源記粉麵 (已結業)

食過最難食沒有之一既早餐，沙爹牛麵，火腿通都可以難食！可想而知。服務態度勁差，其實我朝早外賣都無需咩服務，但成個過程，兩句對答都可以令我唔舒服。我話外賣，佢個對答勁衰，簡單一句食咩都好正常，我照落單，跟住個餐都快。我話坐低等，都勁鄙視我。最好唯一好既係我用銀仔唱錢，佢換左兩張二十比我。但都係勁唔老脾，攞張十蚊我比張廿蚊你。

前幾日夜晚，同朋友去尖沙咀，半夜一點幾好肚餓，周圍揾野食，見雲南米線多人，同埋食過吾好食，去左隔離間源記，空氣吾好就梗系帶住口罩入去，入到去已經聽到有人叫常餐，有人態度吾好甘答都話左得牛雜牛筋，得米線。跟佢佢吾食走人。甘我地叫牛筋米線，問有冇凍飲，佢話得熱飲。米線來到，米線好硬好似未煮熟甘，不過算數好肚餓費事叫佢再煮過, 一陣加料仲衰。食既途中又系有幾個後生仔入來,話得牛雜米線, 跟住走人唔食。同埋個伙記成日自言自語, 又陰陰咀笑。跟住奇怪事發生, 有三四個著橙背心既人入來, 恕我唔知系記者定教會人士, 入到來就話有牛腩, 雲吞面, 仲有凍檸茶。我同個fd 聽到, 覺得古怪。埋單時問老板 "乜有牛腩咩?" 佢就話咩 " 岩岩咩系咩 上面攞落來" 跟住我地走左越諗越怪, 甘你既冰呢? 可以系半個鐘內變冰? 雲吞呢？突然包好？定突然解凍？

同朋友飲完嘢 無食晚飯諗住求其食碗麵啦！ 近近哋又叫做源記, 應該唔死得人坐低就叫咗牛肚牛筋米粉多蔥 noodles 冇叫嘢飲 🙅好快就嚟咗喇! 我叫多沖佢就正常畀一次跟我叫佢再畀多啲衝我個侍應就黑口黑面唔通啲蔥真係咁貴??? 唔緊要啦然後就開始食牛筋係好韌嘅! 一般嚟講呢啲牛雜嘅嘢應該炆咗好耐，好淋好入味。唔明白點解佢係銀韌嘅！而且個湯味道係咸道腎炎 好地地一碗粉好簡單都可以做得咁差...服務態度真係有待改進唔明白點解佢可以做咁耐?究竟佢同其他源記有什麼關係呢?

又係一個人係屋企，偷懶唔煮飯嘅時候，走咗落街求其食碗麵算唸起附近有間源記咁就近近地去咗果度！是日九點來到，店內幾乎爆滿！沒有卡位坐！只有坐圓凳，坐細檯！一點也不會覺得不舒服叫咗個牛腩麵，牛腩份量都幾多。多數全瘦肉的腩件，塔幾舊肥膏瘦肉的部分咬下又感覺是出奇的淋及入味配上這一個濃得很湯底，更加之惹味。麵有些鹼水味...麵質爽口，而麵索哂啲腩汁！倘若唔係重味的話（太多味精）的確是幾好味！四十元連一杯熱飲在尖沙咀來說算是低食！

我住的那區也有源記，卻走到尖沙咀來吃。寫到明招牌菜是牛潮式牛腩牛雜，要一次滿足三個願望，於是點了牛三寶，有齊牛腩、牛根、金錢肚。滷水汁色澤明亮，牛腩冧滑重牛味，牛根入味念口，金錢肚爽度適中，吸汁一流。辣椒油也很夠香辣，整體非常不錯。

湯麵 嘢飲要單叫唔跟餐 menu 又唔寫清楚 34蚊嘅麵 埋單55 涷奶茶收21蚊 認真黑人問號 杯奶茶珍珠都無粒 都無天仁好飲收我21 真伏 大伏特伏 唔會再去第二次 個麵都開唔係好岀色

今日晚上 在尖沙咀行完街 咁啱經過這一家粉麵店 就當我和朋友兩個人去食 我一開始叫了一個 油雞飯 我朋友就叫了一個 撈麵 啲服務員嘅態度 完全冇禮貌 都算啦 個飯一嚟到 我完全分唔到啲飯係飯定係粥 完全爛到食唔到 而我朋友嗰個撈麵 吉列豬扒又冇 都算個撈麵一嚟 個面就好似就咁烚嘅 在喺個面旁邊加一些xo醬 然後過雞扒 硬都拗到拗唔到 另外嗰餐飲凍檸茶 完全冇茶味同檸檬味 熱朱古力又有異味 雖然在這區食物貴是正常 但是都希望一分錢一分貨 我知道茶餐廳的食物質素唔會去到好高級 但係我只係想得求個溫飽 然後回家 可以去放鬆 但係估到估唔到佢嬲到依家打呢篇文出嚟

其實我覺得佢d 牛腩幾好食 所以再嚟食 二話不說叫左牛腩河 同之前一樣 味道清 食到五香味 牛腩有肥瘦 有牛味 不過有一兩舊就太肥了牛腩都夠多 不過河粉少左d 份量唔係好夠 同埋蔥可以多d一碗麵 無野飲 四十幾蚊就唔係幾抵

琴晚做完gym 未食飯 附近揾間茶記食 因為夜 都無乜選擇 於是再次食源記 上次食筋肚麵 無乜特別 今次食五香牛腩飯 果然係自己推介但要唔怕肥 牛腩好似叉燒咁 半肥瘦 好香牛味 瘦既位都好冧 而且份量夠除左香肉味 佢個五香汁都不錯 食到花椒八角既味 之後仲叫左碟菜芯 都好冧好綠 不過見其他燒味就嘛嘛地

本身諗住去隔望飲野，點知我同朋友都未食飯，所以就行入呢間餐廳。入去粉麵有一位員工，樓面有一位員工，冇人招呼，水都冇杯。朋友行出去同侍應講要切雞飯餐，侍應話冇，得脾，要唔要。我朋友叫完拎張單返黎比我發現佢個餐要成60幾蚊，野飲又加十幾蚊。。。朋友再出去問，佢先講脾要加廿蚊，冇餐，野飲另計我朋友無奈接受朋友點既油脾飯，味道同普通燒味飯一樣，沒有甚麼特別，所以更覺不值。而我點左炸雞亦XO醬撈公仔麵，雞亦剛炸好，但好深色，不排除翻炸左。而麵既份量頗多，近乎有1.5-2個麵，所以宵夜時段食左呢個撈公仔麵真係好邪惡既事。。。隨餐附送既奶茶都係一普茶記水準，可接受。

食得多外國野都想地道點，尖沙咀源記的常餐還不錯，一個大公仔麵加炒蛋，炸雞扒，同多士加多杯熱菜蜜已經十分飽。公他麵多到其實食唔哂，雞扒炸得好脆口，鎖住了入邊汁；蛋就比較少，無咩特別，多士有一層好厚的牛油，睇到都流口水。食物唔算得好上等，但勝在有常餐供應，夠地道

卡卡醬想食茶餐廳嘅食物，附近之源記最近，點了下午茶餐($40)，沙爹牛肉麵，火腿奄列，牛油多士，凍檸茶(加$3)，牛肉不太韌，麵又不會太腍，有塊生菜，算OK；多士雖然幾燶，但又幾香口，牛油夠多，夠邪惡，火腿奄列也算合格，仍有蛋汁在內。而飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，今次呢杯飲料唔夠味，失敗！

唱完通宵崎搵早餐食啦,見源記其實都好出名,就入去食啦其實佢係咪出名-難食呢?佢冇早餐牌,,OK啦,咁都有粉面,咁叫左好似早餐的野餐肉煎雙蛋通粉餐肉有味道不討好,唔太想擺入口.,雞蛋都尚算煎得可以,個黃仲係KEEP到流心的個通粉無味,個湯底都冇味,似係比病人食的,完全冇調味似的咁因為冇餐,飲品要另叫,咁唔抵,所以飲水算了

牛腩好入味, 牛腩分量都幾多但麵既分量就唔夠啦, 湯又香又濃。味精應該是有下的﹐但味道好 不過價錢只係$25, 十分抵食, 但服務就麻麻地啦, 不過茶餐廳唔要求得咁多家啦....

雞翼即叫即炸，外表香脆，雞肉亦頗為入味，唯雞翼只是中小型尺吋，不是大大隻抵食夾大件那種。沙律只吃到薯仔和紅蘿蔔，雜果也沒多少。一份下午茶的雞翼沙律，只能算中規中矩。反而上個月在這裡吃過的牛腩米粉頗不錯。