29
17
14
港鐵銅鑼灣站 A 出口, 步行約2分鐘 繼續閱讀
電話號碼
25754805
營業時間
今日營業
11:00 - 23:00
星期一至日
11:00 - 23:00
付款方式
現金
其他資料
酒精飲品
電話訂座
外賣服務
招牌菜
上海小籠包 鱔糊
食評 (72)
等級3 2019-11-30
193 瀏覽
今日有少少趕時間, 所以諗住係Time square附近求其搵間餐廳醫肚, 拿拿林食完就番公司繼續搏殺。行行下見到呢間門面有少少舊的餐廳, 估計應該係食上海菜, 諗都唔諗就入去了。坐低睇Menu 先發覺呢度食野一D都唔貴, 都會區50-$70左右, 以銅鑼灣黎計真係好親民!我叫左燻魚煨麵, 另外因為餐廳提供茶水, 所以無叫野飲。不過煨麵需要等既時間比較耐, 我見隔離枱遲過我落單, 佢地D菜都比我的煨麵更早上枱… 趕時間的話叫其他湯麵類既食物, 會比較快上枱。燻魚煨麵 ($50)煨麵同燻魚係分開碟上的, 都明白燻魚的汁如果撈埋落湯入面, 應該會令個湯變到好酸! 先講燻魚, 佢既份量真係好多! 有5大舊燻魚! 仲要舊舊都係魚肉, 絕無呃秤! 燻魚的汁係酸醋的味道, 但質地又唔稀, 而且帶有些微的甜味, 應該係落左糖去調和, 食落好開胃。燻魚的外皮較實, 內裡則較軟身, 我個人比較喜歡食口感教實的燻魚, 如果可以加長個處理時間, 應該會更好。不過美中不足既係D魚好多骨, 而且D骨好硬, 食既時候要好小心。至於煨麵方面, 有好多菜, 我估計麵同菜既比例大概係1:1, 而且D菜係切到細細舊, 好易入口。麵身的粗幼度似米粉, 但比米粉軟身, 輕輕咬就會斷。另外就係成碗麵超大碗, 最後食到好飽都唔哂。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-11-17
109 瀏覽
突然想食炸饅頭,在cwb搵到一間,近近地就入左黎。但好失望,炸到一半係金黃,另一半係白色,而且無煉奶,真係未見過。問staff有無煉奶,個態度好差,「無架,你食啦!」夾起個饅頭,油到不得了,食到喉嚨都唔太舒服。。。雖然係油炸,但之前喺其他地方食都無油到咁成個饅頭得朕油味。仲有叫左個上海年糕,年糕幾軟綿綿,但味道得個咸字,無乜其他味道,食完要飲返d茶先舒服d。環境還可以,但食物質素同服務態度咁樣,唔會再幫襯! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-07-21
493 瀏覽
呢間餐廳開係橫街,唔算好顯眼。平日夜晚唔算多人,唔駛等位。酸辣湯好大碗,大約係二至三人份量。酸酸辣辣幾開胃,但太大碗飲唔哂。鱔糊炒粗面,一次過滿足想食鱔糊同想食粗面嘅兩個願望。鱔嘅份量幾多,幾足料。味道濃左少少,但老派上海菜好多時都係偏濃味。生煎鍋貼有六大隻,皮很脆而且厚薄適宜。啱啱煎起好熱,入面係有少少肉汁。凍豆漿係自家製,飲得出好香嘅豆味,冇渣。而家好多餐廳都係賣枝裝豆漿,自家製嘅真係賣少見少。有時我會覺得好多上海菜連鎖店價錢偏貴,菜式又稍為過於精緻。呢間餐廳平實得黎做得返記憶中老上海嘅味道,值得推薦。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-06-07
466 瀏覽
今日晚上路經銅鑼灣,已經晚上8點半有多,有點兒想食上海菜,又甘啱比我路過見到呢間食上海菜既小店 - 「滬揚州上海料理」。之前已經聽朋友講過話呢間上海菜好抵食,今晚終於有機會試一下!~排骨擔擔上海麵 因為上菜時太肚餓既關係,未影相已經清左碗麵! 上海擔擔麵嘅湯底好夠濃,有花生醬係湯底入面,比較重花生醬味,而不是帶辣味果種。排骨大約有8小件左右,份量不錯,炸得微脆,味道惹味。上海小籠包 (6隻)一上枱熱辣辣,小籠包既外皮厚度適中,入面既餡料非常豐富飽滿,滿滿既肉餡,咬落去有肉汁流出來,一口一隻,美味非常。上海煎煱貼 (8隻)每一隻煱貼都包得好靚,賣相吸引,size 大大隻,脹卜卜,入面既豬肉餡好多好足夠,亦好好味,煎得底部微脆。上海炒年糕一整碟份量不少,有大白菜和豬肉絲一齊炒,醬汁味道濃郁,年糕亦炒得非常煙韌,味道惹味好食。兩個人食4樣野都係花左二百蚊左右,已經非常飽肚,以銅鑼灣呢區來講,價格實在親民,真心抵食之選,值得推薦!!~ 繼續閱讀
(以上食評乃用戶個人意見 , 並不代表OpenRice之觀點。)
等級1 2019-05-20
334 瀏覽
經過好多年,但食上海野都唔會諗起呢間,通常都係去連鎖式餐廳🙈🙈🙈今日終於試下佢,入到去坐位都算闊落,唔會好逼!見到有鱔糊即刻叫,利申我係鱔糊愛好者😍,仲要60幾蚊咋,平時係出面食成過百,芽菜多過鱔。一食有驚喜,炒飯底又夠香!都有叫小龍包,皮就真係厚左d⋯⋯下次試下其他先 繼續閱讀
(以上食評乃用戶個人意見 , 並不代表OpenRice之觀點。)