影片
招牌菜
呢間茶餐廳人哋話好味！今日來試下！普通茶餐廳格局！不過略迫及殘舊！叫咗：羅宋湯意粉--微辣，湯底好濃！有好多蔬菜！唔會煲到爛！意粉唔會淋晒！有少少咬口！good!紅腸薯餅方包--紅腸煎得香脆，斜切好大塊！成塊扒咁！夾麵包食一流！薯餅炸得香脆但唔乾！正！熱檸水--味道正常除了食物！服務都值得讚！侍應姐姐會幫客人睇住有無人抄牌！仲好細心提我熱飲可以轉瓦杯！因為平時保溫鋼杯存熱好！趕時間可以轉瓦杯方便快啲飲！早餐大大份都只係$25弓！而家香港都好難搵！
繼續閱讀
經常在 聯和墟 出沒的我又經常係呢度食 早餐/午餐都冇咩機會寫返個食評或許食開呢個 餐..可能太悶關係吧每次都係 回鍋肉 螺絲粉配 餐肉薯餅 飲凍檸茶雖然回鍋肉食落去似自家制本色但係只在乎 薯餅 同埋杯凍檸茶因為真係沖得好飲呢度既凍奶茶又係沖到好好飲薯餅 好味過 老麥既雖然而家要 22蚊了..聯和墟 食20蚊早餐大把好選擇但至終有d 情意結呢
繼續閱讀
早餐喱間茶餐廳好多人食螺絲粉，但今次我就食鮑片冬菇麵，再加餐肉及薯餅。講真，唔係有咁多地方係早餐可以食到薯餅(除鰦 M記)，喱度鱓 份量真係好勁，我次次都食唔晒，味道都唔錯。環境都算幾好，又經濟實惠，lunch都唔錯，約$26一個lunch，包一杯飲品。
繼續閱讀