滕王閣 (已結業)

因為我係重口味嘅朋友鍾意食豬腸佢竟然比以前炆得更淋真係堅好味 仲有少少入口即溶嘅感覺又冇豬臊味蘿蔔淋 又吸湯 冇渣喺湯底度飲到有少少蘿蔔味今日見到佢有新嘢食就係 金邊河粉即係好似闊嘅薯粉咁樣如果你係鍾意佢嘅湯底叫咗佢就可以不停掛湯啦好滑嘅好有咬口嘅今日見到佢有番米粉真係忍唔住驚叫咗一聲搞到周圍嘅人都望住我我嘅最愛呀你終於都返嚟啦米粉特別吸湯又唔會太飽肚佢嘅堅果味豆漿好滑淡淡滲出堅果嘅味道 幾好飲最近出咗雞球真係好滑又有雞味個響鈴雖然冇打邊爐咁樣啱啱炸出嚟但係勝在唔油又夠脆韭菜餃肉質好似冇以前咁滑

啱啱去食完。頭先由地鐵站D4出口出發現咗原來D3出口落樓梯後左面已經係四期入口(但嗰個位入去要經停車埸唔知係咪正門 但都見多人出入)。食物質素都ok3個人去叫咗4個主食 兩個小食。叫咗1個$30嘅淨湯麵沙嗲湯米粉走肉碎加咗$10豬耳可惜俾錯咗米線不過算啦唔想浪費豬耳算入味 唔會太硬但有少少薄 但量算多沙嗲味較淡。1個$30酸中辣米線加咗$10豬腸偏酸 豬腸算濃味。仲有1個$30素麻辣米線素菇丸木耳味道不錯 但唔記得影相丸有兩粒 加埋木耳啱啱好。另外叫咗個糖心蛋糖心蛋唔似平時出面蛋黃橙黃佢係綠綠黃黃嘅 味道還可。仲叫咗個腐皮卷比較普通。叫咗檸茶走甜冰唔多 檸檬都有成5 6片。有機會下次再幫襯

車仔麵唔係肉食者專利，呢間廣受歡迎嘅車仔麵專門店，提供現點現煮 ，保持湯底香濃，每條麵都充滿香濃湯味。提供多款湯底以供選擇，每款湯底都各俱不同口味，有辣有唔辣，有全素同肉食之選，除米線外更有多款粉麵 : 薯粉、自家制拉麵。獨特配料，用心制造。 .素友一致好評素食車仔麵小店 （有素有葷）當時北角結業時好多人感慨，而家由北角搬左去觀塘 （因加租迫遷），服務一流，地方乾淨.砂窩湯麵 $30手打拉麵煙煙韌韌好飽肚 口感一流，轉蕃茄湯底  ＋$3，鮮茄味十足，真係有茄粒，濃稠，唔係用茄膏！酸齋 $7/4-5件微酸夠曬醒胃，又大舊抵食猴頭菇丸 $7/2粒大粒，重量十足，食落彈牙，有菇的鮮味蘿蔔 $8/2大件蘿蔔清甜無渣，而且份量好多.值得一讚，食完唔會口乾嘅湯底，已經扣底但都好大碗，勁抵食

行遠小小，去到呢度eprint樓上，有間食砂鍋粉，約埋朋友上黎食。睇番資料，知道呢間頂唔到租金上升，搬左黎觀塘，素食肉食者都可以黎食（不過未了解佢有無用豬油個啲，只係有素餸）。上黎要預時間，客𨋢得一架，時間較耐。門口幾靚，裝修唔錯。入面比我想像中乾淨，好企理，廚房可以睇哂。抹枱都小心翼翼，唔會掃落地。餐牌唔算多嘢揀，不過有啲幾特別嘅餸，個日特別想食酸辣同魚蛋。叫咗小辣，都仲頂到，可以再多啲。朋友叫咗腐皮卷同鹵肉，味道都唔錯。份量少咗啲，價錢貴咗啲，要44元，飲品要另外叫。

兩個字 - “驚喜”!!!! 😍😍😍👍🏼👍🏼👍🏼 ..... 繼海潮食堂之後我少有的重點推介! 砂窩令車仔麵一直保持熱辣辣; 濃郁嘅酸辣湯底充滿誠意; 豬脷, 豬耳十分入味; 自家制腐皮卷和酸齋亦非常美味!!! 餃子也是自家制的! 從相片已經看到它充滿肉汁, 只是餃子皮略為硬了點 ....

老實講 今時今日嘅碟頭飯三十幾蚊仲要跟嘢飲真係抵到冇朋友今日竟然有新嘢試就係登登登登我嘅至愛韭菜餃不得了皮薄餡靚尤其是個皮非常煙韌QQ的鍾意仲可以買佢返屋企啲韭菜非常新鮮酸齋同腐皮卷當然keep到水準今次我就食咗佢嘅手打上海麵真係煙煙韌韌好飽肚口感一流可惜 我個胃未有quota裝埋佢個堅果豆漿同埋我都買咗佢嘅素食蘿蔔糕不嬲都係我嘅至愛佢仲會送埋一個玻璃裝嘅食物盒唔想熱辣辣咁樣倒落啲膠度真係良心老闆個盒仲可以 自己喺屋企循環再用真係夠曬環保

之前喺北角食開，見佢冇咗好可惜，好開心佢而家開返，新的地點都好近地鐵站，味道一樣咁好食，服務好好味道依舊，今次食咗個砂鍋魚片薯粉，麻酸辣湯底真係好好食，蘿蔔好入味，一定會再嚟

係北角番工既時候已經好中意呢間小店。搬左去觀塘雖然係工廈入面，但店面都一樣咁乾淨企理。面既選擇無以前咁多，無左我至愛既拉面... 但蘿蔔同自家制上海面一樣咁好味❤️ 會繼續支持！加油～

雖然裝修冇以前咁靚但係開返我已經好開心而家係open kitchen嘅格局感覺上好似大咗個menu亦都多咗碟頭飯迎合返觀塘區 office食齋人嘅口味急不及待食番以前嘅味道當然麻酸辣湯底仍然係我至愛食完唔會口乾嘅湯底雖然米線嘅選擇冇以前咁多餸都好似少咗咁樣不過好彩我至愛嘅酸齋同埋素腐皮卷仲喺度仲keep到以前嘅水準素腐皮卷大大塊有咬口足曬料酸齋煙煙韌韌少酸美味夠曬醒胃不過初初開業係亂咗啲 熟客應該唔會介意佢嘅湯底同蘿蔔糕都有得買啦yeah!!!