影片
食家推介
招牌菜
前幾日屋企人去咗大埔，買咗呢個超級多人排隊，仲要係每人限買一盒嘅糯米糍比我食～～之前好飲話就黎會執粒，但係聽聞好似搵到新舖唔使執啦！係新鮮即整，每一粒係人手包既！一盒有六粒～入面係芝麻花生餡！因為佢係人手包，所以糯米皮嘅分布唔會係十分平均，尤其係收口嗰個位，會比較上厚少少，不過除此之外都可以睇到好似下圖咁～都算係皮薄嫁！而且人邊勁多餡，每咬一啖都要好小心佢會跌出嚟，餡料芝麻極香，花生亦都唔會太碎，有返啲咬口！正👍👍👍
繼續閱讀
不久之前看雜誌介紹糯米糍，其中有介紹大埔客家糍耙，平時經過都無買來食，於是就去買來試下，是否名不虛傳。糍耙即叫即整，芝麻餡料豐富，現做的是真係好食啲。師傅很熟手，包糍耙很快。不過排隊的人龍好長，想食就要花時間耐心排隊等候。$18／盒(3個)上一次食左糍耙，今次就試食黑芝麻糊和黑豆腐花，所以買了黑芝麻糊加黑豆腐花$14。黑芝麻糊和豆腐花都得滑，芝麻糊唔會好甜，一起吃又不會淡而無味，好食。PS:買糍耙的人龍比上兩星期前更多，可能是就快搬的關係。今次就不食糍耙了。
繼續閱讀
🥜糍粑($7)▪️終於都食到la‼️即叫即包，好新鮮👍仲包到成隻倉鼠🐹咁-包唔算好薄，我咬左第一啖係未食到餡料，第二啖先開始爆出泥😁首先塊糯米皮幾軟糯有嚼勁，但就有陣麵粉味😖我好怕食糯米皮有陣粉味。-餡料就包得幾重手，一路食一路從口邊跌出泥，十足小逃兵😂-內餡是砂糖，芝麻粉混合花生粒，花生是有炒過的。但我偏向鐘意花生香氣重d嘅餡料，所以整體覺得一般。-味道有d似亞玉豆腐花嘅糍粑🤔聽聞做到5月咋，有機會去支持下。
繼續閱讀
一宜久聞佢出名的生磨黑芝麻糊, 今日特登去試, 買咗外賣返屋企2個人分, 每人試少少我買咗黑豆花混黑芝麻糊$14, 黑豆花係灰色,好滑身,黑芝麻糊唔係好甜, 啱我, 但食開甜嘅人就未必啱, 黑芝麻糊有啲稀, 唔似糊想食生磨黑芝麻糊一試無坊.
繼續閱讀
去完食亞婆豆腐花行過大埔中心，中間經過見到有間叫滑嘟嘟嘅食肆，竟然吸引到我停底望一望。見到有個Booth坐咗個女仔喺度包緊嘢，再睇到上面寫住即包即食，原來係客家糍粑，見$18有3粒，咁我哋即管叫3粒食吓，見到個女仔即整，啲皮望落包得幾薄喎！整好後即刻試試先，一咬落去塊皮比望落去仲薄而且好煙靭，餡料係花生黑芝麻，食落好濃黑芝麻味，花生味亦都重，甜度尚算適中。其實無心插柳咁搵到啲好嘢食，真係要記底佢~
繼續閱讀