更多
2022-06-13
281 瀏覽
幾年前紅磡成日食呢間餐廳,最近先知道原來美孚有分店,因為紅磡嗰間裝修比較新式,完全唔知到美孚呢間係老字號!餐廳內得3張細枱,獨自一人嘅晚餐基本上一定要搭枱㗎喇,當日落雨餐廳唔大係有啲狼狽,不過為左美食可以忍!知道嫩雞燴麵好好味,但無咩胃口食唔到咁奶嘅湯底,最後叫左糖醋排骨麵,酸酸甜甜開胃啲,排骨炸過非常脆口,熱辣辣上枱,而且份量好多,$62真係超值!叫左少麵都好夠食,喺呢個落雨嘅夜晚好滿足,見到對面搭枱嘅朋友食大排麵都好吸引,下次都想食!
張貼