8
10
6
港鐵上水站 A4 出口, 步行約6分鐘 繼續閱讀
所有分店 (3)
電話號碼
2660 0018
營業時間
星期一至日:11:00-23:00
付款方式
現金
其他資料
外賣服務
食評 (26)
呢間野我幫襯過兩次因為第一次既熱撈紅薯粉都ok所以就同男朋友講話可以一試咁我今次叫左有湯既紅薯粉啦要左中小辣既亦都幫我男朋友叫左碗有湯既紅薯粉要左小辣咁我男朋友提我唔記得加餸我就話加豬皮要凍朱古力少冰男朋友全程只係講左幾粒字(第二碗加豬潤,忌廉)就完點知佢上岩左我果碗將我男友果碗變左米線我就話:我叫紅薯粉架喎個180男侍應:你係叫米線架喎我話:我岩先係叫紅薯粉佢:你叫米線架囉其他員工見我嬲嬲地就話:你咪叫入面煮過比佢囉佢:明明就自己落錯單,下次落單諗清楚再講清楚啦我真係着左:咁你姐係話我唔岩啦?我係話要要紅薯粉架喎佢:咁你隔離個位落錯囉!就係佢呢句超越左我底線!!!以下落黎我講左好多粗口,但係到就唔打啦我:你無病啊?全程都係我同你落單,你話我都算啦,仲話埋我條仔?佢:總之就係隔離個位先生唔岩啦!加反兩蚊(之後走左去)我:加咪加囉佢:梗係要加啦我就一直係到爆粗之後另一個人上反個紅薯粉我:我唔該你同你同事講下次用耳仔聽清楚人地叫咩點知佢同反我講:有時你講得太快,唔清楚先咁姐我又燥左:我叫左幾多次落單你又聽唔聽到啊,四次啊!我叫到隔離枱都望住我啦! (佢理都唔至我就走) 然後我再次燥:講真,我又唔係要你做咩,錯咪錯囉,講句對唔住洗死架?洗唔洗係咁話啲客錯啊!係咪一句對唔住會要左你條命?然後我一直望實個男既人地落既每一張單佢比野人果陣都係行錯枱架!!!仲要啤左我幾眼果下真係反佢白眼其實我已經非常美化左我呢次既經歷食物方面我碗紅薯粉食食下食到粒炭👍(我好想叫個經理出黎,但我知道男朋友已經有啲唔中意,加上廢事啲人因為岩先既事話我老屈佢地啦)中小辣同小辣係同一辣度,同水係無分別架👍朱古力都係同水無分別架👍不過佢既粉彈性又真係唔錯既食物差係其次,員工態度先係極之有問題😊比錢我去食我都絕對唔會再去食😊$82當買個教訓真心恭喜呢間公司有班咁團結既員工😊一齊話個客但完全唔覺自己有問題既😂呢間鋪無得救😊😊😊😊😊😊ps:附上炭粒圖一張,手上黑色果粒😊👍係佢碗野入面架👍差啲食左落肚😶👍(知道今次真係好失禮下,但係呢啲人唔鬧唔得👍除左爆粗果到同爭執時影響其他客人外,其餘既我真係覺得我無錯🙈🙉🙊我錯就錯在最後都無叫佢同我男朋友道歉!!!!) 繼續閱讀
(以上食評乃用戶個人意見 , 並不代表OpenRice之觀點。)
中午同啲同事去食米線,呢間係上水嚟講都係個唔錯的選擇,而且感覺上配料也較多。 淨米線只係$24蚊,加配料就$7起。我叫左個雞翼酸辣米線走辣,因為想食酸野但唔想食辣。好快就捧左米線嚟,大大的一碗,酸味唔太重,有芽菜,酸菜,芫茜同蒜,雞翼兩隻。米線軟硬度剛好,加埋湯食落去,好味喔,明知佢有落味精,但耐唔耐食米線就預左係咁,想食就唔好嫌。 湯唔會太酸,但雞翼就唔入味,而且食到雪味,唔太得!同事叫左腩肉麻辣米線。腩肉肥瘦符合比例,而且色水整得幾靚,睇得又食得試左1啖湯底,首先會覺得麻,之後啲辣就出曬嚟,"媽,好辣呀",如果你唔食得辣就會咁講。不過同家事覺得唔太麻。另1個同事就叫左雞絲3寶丸米線,雞絲份量頗多,3寶丸就每樣1粒。 有些米線店成為連鎖店後,水準慢慢下降,我寧願試下小店,俾多啲選擇自己。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-03-05
367 瀏覽
是日lunch5夠時間出去食,嗌左個外賣!等咗半個鐘先送到黎叫咗麻辣紅薯粉,小辣,加炸醬,大腸,同芥蘭!盛惠48蚊~都幾貴芥蘭同炸醬撈埋入去,都分5清碗野,應該分清嘛個炸醬5係好食到喺邊個大腸本身係滿心期待~但而家5脆,軟淋淋無味咁,切太薄,至於紅薯粉我抱好大期望,又軟又短,好多碎粉食落5入味上水仲有冇第間呀 繼續閱讀
(以上食評乃用戶個人意見 , 並不代表OpenRice之觀點。)
等級2 2016-02-14
281 瀏覽
麻辣係我至愛, 而麻辣米線就成為我速食必然之選!! 我食盡所有雲南米線食店, 唯獨是特別偏愛依間食店, 主要原因係個麻辣湯底同配料, 香菜酸菜特別多, 豬肉碎唔少得, 花椒粒同八角香味濃郁, 食麻辣當然唔少得內臟配料, 我最喜歡配搭豬耳(好爽口)、豬大腸(洗得幾乾淨)、豬紅(無怪味, 唔錯), 全部都係膽固醇高到爆燈既配料, 不過識食一定係咁配, 仲有鮑片……每次我都會連埋個湯底都清得乾乾淨淨~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2015-12-11
209 瀏覽
約足一星期都無朋友仔陪我食麻辣魚,晚晚食自己!無得食麻辣魚鍋,單拖去尋辣,要搵勁辣食舒緩一下先得!係上水都無咩辣野食,串燒妹重慶酸辣粉食過多次、譚仔胡辣麻辣食過多次、成記辣沙嗲食過多次。唯有去多次滇川,還掂未試過佢地既麻辣,上次大酸辣味道唔錯。雲吞魚腐麻辣米線大辣,嘩!我要大辣唔係大咸呀!大麻辣湯底咸到死,一飲乸住塊面,侍應阿姐見到我既表情,一臉茫然。湯底完全唔麻,而且辣度連中辣都不如囉!湯底太咸唔麻中辣,配上淡口雪白米線都幾好食,米線依舊滑溜嚥韌而帶米香,好野黎架。魚腐咁架咩?完全係腐皮捲住硬鯪魚肉囉,又係勁咸囉!咸湯配咸魚腐更咸,有點頂唔緊,但唔想浪費食物,照食!繼魚腐後又一誤會,雲吞?係雪白既上海菜肉雲吞,並不是潮州鮮蝦雲吞。淡口白色雲吞皮撞上極咸湯底,一淡一咸還好,菜肉雲吞味道唔錯,不過食唔出有肉。麻辣豬耳,激咸麻辣豬耳!咸到苦又唔辣,要浸湯洗一洗先免強入到口乍!豬皮黏黏好膠口,軟骨脆卜卜,但咸到死去活來! 繼續閱讀
(以上食評乃用戶個人意見 , 並不代表OpenRice之觀點。)