滇川雲南小鍋米線 (已結業)

呢間係出面望入去好黑，入到去啲燈好似無電咁款全場差不多滿座，咁心諗應該唔差order了雞肉酸辣米線 另加炭燒豬頸肉米線份量好多，湯好似唔夠咁，食食下變左撈面湯底味道一般，叫左小辣但唔辣豬頸肉以為要等一陣先有，點知好快就上枱無乜炭燒過既痕跡，而且無咩味道，唔香，似普通豬肉應該唔會再幫襯題外話，冷氣好大

呢間小店係上水駐足多年，住上水嘅朋友應該都聽過，未試過嘅就要試下啦！除咗譚仔，食米線又多個選擇酸辣米線&小鍋紅薯粉先揀個米線或者紅薯粉做麵底，然後再揀餸～個人最中意食雲呑墨演，不過今次嗌咗生菜吸晒啲湯都好惹味😆最中意呢到可以嗌多少走芽/青👍🏼無論米線定紅薯粉都一樣咁彈牙有口感！特別推介炭燒豬頸肉！次次嚟都一定食😋食物：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️(五⭐️為最高分數)

最鍾意原味湯底，辣當中有點甜，但系又唔會真系得甜味，好多米線d辣都系d辣粉味，呢個唔會，雖然好多時候都睇師傅手勢，好似d湯嘅濃度，辣度，牛腩的部位等等😂所以中辣最安全， 叫埋野飲差不多50，不算很便宜，但系份量都足，喜歡食辣可以一試，但系都唔好有太大的期望（因為波動真的大）時不時就會去幫襯，好多分店都倒閉了，希望呢間可以一直堅持下去吧！

我叫咗涼拌米線，上黎俾咗個熱嘅紅油米線俾我，又乾又油，可能呢個就係飲食界嘅最高境界。唔誇張，真係紅油加米線，難食到嘔。呢個價錢，食麥當勞都好過。環境又吾係乾淨，攞個垃圾袋包餐牌，見到都吾開胃

心血來潮想食紅薯粉，特登幫襯點左一碗湯紅薯粉配響鈴（走辣外賣）。返到屋企打開，只得紅薯粉及配料，冇響鈴。😡😡😡😡小食： 墨魚頭 ，個汁味道幾好，少少辣值得推介。

話說前晚同老婆去石湖墟搵野食，見到有間雲南米線咪入去試下，第一次試呢間店，點左個滇川小鍋米線同松花蛋兩個人食，差唔多食完個米線，我老婆發現到冇隻曱甴係湯底， 聽人講聽得多， 自己遇到都第一次，同老婆搵野食， 遇見 曱甴米線，仲要手指公咁大隻，入面內臟已經溶晒係湯，得番個曱甴殼，立即同職員投訴，佢話唔好意思，唔收我錢，叫廚房整多碗出黎，我話千其唔好，我已經好想嘔，事後同老婆去公廁扣喉 ，已經1823報食環，呢個回憶真係一生惡夢

最近口痕想食米線，係上水新祥街發現有間-滇川雲南小鍋米線，就入左去食午餐。而家食米線貴過食飯係真，食個兩餸米線加杯野飲都差唔多$50，真係唔平。我叫左酸辣米線，揀小辣，可配一款餸，揀左生菜，另外加一份炸醬，飲凍檸檬茶。哩度d米線都算大琬，湯夠多，米線份量唔算少，個酸辣湯底真係好正，又酸又辣，十分開胃，d炸醬就碎左d,但都好入味。凍檸檬茶好飲，大杯夠凍。

已經係度食過幾次喇 呢度既食物質素非常飄忽 好食既時候真係驚為天人咁美味 可以話係湯底又香又惹味 米線爽口又彈牙 令人未食完就諗起幾時再黎食過 但唔好食既時候真係會湯底又怪又過酸又唔熱 麵煮到稔晒 d餸超勁雪味 所以每次去食都好次賭博咁刺激 而餸方面選擇都幾多 響鈴 午餐肉 雞翼 雲吞 肥牛 同埋腩肉都係我經常嗌 比較推介既餸 而佢地既小窩麻辣紅薯粉都唔錯 比米線只係貴$2 算係幾抵食價錢方面米線算係幾底食 同出面其他米線舖比較算係平 但小食就比其他米線舖貴少少 不過就大份d 而服務方面就非常穩定 係穩定地差 好彩對我冇乜野 但次次都見到佢對其他客仔好晦氣 希望佢地改善下啦

大家好，今日小柔給大家介紹上水呢間小鍋米線叫滇川雲南小鍋米線🍜😂😂😂我地總共試左五款米線同食，分別係：1. 雞翼豬米線（酸辣）2.腩肉米線（酸辣）3.豬大腸墨魚丸米線（酸辣）4. 牛展米線（酸辣）5.響鈴火腿蟹柳鮑片米線（不辣）總括而言，碗碗都足料大大碗，味道好，酸辣都唔算太辣，鮑片果碗係真係鮑片架，好正好抵食啊，仲要係價錢都係30幾都40幾蚊碗，抵食到震啊問你死未所以全部滿分💯👍🏻👍🏻👍🏻👍🏻👍🏻小食方面係酥炸魷魚蘇，夠脆口仲有佢既墨魚嘴，好爽口超好味，送啤酒真係一流啊（不過我唔知米線店飲唔飲得酒，建議外賣都係好選擇）而且價錢又係好便好抵食，又係滿分💯👍🏻👍🏻👍🏻👍🏻👍🏻總括而言，平民價，好味，抵食👍🏻👍🏻👍🏻👍🏻👍🏻

將近離開香港一段時間，當然要食多啲地道美食，米線係其中一樣。小窩米線餐牌寫唔辣，但係姐姐問我要咩辣嘅時候，我有好順口答左要小辣。個人又好鍾意食酸味，所以餸菜方面選擇咗酸菜，炸醬同蘿蔔。點知上到枱嘅時候先發現有辣度嘅湯底已經有酸菜，有點好奇。米線都爽口彈牙，湯底好濃豬骨香，嗰隻酸辣嘅味道係好普通好常見嘅。湯底已經算鹹，加埋炸醬就仲鹹。蘿蔔都清甜淋身，至於碗酸菜，我都唔知叫黎做乜。朋友嘅撈米線，淡淡滷水香，有少少甜味同酸味，都係好普通嘅味道。墨魚頭白灼，冇乜鮮味仲有啲難咬。腩肉有少許肉香，唔算乾但有啲鞋。雞翼不錯，煮得唔會太爛。

夜晚想搵飽肚既宵夜，呢間米線就岩哂，收夜晚十一點，每次十點去到都仲會有啲人客，的確係上水居民既宵夜因物地方尚算坐得舒服，最緊要係有電視睇，有時夜左但又想追電視睇，一路食順便追埋電視講返食物質素，米線軟硬剛好，而家好入味，雖然價錢唔係特別平但係份量係非常足既，配菜既種類都好夠多，個人就比較推介滇川風味米線，配料多，一次滿足食慾又勝價比較高

前日夜晚經過。行左入去試下。。叫左小鍋米線。牛腩。豬大腸。小小辣。凍奶茶。菜肉餃。鴨臀。.....d野黎到一食。.米線變左中辣😓大腸唔好食。又少。。牛腩就不過不失。。果餃子就完全無味。。亦唔好食!!鴨臀一搬...不過整體黎講。甘嘅價錢算唔太貴...

於附近上班，已經不是每天叫外賣，但次次打親電話都無人聽，唔知真係以為好忙，有次打左15分鐘終於有人聽，點知又話唔夠人手唔送外賣，既然咁忙點解唔請多d人？唔新增多條電話線？一係就好似譚仔咁講明外賣自取，派得外賣紙比人又送唔到外賣，同呃人有咩分別？野食其實ok，但咁既營運系統，難怪只得3間分店！

早排聽過朋友介紹呢間米線店，當時我已經好想食，不過冇機會。今日去左上水嘅老人院探朋友媽咪，咁就試下按圖索驥，去一個我平時甚少立足之地。一坐低，我發覺周邊嘅食客以非本地人居多，我再望下個餐牌，「咦，咁熟口面嘅？」我估計我食過新蒲崗景福街果間米線店，係同一老闆開的。我今日lunch食左：酸辣米線（少辣，走芽菜）$24，另加兩餸（腩肉及炸醬）$7x2雖然我叫左少辣，但因為我叫果兩個餸都有辣嘅，所以成碗米線都紅卜卜，既酸且辣，好開胃。兩個餸黎講，腩肉薄薄地又索汁，炸醬就重口味左d，整體味道唔錯！埋單$38，可以再訪！

Lunch 不太肚餓，求其食個麵去咗滇川雲南小鍋米粉，呢度冇乜服務，價錢平民化，食物水準不過不失，其實可以做得更好，不求改變亦好難與別家競爭，起碼不是我杯茶。小鍋麻辣紅薯粉加豬紅，紅薯粉是一個健康之選，酸辣紅薯粉的粉絲不夠彈牙及太過較身，成碗粉真的麻麻，不過湯底中少辣口味麻辣酸爽、濃香開胃，輔料有 少許香菜，小蔥，大蒜，生抽，醋，花椒粉，花椒油，辣椒油，麻辣燙調料，油酥黃生米，油酥黃豆，榨菜⋯⋯豬血彈牙不易碎，一整碗份量不少