滕王閣 (已搬遷) 新店位置

今日係最後一次食心中不無感慨因不敵加租不勝負荷只能暫停營業另覓舖頭希望佢下次可以簡化自己賣嘅食物種類主打賣麵 醬料 齋粽 糕類集中熱賣佢嘅無味精湯麵反而麵中餸菜 種類 可以多啲今日好多食物已經冇貨啦一眾食齋嘅朋友 已經掃曬所有粽一眾fans亦都掃曬所有醬汁包括我自己在内因為最後一次可以喺舖頭食所以叫咗平時唔會叫既其他嘢咖哩魚蛋豬皮蘿蔔佢個豬皮真係好有咬口蘿蔔冇渣咖哩魚蛋好入味佢嘅家鄉雲吞 皮薄餡靚豬頸肉煙煙韌韌今日食埋佢個寬條薯粉感覺qq非常有咬口不過佢會走嚟走去我發現原來全部熟客 剔完張紙都係自己攞去畀 樓面同埋就算食唔曬碗麵都會飲埋個湯係飲曬嗰種

咁我嘅最愛梗係酸齋 麻酸辣湯底既然我唔可以不停寫呢個combination而啲湯底我嘅最愛都係麻酸辣 嘅時候咁我就不停試新嘅 配菜同大家報導佢個豬頸肉真係幾彈牙好食溏心蛋夠流心浸喺個有酒嘅汁入面好似食緊日本拉麵咁樣墨魚丸內裏有粒粒墨魚粒有咬口上次見到個學生哥話要負皮卷乘二等我都試下先真係好似想像中咁好食 因為夠曬吸湯鹵肉即係 鹵水豬腩肉切得夠溥夠滑 雖然夠入味 但太肥 我下次都係唔會叫呢個腐竹結真係唔好食唔知點解好似好唔新鮮細細隻嗰啲好好哋大大隻嗰啲好似有啲怪我朋友叫咗個蘿蔔砂鍋湯粉亦都係 麻酸辣湯底 小辣佢個湯底有蘿蔔味你叫砂鍋係同啲料一齊住即刻有埋啲味其實我有個諗法如果而家啲米線舖頭加埋通粉咁吸湯嘅 麵食會唔會仲正呢咁就可以用返以前嘅匙羹又買佢嘅蘿蔔糕今次好似甜咗少少老闆年初十六先開工餓咗啲粉絲咁耐今日都唔知幾多人食麵豬耳非常爽口貢丸都幾好食又唔會油膩如果個鹹酸菜再酸少少就正啦炸腐竹勁吸湯豆味重比我平時食開嘅酸齋更有咬口可惜豬大腸始終唔係佢哋強項同埋我自己唔鍾意米線覺得唔夠吸湯今日終於試到佢個豬肚應該係佢鹵水系列都算唔錯冇豬躁味但係豆卜冇我想像中咁好食可能唔夠吸湯係有豆味不過較為厚

呢度嘅老闆肯定成日睇食評都不枉係一個大家溝通嘅平台之一我試過有好多餐廳 畀咗意見之後 之後完全同以前一樣可能唔係每個建議都有用但係都起碼係客戶嘅意見呢個老闆不斷創新要做到最好其實佢除咗麵之外仲有其他嘢食好似素食蘿蔔糕咁樣真係好好味佢終於都畀番啲酸菜我跟返以前嘅口味同埋我見到匙羹都換埋雖然係夠靚但係好易打爛今次都係如常食番嗰啲嘢麻酸辣大辣加酸齋同 咖哩魚蛋都係如常一樣咁好食啦因為米粉最索湯我嘅心頭好始終都係米粉今次有反我最愛嘅酸菜同多蔥真係發達的本身諗住試下佢個豬頸肉原來要喺上面揀今次試咗佢嘅螺絲湯其實上網查過螺絲湯唔係咁樣寫㗎我食得出佢個麻酸辣湯底係base on嗰啲湯我唔可以次次上去都寫同一個湯底㗎嘛不過我真係好鍾意佢個麻酸辣真係鼓足勇氣先至可以 將我嘅麻酸辣放手既然佢係我最鍾意嘅麻酸辣嘅底咁我都幾鍾意呢個不過麻酸始終都係我最鍾意食嘅味之一所以我都唔會再叫呢個啦今次仲發現佢有新嘢飲就係杞子煲薑加檸檬檸檬味好重應該加埋一齊煮再加片新鮮檸檬畀你老闆你咁樣做唔得㗎咁咪寵壞曬囉咁我咪唔使篤嚿檸檬都有檸檬味囉今日食咗佢個豬頸肉同 老友記湯底豬頸肉軟硬適中睇得出佢落咗心機去做又唔會好油好味不過老

呢度個老闆都幾鍾意玩新嘢其實有新搞作都幾好嘅keep住 啲客嘅新鮮感我見到 佢加咗泡椒酸豆角酸筍去代替以前嘅芽菜 酸菜老實講我覺得佢咁樣成本仲高可能可以快啲出單 但係我覺得呢幾樣新嘢係唔夠以前嘅酸菜好食我寧願要返酸菜芫荽同蔥花 仲有酸菜呢三樣已經好足夠不過可能食素嗰班人鍾意食不過佢轉咗啲匙羹我就麻麻哋呢隻可能真係襟用但係畢唔夠我至愛嘅湯佢個大腸真係堅唔得勁靭咖哩魚蛋入曬味 又辣又咖哩味嗰種感覺真係難以形容勁鍾意有時癲到喺屋企食咗嘢 跟住又想食多碗麵就會自己漂嚟中毒極深

今次食確實真係大失所望個湯底好似淡到加咗水咁唔夠辣不特止仲要唔冇乜鹹味唔該你保持水平好唔好雲吞皮薄餡靚有進步最重要今次足料仲要 個皮好彈牙佢又再一次忘記扣底但係如果 唔帶走嘅話好似好曬帶走又好似嘥咗個膠兜咁反而今次啲酸菜有啲過鹹酸齋亦都唔夠酸今次試咗朋友個蕃茄湯底冇我想像中咁好食唔夠酸但係亦都不失鮮味真係用番茄煮 唔係用茄膏個豬皮整得幾好食夠曬吸湯service was good as usual

今天行開去北角，再次去這間滕王閣，選了豬頸肉薯粉加木耳絲，酸辣湯底，中辣，味道無變，一樣非常好味，係食極都唔會厭，豬頸肉烤得好香好入味，薯粉配酸辣湯一絕，今餐非常之滿足。只見小店都不見太多客，要多點支持小店。

呢間食店門面唔算大又唔靚，但𥚃面好多食品選擇，有麻辣丶唔辣、肉食丶素食，兩道大牆壁貼滿食物相片，好多嘢食呀！呢個水煮魚用嘅係魽魚，肉質爽脆，我地要左大辣，但唔算好辣，加有薯粉及豆卜，吸收哂麻辣汁嘅味道，真係辣得好爽。紅油炒手，雲吞細細粒，一口一粒加埋辣油，連同肉汁一齊品嚐，味道一般，無太大驚喜。蒜泥白肉，肉片好薄，都係加埋辣汁同蒜蓉一齊食，味道一般。鹵水併盆有豬耳丶豬腸丶雞翼尖丶豬肚丶鹵肉丶豬脷，款式夠多，鹵水味唔係太濃。呢到收費唔算平，勝在食素食肉者丶食辣唔食辣嘅朋友可以共治一爐，各取所需

屋企附近發現的米線店，之前都係去食南記or譚仔雲南米線，今次來試一試. 沒唸到可以選擇的品種那麼多，從米線的種類到湯底，居然還有老友粉. 不過就一般般了～ 味道都算是無功無過，但都算有心思，因為有很多齋菜可以選擇.

這裏很特別，連湯底都有多款選擇，有素湯底可照顧到素食者需要，非常有❤️抵讚👍我點了砂鍋豬潤米線，沙嗲湯，湯底香濃，無油，豬潤剛剛熟，正🍜朋友想食素，聽講腐皮卷好味，要了雲耳腐皮卷米線，日本面豉湯，湯底香濃同米缐很夾，非常好咪呢😋還要了素餃子米線，兩份分，係咪好大食呢，超級滿足，這裏餃子是自家做的，有素餃子，素雲吞和肉餃子，肉雲吞，非常有心😘豆漿超濃不太甜，比坊間好飲好多，紫米漿很特別，很爽口又不太甜👏值得再光顧的食店

我最鍾意嘅 麻酸辣湯底好似唔夠麻食咗兩次都要加麻同埋我最鍾意嘅 咖哩魚蛋已經唔再彈牙亦都好似煮咗好耐咁 冇曬口感豬大腸都好似因為煮得 過咗時間咬唔開咁好彩 酸齋亦都保持到平時美麗嘅水平但係 如果湯底持續 落去 都係要正視呢個問題今次食咗佢嘅日本拉麵 都真係幾彈牙嘅唔知佢發生咩事人客亦開始減少最高峰期一點幾嘅時間都冇咩人不過係全條街都冇人唔淨止佢一間冇人其實 條街已經有幾間食肆執咗係因為加租嘅問題真係想食平啲嘅麵都冇辦法

今晚想食米線，北角除左豬扒米之外，原來呢間米線都幾濃味，岩哂我！仲有素食版米線同其他素菜，睇落都幾吸引。一入到餐廳已經聞到好大陣酸筍味，同之前係大陸食過嘅味好似！今次就叫左兩個唔同湯底，分別係最近好興嘅嫘絲粉湯同南寧老友湯。如果唔明湯底係咩，店員都好樂意解答，仲話食過唔岩口味可以換過第二碗，好細心！味道方面，個人覺得老友湯好味啲，多啲酸，不過如果可以加多啲辣就好啦！另外螺絲湯就有啲失望，同之前係廣西食過嘅唔同味，亦可能冇左炸腐皮同筍絲，所以味道差左啲啲。埋單一人$44，份量偏少，不過晚餐唔好食咁飽都ok!

一星期起碼吃一次的店，便宜，味道好！最喜歡它的麻辣湯底，要個大辣，每次都喝了大半碗湯。最喜歡吃它家的猴頭菇丸，不知道用什麼做的，是吃過最好吃的素丸子。今天發現新推出螺鰤湯底，是在内地很热门的汤底，在香港也能吃上，试了试味道真不错，辣中带鲜甜味，值得一试。这家店现在不止做汤粉，已经推出了很多新菜式、甚至有麻辣鸡煲，真的很不错。多多撑小店，希望保留住这些诚意的小店，价格不贵味道好，用料新鲜，每天下班去这些小店吃上一顿舒心的食物，好好慰劳自己的胃。

我發覺嗰度有好多志同道合嘅素食朋友唔知係咪素食者特別友善成日都有人搭咀傾計不過值得一提嘅就係佢又改咗menu以後唔會再有河粉食切記切記今次又轉湯底食咗佢嘅冬陰功其實亦都抱一試尚可的心態因為佢都唔會正宗得去邊點知食落有淡淡香茅味真係令我有 意外驚喜 可惜佢個豬肉餃個皮愈嚟愈厚今日試咗佢嘅豬耳朵好有咬口可惜最近嘅服務越嚟越緩慢有時坐低20分鐘都食唔到碗麵真係餓到肚攣如果你趕時間就唔好去啦雖然佢個上海麵真係幾好食但係真係要等好耐

這裡的選擇唔錯，我就叫了砂鍋米線，熱辣辣可以慢慢食，唔怕很快涼了。這裡的湯底選擇多，有麻辣湯、麻酸辣湯、 酸辣湯、蕃茄湯、麵豉湯、咖哩湯、沙爹湯、豬骨雞清湯、冬蔭湯或喇沙湯，每次來的話可以都有不同選擇。還有特別的地方，湯底、配菜及選擇的餸都好，有素或葷可提供選擇，如果食素人士可以來這裡食，味道好好，大大碗‧

呢間嘅車仔麵 ，其實我已經食過好多次 ，現在有機會介紹一下我真是十分開心 。佢不似平時嘅車仔麵還有各類素的食材，仲有 多種齋嘅 配菜尤其出色 。佢嘅湯底尤其特出，有麻辣、酸辣、蕃茄湯、咖哩湯 等。每種都各有特色我比較喜歡食麻辣係大辣的 ，佢嘅湯底唔會太 油膩兼且佢嘅麵底十分煙韌尤其是係上海麵 。其他嘅素食方面 我比較鍾意食素嘅腐皮卷 ，因為佢日日製造一定新鮮而且軟硬適中唔會太硬 ，太散。不會留過夜，其他 如素花枝丸彈牙夾爽口， 總之 最突出嘅賣點就係嗰個湯底就是靈魂， 沒有一間可以做得到 。