42
3
0

【爆場火鍋】秋冬打邊爐‧齊齊「滾得棧」


好消息! 爆紅火鍋界的滾得棧,繼深井及天后店後,新分店已登陸油麻地,真係方便晒港九新界的朋友! 新店面積頗大,可坐180人,更有多間VIP房,岩晒大班朋友慶祝食飯。新店位置相當方便,油麻地港鐵站行過去都唔駛1分鐘,朗豪坊行去都係幾分鐘攪掂,而且營業至凌晨2 :30am,食宵夜Fit晒! 特別一提,深井店有代客泊車服務! 特別聲明: 滾得棧暫時只於深井、天后及油麻地設有分店,其他類似店名,皆與滾得棧無關。

店主誠意推介: 必試新推2款湯底!


爽皮蘆薈椰子雞 (新) 「爽皮」意指爽口雞皮,是起了骨的雞皮。這個新登場湯底,以椰清水加入紅棗、椰子等熬煮雞湯。到了飯桌後,可加爽皮下灼一會,爽皮口感貌似脆肉鯇,湯底清甜滋潤舒適,大人細路都鍾意!近期最紅係佢!
南瓜和味蟹 (新) 另一款新出湯底-南瓜和味蟹,最啱天熱的時候打邊爐。日本南瓜與時令海蟹做主湯料,顏色搶眼,味道雙重甜美,又一滾得棧傑作。
花膠響螺雞湯 要滾下滾下首先湯底可以話是全鍋的靈魂!用上7小時功夫熬製的花膠響螺雞湯,極惹味,入口滿滿清香雞味,花膠及響螺足料絕不欺場,滋潤養生又飽肚,堪稱女士恩物,好滿足!
滾得棧招牌番茄蟹湯 必試招牌番茄蟹湯,一鍋湯落足一斤番茄,蕃茄味濃郁。而肉蟹至少一斤二両重,Size夠晒巨型,湯底可以越滾越入味。另可選同系的番茄龍蝦湯,用原隻一磅重波士頓龍蝦,份量十足。
鴛鴦鍋(潮州湯底x四川麻辣湯底) 若然單一嫌太寡,不如嗌個鴛鴦鍋,可以揀有辣有唔辣,點打都有fun!4人以下的湯底不用加錢,由蠔仔粥的概念創作的潮州湯底,雖然就沒有蠔仔,但仍有潮州必食的紫菜、大地魚熬煮的魚湯及大量蔥花,清清地,與食材會巧妙拼出美味的化學作用。另一邊廂的四川麻辣湯,raw少少來個反高潮,麻中有辣,足料入饌,又是另一種刺激的味覺選擇!
本地手切牛頸脊 來到皇牌配料,深受各大牛魔皇歡迎的本地手切牛頸脊,厚身兼且脂肪分佈平均,入口幼嫩,牛味香濃,配上沙嗲湯底就更惹味。
炸魚皮 相信有不少朋友打邊爐一定要有「佢」,店內炸魚皮全是自家製,不會有種「油淋淋」的感覺,仿似食薯片的脆口爽身,下灼快淥食又得,就咁食亦得,得咗!

天后分店限定: 午市及下午茶點心 星級點心師傅出品


點心款款配搭別出心栽:由老點點心的星級師傅主理。人氣的鮮上肉響鈴腸、內有麥提沙朱古力的脆皮麥心小煎堆、矜貴小巧的咸香黑魚子蒸燒賣、彈牙鮮味的和風魚籽海皇餃、以至綠色搶眼的戚風班蘭馬孻糕都有,「點心控」一定鐘意!
概要
類別
港式、火鍋、海鮮、中菜館
熱門菜式
湯底
豬骨湯底、麻辣湯底
條件
VIP房、電視播放
* 以上資料只供參考, 請與餐廳確認詳情