滬江飯店

營業中

休息中

星期日中午專程到這裡試他們的大閘蟹套餐，套餐價錢比起另一家酒樓套餐貴了約一百元，而且只有一隻大閘蟹，但其他的蟹粉小菜，例如蟹粉趐，蟹粉糯米飯，蟹粉小籠包，超多蟹粉，味道很好，薑茶湯丸很濃，570元價位絕對物有所值，下次會再來試

其實滬江我地食過好多次，都算係半飯堂，但今次食好明顯係差左，咁蟹粉季節梗係先整籠蟹粉小籠包，坦白說，蟹粉佢冇果種甘香味，而且佢仲唔熱普通小籠包我地都有叫，仲好食D,蛋白炒飯係正既，炒瓜都好食，其餘都ol,除左豆腐釀蝦膠，第一次冇味，係完全冇味，佢再換比我地就ok,好食既，拔絲香蕉，條蕉生到呢，高力豆沙個賣相差，但好食既

今日同朋友仔出左省城，難得出去行下街買下野，一定要去食下好野啦，因為同朋友仔都傾左好耐食乜野好，今晚決定左去食酸辣湯，因為好多朋友食過都話幾好，所以出開黎就去試下啦，我個人覺得呢個酸辣湯好好味，料足，夠酸，夠辣，夠正宗，因為好多地方食過都麻麻地，但今次真係好有驚喜，比我預期中好味，其他菜都可以，不過我本人覺得呢個酸辣湯真係做得好出色，讚讚讚！我同朋友仔都吃不停，所以我下次如果再出黎省城，一定要再去食手❤️❤️

又到一年一度外父生日，因為呢兩位長老對食好有要求，為左唔俾佢地柴台，今次老婆做足功課，訂左呢間係I Square對面嘅上海菜館: 滬江飯店。係OPENRICE見到評價都唔錯，而且上海菜都應該幾啱兩位長老口味，只係電話訂枱時通知我地要一個半小時交枱，可能有少少趕。我地4個加埋老婆舅父一家3口共7人，7點係I Square集合後，我、老婆同佢表弟帶住4個長老浩浩蕩蕩行過對面馬路直落位於地庫嘅滬江飯店，感覺似係導遊帶耆英團去食團餐。菜館樓底唔高，裝修亦不及好多新酒樓咁華麗，不過都算乾淨企理，燈光充足。枱都放得幾密，可能臨近中秋，菜館坐滿客人都幾熱鬧。菜單上單點價錢都偏貴，不過套餐就幾抵食，我地7個人點左一個5人餐，另外加左清炒鱔糊同之前電話已預訂的豆腐餃子和北京片皮鴨。另外，5人餐可加錢轉個別只有5件的菜色做7人份量，我地加左2粒雲吞同加左5件小籠包。外父對呢晚嘅菜色都幾滿意，特別係小籠包同芙蓉蒸膏蟹。小籠包皮薄多汁，唔太咸而且肉味濃，芙蓉蒸膏蟹蛋白好嫩滑，蟹黃蟹肉份量都好多，好惹味。北京片皮鴨皮唔算好脆，不過肉好厚，唔肥而且多汁，我地只揀左一食，個鴨殼打包走。砂鍋雲吞雞偏咸左少少，不過雲吞

滬江飯店 - 雖說位於尖沙咀彌敦道那邊，但位置不怎麼好，也不是對著人流多的大街，招牌亦不顯明。星期五的午餐時間也沒太多人，不知有沒有坐了四分一/ 五分一的座位......人均消費約$80-$100元吧，可點$288的4人套餐，再加點其他單點小吃。奉送紅棗茶4杯，內有不少紅棗及桂圓，非常甜。整體來說，食物一般，也沒有專程來吃的理由: 小籠包皮厚欠缺肉汁，儘管肉餡及整體味道並無不好; 咕嚕肉加入梅子，味道有別傳統甜酸醬汁，散發著有種像香蕉的味道，有點不知所謂，嚴重偏差。所謂招牌炒拉麵就是隨隨便便把拉麵炒成一碟，加點生抽老抽及雞粉調味，沒甚麼招牌不招牌。其餘菜式一般沒甚麼好說。

我哋三個女仔好似樣，所以成日俾人誤會係 “三姊妹”。今次 “妹妹” 喺澳州返港，梗係帶佢嚟食佢最鍾意嘅上海菜啦！首先嚟個辣子雞丁，少少辣味比較開胃，而且仲非常香口。細細粒啱啱一啖一口，唔覺唔覺就食咗大半碟啦！下一味餸係糖醋魚 － 酸酸甜甜嘅糖醋汁同樣係開胃食品，條魚炸得好酥脆但唔會感覺油膩，所以到最後我連魚頭都食埋。我哋都有叫點心架，點咗一籠小籠包。仲有就係砂鍋雲吞雞 － 食完咁多嘢，飲番碗湯濕下個口潤下喉，裡面仲有好多好多娃娃菜（可以乘機叫少碟餸）。特別推介，呢度嘅香蕉拔絲係一定要試嘅！佢拎嚟嘅時候已經點咗糖漿，但侍應生會係你面前浸落冰水。食落口果下真係全部人一齊 “嘩” 咗一聲，因為真係太好味喇！外面嘅糖皮超級脆卜卜，而入面嘅香蕉已經變咗半溶化嘅狀態，仲要係暖暖嘅。至於高力豆沙都係真嘅，鍾意佢嘅原因都只因為外皮嘅煙煙靱靱嘅口感，再配埋砂糖同 strawberry sauce 就啱啱好！講左咁多，你會唔會覺得我哋3個女仔太大食呢？哈

I visited as a single eater on late evening, no reservation. Front staff was very rude, even tough the place was half empty. Gave me a table next to toilet entry, but that you get used to in HK when you dine alone. Service staff was quick but also not friendliest.The food was quite good in contrast to the service, so will definitely return. Prices are OK for the quality offered.

好難得約到一班中學同學食晏，要就小朋友興趣班，所以食兩點，同學介紹呢間兼訂好位（因為要2點後無落場嘅中菜唔多！呢間在尖沙咀旺區地庫，門口其實唔起眼，而且樓梯幾斜！上落唔算方便！入內簡潔中菜廳格局，唔會金碧輝煌但舒服，來到時午市尾聲，場內唔嘈雜！我哋坐大枱，有午市特價食品！我哋每人叫啲喜歡嘅餸菜！食物好快來！前菜：海蜇皮（$70）海蜇皮嫩滑彈牙，麻香醬汁薄身，唔會太鹹！好味！白肉片（$74）肉片頗嚡，加啲雪菜碎，夾住青瓜，醬汁另上，好香濃醬油味，但唔辣，欠了風味！鴨舌（$96）鴨舌彈牙，不過醬汁太漿，太杰身！一般！前菜：醃菜爽口鹹香，開胃！午市特價：雪菜肉絲湯拉麵（$42）雪菜肉絲同麵分開，上海幼麵滑，湯清甜，雪菜爽口唔會過鹹！好味！上海粗炒（$72）上海粗麵彈牙，索晒醬汁，加大量椰菜，肉絲正常，濕濕地好味！春卷（$33）金黃色皮脆，餡料唔乾，點喼汁好味！蔥油餅（$36）多層酥皮香兼脆，青蔥唔算多，幾香口南翔小籠包（$32）熱辣辣，皮薄都無穿，多湯又幾清甜！好味！窩貼（$32）底部煎得香脆，入面鮮肉有肉汁！好味蘿蔔絲酥餅（$36）外皮酥脆，入面蘿蔔絲粗身清甜，好味芋泥窩餅（$36）雖然芋

今晚行經上舖，醒起上次食唔到出名的豆腐菜餃，所以同呀仔再去試試是否有缘吃到！好好彩可以吃到了，但沒有想像的好味，淡而無味！但最失望是我們剛剛吃完所有食物，放下筷子，就有一個部長同我講“要埋單”，就拿了枱頭的菜單去结賬，呀仔問我: 乜今晚我們用幾佰蚊食快餐咩！？心裡以為我們坐了太久？但茶都未飲過一壼，便要打烊？看看入單時間係7:20pm, 埋單時只是8pm, 真是豈有此理！以為人多在外等位，甚料只有寥寥四人在沙發上坐著！就算菜式怎樣好，咁嘅服務態度和質素，實在太令人失望了！！！！

今日係情人節，我隻沒有好強情趣感的豬豬帶左我黎食上海野，雖然呢度冇浪漫氣氛、寧靜環境，不過可以同愛人食到一餐飯已經好幸福我們點左4樣菜我最鐘意係小籠包，好鮮嫩，多汁，最重要係唔覺得好肥，食完冇罪惡感，我一個人食左三隻，本身我隻大肥豬想比埋第四隻我食，雖然我好想食埋，不過好野緊係都要留比愛人另外個炒飯都好食，炒到粒粒飯都唔會痴埋一齊，蛋白還蛋白，飯還飯，正另外賽磅蟹就同我想像中唔同，我記得去深井食係西蘭花底，面有蛋白蝦蟹肉勞勞埋，我以為呢度都係咁，因為我想食下菜，點知唔係，一條菜都冇，佢係一堆蛋白加金華火腿絲、豆炒埋一齊，um......我一般呢道菜，因為有點多餘左對我們來說最後個膽膽面，其實我一般，冇花生醬味，同埋我鐘意幼面多，呢度用粗面，亦唔夠辣，不過我隻豬豬幾鐘意呢碗面

北京道的滬江飯店，在尖沙咀眾多大型新商場和食肆湧現下，是老字號了！今天，是一年一度渣打馬拉松盛事的日子，Honey完成了全馬。由於天后和銅鑼灣的人實在太多，所以，我們到尖沙咀用膳。本來想飲茶，但在星期日，酒樓要等位。故此，我們選擇了滬江飯店。京滬式酒樓，果然在星期日人流不多，不用等位。還以為滬江飯店是出名的老飯店，價錢不會便宜。但是，午市餐單，卻非常實惠！湯麵類30-40元，點心也是30-40元。真沒想到！Honey 剛剛完成了全馬拉松，就點他最喜歡的擔擔麵啦，而我就點了酸辣雲吞。擔擔麵好好味！湯非常濃郁，許多肉碎和花生碎！看清楚，原來不是花生，是腰果！相當重本！拉麵口感煙韌，湯汁濃香！Honey非常喜歡。酸辣雲吞，我還以為是上海式酸辣湯+菜肉餛飩。原來是最傳統的風味：是酸辣清湯，少酸少辣。雲吞脹卜卜，皮薄餡滑，好好味！另外，我們點了南翔小籠包。這個就一般！皮很厚，皮也不煙靭。肉湯不算豐富。相對擔擔麵和菜肉餛飩，南翔小籠包就很失色了！昨天是元宵節(中國情人節)，後天是西方情人節。Honey說點一個桂花酒釀湯圓吧！這個湯圓，店員說是例牌。看……一大窩！裏面足足有十粒湯圓！我們兩人已各吃四

與朋友吃年晚飯，為了方便大家，所以，揀了此飯店！片皮鴨份量足，伴吃的薄餅，難得既熱騰騰的，又大塊，又柔軟，夾著片皮鴨來吃，頂瓜瓜！片皮鴨2食的炒鬆，混合咸酸菜，減油膩，味道凊爽，口感一流！凊蒸桂花魚，一整條的，味鮮美，魚肉滑，肉質結實，蒸魚見真功夫！正清炒荳苗- 份量足，不油，不咸！好甜品- 豆沙鍋餅，餅餡料很豐滿，很脹滿的，每一口都充滿紅豆的香味，超好味！此餐大家吃得痛快！此店值得再來！

出黎做野之後，基本上年年都會過黎食大閘蟹，呢度既蟹黃糯米飯再加上陳醋係不得之了既好味。每次單單係個大閘蟹套餐已經食到肚滿腸肥。朋友想食上海野，另外既朋友提議呢間，終於可以試一下其他上海菜。想叫豆腐餃子，可惜原來需要預訂。小籠包皮薄，肉汁都鮮甜。雞絲粉皮麻醬十分濃稠，食落有少少過膩。雪菜百頁毛豆係清清地既選擇，不過個人對雪菜都毛豆都一般般。響鈴火腿夾係每次必食，響鈴又香又脆，用釗包夾住火腿同響鈴，配上蜜糖，真係每次諗起都好回味。最後再叫左個菜飯，味道比一般咸，但係係香口既。

雖然二噁英新聞不絕，但然影響唔到我地食蟹的決心～是晚環觀全場，食蟹的只有寥寥幾檯人！部長特意拿了活蟹🦀向我們展示，證明是👀碌碌新鮮貨！終於一行人食了大閘蟹🦀🦀🦀套餐：蟹粉翅、蟹粉小籠包、蟹一只、籠仔蟹粉糯米飯+豆苗、芝麻湯圓、薑茶！全部都好好質素，鮮味的蟹黃齒頰留香，甜甜的蟹肉加上點點的醋，真是滋味無窮！服務也一留，有熱毛巾和檸檬水清潔雙手！雖然入座時說限時個半小時，但是我們吃了2小時都無催我們～

未試過食大閘蟹宴，見個餐$580，就入來試下，入到去先見到有三種蟹，就加$100食最貴果種。係幾特別同都飽既，不過覺得如果真係好鐘意食大閘蟹就唔夠囉，得一隻，不過質素係可以的。