927
32
12
餐廳: | 滾得囍宮廷火鍋小炒 |
---|---|
優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
條款及細則:
|
|
|
港鐵北角站 A2 出口, 步行約2分鐘
繼續閱讀
電話號碼
23313838
開飯介紹
走華麗宮廷風的火鍋店。推介四川麻辣湯底火鍋及手打丸拼盤。
繼續閱讀
營業時間
今日營業
12:00 - 00:00
星期一至日
12:00 - 00:00
公眾假期
12:00 - 00:00
公眾假期前夕
12:00 - 00:00
*截單時間: 00:00
以上資料只供參考, 請與餐廳確認詳情
有關餐廳
有關獎賞計劃
優惠
餐廳: | 滾得囍宮廷火鍋小炒 |
---|---|
優惠: | 國泰會員於夥伴餐廳消費可賺高達HKD4 = 2里數。受有關條款約束。 |
條款及細則:
|
|
|
食家推介
相關文章
滾得囍宮廷火鍋小炒,位於北角,好有宮廷特色既新派火鍋,中式傳統宮廷裝修⛩️餐牌淨係特色手工鍋底都好多選擇好吸引,咸豐酸菜魚湯鍋 、康熙花膠雞湯鍋、順治特色卜卜蜆湯、光緒瑤柱冬瓜濃湯等,好吸引🌟飲杯生啤慢慢揀🍻🐻勞蘇食🐻推介 —— 康熙花膠雞湯鍋,淨係聽到堅持選用龍崗雞熬 8個鐘以上,雞炒過湯燉過,見到個金湯湯底口水已流🤤外加半隻半熟雞,仲有…一大塊花膠🫶🏻食花膠湯火鍋居然唔係用花膠碎塊,係一大塊係你面前剪開加落湯度,就係豪氣🙌🏻金湯煲滾飲得,香濃雞湯,花膠又滑,正👍🏻雞件半熟飲完湯淥一淥就可以連湯食,又滑又好味😎必食手切本地牛頸脊(細),賣相好靚,牛肉油脂紋靚,肉質相當唔錯,食落牛味濃😍黃金雙拼(即炸響鈴及炸魚皮),新鮮炸起,咸蛋黃味香到一個點,即刻偷食😝又脆又好味,充滿咸蛋黃既滋味,落一落湯即食,正到一個點🐒滾得囍宮廷餃子拼盤,幾款餃子都又鮮又好味,菜苗帶子餃同和牛餃都相當高質,仲可以食晒唔同味,正👏🏻手打蝦滑,彈牙又濃味,推介😗食埋靚靚雜菜拼盤,配依個湯底無得輸啦🥳高質手工邊爐,好味又高質,啲食物超有特色,湯底都多到試唔晒😳必食既宮廷式火鍋!✨
繼續閱讀
據說火鍋嘅歷史由商周開始,直至清朝時,乾隆皇帝同大部分港人一樣,都係邊爐控,而火鍋更升格成為皇室食物。如果想感受宮廷式嘅火鍋體驗,唔洗坐時光機嘅,喺北角嘅滾得囍宮廷火鍋,以宮廷風格設計,加上高質嘅食材,聚會打卡都非常適合呢!花膠雞湯底湯底滾起後,咩都唔好理,飲啖湯先!湯底絕不馬虎,用咗大量鮮雞同花膠經歷數小時熬製,所以味道濃郁,充滿骨膠原,重點係飲完唔會覺得口喝,唔經唔覺就飲咗好多碗呢!另外,值得一讚嘅係,餐廳無將熬製嘅湯料上枱,而係另上半隻雞同大量花膠,所以食嘅時候唔會見到熬到半溶嘅材料,亦可以keep住湯底有新鮮嘅食材繼續熬製。至於花膠非常厚身,索湯後非常軟綿,超好味呢!黃金雙拼黃金雙拼即係即叫即炸嘅鹹蛋炸響鈴同鹹蛋炸魚皮。上枱嘅時候,明明飲緊湯,但係見到熱辣辣嘅黃金雙拼,手上嘅嘢都即刻放低。兩款炸物都非常香脆,加上鹹蛋嘅加持,邪惡得嚟又完全忍唔住口。鹹蛋炸魚皮建議唔好占湯,直接食係最正架!手切本地牛頸脊牛頸脊嘅油脂分布平均,肉味香濃,輕輕一淥就食得!滾得囍宮廷餃子拼盤餃子全手工製作,包括和牛芝士一口餃、新鮮菜苗帶子餃、韮菜豬肉餃、馬蹄冬菇豬肉餃、芋泥豬肉餃,總共10粒。每款餃子都非常特別,爆晒汁,而我哋就特別鍾意馬蹄冬菇豬肉餃,馬蹄嘅爽脆口感、冬菇嘅鮮香味、加上豬肉嘅油香,真係刺激味蕾,非常豐富。水魷每次打邊爐,我哋都鍾意食水餃,鍾意佢爽口彈牙嘅口感。滾得囍豐盛雜菜拼盤蔬菜拼盤非常豐富,每樣都有啲,而且擺盤精美,真係完美又豐富嘅一餐。
繼續閱讀
新年同屋企人去啲喜慶嘅地方打邊爐就最正🤤 裝修係宮廷風 仲有得着古裝影相留念🙆🏻♀️個名好意頭 唔使自己買嘢食prep 好爽💁🏻😎傳統得黎幾新穎 擺盤又靚可以一戰‼️❣️嘉慶椰子藏雞濃湯鍋 $318椰子雞鍋係老少咸宜嘅選擇🥥 係我食過最fancy🫣 擺到美人出浴咁 用腐皮包住椰子雞 有朵花仲有乾冰😂 噴煙噴咗起碼1分鐘包你影得切🌬️椰子湯鹹甜鹹甜煮咩都得 雞肉份量都好多💁🏻♀️❣️本地牛頸脊騸牯牛肉 $318騸牯牛係罕見㗎 少有得食🥺 油花超靚 勁有牛味🐮 ❣️滾得囍餃子拼盤 $148調味有特色‼️ 和牛芝士一口餃/新鮮菜苗帶子餃/韮菜豬肉餃/馬蹄冬菇豬肉餃/芋泥豬肉餃最特別係和牛芝士 和牛簡直好似食緊漢堡肉咁油香🧀 馬蹄冬菇非常爽口 長輩一定鍾意😍芋泥豬肉軟軟的有啲唔慣 不過芋頭味好香💁🏻♀️❣️滾得囍豐盛雜菜拼盤拼盤非常抵食每樣有啲😍 隻碗係菜嘅形狀好得意😂🥬 木耳粟米蓮藕蕃茄 西洋菜娃娃菜生菜乜都有🌽🥕🍅🥬新鮮到好似街市買咁 媽媽表示滿意🥳❣️黃金雙拼 $88秘製鹹蛋黃醬超級邪惡😈 鹹蛋味濃郁 魚皮同響鈴炸得好靚 脆到asmr咁😚 唔敢食太多返唔到轉頭🤡❣️足料竹蔗茅根竹蔗茅根水好飲又唔會太甜 大大jar share就最啱💁🏻♀️-
繼續閱讀
二訪呢!呢間位於北角嘅火鍋店「滾得囍宮廷火鍋小炒」裝潢充滿中式宮廷風,火鍋店提供左不同款式嘅宮廷衣服比小朋友cosplay一下,仲可以係門口嘅龍椅影相打卡。座位好闊落,坐得好舒服,整體環境舒適,好適合一班朋友來聚會,而店員服務態度好好,會主動問你有無咩需要。來到坐低睇個menu,見到部份菜式名稱都加入宮廷元素,好有趣🤗店員都隨即遞上各式火鍋醬料👍康熙花膠雞湯鍋 (半隻) $318必食!火鍋店的招牌花膠雞湯鍋🐔,女士至愛❤️堅持選用龍崗雞每天新鮮熬製,除了雞味濃郁之外,花膠更含有大量骨膠原🤗 店員會將一大塊花膠剪開放入湯底,然後先喝湯,再放入雞件到湯底,雞件皮脆肉軟,肉質滑溜溜🥰本地牛頸脊騸牯牛肉 (細) $318騸牯牛俗稱「肥牛」,泛指1歲前已閹割的黃牛,口感較軟滑甘香。而牛頸和肩胛之間的牛頸脊,油脂分佈平均,嫩滑有咬口。滾得囍餃子拼盤 (10粒) $138餃子拼盤共有10粒,包括和牛芝士一口餃、新鮮菜苗帶子餃、菲菜豬肉餃、馬蹄冬菇豬肉餃同芋泥豬肉餃,每款各兩粒。餃子粒粒都皮薄飽滿,和牛肉味濃郁加芝士,味道豐富;菜苗帶子餃味道好鮮甜;菲菜豬肉餃同馬蹄冬菇豬肉餃都用上半肥瘦豬肉,口感豐富多汁;芋泥豬肉餃食得到芋泥香氣,一邊咬到鹹香的芋頭粒,一邊食到豬肉嘅鮮味。沙白蜆 $88沙白蜆啖啖肉,味道鮮甜滑嫰又無沙,蜆肉肉厚脹卜卜,打邊爐一流👍黃金雙拼 $88即係 黃金炸魚皮 同 黃金響鈴,份量不少,非常足料,鹹蛋味重,而且能夠做到鹹蛋醬附在炸魚皮同響鈴表面,並呈流沙狀態,而且係新鮮炸起的,熱辣辣時食,真係份外美味。滾得囍豐盛雜菜拼盤 $78雜菜拼盤拼砌得像花盤咁色彩繽紛,包括有粟米、蕃茄、雲耳、蓮藕、菜心、娃娃菜、通菜同生菜等,份量好多!足料竹蔗茅根 (一渣) $78竹䉀茅根味道清潤,生津鮮渴,啱晒打邊爐時候飲用。
繼續閱讀
找遍全港島終於找到一間滿意的花膠雞火鍋,裝修主打宮廷風有顏值,成班朋友影相很有氣氛,不止是吃環境,但係食物質素竟然出奇地高,本地牛頸脊騸牯牛肉好吃,得讓人感動,決定了這間會一直回訪金黃色的一鍋花膠雞是今天的主角,濃郁敦厚的湯底還有大大塊的花膠,煮火鍋先來喝一口雞湯實在太暖胃了,三黃雞就算有久煮也很嫩滑🍽️花膠雞半隻🍽️手切本地牛頸脊(細)🍽️滾得囍宮廷餃子拼盤和牛芝士餃超好食.ᐟ.ᐟ 拼盤有齊五種口味啱晒餃子愛好者🍽️滾得囍宮廷手打丸拼盤🍽️黃金雙拼黃金炸魚皮同響鈴都係落單後即炸,上菜時熱烘烘仲沾滿黃金醬,鹹蛋黃落得毫不留情,無論就咁食或者浸湯都出色🍽️滾得囍豐盛雜菜拼盤份量超級大,兩個人根本食唔晒,蔬菜類別繁多,有我最鍾意食嘅油麥菜同娃娃菜,菜心蕃茄西洋菜粟米蓮藕等等都應有盡有,🍽️竹蔗茅根生津清熱,更加罕有地提供熱嘅選擇飲落去超級溫暖清甜,個人認為打邊爐必點—————————————————滾得囍宮廷火鍋小炒 (北角)北角馬寶道33號寶馬花園1樓116-125號舖—————————————————⠀⠀⠀⠀⠀⠀⠀⠀⠀
繼續閱讀