源記車仔麵

營業中

休息中

有一排冇食車仔麵今日心血來潮就走去食個晏啦叫左鹹酸菜炒腩肉加漢堡扒加炸帶子米粉再加多個炸燒賣炸燒賣次次黎都會叫 係必食另外佢個秘制沙嗲撈都好好食但係唔記得影相係重口味既選擇如果想試下新野可以考慮下

首先利申本人好少堂食車仔麵，所以對車仔麵可能同大眾嘅預期有啲出入。今日因為趕時間，就入左黎食。知道自己響屋村區，都預左啲裝修殘同多雜物。叫左個腩汁+娃娃菜+魚肉春卷+牛腩幼麵。個麵黎到...嗰舊咩黎？！魚肉春卷個樣咁黑嘅？！（影相好好多）好似炸左好多萬次或者已經壞左？真心驚左一嘢。拿起隻膠匙羹，濕，都好污糟下，好多積，真係好環保，應該用左好多年...個碗邊又有幾小塊黑色嘢痴住，唔知咩黎。去到呢個位，忍唔住要撩下個麵，睇下會唔會有啲唔應該有嘅嘢響裏面。好彩冇。其實個麵都無乜問題，菜都ok，牛腩就...都有幾粒。總之就係覺得自己食緊食神車仔麵。最終都過唔到心理關口，一啖都無食到條春卷。驚～ ~完～

這間車仔麵我之前其實都試過一次。那時的印象麻麻。唔係因為佢地的食料，係因為佢地的食具和用餐地方。它們的筷子是用圓身又滑身的鐵筷子。因為圓身和滑夾東西很唔方便。還有它們的用餐地方。放滿很多東西，例如：落單紙、飲品、食材⋯⋯地方已經唔大。還要和這些東西一起爭位。所以我之後都沒有光顧。但最近再到柴灣多了很多新食店。價錢都幾級跳咗。突然想起這間車仔麵店，所以想再去試一試。今次筷子問題依然存在。但發覺車仔麵竟然無咩加價。$27兩個餸都真係算幾抵。還會有櫻花蝦都幾特別。位置依然被很多貨物📦頂住。冷氣依然唔太舊。但我飲杯可樂就好很多。可樂價錢正常。今餐$33都算食到個快麵。如果趕時間想食平價麵係一個好選擇。但只限於車仔麵，因為其他小食價錢唔係太抵。如果外賣自取就更加方便。因為可以先打電話預約拎走。

長期都坐滿人既街坊車仔麵，今日終於可以試下。今日叫左三餸，仲同朋友交換左d餸黎試。首先講下個湯底，我叫左最多人叫既辣汁，味道都幾濃下，仲有好多蝦米仔另個湯惹味不少。我最欣賞佢每一款餸份量都好多，起碼有4-5舊。講下佢雞翼同大腸，味道係一樣，同樣滷到入哂味👍🏻👍🏻👍🏻菜肉餃好大隻，不過就略嫌個皮厚左啲。蘿蔔係好大舊，好清甜😋呢間性價比高，身為街坊既我，一定會再幫襯

柴灣附近冇乜車仔麵食 🤩🤩🤩🤩但呢間亦係唯一一間幾得 集合左平靚正既鋪頭☺️呢間附近都幾多其他食肆 🥺🥺但源記一到lunch time就好多人排隊 究竟係點？等我試試咩料先😏😏😏鹵水雞翼 腩肉 豬大腸 🤩🤩😛😜😝每次食車仔麵都會叫既送 雞翼夠鹵水味 🤤一咬出汁 大大舊 好Juicyyy 🤗😯豬大腸偏細舊 但都幾爽口 好味👨‍🍳三個送加埋底都係38蚊 係柴灣來講算係抵啦🥳住柴灣既朋友真係有富啦xdddd

放假懶洋洋起身唔想煮飯，就去咗屋企附近嘅車仔麵。車仔麵餸的選擇很多，而且價錢亦不貴，所以係平有平食，貴有貴食，車仔麵真係一個豐儉由人嘅好選擇。我叫咗四餸：蘿蔔，炸燒賣，牛腩，韭菜餃配河粉，再加一罐可樂，價錢才是$42！這間店的自家製辣醬非常好味，而且他的湯底配上炸的小蝦米，所以湯底跟平時食嘅車仔麵有所不同，令到整個車仔麵的味道很特別，很好吃，所以很多食客都是老熟客👍🏻另外炸燒賣係必食之一，炸到外脆內軟，好味到有時我會叫一碟小食炸燒賣來吃👍🏻

今日叫左碗車仔麵，咖喱湯底，好似水溝咖喱粉咁😩😩(正常既，咖哩湯嘛🤦🏻‍♂️🤦🏻‍♂️唔係水溝咖喱粉，唔通溝咩呢🤷🏻‍♂️🤷🏻‍♂️)完‼️

有時很趕急要吃一餐的話，車仔麵好像是不錯的選擇？這家開在柴灣道角落位的車仔麵店常常在搭巴士回家的路上看到，這天終於有機會來吃吃看！想吃什麼就自己劃紙再給店員。座位不算太多，如果坐滿人的話會頗迫我點了 - 自選二餸車仔麵 ($26)有魚腐和秘制豬紅～魚腐沒有很腥，所以還好。但相較之下豬紅比較惹味，而且份算也算多吧湯底選腩汁也是滿惹味，不過特別的是這湯還加了蝦和蔥～不喜歡的話劃單時可以走掉。麵底選擇除了麵外，也有米線、紅薯粉等，或者加錢可以轉烏冬！我的是幼麵，煮得偏硬身點～最後還加了豆漿 ($8)

第一次係大少👦🏻帶我黎食，之後再去柴灣都要食番呢間車仔麵😆😆車仔麵既餸有好多選擇，3餸車仔麵只係$31，最特別係佢個湯底，除左可以揀腩汁/咖喱汁/麻辣汁/清湯，而且仲有啲小蝦乾提鮮，有別其他車仔麵店😆😆3餸車仔麵 $31湯底幾香，河粉食落順滑～　豬頸肉同雞翼都唔錯，夠晒入味❤️不過食完會有d口渴~3餸車仔麵 $31朋友幾中意食個豬紅~點菜紙不過就座得有ｄ逼，食完就要走～～📸源記車仔麵地址：柴灣柴灣道345號10號舖

叫外賣等咗半個鐘有多，問佢有咪就發脾氣仲鬧我「啱啱叫咗好耐喇」我就企起門口隔離點解聽唔到你叫？個外賣兜又廢，啲湯漏曬落袋剩翻五份一湯起個兜到啲餸係得雞翼同蘿蔔食得落口豬頸肉碎濕濕白烚豬肉絲咁款牛腩過老又無柱候香味湯就滾水溝辣醬咁啲米線淋到一pat叫五餸俾得4餸我，收我$39蚊唔俾全料柴灣最廢食肆咁嘅鋪頭食店真係不可長大家行過都唔好食，廢時俾錢受人氣服務態度差人手分配不足食物質素低管理不善唔知點解可以起柴灣做咁耐

剛才買外賣，我買了淨送菜底+籮白+豬紅+牛腩+豬腸+冬菇。打開後發現又執錯隻鹵蛋、少了豬紅。其實唔係第一次發生的，一次半次都可以體諒；次次都是外賣自取發生的，當時3點左右人流亦不多，忙中有錯完全不成立。唔老實的店舖，食物味道幾好都無用，何況味道只是一般，可以列入黑名單。

聽聞有食客會山長水遠到柴灣食源記車仔麵，今日經過就試試。平時食車仔麵都會叫多辣，務求食到重口味+口渴。今日唔太舒服想食清淡d。叫左蘿蔔，蝦春卷，薯粉+2蚊，小辣。埋單26蚊，街坊價。蝦春卷應該係炸完再淥返熱，可想像到係點。因為叫個湯底係清，又冇咩辣，成碗麵個味都唔係太出。其中秘製辣醬有點似老干媽。值得提及嘅係湯底加了小蝦干，有別於其他車仔麵。如果下次再來，會再試下重口味d。

兩人叫左兩個三送車仔面$30@+可樂一罐$6+通菜一碟$12幼麵過淋、😊豬紅+豬皮+大腸都幾好！粗麵適中、😊貢丸+豬潤+牛腩都唔差！麻辣汁好勁，好正！因為鋪頭細細，快食快走！👏🏻冷氣夠，唔洗食到身水身汗！😅下次再黎！

身為荃灣友，就用米芝蓮推介的荃灣榮安做個比較，而柴灣源記有過之而無不及同事推薦嘅餐廳。星期五晚八點半，甚是爆場，一排面壁站加中間四人枱，堂食約坐到10個客左右。落外賣嘅電話響過不停，一直有客在店外等外賣。冷氣勁大風，吹到個頭有啲痛。雖然得一個姐姐做樓面，又忙到hihi, 但服務還不錯。落完單都要等5分鐘左右先上菜，唔似一般車仔麵店夾夾夾即叫即有。叫咗三餸，豬頸肉、鹵水雞翼同齋，河粉底小辣汁，$30。份量超多，豬頸肉看來是招牌菜，因為在餐牌上只有豬頸肉有加「回味」呢個形容詞，的確幾令人回味，脆邊惹味，肉嫰香口。齋也有三大嚿，吸湯一流。雞翼非常淋身入味，阿婆無牙都食到。招牌辣汁其實係一pat極濃沙爹醬嘅質地，要攪均落個湯度，雖然係小辣，但我已經流哂鼻水，好在呢度有免費紙巾供應。最特色係個湯有啲細細蝦乾仔，第一眼仲以為係炸蒜，為個湯帶嚟獨得的咸香鮮味。

我想食車仔麵呢間源記開左好耐都未食過 聽好多柴灣街坊講唔錯真心真係的起心肝好食下其實都幾平 4餸34蚊今次叫左豬紅，豬大腸，魷魚翼同炸魚皮小辣都已經好香，我食開辣野覺得可以再辣dd 有少許蔥同蝦皮俾你放埋落湯到令到個湯底好好味 咸香味好正豬紅好有味，魷魚翼唔係水魷又唔un 炸魚皮一浸落湯到渣渣聲 好夠脆不過豬腸就出晒事，太多肥膏仲肥過我條腸，有陣豬腸臭味 會再黎 但唔會再叫豬腸btw 鋪頭太細 坐得唔太舒服 唔怪之得好多人叫外賣