滋味廚房 (已結業)

南昌開了新商場，見交通便利，假日便帶長老們去搵食。長老喜歡一盅兩件，但又鍾意試新菜式，上次經過，見到一間新派的粵菜店「滋味廚房」，應該符合長老的口味。食店格局有點似茶餐廳，一點都不似飲茶吃點心。點心大都是一碟兩件，除了蒸點外，亦有很多「炸」點，賣相頗精緻。🔶 上湯炸蝦餃（上）、上湯煎粉果（下）其實兩者口感相似，同樣配以上湯進食，唯炸蝦餃的皮較厚，相反煎粉果皮薄較香口。🔶 奇脆炸兩腸與粥店的炸兩腸粉相似，但部份油炸鬼略嫌淋了，不太脆。🔶 香煎韮菜盒（上）、蘿蔔絲酥餅（中）、鮮蝦腐皮卷（下）韮菜盒及腐皮卷味道大路，但蘿蔔絲酥餅略凍，食落較油膩。🔶 拿督咖喱雞有五款飯底可選（包括雞油飯、紅豆飯、蔬菜飯、三色飯及絲苗白飯），我哋揀咗蔬菜飯（即是平常上海店的菜飯），咖喱味香濃，頗多雞肉及薯仔，但有點辣。🔶 黃金入球（瓜粒海鮮）上網見很多人點這款泡飯，賣相幾特別，於是點了瓜粒海鮮。炸飯球既口感有點似飯焦及鍋巴，脆卜卜，很有咬口，配埋紫菜碎及香芹粒，令湯飯更可口，而海鮮材料亦很足。🔶 椰青燉奶同樣見網上推介，於是點了兩份當甜品，原個椰青燉奶，頗香滑。壞印象的小插曲：甜品是分開下單，當時侍應稱需等15分鐘，但等咗超過20分鐘仍未有，詢問樓面有否落單，樓面指燉奶要等20分鐘（與侍應的說法不一，兼且已經等了不止20分鐘），一等再等下，接近30分鐘才上枱。…查看更多

印象中噶印度菜就系重口味噶，今日就試試印度菜究竟系點樣噶先，食左個鐵板烤雞，一客有6件，外面滴皮好香脆，雞肉很嫩，看起來好似有小小幹身，但系其實不會，都好惹味！哩度噶薄餅都好好食，軟身但系不是很薄，本身就有味噶啦，可以沾醬食，不過我一般都不沾的。…查看更多

有新商埸一定要去行下, 估唔到VWalk 都幾多餐廳選擇, 但我今日就揀了間新開的"滋味廚房"看入去見到一檯客人在吃燒雞, 樣子都唔錯, 決定試下.隻燒雞好味, 皮脆肉嫩, 咬落去多汁, 食落唔油膩,另外點了個黃金入球都勁好味, 飯焦脆卜卜, 配上個海龍王湯, 簡直係絕配啊!一句講晒, 去VWALK 未試過滋味廚房既燒雞同黃金入球就等於未去過VWALK.…查看更多

剛好去開南昌站做野. 就去了新商埸VWALK行下, 收工順便同屋企人食飯, 朋友介紹我去滋味廚房,朋友話隻廚皇燒雞好好食,點都要去試下. 隻燒雞未上枱已經聞到香味, 食落口爆晒汁, 估唔到燒雞連雞胸都可以做到禁嫩滑, 另外, 亦叫了一個叫不再黯然叉燒飯, 其實就是煎蛋叉燒飯, 先講賣相, 我明白點解叫不再黯然, 真正看圖識字, 叉燒夠晒厚夠入味, 想不到比好多燒味店的更加正, 食飽後見到隔離有個大波波放落個湯到. 原來係泡飯來. 今次食得太飽, 想試都食唔落, 下次一定唔可以放過呢個菜.…查看更多

其實之前經過而為佢只係食點心，今晚特登到來吃晚飯，試左隻燒雞買相一流，好好味又多汁，見好多枱都有叫，真係冇叫錯，另外叫左黃金入球湯飯幾特別，佢有幾款湯底選擇，今晚試左個皮蛋芫茜魚片湯，佢係將個炸左嘅飯團放入湯食，個飯有飯焦咁好味，所以又值得一試，跟住再叫左個拿督咖喱牛腩，個咖喱煮得好好味，原來佢又係跟一個飯，今晚食左好多飯但真係好味，其實都想試下佢d點心但今晚實在食左太多飯下次要試埋其他餸，呢間一定會再幫襯🤗🤗…查看更多

第一次跟朋友黎附近食飯，因為佢話好耐無食過中餐，成日食西餐多，所以見到一個地方寬闊光猛，正正常常的地方就去了。朋友最鍾意食雞，見到門口隻烤到反光的雞，唔知點解俾佢吸引左，於是兩條友就叫左個黎食，138一隻，睇到個燒雞又真係好難唔覺得好味嘅，香口、多油，一見到佢就知道會好juicy。甜品就叫左個椰青燉奶，作為椰子製品的愛好者，對濃厚的椰青味係無辦法抗拒的。我地本身兩個share一個，但後來覺得唔夠，就叫多一個。…查看更多

平時工作放lunch都會和同事想了很久要吃些什麼，當中咖哩一定是我心目中最喜歡吃的食物排行最高。而這次要吃的餐廳是CP值很高的，說到吃咖哩就決定要吃了。今次點的拿督咖哩雞飯完全不令我失望，除了是外觀看起來份量十足外，味道濃厚，雞的肉質嫩滑，這個飯一定要完整混合咖哩吃，還要是一滴都不要剩。吃完也是摸著肚皮離開餐廳。甜品方便，也點了椰青燉奶，這個甜品其實很考功夫，要燉奶很滑，不會覺得很水，甜度又不會太甜。個人覺得年紀大的人吃也可以，再挖椰青內的椰肉吃，算是雙皇滋味吧。如果公司放lunch, 要同同事來吃呀，一個人來也可以。…查看更多

第一次食滋味廚房，今晚叫左廚皇燒雞(1隻)$148炸雲吞同埋一杯芒果沙冰$28❤️廚皇燒雞(1隻)$148:係脆皮炸雞，秘訣係將糖醋淋上雞身上皮風乾先至攞去炸，炸出嚟雞皮紅噹噹，多數會點淮鹽或者甜豉油食，通常係擺酒先至有得食。味道好像炸子雞🐥雞皮好薄，不會太油膩，雞肉嫩滑，大大啖咬落雞脾到，好爽👍🏽炸雲吞：大大粒，熱辣辣， 豬肉、蝦肉，口味香濃，口感酥脆，外脆內嫩😍踏入暑假，天氣特別悶熱，只靠凍飲也不能完全消暑。當然叫番杯：「芒果沙冰」，啖啖超甜芒果肉，清甜可口， 降降溫 🥤…查看更多

今日又過黎陪老人家食飯 老人家話試過呢到飲茶點心幾好 👍👍👍所以今次揀呢間陪我食下我晤係太肚餓 所以我地share左一個瓜粒海鮮泡飯$98呢個真係太適合呃like打卡啦😂😂😂😂佢個飯係另上既 炸成一個圓波波 賣相得意湯底好鮮甜 海鮮份量都好多 有青口有蝦有帶子等等 瓜既份量都好多 岩晒平時少食菜既小妹我😂😂😂😂 海鮮既處理同用料都幾好 蝦竟然係彈牙另外仲叫左幾款點心share食 都晤錯最後老人家想食少少甜品我地叫左椰青燉奶 即叫即整要等一陣黎到既時候好香 個椰子都好大個 食落奶味香濃 配合埋椰子肉 好正😍*冷氣有少少大 記得帶外套*今日無揸車 其實交通都算方便 好多巴士小巴之類周圍都去到…查看更多

今日同Friend黎到V walk行下街行到肚仔餓搵食好似好多間新食店求奇見到間就入黎試下叫左個拿督咖哩鮮雞 $88同朋友一齊share個咖哩好濃 好「結」唔會好稀 夠味有辣油好香 係我最中意既果type咖哩 好惹味個汁都掛哂落d雞到 咖哩撈飯真係一流 流哂口水白飯勁特別 有埋蔬菜 栗米粒好健康同埋炸雲吞 第一次食炸既雲吞個皮炸到勁脆口 熱辣辣咬落去 咁樣食完都已經好飽一人一百蚊左右～新食店黎講 唔錯 d staff 好friendly 攞杯熱水飲仲叫我地多d幫襯 …查看更多

我鍾意去新地方，探索多啲新嘢， 我有一個外號就係「探險家」。今日我就去到深水埗嘅商場V Walk, 探索一番，當然會喺度食個晚餐，食飯地方就喺「滋味廚房」。睇睇個菜單，我就覺得有一個叫「黃金入球」系列嘅嘢食好吸引，就咁樣我就叫咗黃金入球系列嘅「瓜粒海鮮泡飯」嚟食。好好奇點樣為之「黃金入球」呀， 原來就係將啲飯整到，外層起焦黃金色，成個一個黃金球咁樣，i see i see.個瓜粒海鮮湯，就係冬瓜粒，同埋一啲海鮮，有青口、魷魚、蝦、蜆肉; 未將啲飯擺入去湯做泡飯之前，我先飲一啖湯，嘩！個湯底都好鮮甜。之後我就將個黃金球飯，放入啲湯度泡嚟食，感覺真係wonderful.湯底好鮮甜，海鮮又新鮮美味，拋好過黃金球飯之後，口感好特別，好好味呀！…查看更多

I was starstruck by the name Star Zest but not their food. It was Chinese food which had a modern presentation which made it better. As I wasn't hungry, I settled for the seafood soup with rice.The rice was served separate.The way it was served was impressive as it looked like a huge Italian Arancini.You are supposed to put the rice in the soup I prefer them separate.Overall the soup was good on its own and so was the rice.…查看更多

係v walk商場到見到有間食中式點心嘅舖頭 就入咗去食佢個下午茶點心 個人嚟講其實我都幾鐘意食點心㗎 因為佢傳統得嚟 款式又多 味道又切合返廣東人 所以見到唔少中式點心都會好想試下水晶鮮蝦餃 $12價錢都合理 餃皮嘅厚度適中 都算晶瑩剔透啦 蝦都幾有咬口 上海煎粉粿$ 12內餡嘅份量都幾豐富 加上味道亦突出 個人都幾滿意流沙煎堆仔 $12流皇流心 暖烘烘的流質 配埋香脆嘅煎堆外皮 同埋豐富芝麻 食得好滋味奇脆炸兩腸 $16炸兩嘅腸粉皮都幾滑幾薄 幾好食…查看更多

深水埗多小店就係人都知，今次隻身走去試呢間滋味廚房，見到佢裝修幾精緻，估唔到食落都幾高質，有驚喜。要食得飽梗係食個飯餐啦。呢款拿督咖喱鮮雞，咖喱汁味道突出，而且香料味濃，雞肉鮮嫩，而且碗飯都悉心裝飾過，連埋個咖喱汁送飯食簡直一流啊。另外呢味炸雲吞，外皮炸得好酥脆，但內餡仍然鮮美多汁亦唔會炸得太乾身，講真其實都幾考廚師火侯控制功夫㗎，另外配埋佢特調醬汁，食落唔會太寡。雖然本身諗住簡簡單單又一餐，但呢餐飯簡單之中又帶有一點不平凡，此乃驚喜之所在。…查看更多

做完野個人特別肚餓，今晚好想食大量嘅野跟住行經過新商場見到有間新餐廳竟然開左係角度，仲有下午茶仲有大優惠，緊係即刻衝入食啦!!一坐低個姐姐就問食咩野, 我都諗左好耐, 本身有啲心動想叫多啲點心, 但又怕唔飽, 所以都係揀左幾款點心同泡飯黎食,因為都係要食啲飯先飽嘅餐廳同事個反應都好快我落左單無幾耐已經有齊晒點心， 蝦餃睇落係個顏色都幾好,食落都好重蝦味的, 仲熱辣辣岩晒我地呢啲餓鬼, 食下食又食好幾碟點心, 好在餐廳下午茶嘅點心都係12蚊，如果唔係就超晒預算…查看更多