滄浪亭

營業中

休息中

幾年前紅磡成日食呢間餐廳，最近先知道原來美孚有分店，因為紅磡嗰間裝修比較新式，完全唔知到美孚呢間係老字號！餐廳內得3張細枱，獨自一人嘅晚餐基本上一定要搭枱㗎喇，當日落雨餐廳唔大係有啲狼狽，不過為左美食可以忍！知道嫩雞燴麵好好味，但無咩胃口食唔到咁奶嘅湯底，最後叫左糖醋排骨麵，酸酸甜甜開胃啲，排骨炸過非常脆口，熱辣辣上枱，而且份量好多，$62真係超值！叫左少麵都好夠食，喺呢個落雨嘅夜晚好滿足，見到對面搭枱嘅朋友食大排麵都好吸引，下次都想食！

為食貓之前係美孚做野，差唔多食暈晒成個美孚d餐廳但只有滄浪亭令我食過返尋味🤭覺得一定要推介比其他人試試😋環境滄浪亭係美孚新邨入面，唔係住個邊既都應該唔會特登去😉餐廳雖然細細間，但係晏就時段非常多人，所以為食貓唯有叫外賣必推食物嫩雞煨麵 （5/5）（$52）為食貓係香港好少食到平價既上海麵😝更從來無食過嫩雞煨麵😂而呢碗麵真係不得之了首先，佢個湯底好鮮甜，有淡淡既奶味同雞味♥️另外，入面又有唔少雞肉同菜，好足料，感覺上好健康而比起食飯，食湯麵更加可以順便飲埋d湯👍🏾超正為食貓同朋友重叫左大排麵（2/5）（$55），不過就唔太推介雖然豬排炸得好香脆，但好乾身，無咩味道，至於個麵亦無咩味，同埋個麵單獨食顯得好淋大家如果想食到d性價比高既上海麵，記得早少少去咁就唔駛排隊啦

📍 滄浪亭 (美孚)美孚美孚新邨第二期平台65號舖平民上海菜館美食老店，亦係我會回頭既小店🌟🌟滄浪亭店舖只有數張枱，座位唔多，會有啲迫但食物質素足以令我回頭。👉 嫩雞煨麵💰52😋😋😋😋/5雪白湯底有淡淡奶香，用咗雞、奶同金華火腿，配料有好多小棠菜同嫩滑嘅雞肉，再加麵軟度剛好，麵條好掛湯，同湯底完美結合，份量極多，但因為好食我默默咁食囇🥹🥹👉 大排💰35😋😋😋😋/5炸豬係即叫即炸🤩🤩，製作需時。豬扒炸衣比較薄，十分酥脆，食落去啖啖肉🤩👍🏻👍🏻百葉包💰23😋😋😋😋/5因為我好奇係乜所以叫黎試試，有幾舊豆卜，另外有二條豆皮包住啲肉，好似鮮竹卷咁。回頭: yes ，咁多年都屹立不倒係有佢原因既！好食同抵食🫡🫡Ig: kermitfitfit#kermit食在美孚

美孚｜滄浪亭上次嚟摸門釘，今次趕得切✌🏻大家記得想嚟要早少少，呢度晏就3點就休息㗎喇～坐位唔係好多，但擺設佈局幾懷舊。老闆臨收工前十幾分鐘都比我堂食，好有人情味🥰————————————————————————⚜️嫩雞煨麵 ✅ $52招牌🤓聞到勁濃郁嘅cream味，個湯用咗雞、金華火腿同奶一齊熬成，十分香濃，帶點甜😋有好多小棠菜同雞髀肉做配菜，雞肉好入味🤤🤤🤤麵條偏硬同偏幼，大大碗麵，同個湯好夾，食完唔會好濟👍🏻👍🏻免費：茉莉茶一杯❤️🔺無加一服務費整體而言▪️味道 4.3 / 5▪️環境 3.5 / 5▪️抵食 5 / 5

今次想介紹平民美食 呢一間位於美孚嘅老店 係一間上海菜館 今次只係食咗佢嘅招牌菜下次會encore再去🤣🤣🍜嫩雞煨麵$50首先佢份量好大碗 好濃郁嘅湯底係由雞 金華火腿 奶 熬製而成。飲落去一啲都唔油膩 ，麵條勁掛湯，係一碗好高質素嘅上海麵。如果大家唔介意環境一般嘅話 非常推薦大家去試吓聽講其他小食都係好好味🤣🥢滄浪亭地址： 美孚美孚新邨第二期平台65號鋪#香港美食 #香港 #美孚美食 #hkfoodie #hkfood #jafoodaily #meifoo

美孚的滄浪亭係疫情之下返唔到上海嘅我最思念嘅地方，一到週末就會想去食喇！作為一個地道上海人 我絕對可以講話呢間嘅上海麵係全香港最好味，性價比最高的上海麵！必食推介1.大排麵 52HKD排骨好大塊，粉漿唔會太厚，係帶骨豬扒醃得鹹淡適中 厚度都係岩岩好完全唔會有油膩感覺 加上豉油湯底的正宗上海麵，絕對係會一試就愛上💕2.雪菜麵 48HKD試過幾款麵之後，雪菜麵成為我的最終必食麵食！略帶甜味的雪菜真係好好味呀 通常我會分少少俾老公 然後偷佢D豬扒食雪菜好多，一食就知係精心處理過 完全唔會超級鹹。雖然無肉絲，但都會有鮮味！食素都啱👍3.菜肉餛飩 追加餛飩24HKD 4隻菜肉雲吞應該係小棠菜豬肉餡，肉唔會肥，鹹甜適中，包得都好靚，上海的代表其實好想單獨嗌餛飩一份 但又好想食麵 所以真係無辦法取捨 好希望自己有多兩個胃！4.醉貴妃 29HKD 2隻最容易俾人忽略的美味小食最近幾次食先留意到佢，但食咗就會愛上 搞到我無位再食豆沙春卷雞翼比普通size大，酒味唔會太重，但都非常夠醉了，對於唔飲酒的我嚟講係啱啱好！要食呢間的朋友仔要留意的就係1.舗頭細，要等位 大概10-15分鐘度2. 11點30先開門

美孚都無乜好食😂唯獨是滄浪亭👏🏻真係會去完又去嘅一間小小麵店🥰鋪頭唔大，所以一般都要等位先食到，大概15到30分鐘左右。有好多款食物配搭上海麵嫁！大排麵($52)姐係炸豬扒麵🐷碗麵除左個碗好大之外，啲麵都真係好多嫁同埋湯底夠濃🤩絕對夠食嘅😂個炸豬扒薄薄地炸到好香脆，好好食嫩雞燴麵($52)碗麵🍜又係勁大兜同埋勁多雞肉🐓同白菜碎🥬，奶白色嘅雞湯個味道幾濃，雞肉好嫩無煮到鞋颯颯，啲麵重有小小彈牙，唔係淋啤啤咁👏🏻推薦？🟡🟡🟡🟡🟡雖然加咗兩蚊價，但係都重好抵食！性價比極高👍🏻

我們經常光顧的食店，兩三個禮拜前發覺新來的樓面阿叔，戰戰兢兢近乎拾下拾的，相信是轉業人士。街坊小店不會有什麼要求，最著重是她的出品。昨晚晏咗收工，兩公婆諗住去外賣兩碗麪食作晚餐，卻給店員的態度氣得一肚火，相信阿叔已熟習了樓面工作吧，好好學唔學......。時近八點店內衹三個客人，我在店內下了單給了錢準備坐下時，店員粗聲粗氣說“外賣要在外面等”，我說“好快啫我就在這坐一會”，心想你的客人又不多，他說“唔得外賣一家要在外面等，地方淺窄”，我唔開心說“我進來已量過體溫掃了安心出行點解....”，我未說完就被他打斷堅持要我出去在門口等。我說“就在這裡等咁你賣唔賣吖？”，他比我更不客氣的說“你唔買就比番錢”，隨即將126放在櫃面。態度另人無法接受。永不幫襯。😠

服務態度差，跟進訂單方面更差，完全混亂。不會再光顧。我們是親身前去下單外賣自取，對方途中則問我們是否“電話”下單自取那個，我們一邊等了半小時，最後弄清那單屬我們後，還推諉說一直有問我們，總之是我們錯令我們在等。到我們強硬表示我們一直都有說-我們是親自下單外賣自取，對方只是趕忙把外賣塞給我們，根本沒有核對是不是屬於我們的訂單。給予的印象實在只有一個字，差。

因為工作關係，👦🏻需要四圍出去做野，當然亦都係一個周圍發掘好野食既機會啦😋。滄浪亭係一間正宗既上海餐館，地點亦都好方便，之前其實都同👧🏻食過，今次就黎美孚食翻佢既香蘇大排麵🍜。🌟香蘇大排麵🍜（$50）佢個炸豬扒為左保持口感，所以都係即叫即炸，製作需時。豬扒炸衣比較薄，所以食落去啖啖肉，十分酥脆👍👍。而湯底今次唔算好濃，e個有小小扣分位。（每碗麵都係大大碗，岩哂大胃王食，細食既可以兩個人share一碗）

滄浪亭，幾十年老店，是美孚這片美食沙漠少有的美食。畢竟，美孚新村有很多上海人聚居，上海菜還有一定水準。嫩雞煨麵(9/10)：吃過最好的嫩雞煨麵，沒有之一。雞湯呈奶白色，口感濃郁，配合雞肉和白菜絲，啖啖鮮濃美味。雲吞、黃芽白水餃(8.5/10)：餃皮有嚼勁，黃芽白菜切得十分幼細。餃子比雲吞略好。燻魚(7.5/10)：味濃，撈飯配麵一流，但略薄、乾身。———————————————————————————⭕️總評：上海菜小館，嫩雞煨麵top class，雲吞水餃炸排骨都好食。地方淺窄但風味佳，價錢親民。💵Budget: $80-100 pp (dinner)📍 滄浪亭 (美孚)美孚美孚新邨第二期平台65號舖

📍美孚 滄浪亭難得去到美孚就搵下有咩好食，見到呢間都幾出名就揀咗佢。𓇠 嫩雞煨麵 $50 𓇠呢碗係招牌，十個客有八個都會叫👀碗麵好大碗！湯底呈奶白色，用咗雞、奶同金華火腿熬煮而成🍲而且有好多小棠菜同嫩滑嘅雞肉，係一個健康嘅配搭🥬麵條幼身偏淋，我本身鍾意硬身彈牙啲嘅麵，但呢碗我都鍾意，因為麵條好掛湯，同湯底完美融合👍🏻🤩𓇠 糖醋排骨麵 $59 𓇠糖醋排骨同麵分開上，有十幾塊，好足料！排骨聞落好香醋味，但食落唔會太酸或太甜，調味岩岩好。而且佢係一口size方便進食，排骨即叫即炸，炸衣夠薄，口感酥脆。可惜湯底偏淡，如果再濃啲就完美😕PS 小店得四張枱，所以唔想等位就要早啲幫襯，平日1:10食完開始有人龍。🔺味道：4/5🔹服務：3.5/5🔸環境：3.5/5

今日專登來到美孚，就係為咗食「滄浪亭」，真係好掛住佢既野食，超好味架😚😚由於店內位置有限，基本上，我相信美孚人肯定對佢唔陌生，所以理所當然好多人食啦，咁我哋要排隊嘅，咁排咗大概半個鐘，就可以入座♥️咁我梗係即刻叫我最鍾意最掛念嘅嫩雞煨麵食+炸雞扒嫩雞煨麵：超級大碗，白色香滑的濃湯，雞肉好嫩，面煮得剛剛好，配合得天衣無縫。😋😋脆香雞：真係我食雞，呢隻雞真係冇得頂，超香啦，完全不油，同埋乾身得來，口感一流🥳超級滿足，好開心🤩🤩🤩 超飽非常推介大家來食！埋單：$240

今次黎到美孚食個上海菜～聽聞係隱世小店黎 都真係幾隱既角落啲人話紅磡個間仲好食 下次真係要朝聖先因為依間我已經覺得好正🥳🧚🏻‍♀️醉貴妃 $26就係兩隻醉雞亦 好入味但就覺得好難咬 可能雪啲時間長啲就難咬啲但唔影響味道評分：7/10🧚🏻‍♀️大排 $33依個都唔錯 份量夠哂大咬落都夠肉汁又夠淋但味道上就比較單調啲如果下次會試糖醋排骨！評分：7/10🧚🏻‍♀️水餃雲吞雙拼麵 $46湯夠濃 雲吞水餃個菜味勁出佢係啲菜絲都斬得勁碎勁細但又出到啲味好大陣有啲新奇係佢都有加左啲薑絲 夾落去又唔錯評分：7/10🧚🏻‍♀️嫩雞煨麵個人認為依個真心出色～老實講第一啖唔知點解勁重奶味😂但食食下就食到雞香味加上啲肉夠滑 而且佢份量真係好足正！友人聲稱第二日已經想再返去食評分：8.5/10依間都係唔錯既上海菜～網上比較多評語話紅磡個間比較好雖然我未試過 但依間都好出色了

滄浪亭一路係我覺得非常正宗既上海菜 無論係小食同麵食 係外面都搵唔到呢個味道。雖然店舖只有清一色麵食，但都有林林總總既配搭。今次就簡左必點既嫩雞煨麵。份量大，用料非常充足，湯底充滿住奶油香，食到停唔到口，好獨特既煮法，出面真係食唔到。👍🏻友人就想食清d,選左油豆腐粉絲湯，聽落好清淡既菜色，但係絕對唔簡單。湯頭係清甜既中式醬油味，豆卜畫龍點睛吸收曬湯既清甜，腐皮卷亦都好滑好厚實，唔係平時食到既煮法。😋雖然好飽，但都忍唔住叫左一碟小食炆青菜，上海既煮法，食落唔係爽口，而係忟到入曬味既小唐菜，可能會有少少油，但味道一流，平時食炒菜食到悶，忟菜確係別有一番風味價錢合理，份量大，全場只有4張枱，十零個座位，建議大家早少少黎避開人潮