363
22
62
港鐵荃灣站 B1 出口 繼續閱讀
所有分店 (4)
電話號碼
36221388
36221166
營業時間
今日營業
12:00 - 15:00
17:30 - 23:30
星期一至日
12:00 - 15:00
17:30 - 23:30
付款方式
Visa Master 現金
其他資料
網上訂座
Wi-Fi
酒精飲品
電話訂座
賞訂座積分
加一服務費
有關獎賞計劃
食評 (480)
等級4 2019-10-07
4168 瀏覽
放工同朋友即興想食下日本野,想多嘢食,又唔想太貴,都係食放題啦!上網睇發現原來我地附近都有間滿屋,之前食過滿屋都覺得性價比十分高,所以唔使諗,就去呢間。首先一入門口就見到有海鮮冷盤專區,除咗有蝦、蜆肉同青口,仲有日式頭盤小食同沙律,隔籬仲有各式炸物、雞腳等等。趁第一輪order未到前每樣都試左少少,海鮮鮮甜,值得再拎。刺身方面應有盡有,但就唔知點解係冇我最鍾意既赤貝....三文魚、帶子同希靈魚都好正👍🏻👍🏻因為真‧厚切!個口感真係冇得輸。特色壽司同手卷同樣好味,用料新鮮,飯量唔多,細細件,可以食多幾款!熟食方面亦幾有心思,羊架基本上就必嗌啦,燒得香嫩,肉汁豐富👍🏻燒比目魚呢啲較冷門野都有,仲燒得皮脆肉嫩!特別試左蟹蓋焗糯米飯,size適中食哂成個都唔會太頂肚。天婦羅竟然有龍躉天婦羅,真係第一次見。食落啖啖肉又冇骨,鍾意食魚既朋友一定要整返件過下癮。炸物選擇都唔少,我地都叫咗啲試下,上枱時新鮮滾熱辣,熱力十足,外層金黃香脆!串燒方面,蝦就最好食,肉質新鮮彈牙😋飲品款式選擇多,除咗汽水同茶,仲有韓式飲品,有啲即製飲品同清酒添!第二個胃出場啦!甜品除左可以出去自助櫃攞之外,仲有啲特別野有得order。叫左個雪糕楊枝甘露、朱古力雪糕窩夫同珍珠奶茶,水準全部有保證,入場時仲限定按人頭跟一杯哈根大師~真是滿足又回本了🥳 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-08
6646 瀏覽
難得朋友由澳洲返嚟香港聚舊,大家去澳洲都知道嗰邊係冇啖好食,所以佢話食乜噉我都陪佢食嘅。朋友開到聲話要食日本放題,咁多野揀間正嘅畀佢啦。所以嚟講我哋又嚟到荃灣嘅大鴻輝食飯呀。呢間滿屋放題好評都幾多,所以最後揀咗呢度。 首先一入門口就見到有海鮮專區,有蝦,蜆肉同螺,隔籬仲有啲雞腳,薯格和蔗蝦等等,蜆肉鮮甜,蝦亦都彈牙,所以都建議大家去攞。刺身類我哋拎咗三文魚,色澤都算唔錯,都新鮮嘅。北寄貝都非常之爽,帶子就細粒左少少,不過都鮮甜嘅,甜蝦亦都新鮮,唔會話好梅身。飲品方面其實除咗罐裝之外,都有唔同嘅選擇,例如就珍珠奶茶同埋百香果茶,呢個值得一讚,而我哋揀嘅百香果茶都非常足料,有果肉喺裏面,如果大家飲厭咗罐裝飲品可以試下呢個。壽司嘅話我哋揀咗芝士鰻魚卷,花之戀,同埋火焰三文魚。講真,三件嘅水準都好好,可以話係意料之外。尤其花之戀嘅三文魚好多,加埋蛋黃醬就非常正。一品料理嚟講,鹽燒牛舌非常正,佢有少少燒焦咗嘅味道,入口即溶,食落真係唔錯,牛柳粒就相對煙韌。燒羊架都係推薦菜,雖然冇乜騷味但都肉質鮮嫩,基本上都係回本恩物。芝士焗元貝,呢個都幾多汁,我覺得唔錯幾好食。雞肉串入邊有好多雞肉軟骨,食落脆卜卜。天婦羅方面,好意外呢度有龍躉天婦羅,gimmick 十足。至於天婦羅蝦同南瓜就一般啦,屬於正常水平。去到炸物方面,芝麻雞翼香脆可口,真係食完一隻又一隻。炸蠔都係呢度嘅推介,大大隻非常足料。仲有一個係忌廉蟹餅,食落都幾creamy最後雪糕方面,亦都係完美嘅句號同時亦有甜品櫃,因為太飽都冇出去食啦。總結,呢度放題嘅種類都係標準,食物質素穩定,大部份食物都係中上水平,同時都有幾種有令人深刻嘅食物,例如龍躉天婦羅等等,加上價錢亦都唔貴,$248/位,十分推介大家嚟食。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-10
6867 瀏覽
唔想左諗右諗食D乜野, 最好就去食放題, 自己鍾意食乜都得, 好食又可以ORDER多幾份食~荃灣呢間放題應該都最抵, 2百幾蚊一位可以位食, 任點係可以有啤酒, 果汁酒, 清酒可以任飲!!入到店全係開揚的大玻璃, 感覺好舒服, 仲有大量卡位, 坐得比較舒服~食物都係用紙仔ORDER, 有12張紙仔任你揀~除左紙仔上的食物, 仲有好多野食可以自己出去羅~ 有湯, 燒物, 貝類, 凍蝦等等~雪糕, 甜品, 飲品都係自己羅~我最欣賞呢到的刺身同埋燒物味道都好出色!刺身中的三文魚, 油甘魚, 劍魚腩, 赤貝都好厚肉, 好新鮮!!而且壽司類的三文魚腩, 左口魚, 海膽帶子, 櫻花蝦花之戀都一定要ENCORE!燒身中的油甘魚較, 羊架, 牛舌, 比目魚都超正, 件件都厚切又入味!炸物中, 最正係有榴槤波波呀!! 芝麻雞翼勁香口!甜品系列種類都花多眼亂, OVERALL味道也不錯!而且每位仲有一杯haagen dazs , Movenpick或榴槤 雪糕, 今期仲有haagen dazs 新出的柚子味呀!唔怪得呢到平日都會爆滿, 想去一定要BOOK位呀! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-11-25
0 瀏覽
好耐無食放題啦,見到OpenRice 多人盛讚,所以就試一試啦。🍴鹽燒雞軟骨雞軟骨口感不錯,不會太硬,微鹹,好適合同朋友慢慢傾偈的小食。🍴忌廉芝士玉子燒就咁睇個名真係無發現係有隱藏鰻魚,上枱果時以為係上錯左。呢啲係咪叫圖文不符?不過幸好味道不錯,玉子燒甜甜的。.🍴芝麻雞翼炸得超熱,外皮香脆。🍴特長大蝦春卷雖然賣相有啲奇怪,但係入面有2至3隻大蝦,另外配上沙律醬都有另一番風味。.🍴忌廉蟹肉棒外皮炸粉不太厚。忌廉味濃,配上絲絲蟹肉,好味。.🍴牛油炒粟米粟米充滿濃濃的牛油香,而且粟米好甜,可以增加纖維。.🍴黃金燒帆立貝上層的芝士同沙律醬有點奪去帆立貝的味道,帆立貝多汁味鮮。.🍴虎蝦天婦羅蝦肉都幾彈牙,炸粉厚度適中,不過不失。.🍴燒有機蕃薯仔蕃薯仔好煙靭,甜薯味,暖暖的。.🍴松葉蟹棒店家真的好用心喔,想初嘗蟹棒,都用咁大堆冰。蟹棒真的雪得很冰。.🍴黃桃煙鴨胸壽司創新料理,都不錯的。可以在家試做。.🍴香芒忌廉芝士加州卷正正常常。芒果是甜的,有加分。.🍴竹苼瑤柱蟹肉翅就好像高級版的碗仔翅。.🍴御品鮑汁燴花膠實實在在的花膠,冬菇同菜都有鮑汁味。但係好可惜的在菜上見到3粒發泡膠粒。但店員都有換過一碟給我們。.🍴滿屋小炒皇又是一個下酒菜,好香濃的蒜味,好惹味。.🍴燒有機菠蘿無渣,清甜,但可以更熱。.🍴沙嗲雞串雞肉嫩滑,但沙嗲汁有點太辣。.🍴窩夫窩夫質地厚實,好飽肚。.🍴雪糕與飲品推薦荔枝烏龍茶。雪糕都好味,但黑牛有點奇怪。.侍應服務態度良好,清枱都清枱好快,但有漏單情況。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-05
498 瀏覽
約咗朋友食飯,朋友介紹呢間日本放題好好食,所以唔使諗,去呢間試吓。入去唔會好迫,枱同枱之間唔會太貼,都坐得好舒服。放題最緊要多選擇,呢度有2大本放題紙,最啱多心嘅我。經過一輪狂tick,首先黎刺身拼盤,刺身食落都好新鮮,好鮮甜,完全冇腥味,d三文魚都係厚切,好有口感。海膽手卷,一個迷你手卷有3片海膽,好足料,好鮮甜,冇苦味,超正。呢度有即製特飲,我地叫咗珍珠奶茶同苿莉花百香果綠茶,我覺得都ok,同出面買嘅台式飲品差唔多質素,唔太甜。出面都有清酒任飲,仲有熱盤可以選擇。鹽燒海蝦--係即燒,熱辣辣,好香,蝦好新鮮同彈牙。燒羊架--有香草加上面一齊燒,燒得好香好惹味,唔會覺得好酥,冇燒得過熟而韌,好好食。燒菠蘿--呢款係醒胃之選,菠蘿酸酸甜甜,菠蘿燒咗增加咗甜度,好好食。芝麻雞翼係必叫,即炸,炸得好香脆,外脆內軟,勁正。櫻花戀人--都係第1次食,好特別,成件白色,外面有2塊刺身包住壽司飯,上面仲有櫻花魷魚,個味好夾好好食。天婦羅-都係即炸,外皮好脆,內面用料都新鮮。黃金燒帆立貝-燒得好香,帶子唔會燒得過熟,好惹味。呢度都好多款不同嘅小炒可以叫,我地叫咗幾款,分別有辣酒煮蜆、鐵板和風牛舌同xo醬蜜糖豆炒象拔蚌,個辣酒蜆好惹味,唔算太辣,鐵板牛舌好香口,牛舌炒得好淋,唔韌,炒象拔蚌炒得好有鑊氣,好鮮味。最後緊係到甜品時間啦,呢度有自製窩夫,上枱時熱辣辣,仲配埋雪糕一齊食,一流。除咗呢款自家製甜品之外,仲有大量自家製嘅蛋糕同甜品可以選擇,出面仲有雪糕糯米池同黑牛雪條,但最驚喜係每人可以選擇一杯haagen-dazach ,movenpick同dreyers,勁正。出面仲有4個大雪櫃嘅飲品,選擇真係唔少。 繼續閱讀
(以上食評乃用戶個人意見 , 並不代表OpenRice之觀點。)