滾德起火煱小廚 (已結業)

有時候發覺除了集團大鋪外，間中真係忽略了啲間坊小店，今晚就行過這裡見到都幾抵食，於是便入去食飯，而當中嘅菜式都唔錯，所以分享一下，本先就係見到個雞煲入去，但望見鄰枱嘅小菜後就轉點了小菜，點了餐牌推介避風塘魷魚鬚$88、京都肉排$78、黑椒牛仔骨$88，師傅嘅手勢都唔錯，樣樣都夠晒鑊氣，避風塘魷魚鬚，雖然黃金蒜蓉唔係好夠，但魷魚鬚就炸得好香脆內裡夠晒煙韌彈牙！而京都肉排個味道就調得啱啱好，帶少少酸甜，而肉質都十分鬆軟，啖啖肉！另外個黑椒牛仔骨就十分入味，入口時個陣黑椒濃郁嘅味道，加埋多汁軟熟嘅牛仔骨，真係令人十分滿足！師傅手勢真係唔錯，口味又夠晒大眾化，下次可以再試埋個火鍋！如果係街坊又真係多個開飯選擇！…查看更多

深圳開完會，搭皇崗巴士返歸，揀咗跟同事喺太子落車，順便食個雞煲，吐下苦水。對面馬路見到個門面好光鮮嘅 滾通常都會又啱我食嘅雞煲打邊爐。過去門口一望，果然招積重慶雞煲，街坊價錢，老闆娘好熱情咁招呼，一於食呢間。二話不說先order雞煲，即叫即做都要等10分鐘。火爐都未開已經聞到濃濃的香辣味道。各處鄉村各處例，同樣都係雞煲，但每個師傅都有唔同嘅自家撚手材料。今次雞件非常鮮嫩，大概滾5分鐘之後，雞就啱啱熟，而且香料嘅味道撲鼻，小辣仍然十分刺激，食食吓就感到麻啦！兩個人食一個雞煲，都已經有三成飽，再加啲火鍋配料，應該就差唔多啦！雙拼咪餃，見到個名幾特別，大概就係雲吞拼水餃，本身雞煲加左清湯打邊爐，嗰個招積嘅重慶辣味越滾越出色嘢食吸收晒湯底嘅精華，係呢個時候加個紅薯粉就更加Perfect 了。打邊爐又點少得可樂呢！今次有啲辣，飲冰凍的檸檬可樂，立刻爽歪歪！…查看更多

呢日黎到太子嘅滾德起火煱小廚, 聽講佢出名小菜,打邊爐同雞煲,都好似好耐冇打邊爐同雞煲, 於是就黎呢度睇下有冇驚喜啦餐廳基本上都好近太子地鐵站C出口, 行入基隆街街頭冇幾耐已經見到大大個招牌有個「滾」字夠哂揚啦！入到裡面環境都幾光猛寬敞, 臺唔多而且都差不多坐滿人, 所以好彩一早訂咗位而剛好有張二人臺。牆上都幾多魚嘅裝潢研究完餐單之後, 我地決定叫一個重慶石鍋雞煲(原味雞)(例牌), 由於唔知佢地嘅辣有幾勁, 所以選擇咗少辣首先, 十分欣賞整個雞煲的味道, 因為一食就會有種想繼續食的感覺,明顯同一般內地食到嘅極重口味雞煲唔同內地偏向用辣油配料香料去整個雞煲, 而滾德起呢個雞煲係食到雞肉索哂D醬汁而唔會過咸, 香料配料亦唔會過多搶哂雞肉的鮮味, 最重要係唔會覺得重味精, 真係各方面都做得好好, 一定要試呀另外提返個少辣, 如果唔食得辣嘅話, 都會建議揀返唔辣, 因為佢嘅少辣食落其實都偏向辣的, 幸好佢唔算麻, 唔會令人食到口水鼻涕全流亦唔會愈食愈辣同覺得好口渴。順帶一提: 強烈建議兩個人食的話, 例牌已經好足夠, 起碼有半隻雞, 而且好多肉, 啱哂食肉獸呀好多肉呀最後我地加多一份手打雙拼滑, 冇估錯應該係蝦滑加墨魚滑, 加落雞煲入面一陣好快食得, 而且好彈牙呀!值得一試呀加湯之後冇咁辣同埋感覺冇咁熱氣我地仲叫咗一杯大凍檸茶, 又真係幾大杯而且好清涼解渴,幾乎要ENCORE呀配雞煲簡直係不二之選!餐單都幾多選擇…查看更多

今日同男朋友係太子買完野 天氣變凍就想打下邊爐係Openrice見到滾德起評價唔錯 又近地鐵站 結果發覺野食都好岩我地口味店面唔算好大 但都有好大張枱用泥擺野打邊爐滾德起同其他食火鍋既唔同 佢呢度仲有烤鉗魚俾我地揀 食完魚再落料一齊打邊爐 $238已經有好大條魚 條魚唔多骨 係上爐之前已經煎熟左 湯底好濃郁因為我喉嚨唔係好舒服 所以叫左BB辣 雖然得幾條辣椒但已經夠曬辣 魚肉吸曬啲汁熱辣辣好鬼正本身已經配左好多菜 生菜 芽菜 豆卜 冬瓜 洋蔥 所以真係好足料我地仲叫左鮮魷片 牛栢葉 蔬菜盤 雙拼滑（蝦滑+墨魚滑）同打邊爐必備既烏冬 質素都好高 洗得好乾淨鮮魷片份量好多 仲要幫我地係上面𠝹左花牛栢葉唔係平時食既白色牛栢葉 佢係深啡色既 比白色更爽口彈牙蔬菜盤好高cp值 48蚊有齊金菇 冬菇 娃娃菜同豆卜泥啲必食種類 份量都唔少雙拼滑好有驚喜 好濃蝦同墨魚味 一粒滿足左我兩個願望 必推呢度既服務態度都好值得一讚老闆娘（應該係？）好nice 仲提我地兩個人應該食唔曬石鍋魚 食烤魚就岩岩好聽佢介紹就實冇死下次再想食烤魚就唔洗番到大陸咁遠 係呢度食都夠曬高質…查看更多

天氣時冷時熱的同時，相對濕度亦持續高企，體內濕氣久久不能散去，加長了懶床時間。(其實我每天也懶床。) 小小的題外話，袪除濕氣不一定是「袪濕茶」，麻辣火煱亦是另一選擇。辛味食材有助行氣排汗，具袪濕作用。Final Boss 出現了。餐廳內設大圓枱，可供十二人用餐。火煱以外另一選擇「精美小炒」，下回必食！專為數據怪而提供的免費WIFI。正宗四川麻辣湯 $78必食度⭐⭐⭐⭐辣味控必食推介，辣味味濃郁，「辣」和「麻」兩者亦十分出眾。湯底材料非常豐富。五花腩 $68必食度⭐⭐⭐⭐⭐仲有最靚嘅豬腩肉、仲有最靚嘅豬腩肉、仲有最靚嘅豬腩肉......手打墨魚滑 $78必食度⭐⭐⭐⭐湯汁佈滿食材表面，惹味且保留食材鮮味。蓮藕片 $30必食度⭐⭐⭐⭐新鮮爽脆，另一麻辣湯必食推介。油麥菜 $32必食度⭐⭐⭐⭐午餐肉 $42必食度⭐⭐⭐⭐⭐你們有所不知，午餐肉才是火煱的最佳伴侶。紅薯粉 $22必食度⭐⭐⭐⭐⭐麻辣湯汁盡滲於紅薯粉內，麵質彈牙。…查看更多

同老婆行完花園街，行到咁上下，老婆話想食雞煲，但係我又唔想打邊爐，老婆就話雞煲當餸食，配白飯唔打邊爐。咁我地就行吓睇吓搵吓，突然見到呢間滾德起嘅招牌幾得意，大大條魚3D特出黎，再望下佢個餐牌，啱晒，有雞煲食，就入咗去試吓了。由於我哋目標清晰，坐低都唔使點樣睇餐牌就立即點左佢哋嘅招積重慶雞煲。等左大約10分鐘左右雞煲就到了未食之前睇賣相已經好吸引，食落雞肉鮮嫩，辣味適中，配料分量多，我哋立即叫兩碗白飯食，原來雞煲送飯都幾好㗎喎，我哋食完一舊又一舊，好快雞同飯都俾我哋食晒啦。食完之後，我同老婆都好似仲爭小小咁，我地就叫咗個雲吞諗住食飽佢。雲吞食落味道不過不失，食完剛好飽晒。埋單＄300左右，價錢合理。…查看更多

坦白講係因為即興早一晚約朋友飯局，太子區打邊爐都唔少選擇，但見到呢間有得openrice book到位所以先決定試下😝環境茶餐廳feel， 有小菜同火鍋選擇，一坐低叫左"椒鹽魷魚鬚"先因為想食左好耐，而且食評相好似幾吸引甘！不過都等左廿幾分鐘以上先到…幾脆幾好食~唯一係勁勁勁咸！(唔知係咪師傅落鹽重手左😅下次可能叫之前要單聲少一鹽LOL)然後再叫咗"花膠雞煲"例牌 (走辣) 花膠唔多，味道香濃，雞尚可，$268性價比唔高因為食完雞煲都唔想用番個汁底加湯打邊爐，所以再叫另一清清地既"冬瓜瑤柱湯底"($90)，之後再叫配料:手切肥牛、手打墨丸、鮮淮山、炸嚮鈴(不是即炸，應該係包裝)、唐生菜、仲叫左幾枝啤酒本身4位女性朋友食量唔多，所以份量剛好，整體一般，冇太大期望，但下次未必會再黎了😜。PS.檯面本身有電磁爐但係話壞咗唔用得，所以我見隔離檯客人都係用gas爐。…查看更多

新年就到，要出去辦下年貨買下年花咁。行行下就行左成日，煩事番屋企再煮飯啦。所以在太子附近搵食，基隆街好多餐廳，有d排長龍有排等。誤打誤撞，去左呢間，有得打邊爐同食雞煲！雞煲例牌，岩曬兩個人食，份量剛剛好！其實我反而鐘意食個d洋蔥圈，稔曬，好索味！雞肉嫩滑，無雪味，仲有陣陣香料香味。成煲食曬，不過下次再試我要食大辣，今次錫朋友先要小辣。呢度既辣係香料既香味，唔係個d麻到辣到咩都試唔到！外表唔多吸引，但其實好特別既牛骨髓。其實似腸，食落出面稔稔，入面粉粉地咁！基本上係同一類，但不同形態上碟。兩者皆爽滑彈牙，啖啖鮮味，當然最愛蝦膠同墨魚膠，因為起膠後好彈牙又鮮甜！吸收日月精華，我當然會選擇紅薯粉同竹笙！d菜都算大碟新鮮呢！何必要去隔離排長龍，亂打亂撞都叫到好雞！…查看更多

👅嘟嘟魚滑溜溜 湯底勁正😋 食完再加配料打邊爐夠曬暖笠笠🍲 太子一向多美食大家都知，今日同屋企人一齊去試下呢間滾德起火煱小廚。估唔到餐廳細細地，可以有咁多菜色選擇，仲可以揀火鍋或小菜，兩樣一齊食亦可以！ 🦑避風塘魷魚鬚（$88） 先來一份避風塘魷魚鬚，聽到店員話係招牌菜式，所以忍唔住叫番一碟試下！ 避風塘味道炒得好香，惹味無比！魷魚鬚沾上了避風塘碎碎，外層帶點香脆，口感彈牙，非常好吃！ 🐟滑嘟嘟石鍋魚🍲（$368） 之後點了一個石鍋魚同屋企人share來吃！石鍋用了大頭魚，份量挺多，目測有超過2斤重。 石鍋魚內備有芫茜、芹菜和其他香料，很香的，湯底咸香味重，配在魚上真的特別美味！ 魚肉厚切，大塊而結實，不會輕易散開，非常美味！ 吃完魚鍋剩下的湯底當然要打邊爐啦！點了幾款配料，都很新鮮呢！ 🍡手打四寶丸（$88） 四寶丸都是手打的，口感彈牙可口！ 🐠爽脆鯇腩片（$68） 鯇腩片口感勁爽脆，魚味又夠香濃，超正！ 🍜紅薯粉（$22） 紅薯粉吸嫩曬湯底味道，勁正！ 🌿皇帝菜（$36） 🌱西生菜（$32） 店內還有烤魚選擇呢！店員告訴我們如果點辣會更加好吃呢！因為屋企人唔食得辣，下次一定會再和朋友來試！ 📌店名：滾德起火煱小廚’ 📍地址：太子基隆街15號地舖…查看更多

今日又係約左我個好姊妹D食飯嘅日子，佢話好耐好耐冇食雞煲，所以我地決定今日食滾德起！我地叫左例牌重慶原味雞雞煲（$188），d雞冇雪味好嫩滑，而且辣汁做得夠濃夠杰身，半隻都好夠我地兩個女仔食lu~手打墨魚滑（$78），D超愛呢個，因為佢覺得又爽又彈牙XD黑椒牛丸（$60）好有牛味配埋濃濃嘅黑椒味，正呀~芝士腸（$48）比平時食到嘅芝士腸更勝一籌，呢隻就算淥好耐都唔會爆開，但咬落去d芝士汁會慢慢滲出黎~~雜菜（$48）夠新鮮，一份有菜又有菇啱曬我呢個蔬菜怪！見隔離枱食得津津有味，下次想試佢個酸辣烤魚！…查看更多

食得多他國菜，係時候要幫襯番啲本地中式菜！！喺網上見到呢間店舖有幾多唔錯嘅食評，今次就揀咗佢啦。果然冇令我失望呀，同佢個店名一樣，滾得起，真係好得囉！！入到去店員就招呼我哋坐卡位，座位好闊落。 突然間朋友同我講呢度有wi-fi，真係勁貼心，冇諗過小店係會有wi-fi提供架，超值得一讚！！店內環境好闊落，一定唔會坐得迫，而且仲有兩部大電視，邊食飯邊傾計仲可以睇埋電視，唔洗驚悶親餐牌上面有火鍋同埋小菜兩樣選擇，今次就食小菜先，下次再試埋個打邊爐啦！ 小菜方面都有唔少嘅選擇，啱曬同唔同口味嘅朋友一齊食今次叫咗三款小菜，第一款係大嘅啫啫雞煲，雞煲啲汁好濃好好味，雞肉啖啖肉，冬天食熱辣辣好正！！跟住就係椒鹽牛仔骨，師傅整得好香，牛肉又夠淋兼好有牛味！絕對啱曬鍾意食牛嘅朋友兩碟肉之後當然要加番一樣菜平衡一下啦--腐乳通菜。炒得好夠鑊氣好香！ 腐乳完全融入菜 裏面，同朋友瘋搶呀！！ 話咁快就食曬，好唔夠喉呀仲叫咗杯凍檸樂，檸檬加充滿氣嘅凍可樂，爽呀！！想食中菜嘅話，呢間值得推薦！！…查看更多

呢個禮拜天氣真係好凍好凍好凍！個心一心諗住去食麻辣火鍋，點知經過見到有羊腩煲二話不說衝入去食！😂😂😂七點左右，未算好多人。Menu選擇主要係二小炒同埋打邊爐為主，羊腩煲都係佢哋呢排嘅推介👀👀👀👀所以我哋就叫咗羊腩煲同啫啫雞煲！羊腩煲($218)份量都幾大，😍😍😍裏邊有枝竹、冬菇、筍，同埋份量唔少嘅羊腩。羊肉味唔酥！🤭🤭🤭🤭仲附送埋生菜！菜分量仲好多，啱晒我呢啲食草獸😂😂😂啫啫雞煲(大$118)味道正常，不過芡汁比較多，原來大既份量都唔多，較少！因為我哋食嘅嘢都比較重口味，我地叫左凍檸茶，2個人食都真係幾飽！…查看更多

同屋企人去左試間火鍋小廚餐廳，聽講款式選擇很多，所以我都好期待！一坐低，聽到佢同隔離枱推介招牌菜之一一—避風塘魷魚鬚$88，所以我地就要試下啦！魷魚鬚炒得超香又惹味，鮮味可口，份量足夠，魷魚爽口，煙韌有嚼口！之後點了一鍋石鍋魚$368石鍋魚選用了大頭魚，非常足料夠份量，魚肉份量非常多，配在湯底上咸咸香香非常好味。至於魚肉方面，魚肉結實不鬆散，沾上的湯底非常好味道，仲放左好多芫茜，岩曬重口味的我！吃完石鍋魚後，就點了幾碟配料打邊爐！樣樣都非常新鮮，四寶丸係新鮮手打，粒粒新鮮，爽口彈牙！鯇腩片夠曬滑，肉質香脆又夠新鮮！薯粉係打邊爐必備架啦，煙韌控點少得呢！仲有蔬菜，索曬湯底味道好正！手打四寶丸$88爽脆鯇腩片$68紅薯粉$22皇帝菜$36西生菜$32…查看更多

之前同女朋友行過太子，就隨便搵左間小店醫肚。發現食落去味道幾好，都覺得值得推介比大家。小店人手樓面唔係好夠，但老闆娘一個人踼曬全場，見到佢都辛苦呀但老闆娘為人好好，好爽朗同NICE，笑容好好。咁坐底之後，我女朋友鐘意食蠔，於是叫左個薹蔥桶蠔，味道好正D蠔都大大隻，好有蠔味，惗返起都流曬口水另外都叫左碟椒鹽豆腐、西蘭花炒鮮魷，兩碟小菜都好夠味，水準都有保證。可惜得兩個人，食得唔多有師兄食過其他可以再比報告。…查看更多

夜晚同朋友係太子行完街 ,行過呢間鋪頭抬頭望見個招牌都幾特別架bo ,好似日本嗰d招牌咁3d立體的 ,條魚係突左出黎架好過引🤣再望望入面睇下食d咩啦 ,原來佢唔只有得打邊爐既 ,仲可以食小菜,見咁耐冇食過小菜就同朋友入去食下啦！可能時間尚早 ,店裏面未算話有太多客人在 ,我地求其搵左個位坐低就開始點餐啦 !!我地兩個人點左三樣餸菜:第一道係咕嚕斑球:賣相1⃣流 睇見都流口水🤤咬落去熱辣辣的 ，又唔會話用好厚粉黎炸，食到係啖啖肉口感1⃣流 ,味道酸酸甜甜好開胃 ，忍唔住要1⃣舊接住1⃣舊係咁食 完全停唔到口 正👍🏻第二道就係啫啫雞煲(細):呢個雞煲一上枱已經聞到好香 ，雞既數量都有幾多下，肉質亦都好嫩滑 ，個煲入面隨左雞之外 ，配料仲有豬潤 、洋蔥 、青椒等食材非常豐富！！最後1⃣道菜啦，就係椒鹽魷魚鬚:魷魚鬚大大條 ，數量亦唔少，咬落去椒鹽味好濃好入味，炸到又夠脆卜卜 👍🏻👍🏻 兩個人連埋飲品、加1⃣服務費先至$326 抵食。下次一定會再黎食過 🙂🙂🙂…查看更多