98
12
2
所有分店 (3)
電話號碼
24919991
開飯介紹
供應多款自製火鍋配料,師傅每日新鮮打製蝦丸、墨丸及牛丸,戶外更設座位可露天打邊爐。 繼續閱讀
營業時間
今日營業
17:00 - 01:00
星期一至日
17:00 - 01:00
付款方式
Visa Master 現金 銀聯
座位數目
100
其他資料
酒精飲品
加一服務費
室外座位
電視播放
招牌菜
本地牛頸脊 佳哥生炒糯米飯 蝦丸 墨魚丸 避風塘炒蟹
食評 (118)
等級4 2018-10-05
110 瀏覽
捐窿捐隙想搵好火鍋嘆一嘆,上網找到偏遠的深井,立即跳上的士直搗總壇!花了半小時多車程終於到達深井村牌坊,一落車就見到大大個招牌,火鍋店係正路邊容易發現。步入食肆大把位隨便坐,等足十分鐘都無招呼無比 menu,火都黎!超代慢的服務,唔休做的姿態。問左兩次比 menu 都無人理,如果我問第三次再叫我等陣的話,我堅即刻走,得您一間火鍋店咩!兩個大媽媽齊齊走去執枱,後生四眼仔同個大叔齊齊掛住傳菜,係咪帶位後順手比埋 menu 我呢!差不多 15 分鐘,menu 終於準備好,交到我手上,黑面就梗架啦,火火火!Order 紙好似份馬報咁噃。隸屬牛魔皇的我當然第一時間搵下有咩靚牛啦!特別地有金錢腱、牛眼筋,不過由簡單的牛頸脊試起,有機會再嘆其他。生炒臘味糯米飯,喜見有此佳餚供應,從來未沒有火鍋前食個炒飯打底,但我實在太愛了,食左先講!真生炒臘味糯米飯,無欺場無搵笨,不是撈亦不是蒸,師傅有著誠懇態度親手炒出來的。炒功出眾了不起,每粒糯米都沾上醬油,均勻塗抹,嚥韌乾爽香口美味,散發濃郁蝦米臘肉甘甜咸香,混上清新蔥花每口都讚口不絕,實屬難能可貴!忍住口食住半先,再食落去唔洗打邊爐喇。花膠響螺雞湯鍋,即飲半碗湯汁,清清雞湯味泛著微弱響螺香,打邊爐到尾聲再飲天淵之別,所有食材精華在內,香醇濃郁美味可口。火鍋花膠都係平價花膠桶咯,我平時用來煮出前一丁,明白的。爽爽索索,微量魚肚味道,可以的。響螺肉呢?溶掉嗎?幸好湯汁散發少許味道,並未失蹤。夾幾舊白雪雪雞件品嚐,我最愛食雞!每年過近百隻被我腸胃消滅。沒味雪藏雞,滾上自家雷式混醬蒜辣豉油,過過口癮。點了一大堆內臟及器官,我鍾意!雞腎、雞子、牛骨髓、魚鏢、桂花蚌、墨魚咀。另外仲有手切牛頸脊、手打象拔蚌丸。招牌手切牛頸脊細,份量也不少,排得整齊美觀,嬌嫩淡紅色鋪著牛脂網格外開胃醒神。極上質素無甩拖!夾起涮兩涮呈嬌嫩粉紅色即食,嫩滑彈牙,牛甜味特濃非凡,牛脂甘香,肉汁源源不絕,可喜可賀。雞子,肥妹侍應您到底知否什麼是鮮雞子呀?問極都唔明,激死我。我照點啦,來到的是大大粒的雪藏火雞子,不是本地細細粒新鮮雞子。沒有香甜蛋味濃的本地鮮雞子,雪藏火雞子都頂住先。微腥沒有醃過僻味,烚到皮脆肉嫩多汁,浸透指天椒蒜蓉豉油仍食得津津有味。手打象拔蚌丸,新發現有趣食材,梗係要食啦,乳白色從來沒有見過。有創意好得意!趙落鮮味彈牙,爆出肉汁,似墨魚丸釀左象拔蚌粒般,中規中矩一試無妨。墨魚咀,我十分喜歡的海產,見到必食。爽脆無限,好有咬口,射出墨魚鮮甜肉汁,好野黎喎。雞腎,有腎味但鞋鞋腍腍的。牛骨髓,心血來潮想補補去。雞腎,賣相已表示非常雪藏不是新鮮貨,雪到顏色暗啞及質地微縮。桂花蚌,即海蔘肺,比起珊瑚蚌海蔘腸更愛。魚鰾,淡淡然的魚味,鮮而不腥,先膠黏後爽脆,伴上辣椒豉油更美味可愛。開波隊左半碟高質生炒糯米飯,還剩一半,火鍋料同樣剩下一半。兩口子食唔得幾多,抱歉抱歉,我會帶晒您地走架,不用擔心。順便係陳記買半邊深井脆皮燒鵝,加到 $250 蚊咯!百物騰貴。小小心意的士速遞,總部朋友們有好野食喇,請耐心等候。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-03-27
316 瀏覽
說到深井,10個朋友有11個都說要吃燒鵝。我不是不喜歡燒鵝喇,只是與之相比,這裡的火鍋更得我歡心😆這裡人流不少,所以我們每次都會先訂檯,以免失望而回。試過幾種湯底,還是最喜歡他們的花膠雞湯,夠味又不會飲完口渴。在放任何食物之前必定先每人一碗湯兼吃點雞和花膠,飲到要加湯才真正開始打邊爐🙈↑面對如此牛肉,實在沒有不吃的理由↑桂花蚌也是必點之一,這次還encore了一碟!😋(在其他食肆不常吃到桂花蚌,而且質素很參差)↑不多吃牛,還可以吃黑豚肉。這次比平時的厚,脂肪也比較少,豬肉味很濃↑其他食物也不錯,另外還點了很多~總之就是一直吃吃吃,吃到後來相都忘了影🤣 繼續閱讀
(以上食評乃用戶個人意見 , 並不代表OpenRice之觀點。)
等級2 2018-01-11
253 瀏覽
Get to know me better through my insta @luna_vonaHot in A Pot is a cozy restaurant that serves dim sum specialties during the day and transforms into a hot pot destination by night. It serves good quality ingredients but is, in my opinion, overpriced.We ordered a small selection of meat and vegetarian dishes and paid 1,080 among three guests. The broth (which for me is the highlight of every hot pot meal) was a let down. I ordered the “Tomato, potato and lobster soup” (the most expensive soup base on the menu at $298) and it tasted very bland. We had to chuck in some of our soy sauce to make it more flavourful. The service was good, polite and efficient. There is onsite valet parking for $30. WiFi is not available. 繼續閱讀
(以上食評乃用戶個人意見 , 並不代表OpenRice之觀點。)
馬路邊的火鍋店,裝修一般,地下坐到35-40人左右,近馬路部份有軟蓬遮蓋,上半截透明,可看到馬路,大堂整體清潔只屬中等,大堂只有兩位女士招呼,服務一般。女厠OK, 但男廁十分細小,由於地方所限,尿兜及洗手盆設計連成一體,廁所內滿地尿水,很髒。食物質素屬於中上,湯底不錯,手切牛脊肉及墨魚滑不錯但價錢頗貴,其他食材普通,兩位(一男一女)埋單$11xx,另代客泊車$30任泊。去到深井咁遠諗住食啲好嘢,結果有點失望!不推薦! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-12-01
247 瀏覽
一大班人食飯, 都離不開放題, 打邊爐,今次就約左班朋友去左深井滾得棧! 滾得棧湯底有好多好多好多款揀!叫左個莞茜湯底,莞茜勁香!!! 佢既牛魔王真係不可不食, 雪花同肉比例啱啱好~~ 擺盤好精美!!! 手切牛頸脊,每次來都必定會點!牛魔王一定好Happy!!! 凍豆腐,口感好特別!3秒響鈴同即炸鮮魚皮, 蝦膠釀油條,超香脆,仲意香口野朋友一定會叫, 再叫查$60 竹蔗水, 熱氣解哂~~炸到脆一脆既油炸鬼上面釀左蝦膠食起上黎唔同口感,蝦膠鮮甜好彈牙GA~~~ 繼續閱讀
(以上食評乃用戶個人意見 , 並不代表OpenRice之觀點。)