22
4
0
港鐵佐敦站 A 出口, 步行約7分鐘 繼續閱讀
電話號碼
2711 1311
附加資料
私房菜要至少四位起才可預訂,並需一日前預訂。
營業時間
星期二至日: 11:30-22:00 星期一休息
付款方式
現金
座位數目
30
其他資料
自帶酒水
泊車 詳細介紹
外賣服務
加一服務費
電視播放
招牌菜
明爐古井燒鵝 秘製家傳豬手 黃金貴妃雞 源興咖喱羊腩 蜜汁燒鰻魚 鎮店叉燒皇
食評 (28)
等級1 2016-05-15
5012 瀏覽
之前食過夜晚的私房菜,需預先訂餸,發現最愛都是他的燒味,所以近幾次都是食午飯,因為他的碟頭燒味飯,都好有誠意又大份。午餐除了燒味,也有其他碟頭飯,發現最多人叫便是蒸魚,應該不錯,只需$35 還有例湯!今日我們如常叫了叉鴨飯,這𥚃的燒味全是自家燒,肉質新鮮不老,燒的火喉也控制得很好,叉燒的蜜糖味也是剛剛好!今天有幸試到頭抽滷鴿,值得一試,我們認為可以再入味些,但這𥚃的菜不會太濃味,很健康。我們次次都會帶走半隻燒鵝回家慢慢享受。 繼續閱讀
(以上食評乃用戶個人意見 , 並不代表OpenRice之觀點。)
去源興食了幾次飯,每次都叫燒味。叉燒一般來説不會失望。燒鵝皮脆油香,但唔知甚麼品種,肉味略欠。燒鱔及糯米雞翼唔錯都是下酒好菜。豬肺湯更是我鐘愛。除了豬肺,湯料還有豬喉位及大大塊豬骨,潤肺兼補下鈣。最近一次幫親除了燒鵝,簡簡單單叫了蒸老虎班及炒通菜,炒菜還專登要少油。估唔到甚有家作風味。之前試過佢地陳皮蒸排骨,我覺得風味甚佳。老陳皮香味及新鮮肉排肉味。食菜有時很簡單,只要材料新鮮,唔用味精,就有很好享受。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-03-14
3494 瀏覽
被譽為新填地街市的隱世美食,一直都聽聞白鱔同叉燒都不錯,屬於店裡主打!今晚終於提早訂台前來!8:30晚上準時到達,見到有一兩檯食客,可能已過晚市繁忙時間,餐廳位於街市旁邊,其實並不起眼。訂檯時有預訂到「杏汁豬肺湯」,例牌燒鵝同叉燒,不過可惜最後店員告知叉燒賣哂。坐下不夠便上了燒鵝,不過可惜肉質很韌,不夠Juice,有點失望,例牌百幾蚊,其實不算便宜,唔推薦燒鵝。 之後的杏汁豬肺湯一煲賣$238,其實以此地段同環境,感覺價錢比一般小店都貴。但杏汁湯味好濃,算係不錯。 跟住有脆皮牛腩,呢款比較少向其他店食到!皮身炸得好脆 ,牛腩好腍,食兩件已經飽。個汁似燒汁都幾好食!最後有比較期待既蜜汁燒白鱔!不過可惜第一次上既時候,魚身未完全熟透,食落有D喇喉,好奇怪。最後再煮熟之後就好好多,食到白鱔個皮非常脆有咬口,煙韌,肉質彈牙,值得一試! 最後埋單8xx,真心覺得唔平,每碟都Over$150算貴,覺得試一次就夠。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-02-21
2069 瀏覽
「源興美食」位於車水馬龍的喧嘩街市裡,但進入店後便是另一個世界,店小僅三百多呎,雖在街市環境却明亮潔淨。日間賣碟頭飯,夜晚做私房菜。老闆兼大廚林福源(源哥),先後在清真惠記及海記効力,之後在利苑、陶源、海都等酒家當燒味主管。自立門戶開這小店,除燒味外以一道咖喱羊而聞名,一份$168/例牌,若午市來碟咖喱羊腩飯最經濟,50蚊有交易。源哥非常友善,雖然手中不停接聽來電訂位,但也不忘與我交談,更拿出夜市的私房菜單向我介紹,枱上的芒果布甸是特別為私房菜準備的,平日要預訂才有得食。源哥更提到現址已經營接近三年,待租約期滿可能會考慮搬遷,希望舊雨新知密切留意他的FB夜市的私房菜單 枱上的芒果布甸是特別為私房菜準備的,平日要預訂才有得食 燒鵝沒有厚厚的肥膏,皮脆肉嫩,還有陣陣焦香味,好食! 秘製家傳豬手皮爽脆肉嫩,味度香濃可口膠質重,足見師傅的功夫火侯 咖哩濃稠帶微辣,羊腩烹煮時間控制得宜,肉質仍有嚼勁,吃後齒頰留香 繼續閱讀
(以上食評乃用戶個人意見 , 並不代表OpenRice之觀點。)
等級2 2015-12-06
2454 瀏覽
我係睇完某報章食評後才去試食,知道店小要訂座,仲要事前訂好要食乜。。。。否則,walk in 會令你失望而回 (因為大部份菜餚係要預訂才有得食)。由於店小,我地都有心理準備,5會坐得太鬆動,哈。。。結果我地5位女子就坐張闊少少既2人方枱,仲要其中一邊靠牆泊,即係三邊位坐5人,大家親密d,ok 既~~我地叫咗6餸1湯:1. 叉燒 : 名不虛傳,半肥瘦,真係好好味!2. 燒鵝 : 大家食到讚不絕口,皮脆肉5韌3. 糯米釀雞翼 : 糯米夠稔,我好 like4. 鹵水豬手 : 鹵汁係不錯,可惜鹵得5夠時間,豬手有d硬5. 燒鱔 : 燒到皮好脆,食到有彈牙feel,5似食緊鱔6. 薑汁炒芥蘭 : 炒得夠鑊氣7. 杏汁白肺湯 : 失望。。。味道只得杏味,5夠老火同5入味 繼續閱讀
(以上食評乃用戶個人意見 , 並不代表OpenRice之觀點。)