呢間台灣嘢一入到嚟啲店員已經用普通話好熱情咁講「滿山歡迎你」，好似返咗台灣咁去嘅時候係下午茶時段，之後都越嚟越多人，幾旺場估唔到呢度連火鍋都有，下次掛住台式臭臭鍋可以嚟呢度食叫左：風味紅燒牛肉麵特別要讚吓嗰手工麵條，口感滑又有彈性。牛肉肉質嫩，入味得來又不膩，湯底牛肉味濃郁，少少辣，碗麵仲有蘿蔔同香菜，令到個湯都幾有鮮甜嘅味道，個人幾鍾意我哋亦都叫咗「三杯靈魂沙茶牛肉拌手工麵」，個人幾鍾意個沙茶醬，呢度嘅手工麵真係幾唔錯，係幾彈牙的。牛肉就正常，我鍾意牛肉麵個牛肉多啲，因為比較嫩滑。叫咗鹽酥雞同埋豬耳兩個小食，鹽酥雞好正宗，係台灣嘅味道，非常之酥脆，佢個味調得好好唔會太鹹，亦都令人好有食慾。仲有個豬耳，估唔到有幾嚿青瓜😝個醬可以再辣少少，口感亦都可以再爽啲。最後嗌埋個甜品-珍珠奶茶冰淇淋可頌窩夫鍾意食甜品嘅朋友一定要嗌呢個，本身係比menu張圖片吸引，嗌完完全冇後悔，雪糕係奶茶味，Mix埋珍珠一齊再加埋窩夫真係有一種好特別嘅珍珠奶茶感覺，你唔係飲緊但係又食緊嗰隻味道。入邊嘅杏仁片Mix埋雪糕，完全令個甜品再昇華咗，口感爽脆！正！飲品嗌咗生薑薑母茶同埋洛神花柚子茶薑母茶有餅乾配👍洛神花柚子茶好清新，完全好配個甜品同埋台式食物，好解渴Overall 個人覺得呢間台式餐廳都幾經濟實惠，如果唔嗌甜品嘅話下午茶人均大約50至60，或者淨係嚟食個甜品，兩個人share每個人都係20幾蚊. 另外店裏便有埋蛋糕可以食，有個開心果蛋糕非常之靚，不過唔記得影相。有機會可以試吓。
繼續閱讀
今晚嚟咗將軍澳東港城搵食,依間台灣野裝修幾特別,同朋友坐咗個卡位,夠晒寛闊舒適,先看看餐單,選擇多，點了一個蟲草花鮮菇湯,個湯一上枱熱滕滕有火熱住飲，第一啖入口勁有鮮菇味，本人很喜歡蟲草花加埋一齊,讃!再嚟點埋個台式夜市小食拼盤,有最愛既鹽酥雞扒,夠香口脆口,係台灣既味道,炸咗既福洲魚丸,好食!烤手工香腸,配蒜片食,香香甜甜好好味,一貫台式風味!最後點了濃濃蕃茄豬肉鍋,又係熱住上枱,欣賞!成個鍋有好多配料,有魚丸,鴨血，牛丸,肉羹,油豆腐,娃娃菜,四季豆,金針菇,加埋冬粉,仲有豬肉片,試咗啖湯底,夠晒濃郁蕃茄味,二人食夠晒飽,最後點埋個套餐送既桂花豆漿,好清新!整體同朋友嚟食飯吹吹水都係一個不錯既地方.
繼續閱讀
來到將軍澳品嘗台灣菜，這間餐廳是清新和帶點摩登的感覺，無論裝潢和食物都是我們的菜，就二話不說去排隊進入餐廳。晚餐一個價錢包主食、小食和飲品，是滿腹之選。🌸鳳梨甜酸里肌配肉燥飯擺碟吸引，清空的菠蘿皮裝滿豬里肌和鮮嫩與鳳梨的清甜，酸甜的滋味令人垂涎。豬里肌啖啖肉和酥脆，每一口都開胃酸甜和充滿水果的果香，吃多也不膩。肉燥飯的醬香濃郁，與鳳梨甜酸的味道形成了完美的對比。濃厚的肉燥與白飯的搭配，讓人吃得心滿意足。🌸慢煮黑醋豬軟骨慢煮黑醋豬軟骨點著蠟燭，即使放在一旁擱置，也能保持豬軟骨的微溫溫度，豬軟骨肉質軟嫩，幾乎可以用叉子輕鬆撕開。黑醋的酸香與醬油的鹹甜相互交融，帶來層次豐富的味道。每一口都令人感受到醬汁的濃郁。這道菜搭配熱白飯，湯汁渗透進米飯中，讓人吃得特別滿足。🌸九層塔豆乳香酥雞這道小食跟套餐，選擇這個因為比較特別，有別於其他鹽酥雞。豆乳香酥雞的外皮酥脆，裹著金黃的面衣，咬下去瞬間感受到香氣四溢。豆乳的加入使得整道菜的口感更加滑順，帶有微微的豆香，點上醬汁帶點酸甜的感覺，十分開胃。🍧相思紅豆芋圓仙草這是套餐另一加配小食，很喜歡這個甜品，皆因我是芋圓控，雖然芋圓只有兩粒，但Q彈的口感配上甜甜的紅豆，是仙草中和了紅豆的甜味，增加了整體的清新感，特別適合夏天享用。☕️桂花豆漿一道獨特的飲品，結合了豆漿的濃郁與桂花的口感，熱飲暖胃，口感柔和，既健康又清新的飲品，還搭配一塊方塊酥，吃上去特別滿足。這頓台灣菜是滿腹之選，我覺得以晚餐價格也相對是不錯的選擇。
繼續閱讀
🔥夜市小食拼盤：一次過滿足三個願望！一上枱就聞到陣陣夜市香氣！呢個拼盤絕對係選擇困難症患者嘅救星。台式香腸肥瘦適中，外皮脆卜卜，肉汁豐富，配埋生蒜片食，個種香辣刺激真係令人上癮！炸雞扒外皮酥脆，肉質嫩滑多汁，醃得好入味，完全唔會乾柴。花枝丸彈牙得嚟仲食到粒粒花枝肉，鮮味十足。最正係佢哋跟埋台式甜辣醬同椒鹽粉，可以按自己喜好點嚟食。建議大家一定要趁熱食，凍咗就冇咁好食！🔥台式香滷牛三寶湯麵：滷水香氣撲鼻！呢碗牛三寶麵一上枱，個滷水香氣已經令人流晒口水！湯底用咗大量牛骨同香料熬製，濃郁得嚟唔會太鹹。牛腩燜得軟淋入味，牛筋膠質豐富，入口即化，牛肚爽口彈牙，三種口感一次過滿足。手工麵條煙韌有咬口，掛湯能力一流。最驚喜係佢哋加咗酸菜同埋炸蒜，令成碗麵更加香口。🔥焙茶流心熱壓吐司配開心果米麻糬：邪惡到爆！食完主菜，點可以冇甜品？呢個熱壓吐司絕對係近期食過最驚喜嘅甜品！吐司外皮烤得金黃酥脆，切開入面嘅焙茶流心即刻湧出嚟，茶味香濃唔會太甜。最正係配埋開心果米麻糬，煙煙韌韌嘅口感同脆皮吐司形成完美對比。開心果味好突出，仲有粒粒開心果碎增加口感。建議大家一定要趁熱食，個種流心效果同拉絲麻糬真係睇得又食得！雖然好邪惡，但真係忍唔住食晒成件。🔥米麻糬開心果牛乳：香滑順口！為咗配合甜品，我哋叫咗杯米麻糬開心果牛乳。一入口就飲到濃郁嘅開心果香，甜度適中，完全唔會假甜。米麻糬細細粒，煙韌有咬口，同香滑嘅牛乳好夾。最驚喜係佢哋加咗少少海鹽，令開心果嘅香味更加突出。飲完成個口腔都係開心果嘅餘香，絕對係甜品嘅完美配搭。怕甜嘅朋友可以叫少甜，但個人覺得正常甜度先至最balance。
繼續閱讀
與家人一行8人到這間餐廳晚飯，侍應送餐時只把餐盤隨便放在枱邊，完全沒有理會該份餐是誰的。因為我們點的其中幾份餐是有火熱住，我們不敢自行傳遞餐盤，所以請侍應幫忙將餐盤送到相關的家人面前，侍應即時黑面及粗魯地將餐盤放於相關的人面前，結果打翻了桌上的甜豆漿，還弄濕了家人的衣服及鞋襪😫。我們一心以為侍應會來幫忙清理，結果侍應只是收走了打翻的杯碟，沒有幫忙清理😳。最終我們忍不住要求侍應用毛巾抹檯椅及拖地，他們才按我們的要求做。被打翻的豆漿因為一啖都未飲過，所以便提醒侍應再給我們一杯新的豆漿，結果侍應的回覆是：「知道喇，你都要俾時間我地做過一杯豆漿架！」來餐廳食飯要受氣😡😡，以後也不敢再來光顧了。
繼續閱讀
您可能會有興趣的...