滬小館

營業中

休息中

今日同阿女補習完經過西洋菜南街，見到呢間上海鋪見到鋪頭生意都幾好，突然想試一試上海野，叫左一碟炒米粉，一份炒年糕，一份糖醋骨，兩杯野飲都唔使150蚊，點知味道都幾好食，香港甘多間上海鋪，呢間味道真的算OK，而且價格都唔貴，如果下次都會繼續幫襯

來到旺角必食呢間上海鋪，係香港呢間口味真算正宗，齊菜肉絲炒年糕，我D最愛，好好好味，比較其他上海鋪價錢都唔貴50+蚊好大碟，而且味道真係好好好食，總結一下，真係平靚正，值得推介比食年糕的朋友們。

下午茶做1130~1800....係有原因☺️因為唔好食。叫左：粉皮，中規中矩。酸辣湯餛飩， 酸辣湯微暖味怪🙂，餛飩ok la. 但加埋就好唔ok.木耳：麻麻地上海粗炒：可能我見識少，原來係素食黎？！無肉絲，得東菇片，椰菜。 油到呢。。。 size 係正常。但都啃唔落。唯一好少少係： 豆漿，但只有凍。 加左薏米？最後真係好想講個男人待應態度好差。雖然唔使加一，可以唔使咁好服務。 但唔使dump 張單落枱，同dump 野食上枱。

服務態度差 上菜速度慢人手不足 由其喺男服務員 就算太急冇睇到就入咗去 超級之伏 完全可以唔使嚟食 超級趕客100分極度不滿意 可以不用嚟 極度中伏 如果要食大把選擇 想試吓幾差都可試吓

無人抹枱 無人執枱！下午茶餐選擇還可以 但食物普通 淨係叫左個擔擔面 少少辣 份量足夠女樓面服務態度非常惡劣 ，對客人粗聲粗氣話睇完餐牌唔放返好 再睇多陣都唔俾！黎幫襯食嘢預左要受氣咁 不會有下次 謝。不知所為⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

忽然好想食上海菜😍, 叫左蟹粉🦀小籠包, 雞絲🐔粉皮, 豬扒🐽擔擔麵, 上湯菜肉🥬雲吞, 手撕包菜, 等左一陣豬扒🐽擔擔麵送到, 份量都唔少, 上湯菜肉🥬雲吞, 粒粒夠大只都好多粒, 雞絲🐔粉皮, 份量少左d, 食d擔擔麵, 有d花生醬🥜, 食落幾香, 唔會好油, 豬扒🐽食落有d味道, 唔會好淋亦唔會好老, 咬落都無成口油😜, 算幾好食😋, 雞絲🐔粉皮試左味, 不是比日式芝麻醬, 食落都幾香, 好食😙, 菜肉🥬雲吞咬落去好大舊饀👍好豐富好足料, 蟹粉🦀小籠包熱辣辣送到👍蟹粉🦀太珍貴, 食到少少咸味, 小籠包咬落去有d湯汁, 唔錯😀😉, 再來手撕包菜, 雖然有干辣椒, 但食落唔辣😍👍啱晒喜歡食菜的我😜, 都算質素唔差的小店, 有下次😁

點咗蟹粉撈麵、小籠包、鍋貼....味道幾好，包子肉餡夠鮮，薯絲蝦夠香口，價錢公道。惟其中一位服務員態度好差，問佢攞幾杯水，佢黑面回應話等等，等咗一陣再同佢講，佢又黑面話「等下啦，咁急！」食餐飯要受佢氣，態度極趕客。☹️☹️

前一個星期五晚，見到下鄉道新開咗間上海菜唔係上海菜，不論不類嘅餐廳，叫什麼雲海一線! 點知食到女友小熊跳哂制變T銀線! 命令我第二日要食翻餐好嘅上海菜!"第二日我要上堂喎.....""咁星期日啦! 延遲一日的話..... 你請!""好好好.... 奴才知道.... 太座息怒.... 太座息怒.... "星期日要去旺角，於是滬小館就成為不二之選，起碼食過幾次無伏味!由其係蟹粉小籠包，已成為必食，每次都無失望，今次亦唔例外，小籠包湯汁滿蟹味濃，見到小熊食小籠包臉上泛起一絲絲笑容，就知道佢怒火全消啦!寫到哩到皮肉上突然泛起不少雞皮!滬小館擔擔麵都出色，麵條彈牙湯底花生味香濃，但豬扒太乾身，所以今次要求豬扒唔好炸咁耐，即時鬆軟 Juicy 好味!小熊亦都食到泛起笑容，我又泛起不少雞皮!唔太喜歡食青瓜，但配上海蜇頭又出奇地好味，海蜇頭口感好正因為超爽!埋單都唔過二百蚊! 小熊又食得開心! 超爽!

過來一圈, 望下依條街有乜嘢好食, 門口見到有午市套餐, 好似幾抵食🤭, 望下d紙仔, 有小食配一個餸加白飯, 亦有散叫, 亦有一個小食配一個🍜麵甚至炒飯🍚, 好多款都想試😅最後揀左糖醋🐽排骨配菜肉雲吞🐽🥬湯🍜麵, 另外加3元配豆漿, 等左一陣豆漿送來, 飲一啖夠凍又唔甜👍👍, 再送來糖醋🐽排骨, 雖然係叫小食, 但份量都唔少, 亦也送來菜肉🥬🐽雲吞湯🍜麵, 份量也不少, 飲啖湯先, 有輕微雪味但可接受, 食口麵, 正常味道唔係特別突出, 叫合格😜再食菜肉雲吞🐽🥬依個又ok, 味道唔差🤭再試糖醋🐽排骨, 依個有驚喜, 煮得味道好好食👍👍再飲埋豆漿好滿足😍🤩60多元一餐, 今時今日算好抵🥰

首先想講我對上海嘢其實冇咩好感，因為硬係覺得又濃味又炸又高脂；但耐唔耐當自己cheat day叫下黎食係開心嘅。呢度係食到8899先影，因為完全唔記得咗好嘢食要影相先嘅道理that’s why今次好似影到啲嘢好少咁，但係其實佢實際上份量很多我覺得佢個糖醋排骨係有驚喜嘅，因為通常我叫外賣都好少叫啲好油嘅嘢（就係怕凍左會又一層脂肪凝結，響食物上面賣相唔係太好睇）但呢度嘅嘢食我覺得係真心out of expectation. 炒年糕個實物其實好樣過我張相好多，軟硬適中，啲雪菜唔會死鹹爛鹹；花雕雞入邊啲雞係熟嘅，同埋個味道啱啱好唔會太咸，酒香味濃；之前叫過佢個紅油抄手，舊肉非常之大，真心食個抄手已經飽咗大半

去開太子，心血來潮想食碗擔擔麵(又唔想去黃大仙)。N年前食過呢間一兩次，嗰陣時雖然唔係好好味，不過都ok可以啦。點知今次：-- 個湯底基本上無味，得少少辣味 😩-- 豬扒又乾身又硬。-- 啲擔擔面係咪比以前份量少咗？🤔-- 生煎包唔夠肉汁。$80(豬排擔擔面 = $55生煎包 = $25)，絕對冇，下次，唔推薦人幫襯，唔會再俾佢搵笨 😖PS. (舖面兩個阿姐) 隔離枱問阿姐攞杯水，好耐好耐好耐都冇。門口步兵哥哥等外賣，我食完佢都未攞到。

鄰近太子B2出口，旺角返工周不時都會黎西洋菜南街食lunch，呢間上海菜幫襯過幾次，抵食好味。套餐有小食主菜配搭，每次可以試多幾款野食。前菜成日會嗌雞絲粉皮，麻醬+粉皮好開胃。野食保持一貫水準，小籠包皮薄鮮甜、酸辣湯&水煮魚足料又香口(小辣唔太食得辣既都食到）、豬排擔擔麵都好入味值得一試，麻醬同豬排都好香好入味。遲下都想試下酸菜魚同水煮牛。午餐黎講算抵食，份量足夠。待應落單出菜都好快手，方便我地上班族，會經常黎幫襯。

經過諗住試下呢間上海嘢，叫左下午茶set，炒年糕、炒米粉、桂花糕點知超好食又抵，性價比極高👍👍👍，下次會試下堂食，同埋肴肉，其他招牌上海嘢，十分推薦！🥰🥰🥰

上週末和朋友去花墟買花，路過見到呢間買緊上海野，門口啲poster都影的好靚，其實我平時超級鐘意食上海點心，特別係小籠包，生煎包，今次抱著試一試的心態品嘗，真係喜出望外我冇失望，小籠包真係好好好好食，熱辣辣，D皮又好薄，肉汁好多，仲好鮮甜，擔擔麵都好好食，好濃湯底，呢間鋪D點心水準OK架，最關鍵價錢又唔貴，我食得好飽100蚊有找，真係好抵食，如果下次有機會來旺角度我都會再黎幫襯！果日拎的野多，就冇影相！下次試下晚餐！

新年D餐廳水準變差係正常吧.... D員工放假返鄉下人手又少咗，好多餐廳唔開，結果營業果D必然忙咗，所以..... 都係去D平時水準唔錯嘅餐廳幫襯有D保障!滬小館幫襯過幾次，今次新年時段經過見佢地有開門營業，見堂食有位，於是推門入去幫襯.點咗蔥油雞，豬扒擔擔麵走辣，上海生煎包同蟹粉小籠包.首先見到佢地無返鄉下有開門已經開心，更加開心係水準無變，蟹粉小籠包仍然蟹味充足，生煎包餡料足，擔擔麵仍然有濃郁花生味，炸豬扒仍然較乾身唔夠 Juicy! 唯一變咗係蔥油雞，雞肉唔夠嫩滑，食落有渣.不過.... 以新年嚟講，表現已經叫好好.