源成興大排檔美食

營業中

休息中

其實係男友聽日講佢呢度d野份量好多好大．所以就心思思拉我去食 lunch 啦~~事實上又真係冇失望既．我地2個人叫左牛扒炒丁同豬扒炒到每人一杯飲品個炒丁真係好大份!!! d 油仲多到唔駛$咁....極油!!! 不過牛扒豬扒都好難吃...因為完全乾哂的(其賁即係 junk food 啦)飲品亦係極大份量!!! 你見過用肥大啤酒杯既奶茶未?以男友呢d大胃王既身型高度同胃口都要好耐先飲得哂．所以又真係抵飲既環境就係有冷氣既街市~~ 不錯家service就見人見智ar 伯係好快手同好熟咁介紹你呢樣果樣不過個人覺得佢惡左少少呀下...埋單都係每人20元．真係抵到難唔求味道只求飽肚既男人應該最錐意

嘩，唔講你唔知，呢度的凍檸樂，係用大beer 杯，差不多成隻檸檬! 仲比完枝大可樂! 好正呀!呢度d 午餐碟頭飯都好夠鑊氣，幾好味架!三十多元已有大檸樂同飯，都 okay 喎!

我同Alex都好喜歡到這裡食All day breakfast牛奶麥皮+厚多士+飲品都只要 16 大元但都絕不欺場的環境比較差可能放了太多食物了都有1-2隻的蒼蠅在煩擾你進餐大家小心呀

沙爹豬扒炒丁，不是説笑，足足有兩三個麵餅。丁麵炒得夠香夠散，每條都能沾上醬汁。連骨豬扒本身夠大塊，碎上也有六大件，而且醃制入味，鬆軟可口。這一帶食肆，除了卓記以平到笑的價錢作招徠之外（最平為$4），原來士美菲路市政裏面的源成興亦不遑多讓。碟頭飯只賣$20-$22，而且沒有將貨就價，做的都是足料豐厚版本。就這個炒丁，不過是$21。雖然不是列在午餐當中，但加熱飲，亦收午餐價錢：$24，改大杯的話，只需多加一文，$25就能埋單，認真抵食！！另外，每張枱上都有甖蝦子醬，記住要試。雖然跟炒丁不太配，還是試吃了一點。蝦子醬鹹香中帶點辛辣，非常惹味，送湯麵一流！

大學幾年 都好鍾意去呢度食尤其係朝早練完早波 (好似好健康...其實係無咩訓過去打.......)就來離開大學今日特登單拖去食個lunch 懷念一番叫了咖喱豬頸肉炒丁又香又多料 啤酒杯威路士特飲大熱天時o岩哂水準依然極高都係$26!!!咁耐都只係加左1蚊

果日上Openrice search吓有咩食, 見到呢間好多好評. 住係西環幾年都唔知街市有呢間野. 一於去馬. 其實寫呢個食評之前都叫過幾次外賣, 每次都無失望. 今次外賣肉絲炒麵 + 椰汁紅豆冰, 真係大件甲底食, 細食D兩個人都夠食. 肉絲炒麵大大碟唔在講, 椰汁紅豆冰係用平時D外賣湯碗裝既, $27邊度穩. 今次XO醬用外賣三文治袋裝 .. 哈. 唯一既投訴係每次D野都咸左少少, 不過係可以接受既.

2008年6月22日早上7:30 同沙牛男友click 吓 click 吓搵到呢間, 由灣仔去到西環試下佢先. 我地要咗:1) 沙爹牛麵 – 不錯! 水準以上2) 雪菜肉絲米 – 都好好味! 新鮮雪菜, 肉絲都幾多3) 奶油包 – 沙牛男友以為係用豬仔包, 點知=白麵包4) 奶油多 – 多士唔熱, 牛油唔溶, 亦用媽之蓮, 不好味5) 熱奶茶 – 好味! 唔會稀稀, 都算幾濃味6) 凍奶茶 – 好甜! 已經叫咗走甜, 可能姐姐唔記得咗***** 枱上有一樽醬, 叔叔推介我地落, 一打開…好香啊! 鹹蝦味啊! 沙牛男友勁鐘意, 落咗好多, 我覺得齋米+呢個醬係最完美, 但係會唔會比人鬧呢? 一定有下次!

做野做左成個上晝，終於到左開餐時間。食得瑪麗Ｋ１多，今日同同事落西環食，就去我地去開既源成興。呢度出名大碟頭，所以一定食得飽。但係呢到唔單只大碟頭，而且仲好好味！唔好睇呢度大排檔，佢地間唔中都有ｄ新野出，好似今日多左一個菓汁先生雜飲，又大杯又好飲。炒丁夠鑊氣，好好味。佢地有個蝦仔醬，好香口！加埋落炒丁度，簡直一流！

一向覺得街市的熟食中心除左環境差左d特別係夏天無冷氣之外, 有好多好味抵食的食店等待發掘. 在尼頭住左幾年, 卻極少到此覓食, 因為日日都要過海返學, 而且無晚市....因同學推介, 游水後到來, 來到時只有尼檔仲有客人, 叫左干炒牛河+凍華田補充體力即炒等左十幾分鐘先上, 牛河大大碟! 唔算上品, 不過都好吸引, 加上超大杯華田.....飽到上心口之餘仲有剩, 滿足的一餐在街市熟食中心之中環境衛生係中上, 而且無記錯因為室內所以有冷氣, 夏天都唔怕啦專登去就唔哂啦, 不過如果路過此區想食個lunch, high個tea, 此處值得推介

3月15日, 長洲之旅翌日, 抖抖先, 我地瞓醒就去咗街市食茶餐, 食過幾次知道哩度d份量好多, 所以都唔敢叫太多野食~ 另外哩間係咁多間最多人, 如果第一次黎可以試哩間先~::: 炸芝士卷腸仔炒蛋::: $16 (+$4特飲)炸芝士卷好特別~ 係用方包包住d芝士黎炸, 炸到面頭好脆~ 芝士好黏, 咬一啖芝士仲可以拉長添~ 唔錯唔錯~ 炒蛋都幾滑, 不過油多咗d……::: 沙爹牛肉炒公仔麵::: $21咪睇餐牌上冇哩樣就唔叫得, 其實你噏得出, 唔係太離譜都可以自由配搭,佢地都會好好人整俾你. 好似茶餐乜乜麵+乜乜奄列/乜乜炒蛋都得~ 炒公仔麵真係超得, 好大碟, 足有2個公仔麵餅, 炒得好乾爽啖啖都食得出有沙爹味, 配料芽菜, 蔥, 蘿蔔絲份量不多不少~ 牛肉幾淋, 沙爹味十足, 咁抵真係服咗你~::: 特飲荔枝菠蘿冰:::唔好飲~ 以為係菠蘿汁加雪碧好似m記既菠蘿特飲, 原來係荔枝+菠蘿+梳打水, 我地都唔係好鍾意飲梳打水, d味好怪, 又唔甜, 荔枝同菠蘿既味道又滲入唔到d液體到, 特飲可能係特別難飲咁解, 影響咗我地下次再叫新既特飲既信心, 不過個威路士就真係幾好.隔離枱見到

全層共有幾間類似店舖，但試勻之後以此檔最好，無論是食品或服務質素。奶茶夠香濃(週末早上差一啲，因為由老闆娘負責煲及沖…) 黑白淡奶份量落得剛好，勝過不少茶餐廳。早餐雖然只是一般大路配搭，但加些自家炒製的蝦米醬(用個甜柑桔玻璃樽盛載)，吃落格外開胃醒神。值得試還有其豉油王炒麵、厚身麥包多士、大啤酒杯裝的凍飲(加三元)，乜嘢口渴肯定冇哂。留意此店每隔一週逢禮拜三休息，我也試過「摸門釘」…

$10一杯既啤酒杯飲品，最好既就係雙檸蜜，好開心架，有新鮮既檸檬仲有咸檸檬，最正既佢唔係用"鞋"口既檸蜜做底，而係香滑既菜蜜，每一次飲完之後少冰既版本都係D冰岩岩溶曬，我鍾意呀!你叫佢外賣係比個人地外賣粥既碗你載，仲要好小心咁幫你開個口放飲管，十蚊就係咁多。野食都幾好架，我覺得佢好玩既地方就係你見到D咩都可以配，即係我上次叫左個咖哩豬頸肉炒丁，雖然唔好食，不過都幾過癮。真係好食既有滑蛋叉燒河，味道不太濃配埋佢地自制既蝦仔醬就好夾。蝦仔醬有D似XO醬，不過就無咁辣囉。佢既多士都幾好味架，厚厚既。炸燒賣都幾抵食架，不過就最好叫佢比D黑椒汁去配，惹味D好。一女仔唔會食得曨一份所以都係多數3個女仔叫2個再加1份多士或炸燒賣。

星期曰同baba mama去街事食野見到源成興d位坐到滿唒!羊群心理~見到甘多人食~應該實無死!源成興真係抵食來大件~細食D~一個餐可2個share ~ 都已經好飽俾多3蚊~可以轉啤酒杯凍飲!真係抵到爛!嗌左杯凍檸茶~竟然有成個檸檬~簡值無得嘆!!!雖然甘平!但都幾好食!!!食物質素完全係價錢之上!!!!咕嚕肉飯好正!星洲炒米就普通左D~不過都ok既~~雖然好多人~服務質素都okD阿姐幾好人~~好好笑容三個字~平~靚~正難怪甘興旺la ~~

星期日,食咗個沙爹牛肉漢堡飽連一杯熱檸茶,個飽好大件,足料,個汁略欠惹味,牛肉頗新鮮,服務殷勤,下次要試埋其他飯款至得

其實西環街市d野真係好好味。呢間d野，講真好好味就吳算架喇，不過服務真係頂級好。早餐公仔面，都係才記好食得多。不過呢度d野食野飲又平又大碟，勁多料。我自問超大食，都食吳哂佢d野。有時見到熟客又會比多d料你，d套餐吳鐘意是但一樣又可以換，真係好好人。飯、面其實都ｏｋ有餘，推介其他野啦：１．菠蘿橙特飲２．焦ｙｉｍ燒賣